ــ تأكد وبشكل رسمي غياب مالك معاذ عن مباراة إيران من ترشح أن يلعب بجانب ياسر ( ناصر الشمراني .. سعد الحارثي .. فيصل السلطان ) ,,, السلام عليكم .. للأسف الشديد تأكد وبشكل رسمي غياب المهاجم الفذ مالك معاذ عن لقاء المنتخب الإيراني .. ( والله قهر ودنا هو وياسر يفتحون شوارع بدفاع إيران لكن قدر الله وما شاء فعل ) .. والدليل على كلامي مداخلة المدرب ناصر الجوهر في برنامج كل الرياضة حيث قال أن مالك لم يشارك في أي مناورة مع اللاعبين بسبب الاصابة .. ولم يلعب في مباراة البارغواي ونادي سمبدوريا .. وأيضا ليس جاهزا لودية قطر .. في حال غياب مالك من ترشح أن يلعب مهاجم ثاني بجانب الكابتن ياسر .. - ناصر الشمراني .. - سعد الحارثي .. - فيصل السلطان .. .. عن نفسي أرشح اللاعب الشاب فيصل السلطان .. صراحة لاعب يحرثلك الملعب حرث ويكفي هدفه على منتخب البارغواي .. وما أنسى مباراة الهلال والشباب عندما دخل الشوط الثاني جاب للشباب ضربتين جزاء وكرة بالعارضة .. وبصراحة في هذه الفترة مستوى اللاعب فيصل أفضل بكثير من الشمراني والحارثي .. س - عن نفسك إذا غاب مالك من ترشح أن يلعب بجوار ياسر في مباراة ايران ..؟ |
أنت تبي الصدق من حيث الخبره سعد الحارثي ومن حيث التكتيك والهجمات المرتده الشمراني ناصر ومن حيث السلطان فيصل أرى أنه يكون بديل أفضل لانه لسى صغير وماعنده خبره والمباراه حساسه وشوف رغم عدم قناعتي بالحارثي إلى أني ارى أنه الأجدر |
والله اعتقد ان الانسب سعد الحارثي لخبرته....... الشمراني ممتاز لكن مافيه خبره ولاتنسى الدفاع الايراني...صعب شوي السلطان اعتقد البديل المناسب لانه صغير بالسن وراح يكون مفعم بالحيويه |
1- سعد الحارثي 2- ناصر الشمراني 3- فيصل السلطان |
سعد الحارثي مع ياسر القحطاني < قوه ضاربه و نشوف بينهم تفاهم غير طبيعي جدا ً .. تفاهم كبير مره وكأنهم يلعبون في فريق واحـد ماشاء الله تبارك الله أرشح سعد الحارثي و ياسر القحطاني بششششششششرط .. أن يلعب عبده عطيف و الشلهوب واحد يمين واحد يسار خلفهم عشان مايرجع سعد الحارثي يستلم كوره و يكون ياسر بين كماشة الدفاع او العكس يرجع ياسر يستلم وسعد يكون متضايق ,, أتمنى يلعبون سعد و ياسر في المقدمه و مثل ماقلت دون أن يعودون للإستلام بالخلف ونعتمد على البينيات من الشلهوب و عطيف ياسر + سعد يعطيك العافيه اخوي عّ الموضوع |
انا عن نفسي ارشح ناصر الشمراني سعد مستواه نازل ومااعتقد يسوي شيء قدام المنتخب الايراني |
ســعد الحارثي الافضل مع القناص بعد مالـــك وبالتوفيق لمنتخبنا |
- ناصر الشمراني .. وبدون تفكير حرام اصلا تقارن لحارثي والسلطان بالشمراني لانه مهاري وسريع وهداف |
آه يامالك إن شاء الله على الأقل يكون ورقة رابحة بالمباراة وأشوف أحسن إنه يلعب الحااااااااااااارثي |
يااااااااااااسر -- سعد .................................................. |
ياسر - ناصر الشمراني اقول خط هجومي من سعد وسلطان |
مشكورين على المرور والترشيح .. حتى الان .. سعد الحارثي ( 6 ) أصوات .. ناصر الشمراني ( 3 ) أصوات .. فيصل السلطان صوت ( 1 ) الأكثرية رشح سعد وياسر في حال غياب مالك .. بالتوفيق لجميع لاعبي المنتخب في الاستحقاقات القادمة ,,,, |
إقتباس:
مشكور أخوي هلالي الى الأبد على المرور .. وبالنسبة لدفاع إيران مهب الي أنت خابر بكأس آسيا .. المباراة ما قبل الاخيرة لايران كانت مع الامارات في ايران في التصفيات .. والله ان اسماعيل مطر فتحبهم شوااارع امام جمهورهم .. |
والله لززم الشمرراني والحاارثي داايم ثقيل وتحس مايبي يلعب شووف الشمرراني لاعب سرريع وهدااف 1_ نااااااااصر الشمرراني 2_ فيصل السلطاااان 3_ سعد الحارثي |
انا برأيي فيصل السطلطان لأنه في الفترهذي هو افضل من سعد وناصر وسعد يطب اذا مرت ربع ساعه في الشوط الثاني كذا ازين |
الوقت المعتمد في المنتدى بتوقيت جرينتش +3.
الوقت الان » 02:39 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd