جهازي بليستيشن3 خرب،، وسوني يقولون يفتح الله !! - نادي الهلال السعودي - شبكة الزعيم

سمسم · #1 30/08/2008, 01:55 AM

بصراحة هذا اول موضوع لي في منتدى الألعاب الاكترونية

وللاسف هو لطلب المشورة والفزعة من الاخوان الاعزاء الي اتمنى منهم اعطائي الحلول

قدر الله علي وصار جهاز السوني3 يعلق معي في عز اللعب ، مثلا تلقاك متحمس وتلعب مباراة مثيرة مع أحد الأصدقاء وماتدري الا في الشوط الثاني يعلق الجهاز !! ثم تكرر نفس المحاولة في اليوم الثاني وبرضوا يعلق !!

وللاسف من العجلة رحت به الى أقرب محل للاصلاح اختصارا للوقت لاني اعرف ان الوكالة بيطول عندهم وللاسف تلقف وفكه وهو مايعرف له زين ،، يحسب ان الدعوه تنظيف وبيضبط الوضع ،، وللاسف رجعت نفس المشكلة !!!

ويوم رحت للوكالة قالوا لي الجهاز مفكوك وبنعتبر الضمان لاغي وماراح نصلحه لك !!!!

طيب الضمان لاغي اقبلها نظرا لحماقتي وعدم ا لمجيء لهم مبكرا ،،، ولكن ليه مايصلحونه على حسابي ؟؟؟ يقولون لي مانصلحه لك ولكن ادفع 1600 ريال وناخذ الجهاز منك ونعطيك جديد !!!

اتمنى من الأخوان المشاركة واعطائي حلول ،، والي ماعنده حلول يكفي انه ياخذ درس من سالفتي ولايتلقف مرة ثانية ويوديه لمحل أي كلام

والمشكلة اني وديته لمحل كنت اتعامل معه دائما لاصلاح سوني 2 قالي انه مايعرف لاصلاح سوني 3 لانه صعب !! وجزاه الله خير انه قال مااعرف ،، مو الثاني الي نكبني وقال اعرف ثم ورطني مع الوكالة !!

ABO-SAAD.K.S.A · #2 30/08/2008, 02:03 AM

اكيد جهازك 60 قيقا

طبعا هو مشهور بـ تعليقته يعني احسلك بعه واشتر ابو 80 ولا 40 قيقا

المشاغب 056 · #3 30/08/2008, 03:43 AM

إقتباس

الرسالة الأصلية كتبت بواسطة ABO-SAAD.K.S.A


	اكيد جهازك 60 قيقا طبعا هو مشهور بـ تعليقته يعني احسلك بعه واشتر ابو 80 ولا 40 قيقا

انا عندي 60 غيغا ومايعلق ومن شريته الى الان ماعلق

يسووووووف · #4 30/08/2008, 04:13 AM

..اخوي الله يعينك على هالمشكله .,!! ورده

..{ نصيحه لا تودي الجهاز الا مهندسين مو توديه لهندي مايعرف شي .,!! ورده

^^ البيت الازرق ^^ · #5 30/08/2008, 02:12 PM

مسجل عام 2001
و77 مشاركة
مو معقولة
..................................
وده الوكالة وخلهم يشوفون له حل

موخا الهلالي · #6 30/08/2008, 02:32 PM

حبيبي اشتري هارديسك اكبر من ستين جيجا وركبه على جهازك وباذن الله يشتغل معاك

---------------------------------------------------------------------------------------

.MeZoOo · #7 30/08/2008, 04:00 PM

إقتباس

الرسالة الأصلية كتبت بواسطة ABO-SAAD.K.S.A


	اكيد جهازك 60 قيقا طبعا هو مشهور بـ تعليقته يعني احسلك بعه واشتر ابو 80 ولا 40 قيقا

سلامتك يالغالي

انا عندي جهاز 60 غيغا
والحمدالله الان السنه الثانيه له عندي
وبدون تعليق ومشاكل..

hilal 20 · #8 30/08/2008, 06:10 PM

اخوي الله يعينك على هالمشكله .,!! ورده</B>

..{ نصيحه لا تودي الجهاز الا مهندسين مو توديه لهندي مايعرف شي .,!! ورده</B>

حبي لياسر موعادي · #9 30/08/2008, 09:55 PM

والله ياخووووووي بعه نصيحة واشترلك 80 جيجا احسن لك مايعلق ولا شي....!!

سمسم · #10 31/08/2008, 11:04 PM

اشكر الاخوان على التفاعل

ابشركم لقيت محل في شار الثلاثين العليا بيصلحه لي ب400 ريال !!! يقول إن العدسة (( العين)) يبغالها تغيير !!! وبصراحة ماأدري عن ذمتهم ،، هل هي العدسة ؟؟ والا شيء بسيط وبيغى ياخذ مني المقسوم ..

على العموم مالي إلا أدفع الفلوس واخذه ،،

وودي أسئل الأخوان الي يقولون بعه واشتر 80 جيجا !! لو بعته الان كم يجيب لي ؟؟ ووين أبيعه ؟؟