|
ادري مش مكـــانه الموضوع .. بس ابغى افضفض لكم ؟؟ السلام عليكم ورحمة الله وبركاته اول شي وقبل كل شي اقـــسم بالله العلي العظيم اني هلالي واني احب الهلال حب غير طبيعي بس عندي عدة نقاط لازم اقولها لكم وللاسف لو قلتها في قسم المنتخب السعودي ماراح القى ردود واجوبه تقـــنعني مثل ما ألقاها هنا ... موضوعي هو اللاعبين اللي في المنتخب .. سمعنا قبل شوي انه تم استبعاد عبدالعزيز الدوسري من قائمة المنتخب ... وتم استدعاء البحـري والشهراني .. وتم استبعاد ايضا مجموعة من اللاعبين من المنتخب .. انا اشوف من وجهة نظري انه مش وقت عبدالعزيز للمنتخب تدرون ليش وبدون زعل ؟؟ عزوز لاعب صغير مرة في السن ويمكن دخوله للمنتخب تخليه شوي يغــتر بمستواه ويبدأ يوقف عن الابداع بسبب ضمان مكانه في المنتخب ؟؟ والسبب الثاني والاهم انه هذي السنه اكثر اللاعبين الاساسيين اللي في النادي راح يكونون ان شاء الله مع المنتخب في التصفيات .. عشان كذا يرجع للنادي عبدالعزيز عشان يعزز من قوة الفريق ويعوض غياب الدوليين ... الموضوع الثاني اللي هو استدعاء لاعبي النصر البحري والشهراني : انا اشوف ان البحري افضل ظهير في السعودية ( حاليا ) والله بدون مجاملات لانه ماشاء الله اذا تقدم يلعب صح واذا دافع برضو يدافع صح ... أما استبعاد ناصر الشمراني واستدعاء محمد الشهراني ؟؟؟؟؟ هذي عليها مليون استفهام واترك التعليق على هذي النقطه لكم ... الموضوع الثالث واللي خلاني اكتب الموضوع في هذا القسم ... ليش ماتم استدعاء محمد نور في معسكر تشيك او في مباراة ايران ؟؟؟؟ يعنـــي حسين عبدالغني افضل من محمد نور حاليا ً ؟؟؟ والله ما اظن الشي هذا ولا يدخل الراس ؟؟؟ والله لازم نور يكون مع المنتخب وجاء الوقت اللي يكون فيه موجود هذا اللاعب لكــــن ما اقول الا حسبي الله على اللي كان السبب في استبعاده ؟؟ والله انه لاعب غير طبيعي واذا على العصبية والاستفزاز فأظن ان طبعه كذا ؟؟؟ ما يقدر يغيره ؟؟ وحسين عبدالغني عصبيته اكثر من نور ومع ذلك تم استدعائه ؟؟؟ وفي النهاية احب اقول شي ترونا اخوان في الدين قبل لا نصير ( اعداء ) في الملعب .. واتمنى انكم ماتـــشــككـون في هلاليتــي محبكم <<<<<<<<< بلنتي ياحكم:smilie47::smilie47::smilie47: |
انا معاك في بعض النقاط بأستثناء : يفترض من المنتخب عدم التعجل في ضم الدوسري من الاساس لوجود الشلهوب والقحطاني الشهراني ضموة للمنتخب لانه سجل كم هدف ومجامله للوليد وشلته نور هو الذي ابعد نفسه من المنتخب بسبب كثرة مشاكله مع اللاعبين وتفرقتهم وهو الذي ضرب سامي الجابر وغيرة كثير هو والمنتشري مسوين احزاب ماصفوا النيه عموما مشكور لطرحك المميز والاختلاف للآراء لايفسد للود قضية تحياتي... وداعا كوزمين |
يعطيك العافيه والله يوفقك بس اشوف انه محمد نور لاعب والله عقل ماصار مثل ماكان في 2002 واعتقد انه الحين لاعب اذا قاد اي فريق راح يكون الفريق في قمة الحماس فما بالك اذا كان واحد من 11 لاعب يشكلون قوة غير طبيعية مع المنتخب تشكر ع مرورك والله يوفقك |
والله انا معك احس عبد العزيز لسا صغير على المنتخب .. بس من البدايه ليش ياخذونه ؟؟ وحمد الله رجعلنا وافتك من منتخب الفشل |
مايحدث حالياً هو نتيجه طبيعيه للتخطيط السيء فمن الأساس لم يكن إختيار الجوهر عقلانياً ولامدروساً مدرب فاشل بكل ماتعنيه الكلمه لامؤهلاته ولاأسلوبه أو حتى شخصيته تؤهله لقيادة المنتخب مع إحترامي لإتحادنا الموقر ولكنه مايحدث هو إمتداد طبيعي للخطط الفاشله والعقيمه منذ كأس العالم 98 تحياتي |
إقتباس:
والله اني معاك في هذي النقطة والله ان انجووووووس مدرب خبير بمعنى الكلمه ويوم وصلنا نهائي اسيا طيروه للسما ووقت ماطلع ياسر من مباراة اوزبكستان وانهزمنا 3 صفر بسبب اللاعبين ونفسيتهم بسبب خروج ياسر <<< لزقوها في المدرب واتهموه وهو مسكين مقهور ع الدكــــة ؟؟؟ والله قهر المشكله يعني الرياضيين في المملكة والله كثير مافيه واحد عقليته احترافيه بمعنى الكلمة ياليت ياخذون كورس من مانشستر ... مــــدرب يدرب الفريق قبل لا يولدون اللاعبين الحاليين مع الفريق والله قمة الاحتراف يسلموووووووووو ع المرور |
والله اني انتظر ردودكم ؟؟؟؟؟ مان نايم الين اشوف رد احس انه اقنعني @!@! |
اللاعب عبدالعزيز الدوسري من الافضل ان يتم استبعاده من المنتخب لانه لن يتمكن من اللعب وسيفقد فرصة اللعب مع الزعيم يعني لاهنا ولا هنا . الافضل يرجع للزعيم لكي لاينقطع عن اللعب ويفقد مستواه . |
انا معك في كل نقطة ذكرتها ما عدا نقطة ضم البحري نسيت مباراة السعودية وليبيا في البطولة العربية بعدين في اظهره افضل منه مثل شهيل وكامل المر هاذي وجهة نظري والإختلاف في الرأي لا يفسد للود قضية :) |
البطوله العربية تسمـــيها ( بطوله ) ؟؟؟؟ والله انها قمة الفشل ؟ ما لاحظت البحري في كاس اسيا ؟ مالاحظت البحري مع النصر ؟ ياخي والله كابتن بمعنى الكلمة اشكرك ع مرورك والله يوفقك وين ما كنت |
| الوقت المعتمد في المنتدى بتوقيت جرينتش +3.
الوقت الان » 12:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd