غصة اعتزالك لم تشابه عبقرياً رحل ولا ذئباً ودع !! - نادي الهلال السعودي - شبكة الزعيم

ثامرادي · #1 28/08/2008, 05:19 AM

السلام عليكم ورحمة الله وبركاته

القسم يغص بالمواضيع التي تتحدث عن اعتزال الفتى الذهبي

مابين مؤيد وما بين حزين وما بين منتقد وما بين مهاجم !!

تزعجني هذه الظاهره كثيراً ..((كثرة المواضيع بعد طرح اي خبر مهم )) ..

منذ وصول الرسالة (مرتين) بدل المره وكأني بموبايلي الهلال تريد أن تزيد الغصه في قلوبنا !!

لم أكن مصدق .. خبر لا ع البال ولا ع الخاطر مثل ما يقولون !!

حينما أخبرت بعض الاصدقاء ضحكوا علي ساخرين .. ولم يصدقوا الخبر ..

لكن احسست بالغصه والالم حينما دخلت المنتدى .. وأيقنت أنها حقيقه ..

لا أنكر أن اعتزال يوسف كان من اسوء الاخبار

واعتزال سامي كان كارثه حينها .. ولكن بنفس الوقت اعتزلوا بعد ما قدموا كل شي !

اعتزلوا ...لكن اعتزال نواف غير ..

نحب نواف

.. وقسوتكم عليه حسستنا بالقهر اكثر

لما اسمع احد يقول المفروض يضمون نور والدعيع للمنتخب

اسمع صوت في داخلي يقول و (نواااااااااااف) .. بس ما اقدر اطلعه !!

لأن فعلاً نواف ما هو نواف ..

ولكن هل نواف اخذ فرصته الكافيه ؟؟

نواف الموسم الماضي قدم شي وان كان بسيط

هالموسم كان له حضور جيد .. وكنت انتظر بداية الموسم عشان نشوف نواف كيف يتأقلم ويلعب ويبدع من جديد

دام معاه كوكبه نجوم بالمنتصف يساندهم ويساندونه

نواف يلعب مباريات قليلة في الموسم رغم كذا الهجوم عليه ما يتوقف

نواف لاعب مهم في خارطة الهلال في الفتره القادمه

السبب أن لاعبي الشباب كثر الأن محتاجين (قدوه) لهم .. محتاجين لاعب خبره يستفيدون منه

نواف وجوده بين اللاعبين كان مهم

انتقادكم (الجارح) لنواف .. هو اللي ترك في قلوبنا غصه ..

ليه يرحل نجم بقامة نواف بهالطريقه (المهينة)؟؟

ليه يرحل من نحبه بسبب .................... لا يراعوا مشاعر احد ولا يحترمون انفسهم !!

مدري فعلاً وش جابني هنا .. ومدري وش كنت اكتب .. بس غصبٍ عنا نتكلم

و(نسولف) عن نواف !!

لأن رحيله بهالصوره ماهو شي سهل ... ولا يمر مرور كرام

للحين اتذكر غصتي باعتزال التيماوي ..

لكن جت الطامه الكبرى في نواف !!

حسبي الله ونعم الوكيل

~+~ مجازف ~+~ · #2 28/08/2008, 05:38 AM

صدقت بكل كلمة ..

حسبي الله ونعم الوكيل .. لو أني أشوف إن نواف الرابح والهلال الخاسر الأكبر ..

ثامرادي · #3 28/08/2008, 05:41 AM

يا هلا فيك اخوي

نواف رابح انا معاك .. بيرتاح من الهم والتعب

الرجال يجتهد ويتعب ويتحامل على عمره والغير .........

لكن مانبالغ ونقول الهلال بيخسر !!

مهبول لأسباب أمنيه · #4 28/08/2008, 05:52 AM

نواف تكفى لا تسويها
نواف والله نحبك ونموت عليك ومانرضى بغيرك أحد
نواف والله محتاجين نفرح لاتضيق صدورنا

متيــم الهـــلال · #5 28/08/2008, 05:54 AM

خلااااااااااااااااااااااااااااااااااااااص
نواف رحل
واللي يبيه منكم
دعوووووووووووووووه بظهر الغيب

توتـtotiـي · #6 28/08/2008, 05:54 AM

صدقت بكل كلمة ..

حسبي الله ونعم الوكيل .. لو أني أشوف إن نواف الرابح والهلال الخاسر الأكبر ..

al7alal · #7 28/08/2008, 05:59 AM

مثل الحلم الا قول مثل الكابوس

خسرنا نواف خسرنا الفتيى الذهبي

خسرنا لاعب يعد من النوادر في كرة القدم

زعـيـم اسـيـأ · #8 28/08/2008, 06:07 AM

إقتباس


	مثل الحلم الا قول مثل الكابوس خسرنا نواف خسرنا الفتيى الذهبي خسرنا لاعب يعد من النوادر في كرة القدم

ارجوووك ارجع عن القرار
,,,,,,,,,,,,,,,,,,,,,,,,

ثامرادي · #9 28/08/2008, 06:32 AM

صادق ياخوي محتاج الدعاء

ويستحق الشكر

ولكم الشكر على هالحضور

واتمنى ما نمسي الا بخبر عودته !