#1  
قديم 25/08/2008, 12:40 PM
زعيــم متواصــل
تاريخ التسجيل: 10/02/2008
مشاركات: 60
Thumbs up الزعيم مرتاح ولو كثروا حــســـآده . . . !

السلام عليكم ورحمة الله وبركاته

قـرب هلال رمضان وقرب هـلآلنا

اللهم أعنا على صيامه وقيامه
"
واللهم وفق هلالنا

"
حبآيبي عشاق الزعيم جاء في بآلي
إني اسير على المندسين في موسمنا الجاي << يبي يسبقهم
لأن صار لهم هرجه وفيه اعضاء يتجاوبون معهم
لدرجة صفحات الموضوع تطول والمشكله :
فيه اعضاء يقولون إنه مندس بس الغير يتجاوب معه
مع إن الموضوع واضح انه مندس لأنه ياتجريح
في لاعب او المدرب او بالاداره

والخ
... . . . . .. . !

بس سبحآن الله في توقف الكره توقفوا عن الكتابه الحاقده

(( يـآخذون إجــآزه ياويلي تعبوا بإظهار الحق ))
والله يابهم صتامه بعد << اممممم صتامه يعني خفة عقل شئ زي كذا

وفي بدآية الموسم يبدأ شغلهم وحركاتهم

طبعا راح يكون فيه تغيير بالموسم الجديد
مثلا : سامي صار مشرف مب لاعب
ويجيك صتيمة ناديه
ويبدأ بنقد سامي اذا صارت إشاعه بينه وبين اي شخص بالنادي
ويلا خذ من هرجهم
سآمي صار مشرف مايدري إن الهلال طلعه
وسآمي مايدري إنه كان لاعب زي اي لاعب بالنادي
وسامي مايقوم بواجبته بالنادي
وسامي وسامي وسامي ..!

معذبهم يالذيب

هم منقهرين لان ما عندهم مشرف زي العالم والناس
ويحترون اي شئ عشان ينشرونه بالمنتدى وتصير اي مشكله

. . . . . . .. . . . . . .. .

وخلونا نختاربعد الدعيع : ياشييخ شيب وراه مايعتزل بس
والله يازعماء خلاص الدعيع اخذ كفايته باللعب
وما عاد الدعيع اللي نعرفه لازم يعتزل ويعطي فرصه لغيره

والله الدعيع ماقصر بس خلاااص مصلحة الهلال اهم ويطيرووون فيه


ويجون الجمهور بعد ايت هزيمه معصبين ويصفون معه (( العصبيه عاميه قلوبهم))
وتصير مشكله بين الجمهور والسبب إن الدعيع غلط في مباراه

والدعيع تاريخه وحمايته للهلال .. الصراحه تشفع لغلطاته

. . . . . . . .

طبعا هم يبون يفلونها
إمسك خط مع البرنس
والله التايب مايهمه النادي بس الاستعراض
التايب مو زي كمآتشو ولا يجي كماتشو
ما الوم جمهور ليبيا يوم إنهم مايبونه
التايب صار مغرووور

ويجونك الجمهور بعد ايت هزيمه ومعصبييين ويصفون معه
والسبب استعرض شووي وحاول يصنع بس ما الله وفقه
مع ذلك قالوا نبي نسبب مشكله وقدروا يسببون مشكله

مايدرون إن التايب الموسم اللي راح
كان له دور بتجميع النقاط المهمه بالدوري بعد توفيق الله


والدور جآي على الشلهوب ورالديس وويلي وإن ماكان ياسر وغيرهم ... .!


زبدة الموضوع انا ابعرف ياجماعه انتم ليه تردون على اللي يجرح باللاعبين
والله غلط مايصير خلاص
شفتوا موضوع فيه تجريح بلاعب من لاعبين الزعيم
اتركوه خلوووه يهذري لحآله ولا نحطم اللاعب

اوكي انت تشوف إن اللاعب غلطان خلاص انت تقدر تفتح موضوع
ووضح غلط اللاعب بدون تجريح وتحطيم عشان يحفزه ويخليه
افضل اذا شاف الموضوع
وشاف إن الجمهور يحبونه لدرجة توضيح غلطه بدون تجريح والله راح يتحسن
حنا إيش اللي دمر لاعبيننا غير التجريح وحركات المندسين والعصبيه الزايده

شوفوا عبدالله الجمعان والله كان من افضل المهاجمين بس يوم نزل مستواه مثله مثل اي لاعب
بدء الغلط عليه وانواع التجريح يالجمعان اعتزل يا اداره لاتججدون معه يا اداره نسقوه

وخلاص بعد حطموته مافي امل يرجع لو ايش ما صار
لأنكم ماتكلمتوا معه بالحسناء وشال الكابتن عفشه ومشى

والحين جاء دور العنبر اووكي في يوم من الايام نزل مستواه
جيتوا انتم بدال ماتوضحون غلطه رحتوا سويتوا فيه زي الجمعان
بس يمكن يمديكم ترفعون معنوياته لأنه إلى الحين يحاول يرجع
بس اذا بتستمرون كذا ما راح يتطور اي لاعب والسبب انتم وتجريحكم
لأن بأي غلطه يغلطها اللاعب يجيك واحد بلحظة غضب او مندس ويجرح
ياخي بدال ماتجرح اللاعب بإسلوبك بأول غلطاته في مستواه
حاول توضح له غلطه وتوضح اللي ناقصه وبس مايبي له شئ
وبدال ماتصف مع مندس بالتجريح عشانك معصب روق وشف الصح واكتبه

