" كذب المنجمون ولو صدقوا" يعني الخبر حق المشعوذ اللي يبيع مخ الحمار علشان يصير الزوج تحت طوع زوجته كله كذب بكذب ...
= فنصيحة للي متزوجات إذا تبون أزواجكم" يمشون على العقين وما يلخبطهوش " خوذوا نصايح أخوكن موج الخليج=


اولا : إذا اتصل قبل يجي وقال : تبون شي ؟؟ قولوا ما ندري إذا احتجنا شي اتصلنا بك وإذا دخل للبيت تافلن العافية عطوه ورقة مقاضي وقولوا هماك قايل تبون شي ؟؟ وإلا أنت مثل العجوز الفنساء اللي تقول وتنسى خخخخخخخخخخخخخ >
_____________________________
ثانيا : إذا دخل للبيت وقال : مساء الخير قولوا له : عسى ما تكلفت!! لو حنا ربعك كان قلتها قبل تدخل مع الباب;)

_______________________________
ثالثا : إذا صحى من النوم اياي و اياتس تبدين أنتي وتقولين له - صباح الخير - خليه هو اللي يقولتس وإلا بالطقاق اللي يطق رأسه ( علشان ما يتعود كلما صحى يحتري أحد يقول له صباح الخير )
________________________________
رابعا : لا عمرتس تقولين له يا حبيبي .. لان الزوج ما ينعطى وجه ابد - هماه يستكثر على نفسه أو يستحي من قولة يا حبيبتي !! صيري أنتي مثله وإذا كان لابد من تدليعه قولي له يا خي . ;)
___________________________________
خامسا : اياي و اياتس تعلمينه مسبقا إن لتس مشوار أو طلعه خليه لين يلبس ويقعد يتمسس قدام المرايه وإذا خلص قولي له : وين إنشاء الله ؟؟ أنا عندي مشوار أبيك تودين له
____________________________________
سادسا : إذا اخطأ عليتس و زعلتي منه اياي و اياتس ترضين إذا قال لتس كلمتين حلوه وإلا إذا لا قدر الله تبسم بوجهتس - انتبهي - لا ترضين إلا إذا جاب لتس " رضاوه " رشرش مثلا <--- ياقدمه خخخخخخخخخ
____________________________________
سابعاً : إذا راح للشله بالاستراحة يبي يسهر مع ربعه أنتي كل شوي اتصلي به كل خمس دقايق اتصال ودوري لتس عذر مره قولي : وين المجلة اللي جبت اليوم ؟؟ ومره قولي : وش تبي على الغداء باتسر ؟؟ ومره قولي : وش انتم تسوون ؟؟ ومره قولي : اسوي لك عشا وإلا بتتعشا مع ربعك ؟؟ ومره قولي : أوه آسفة كنت ابتصل على أهلي وغلطت بالرقم .. طبعا بتقولين ليش اسوي كذا ؟؟ أنا أقول لتس : لان ألا فندي إذا صار بين ربعه يستحي إن زوجته تتصل عليه لان الربع إذا دروا إن الزوجة اللي تتصل يقعدون يعلقون عليه ويتطنزون به يعني تنكسر شوكته قدامهم
___________________________________
ثامنا : إذا قال لتس يا لله نروح لبيت أهلي اقلبي سنحة وجهتس وقولي له : أنا اليوم تعبانه ومالي خلق رح لهم أنت وسلم لي عليهم
______________________________________
تاسعاً : كل ما جلستوا مع بعض " لو قدر الله يعني " خلي كل سوالفتس مدح بأزواج صديقاتس " ما شاء الله على فلانه زوجها قال لها وين تبيننا نسافر ؟ ما شاء الله على فلانه تقول إن زوجي ما عمره قال لي لا . و إلا فلانه اللي زوجها من البيت للدوام ومن الدوام للبيت !!
________________________________________
عاشرا : احذري ثم احذري ثم احذري تعلمين زوجتس إن موج الخليج الازرق هو اللي علمتس هالنصايح <--
يمدحون النحشه خخخخخخخخخخخخخخخخخخخخخ

الغالي موج الخليج ياليت تشيك بريدك بالمنتدى !!!