والله يامحـمد ساكتين لأني من يوم اني صغير واجي مع الوالـد وانا اشوفه عند البوابه
بس الحق يقال انه انسان سليط يمنع الجميع واحتمال في يوم تشوفه واقف قدام لاعب
وعلى فكره يطلع مع الاعبين حتى في البـاص ويحشر العالم
ياشبـاب أنا اشوف انه يتوجهه من رئيس النادي شخصيـا ولا اضمن انه راح يعتدل

عادي ينطرد حارس امن لاراح ولا جاء

قله الحيا مالها داعي

النظام نظام لكن لما يطبقه جاهل


يصير فوضى

اكون معك صاق يا اخوي محمد الهلالي انا لاعرف هذا الشخص
ولكن اذا كان يسرب اخبار واسرار النادي فهذا كلام خطير ولازم يعاقب عليه ((مرجان))
ويسب ويشتم فهذي مصيبه كبرى ولازم يوقف عند حده
اخوي محمد الهلالي انا اثق بك ومن اشد المعجبين بك شخصيا وشخص غيور على النادي والدليل شريطك الي كشف حقائق غائبه
الف شكر لك يا محمد

يا رجل ، اليوم طردني من ساحة خروج اللاعبين ( مواقف سيارات اللاعبين )
وسبق تلفظ علي بألفاظ قبيحة لما كان الفريق يتمرن بنادي الرياض
وصديقه الثاني ردني من الدخول للتصوير بالفيديو ( طبعا بنية تصوير فيديو من كاميرتين ) وللكن للأسف رجل الأمن الآخر حرمنا منها بحجة النظام !!
بالله وش تبي بعد

كل الصحفيين والإعلاميين ( والزوار المحترمين ) يعانون منه
والمصيبة سكوت الإدارة ، هذا شخص قاعد يشوه اسم النادي ،،، لدرجة انه حتى الأمن الذين يعلمون معه يشتكون منه

أبي افهم ،، الإدارة راضية باللي يصير ،، واخص بالذكر ( أحمد الخميس ) اللي يوميا توصله شكاوي على مرجان

مشكور اخوي محمد على الطرح الرائع

لكن

انا لي فترة ما راحت النادي والحمد لله ماعمري لقيت هالشخص ولا اعرفة ممكن اكون قابلتة لكن ماعمري دخلت النادي واحد تلفظ على

سوال : هو عند البوابة الخارجية ؟

بعدين من كلامكم يمكن هالشخص عنده حالة نفسية ياشباب

بعدين وش كل هالخوف الي مالي ظهوركم الحين لو سب مرجان روح الادارة وكلمهم مع اني عارف ان الادارة ماراح تقول شي

اما عاد يضرب ويسب وش هالترهيب

ياخوي خذلك عجراء ولمخ مرجان حتى ينسدح <<< والله العظيم انا مقهور هنا

الي فهمتة من كلامكم انة جسم وبنيتة قوية

والله بجد واحد ماقلت لة شي ولا كلمتة يضرب ويسب والله لو مايبقى فيني عظم اني اسبب شوشرة بالنادي

ياحبيبي اهم شي الكرامة

الحل انا اقولة لكم :

الادارة ماراح تغير مرجان حتى لو نشتكي

لكن وش رايكم نتجمع عند النادي وندخل كلنا مع البوابة واذا فتح فمة مرجان نمسح فية الرصيف المغبر الي بالنادي نوصلة حتى صرفات الرجحي ونردة

أتمنى أن يصل الوضوع للأمير عبدالرحمن بن مساعد ..

مومعقوله يأتي الجمهور لتشجيع الفريق ودعمه ويلقى الشتم والسب ..

تسلم يمناك يامحمد ..

على ما أعتقد محمد مرجااان
هو شخص ضخم الجسم أسود اللون دائماً مايرافق اللاعبين
للملاعب ويكون في مقدمة الباص
ويهوش اللي يقرب للاعبين
وإذا نزلوا اللاعبين يطقطقهم على ظهورهم
محمد مرجان تفداك ألف مرجانه يامنسم
بس القوم قامو عليك وياويلك من الموج
الموج جايك

انا اذكر يوم فاز الهلال بالدوري

رحت للنادي وشفت واحد بجيح يهاوش

عمره في الاربعينات


ياليت يصرفونه بس وان كان راس ماله هالوظيفه

ياليت ينبه ولا يوجه

...............................................
لاتعليق
...............................................

إقتباس الرسالة الأصلية كتبت بواسطة هوس المدرجات - H50 اولاً يشرفني اني اكون اول من يرد عليك .. احمد مرجان بصراحة وبأمانه لاأعرفه ولست قريبا من احياء النادي ولاأملك المواصلات اللتي تخولني القدوم إليه دائماً ولكن !! الكثير من الإخوة اللذين اعرفهم متواجدين في النادي لحضور التمارين دائماً وغالباً مايشتكون منه بل يصل الأمر إلى أنهم ( يدعون عليه ) .. !! نتمنى عدم قطع رزق احـد .. نتمنى ان يتم التفاهم مع احمد مرجان بان يحتل اي عمل آخر في النادي غير (البوابة) هناك الكثير من الجماهير يتعنون لزيارة النادي من الصغار والكبار بل بعضهم يقدم من خارج الرياض . انت بالتأكيد اقربنا الى النادي .. ولاحد يشكك في عشقك للكيان .. نتمنى ان تصل الرسالة ..

اوافق راي اخوي (هوس المدراجات _50) وهذا بالنسبه لي هو افضل حل وشكرا

والله انا أول مره اسمع به رغم كثرة حضوري للنادي

لكن اذا لهالدرجه متضررين منه

لازم يقلعونه باسرع وقت