وإتركوا التجريح عشان اذا شفنا اي تجريح نقول بصوت واحد :



" هـذا الخآين الكذآإآب "




ياجمهور :

بسبب التجريح ماتطور العنقري وتنسق
وبسبب التجريح ماراح يتطور المفرج
وبسبب التجريح ماراح يتحسن العنبر
وبسبب التجريح ما راح يرجع نواف
وبسبب التجريح نبي نخسر لاعبيننا
وبسبب التجريح الهلال زعيم اسيا
واقف على لاعبين او ثلاثه



وويين الباقي .....؟


الاجابه / طاح مستواهم



فـ كفايه تجريح ياجمهورنا الحبيب
وقررب الموسم الجاي
ومعه بتقرب الاسيويه

فـ أرجوكم مانبي تجريح نبيكم تعطون اللاعبين الثقه
لأن هم اللي يقدرون يجيبون اللي تبونه بعد توفيق الله

واي موضوع فيه تجريح لاتردون
(( إلـبـسـوووه )) << يعني اسحبوا عليه
وإفتح لك موضوع اكتب اللي تبيه عن اللاعب الفلاني
بدون ماتجرحه وتحطمه




وياليت يكون شعارنا في الموسم المقبل :

لا للتجريح ونعم للنقد الهادف


وصـدقوني راح يكون الهلال بنجومه
"مــرتآح ولو كـثـروا حـسـآده "




وفي صفحه آخرى نلتقي بإذن الله




اضافة رد مع اقتباس
  #2  
قديم 25/08/2008, 12:45 PM
زعيــم نشيــط
تاريخ التسجيل: 07/01/2008
المكان: الريــاض
مشاركات: 756
إقتباس
الرسالة الأصلية كتبت بواسطة The SnipeR-20
" هـذا الخآين الكذآإآب "




اشكر حرصك على كيان الزعيم ,, واي مندس تنطبق عليه الكلمة اعلااااه 888 عشان هو مندس حقير وما له الا ان يبقى وراء الستار كالنسوووه ,,
تقبل مرورري
اضافة رد مع اقتباس
  #3  
قديم 25/08/2008, 01:02 PM
الصورة الرمزية الخاصة بـ سـ6ـام
زعيــم مميــز
تاريخ التسجيل: 29/04/2005
المكان: الرياض
مشاركات: 1,901
مايدرون إن التايب الموسم اللي راح
كان له دور بتجميع النقاط المهمه بالدوري بعد توفيق الله



والدور جآي على الشلهوب ورالديس وويلي وإن ماكان ياسر وغيرهم ... .!



موضوع رااااائع

مشوووور اخوي
اضافة رد مع اقتباس
  #4  
قديم 25/08/2008, 01:22 PM
موقوف
تاريخ التسجيل: 02/06/2008
المكان: الريــــــــــاض
مشاركات: 419
وشرايك ياعزيزي نمدح فاللاعبين وندللهم عشان يحققون لنا كأس آسيا ؟


أخوي / الدلال والتلميع وشغل مشي حالك ماعاد له مكان في زمن الإحتراف


نبي اللاعب يكون مستواه على الأقل مقبول أما يكون مستواه هآبط بشكل لايطاق اعتقد غصب يطلع الجمهور عن طوره
اضافة رد مع اقتباس
  #5  
قديم 25/08/2008, 01:36 PM
زعيــم فعــال
تاريخ التسجيل: 25/04/2006
المكان: الزعيم
مشاركات: 258
صدقت بموضوووعك .. ويعطيك العاااااافيه
مشكووووور ,,
اضافة رد مع اقتباس
  #6  
قديم 25/08/2008, 01:58 PM
زعيــم متواصــل
تاريخ التسجيل: 10/02/2008
مشاركات: 60
إقتباس
وشرايك ياعزيزي نمدح فاللاعبين وندللهم عشان يحققون لنا كأس آسيا ؟


أخوي / الدلال والتلميع وشغل مشي حالك ماعاد له مكان في زمن الإحتراف


نبي اللاعب يكون مستواه على الأقل مقبول أما يكون مستواه هآبط بشكل لايطاق اعتقد غصب يطلع الجمهور عن طوره



اول شئ شكلك فاهم الموضوع غلط من كلامك
انا قلت انتقدوا بدون تحطيم ماقلت خلو اللاعب براحته ابد
يآخي ابقربها لك حط نفسك
مكان اي لاعب وفي البدايه مستواك ابداع
وفجاه مر عليك ظرف بحياتك اثر عليك
ونزل مستوااك والجماهير قعدوا يحطمونك
اكيد بتقول بـ القاها من ظروفي الخاصه ولا من الجماهير
وبدال مانوقف مع اللاعب عشان يرجع مع الايام
لمستواه بسرعه نروح نحطمه وتقولون ضبط نفسك ولا اعتزل
بعدين تقولون نبي اجنبي
وهالتحطيم يضر الزعيم ,,وهذا غير المندسين



نورتوا الصفحه حبايبي

اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:06 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube