شف اول شي كان روبينهو على حق لانهم حطوه في صفقة رونالدو وهذي قويه بحق روبينهو لان له مكانته...واللي قاله اخر شي يحق له يتكلم بس من كلامه مستحيل يخلونه الريال

السلام عليكم

شكرا لك على هالنقاش , هذا ردي كتبته برابطة الريال امس وماعندي اي كلام ثاني غيره بهذا الخصوص , شكرا لك

إقتباس السلام عليكم اليوم كنت انا والصديق الدحمي اللي خاق مع روبي , قناص مدريدي , في حوار ماسينجري حول قضية روبينيو , من وجهة تظر محايدة مايهمني لا ذا ولا ذاك , بقول رأئي واتمنى ماحد يزعل مني الحين هل الريال كامل ؟ هل الريال عنده احتياطي يضاهي في مستواه الاساسي , هل الريال عقد صفقات تعوض خروج اي لاعب حتى لو كان سلجادو , هل الريال بالفريق الحالي سواء روبينهواو بدون قادر على تحقيق البطولات (اترك الليقا , خلنا نقول الابطال ) , والسؤال الاهم , مين قادر على تعويض روبينهو وموجود بالسوق حاليا وناديه بيتخلى عنه بالسهوله اللي الريال طرد فيها روبينهو ؟ هل ادارة الريال شاورت المدرب قبل زيادة او رفض عروض او الاستغناء عن اللاعب ؟ طبعا اجزم ان الاجابات بتكون لا بالنسبه للاسئله كلها اعلاه . وقبل ماسترسل بحديثي , صح ان روبينهوبرازيلي وفيه خناز البرازيليين وصح انه توقيت تصريحه (وليس التصريح) كان خاطئ جدا , الاعب كان يطالب بزيادة راتبه , والريال قالوا ماراح يطلع ورفضوا عرض تشلسي مرتين , طيب اللاعب وش يتوقع ؟ يتوقع زيادة بالراتب , وتحسين العقد , ماحصل هالكلام قال بستغل الوقت والظروف واضغط عليهم واخذ اللي ابي , فخانه التعبير والوقت . ردة فعل الريال وموقفها من اللاعب : ردة فعل الريال مبالغ فيها جدا , بلاعظمة بلا طل (لاتزعل مني ياوليد قسم امزح معك) , ياخي لاعب انت محتاجه وشوله ردة الفعل هذي , ياخي كان بالامكان تلافيها , اولا بزيادة راتب اللاعب او باعطاءه وعد مربوط بعمل معين مثلا . مثلا يقولون له لو حققنا السوبر وساهمت فيه انت بقوه بنزيدك , ولو سجلت هالموسم العدد الفلاني من الاهداف , ترى بنعطيك الراتب اللي كذا وكذا , وتكون دافع للاعب لتقديم المزيد . بس هالاسلوب العربي البحث مبالغ فيه مع احترامي لكل مشجعي الريال . روبينهواساسي بمنتخب البرازيل , روبينهو يوم اخذ فرصته بالكوبا امريكا قاد البرازيل للبطوله والذهب ووقتها كلكم تتغنون فيه . روبينهو مين هو اللي مايتمناه بفريقه ؟ بالعقل والمنطق كلا يتمناه ولو ان عند ويجان فلوس كان قلت لهم اشتروه خسارة الريال للاعب في هالموسم بالذات كبيره جدا وماتتعوض , للاسف ريال مدريد مثله مثل بقية الاندية الاسبانيه والايطاليه يدار بعقليه ان الرئيس هو اللي يبي وهو اللي يسوي كل شئ , وهذا اصبح خطأ في عصر الاحتراف . ايضا هالوضع اللي صار مع روبينهو بياثر على الريال في اي تعاقد قادم , فاللاعبين اللي بيفاوضهم الريال بيطلبون مرتب عالي , اضافة الى قيمة كسر عقد اقل , خوفا من ان يكون مصيرة مصير روبينهو في يوما من الايام , لان التعامل بالطريقه هذي فيه ظلم واجحاف للاعب . طيب تقول الريال مايتوقف على لاعب , معك انا مافيه فريق يتوقف على لاعب , بس هذا لما يكون فريقك كامل والفريق الكامل ماهو بس 11 لاعب , لا ايضا احتياطي كامل , وهذا اعتقد ان الجميع يتفق معي في انه غير موجود بالريال , سواء لظروف الاصابات او لوجود بعض العاهات واشباه اللاعبين . ودامك تقول مانتوقف على لاعب وراك مابعته على تشلسي وهم عرضوا عليك مبالغ كبيره , وراك مثلا ماطالبت بمبادله مع تشلسي باحد المراكز اللي تحتاجها , وشوله هالتعقيد وكانك تقول بتلعب بوضعك الحالي وراتبك والا رح بلط البحر (اي عظمة ياوليد << امزح), بالعقل روبينهو ماراح يكسر العقد ب 150 ابدا الا اذا تشلسي سواها , وهذا يعني ان ادارة الريال بتقول بتدفع لنا والا اقعد غصب عنك , وانت مثل الحمار , ترى بيان الريال ظاهره ان الريال مايبي اللاعب , بس باطنة ان الريال يطلب لبن العصفور من اللاعب , فما فيه فريق راح يدفع 150 مليون في لاعب , واللاعب ماتوقع بيدفعها (ان كانت صحيحه) وهذا ترى هو الاستعباد اللي تكلم عليه بلاتر , يعني الريال الان ماسك اللاعب مع يده اللي توجعه ويقوله بتكمل عقدك بوضعك الحالي وانطق واكل تراب , والا ادفع لنا 150 مليون (ماهي عظمة ياوليد ) هذا هو الاستعباد بعينه , ومستحيل ان الريال يكسر العقد من طرف النادي , ويخسر كل شئ على كذا يبيعونه على تشلسي اصرف لهم , وكما هو معروف الريال اغنى نادي بالعالم , يعني ماهو محتاج فلوس بس الشغله استلعان واستقعاد ختاما ان اصبت فتوفيق من الله وان اخطأت فمن نفسي والشيطان , وخذوا كلكم وورده وخصوصا صديقي وليد ترى احب ان امازحك اخ العرب ورده

