استفسار بسيط عن الحصول على ورقة قبول بإحدى جامعات مدينة فانكوفر ،، ضروري تكفون - نادي الهلال السعودي - شبكة الزعيم

زعيم اندية اسيا · #1 31/03/2008, 04:32 AM

السلام عليكم ورحمة الله وبركاته

اهلين وسهلين بالغالين ..

انا حالياً ادرس لغة بـكندا ( فانكوفر )ومالي الا شهر هنا ،، المهم انا جاي على حساب الوالد وابي احول سفرتي هذي على حساب الحكومة ،، وكلمت واحد وقالي عشان تحول دراستك لـبعثة على حساب الحكومة لازم تجيب ورقة قبول من احدى الجامعات اللي عندك ..

سؤالي : هل بـإستطاعتي اني أجيب ورقة قبول من أي جامعة بـفانكوفر حتى وانا ما معي شهادة التوفل ؟؟
لأني ادرس بـمعهد لغة و مستواي أقل من متوسط بالإنجليزي وبدري علي أجيب شهادة التوفل حالياً ،، فـهل بإستطاعتي اخذ ورقة القبول من الجامعة او لا ؟؟؟

واذا عطوني الجامعة ورقة القبول ،، كم تاخذ عملية تحويل سفري لـبعثة على حساب الحكومة وقت ؟؟

وجزاكم الله خير

almobde3 · #2 31/03/2008, 05:22 AM

مــرحبا اخوي ... بالنسبه لقبولك في بعثه خادم الحرمين الشرفين على حسب ماسمعت من الملحق الثقافي في امريكا . انه عليك اولاً دخول الجامعه ودراسة على الاقل 30 ساعه بالجامعه ثم يقررون هم إذا تستاهل البعثه اولا .. هذي شغله جداً مهمه

بالنسبه انك تاخذ قبول بدون توفل بإستطاعتك الحصول على ذالك ولكن في امريكا ماعندي خبره عن كندا...

في امريكا بإستطاعتك الحصول على قبول مشروط .. بمعنى انك تدخل الجامعه كطلاب جامعي في القسم اللذي تريد انت مثلاً علوم حاسب او هندسه كهربائيه او .... وتدخل المعهد اللغه اللي في الجامعه وهم يقبلونك عندهم لما تخلص المستويات اللتي عليك في المعهد .. وغالباً تكون اسهل لطالب من اختبار التوفل ...

اتمنى أني ساعدتك شوي بخصوص هذا الموضوع وإن شاء الله شباب كندا يعطوك خبر اكثر مني

والله يوفقك

hmadh al-hilaly · #3 31/03/2008, 11:33 AM

هلا والله ومسهلا ..

واخيرا في احد معي في فانكوفر

اولا .. اخي الكريم بالنسبة لجامعات فانكوفر اللي اعرفه انا انك لازم تكون اما معدي التوفل
او اختبار اسمه الايلز على ما اظن عشان تدخل بعض الجامعات .. وفيه بعض الجامعات
تقدر تدخل عن طريق انهاء دراسة اللغه بمعهد تكون الجامعة مرتبطه معه .. مثل معهد ELI
في جامعةUBC ..
ثاني شيء .. فيه طريقة ثانيه انك تدخل الجامعة ..اللي هي عن طريق بعض الكليات اللي يختبرون
انجليزيتك في البداية بعدين يعطونك كم كورسات في اللغة الى ان تكون جاهز للدراسه بعدين تنزل
بعض المواد مثل الماث والفيزيك بحيث انك تخلص البرنامج اللي انت اخترته ..
وغالبا البرامج ماتزيد عن سنتين .. بعدين تحول الى الجامعه اللي تبيها
لكن بشرط ان الجامعه اللي بتحول لها لازم تقبل الساعات اللي اخذتها بالكلية ..
وهذي اسامي لبعض الكليات المشهوره في فانكوفر ..
Capilano College
http://www.capcollege.bc.ca/
Langara College
http://www.langara.bc.ca/
اما بخصوص الملحقيه وامور التسجيل في البعثه بامكانك انك تخاطب النادي السعودي الموجود في
منطقة ريتشموند وان شاءالله الموجودين هناك راح يفيدونك اكثر مني ..
هذا موقع النادي السعودي في فانكوفر
http://saudihouse.org
اتمنى ان المعلومات اللي ذكرتها مفيده لك ..
واهلا بك في مدينة من اجمل مدن العالم <<< مسكين اللي موعايش بفانكوفر

تقبل مروري ..

زعيم اندية اسيا · #4 07/04/2008, 09:03 AM

الله يجزاكم خير اخواني عـالرد والتوضيح
وانا حالياً احاول اني اجيبي هذا القبول ،، وان شاء الله تتسهل

يعطيكم ألف عافية

fayez moha · #5 11/04/2008, 05:54 AM

والله ما عندي علم بس ان شاء الله الاخوان يفيدونكـ

بالتوفيق يالغالي....

___________________________________

عاشق ابو متعب · #6 26/08/2008, 07:49 PM

انا راح اجيب لك ورقه قبوول يالغالي

لكن اتمنى انك تراسلني على

[email protected]

ومالك الا طيبه الخاطر