ويـــن يـــانــواف ( قصيدة ) إهداء للنجم / نواف التمياط ... - نادي الهلال السعودي - شبكة الزعيم

Carlitos 32 · #1 28/08/2008, 12:08 PM

السلام عليكم ورحمة الله وبركاته ...

صحيح أنني ممن طالبوا بإعتزال النجم نواف التمياط

ولكن صدقوني لم أتخيل هذه اللحظة أبداً ,,
ولم أتخيل أن أرى هذا النجم يودع الملاعب

أترك الحرف يعبّر لكم عما في داخلي .. :

وين يانواف لا لا لاتروح ؟؟
ياوريث الطيب من خالن وعم ..

في غيابك تنهدم شم الصروح
وفي حضورك تنشحذ كل الهمم ..

إنت روح الفن يارمز الوضوح
وإنت روح الطيب يارمز الكرم ..

ذكرك يمر الشغايا والسفوح
ما أكذب إن نصبتك براس الهرم ..

في نهار الحسم ماظنك شحوح
تنصر النادي وتلعب للـ علم ..

أشهد إنك باللقاء عسر ولحوح
وأشهد إنك بالملمات الملم ..

يارفيع الشان يالوجه السموح
ياللعيب اللي مع ربوعه شهم ..

إنت روح وكيف نحيا دون روح
وإنت كابتنا وموزون الكلم ..

ذكرك بجدة وفي حايل يفوح
يابننا فرقاك أوجاع و ندم ..

الملاعب من خبر بعدك تنوح
ماحدن بفراقك الموجع سلم ..

وين يانواف تكفى لا تروح
تترك الجمهور في ضيق وألم ..

أخوكم الشاعر / عمر الأسمر

أو كما أنا معكم أبــو فــراس الهلالي ...

تحياتي

يا(20)سر · #2 28/08/2008, 12:10 PM

آآخ يانواف ,,

يـعطيك العافيه .. ويستاهـل الكبتن نواف .. ورده

sam9sam9 · #3 28/08/2008, 12:20 PM

تطالب بالاعتزل وتسوي قصيده ليه بترده القصيد شتنفع

على العموم صح السانك

تحياتي

الـقـحـطـانـيـ · #4 28/08/2008, 12:44 PM

صـــــــــح لــــــــــــساانكـ ..

آآآخ يـــــانواف ..

" الأناكوندا " · #5 28/08/2008, 01:03 PM

إقتباس

الرسالة الأصلية كتبت بواسطة ابوفراس الهلالي


	السلام عليكم ورحمة الله وبركاته ... صحيح أنني ممن طالبوا بإعتزال النجم نواف التمياط ولكن صدقوني لم أتخيل هذه اللحظة أبداً ,, ولم أتخيل أن أرى هذا النجم يودع الملاعب تحياتي

والله غريبين .. وتقصد بعد

... وش راريك نطالب التايب بالاعتزال علشان تقصد قصيده ثانيه؟؟

العبس 2011 · #6 28/08/2008, 01:47 PM

يعطيك العافية
والله خساره للكرة السعودية والعربية والأسيوية
والله لما سمعت الخبر بكيت والله يصبرنا
مارايح يتعوض الفتى الذهبي وستطل في قلوبنا
ودااااااااااااااااااااااااااااااااااااااااااااعا

$$الزعيم الهلالي20$$ · #7 28/08/2008, 02:31 PM

ليش اصلا تفكر فيها حرام

والله ودعناك وانشاء الله بعد مع سامي

إداري انشاء الله

ولاتقطع املنا فيك

Carlitos 32 · #8 28/08/2008, 03:18 PM

إقتباس

الرسالة الأصلية كتبت بواسطة " الأناكوندا "


	والله غريبين .. وتقصد بعد ... وش راريك نطالب التايب بالاعتزال علشان تقصد قصيده ثانيه؟؟

ياخي اذا مو عاجبك الموضوع لاترد من الأساس

أنا بينت وجهة نظري ولازلت ضد إستمرار نواف لأني أشوف نواف أعطى كل ماعنده ..

لكن كرد للوفاء كتبت القصيدة

وش رأيك تحذف الموضوع

والله بعض الأعضاء مايعجبهم العجب

إقتباس

الرسالة الأصلية كتبت بواسطة sam9sam9


	تطالب بالاعتزل وتسوي قصيده ليه بترده القصيد شتنفع على العموم صح السانك تحياتي

أعتقد بينت وجهة نظري ومن حقي أبينها

وإذا كان ودي بإعتزال نواف فهالشي لأني شفت نواف قدم كل ماعنده

والقصيدة وفاء لنواف ...

ماعرفنا لكم والله

B e C k S · #9 28/08/2008, 03:26 PM

عمر ..

صح لسانك ..

ماشاءالله عليك ..

نوااااف الكل ماتوقع اعتزاله كذا فجأه ..

لكن لكل واحد ظروفه ..

ويآعمر لاتشيل خاطرك على بعض الردود .. لأن الأطفال واجدين هالأيام ..

تحيآتي يآصديقي المانشستراوي ..

أصغر زعيم · #10 28/08/2008, 03:31 PM

وين يانواف تكفى لا تروح
تترك الجمهور في ضيق وألم ..

أخو الحاني · #11 28/08/2008, 03:34 PM

أرتـــــــــــــــحــــــــــــــــــت يعني دحين ؟
طيب أفرح دحين أعتزل
أخوكم :
كركر بن عدوان

B e C k S · #12 28/08/2008, 03:41 PM

^^^

ايه ارتاح ..

هذا جزاه يمدح الرجال ..

صدق ناس مافيه فكر ..

أنا شفت اسمك وعرفت وش انت ..

مجنون نووواف · #13 28/08/2008, 04:26 PM

اعتزل نواف الملاعب لاكن لم يعتزل قلوبنا
....................................................

مجنون أبونايف18 · #14 28/08/2008, 04:28 PM

خبـروهـ أني على وصلـه حيـــت ...!.... وان تفارقنا ترى موتـي دنـا

~SaKaB · #15 28/08/2008, 04:47 PM

إقتباس


	الملاعب من خبر بعدك تنوح ماحدن بفراقك الموجع سلم .. وين يانواف تكفى لا تروح تترك الجمهور في ضيق وألم ..

صح لسان قايلها !!

................................