ناصر .. أقدر أختلف معك !؟

حبّة حبّة نبدأ .. النادي أكبر من أي لاعب .. هذا شيء معروف ومسلّم فيه ولايقدر أحد يناقش حوله .
لكن وش اللي وصّل علاقة اللاعب بـ الفريق لـ الدرجة هذي !؟
ليه بعد ماكان كل تصريح له .. أتمنى البقاء طويلاً في مدريد .. صار يبي البلوز !؟
ليش روبينهو ينفجر بـ وجه النادي ؟!

لو تتابع ميركاتو الريال هـ الموسم وتقرأ تصاريح كالديرون من جهة .. وتصاريح المدرّب واللاعب من جهة ثانية !
بـ تعرف إن السبب بـ اللي صايرالحين بين النادي واللاعب هي إدارة مدريد
الريال كان يفاوض كريس .. والرئيس يقول " لو جاب لنا روبينهو مبلغ 40 مليون نبي نبيعه
محتاجين مبلغ كبير عشان كريس والحلّ بيع روبينهو" .. شوستر بـ نفس الوقت يطلع يقول " جيّة رونالدو ماتعني إن روبينهو يطلع "
روبينهو إغراء بـ راتب 6 مليون من البلوز .. وراتبه مع مدريد " 2.1 مليون "ويطلع يصرّح يقول " أريد البقاء .. ومجيء كريس مايهمّني "
ميلان منتصف الموسم الماضي أبدى إعجابه بـ راموس .. الريال حسّن عقده مرتيّن " مع العلم ما أقارن " ..
يطلع ويصرّح الرئيس إن راموس ليس لـ البيع بأي مبلغ .. وإنه الكابتن المستقبلي لـ الفريق .
لاحظ إن ميلان بس مُعجب . مافاوض اللاعب . وميلان " البخيل بعد .. واللي يعرف وين يصرف فلوسه "
ولاحظ إن البلوز ( اللي يدفع ببذخ ) يفاوض روبينهو " البرازيلي " وبضعف الراتب مرتيّن .. والنادي ردّة فعله
" نبي 40 مليون فيك !؟ " ويطلع روبينهو يقول " أريد البقاء ولايهمني مجيء كريستيانو " !؟
ولـ العلم هو ماهو مجبور يقول كذا ويظهر إلتزامه والإدارة مزلبّته !؟
السؤال هنا .. الإدارة تعامله كذا ليه ؟! .. تعاملها مع راموس وموضوعه كيف كان .. وبـ المقابل معاملتها لـ روبينهو كيف كانت ؟!
راتب " طفسة " 2.1 مليون يورو .. ولاعبين مثل قوتي وسلقادو وروبين ودرينثي وسافيولا والباب أكثرمنه !؟
من الموسم الماضي كان يقول .. أتمنّى البقاء هنا والإعتزال بـ سانتوس .. أريد تحسين العقد !؟
ليه ما ترفع راتبه من الأساس وهو يستاهل !؟ .. أكرمه .. حفزّه .. سدّ فمّه .. مو تطنشّه .. وبعدين تقول ليه يزعل ويتكلـّم !؟
لو عامل عندك .. تلعن جدفه كل يوم .. ويجيه عرض بـ شركة وبـ راتب أحسن
وموعود بـ معاملة أفضل .. لاتتوقع يقول لا أبجلس لـ عيونك .

عرض تشلسي 6 مليون يورو + مكان أساسي + سكولاري يطلع يقول " روبينهو أهم من كاكا لديّ " !؟
إغراء من كلّ النواحي .. وهو ماطلب إلا 5 مليون راتب .. وتجي تكاسره على 3.5 مليون ؟!
وياليتك مكاسره بعد ماطلب منك .. انبح صوته وهو يبي راتبه يزود !!
متى كاسرته !؟ .. بعد ماقال رونالدو سـ أبقى في مانشستر وهو في قلبي !؟
ويوم كنت مأمل على كريستيانو كنت تقول مايهم بقاء روبينهو إذا جاء عرض كويس !؟
ليه يُطالب روبينهو بـ الوفاء لـ نادي ساحب عليه ومزلبّه !؟
ليه الإدارة من الأساس تلاحق كريس وعندهم روبين وروبينهو ؟! .. فـ مابالك بـ إنها تعتبره قطعة زايده بـ الفريق ؟!
راموس يُجدّد عقده ويحسّن مرتيّن .. وهو يتلطّع ولايُقدّر من الفريق ؟!
هو برازيلي .. ماجاء من سانتوس يلعب لك بـ بلاش .. ولاجاء يشوف لعيبة مايستحقوّن رواتبهم وهو مهضوم حقـّه !؟
انتقل لـ النادي مع راموس بـ وقت واحد .. راموس لقى التقدير بـ الفريق ..
روبينهو مالقى إلا الإهمال من كالديرون !!

صدقـّني لو إنك متابع ميركاتـّو الريال .. بـ تقتنع إن اللاعب معه حقّ بـ قراره وشيء طيّب إنه ماقال أبنتقل من وقت مفاوضات رونالدو .

قلت قبل .. هو أخطأ بـ كلامه عن اللعيبة ( مع إن كلامه صحيح ) لكن مايصلح تجي من لاعب بـ الفريق ضدّ زملائه ..
بس خطأه ذا ولاشيء جنب اللي سوّاه كالديرون فيه وإهماله له .. صحيح أمنيتي يبقى وهذا عشمي فيه .. لكن ما أقدر ألومه بشيء .
المدرّب يبيه ويعتبره مهمّ جداً .. أنت ليه ماتحسّن راتبه !؟ ..ليه تخلّي له عذر وممسك ضدّك !؟ ( لو كان فعلاً يبي تشلسي )
تكسر كلمة مدرّبك !؟ وتخسر لاعب مهم !؟ .. وكريستيانو سحب عليك ؟! .. فيه أكثر من كذا غباء ؟!
عموما هو قال .. المال ماهمّني .. بس تقدير الإدارة لي حسسّني إني غير مهم لـ الفريق
المدرّب يؤمن فيني .. لكن الإدارة مافرقت معها .. لـ ذا قرّرت الرحيل لـ النادي اللي يقدرّني .

الريال خسر روبينهو .. مو لـ مستواه وبس .. لكن الوقت اللي ضدّ الإدارة .. ميركاتوّ على نهايته.
لاعبين أسعارهم تتدبّل .. ماتضمن انسجامهم .. ماراح يعطونك بـ نفس اللي يعطيك روبينهو خصوصاً بـ أوّل موسم لهم !؟
لأن الدعوى مهيب بلايستيشن .. جب لي لاعب طاقاته أكثر وسريع وانتهينا .
خصوصاً وإن الفريق ناقص بوجود روبينهو .. فـ مابالك بعد ماقرّر يمشي !؟

فـ المستفيد هنا مين !؟ ريبيرو وكيل روبينهو .. ومن بعده روبينهو .. وبس.. النادي يقدر يعوّضه
لكن ماراح يكون هـ الموسم حتى لو جاء كواريزما .. متى ينسجم !؟ ومتى ومتى .. كلام كثييير وقتها بيكون .

ماراح أعيد وجهة نظري مرّة ثانية .. لو فيه محاور نقاش ثانية ابرد ( إلا ناصر أبرد عليك لين تملّ مني .. لأني خطمت عليك ) .

ورده

إقتباس الرسالة الأصلية كتبت بواسطة zidane2real ا وختاماً ماذا تعني لكم هذه الصورة؟؟؟

على طاري الوفي روبيرتو كارلوس
سبق وان قرأت خبر بأن وكيل اعمال روبيرتو كارلوس هو نفسه وكيب اعمال روبينهو
لكن روبيرتو كارلوس طرد روبيرو شر طرد بعد ان حاول ان يتلاعب به مثل ما تلاعب
بروبينهو الان ما ادري عن صحة هالخبر لكنه قد يعني الكثير ,,,

أخر شيء تعذرون فيه روبينهو هو زيادة راتبه لسبب وضحته في ردي السابق ,,,

الإختلاف لا يفسد للود قضيه

إقتباس الرسالة الأصلية كتبت بواسطة skroo السلام عليكم ورحمة الله وبركاته قـنـ مـدريـ10ـدي ـاص هلا فيك اخوي واعذرني نسيت اسمك ورده اخبار زيادة راتب راموس رسمية واكيده والا من خمبقة الماركا والاس ؟ انا ما اقتنع بالاخبار الا من المواقع الرسمية للاندية او السكاي او الصحف الالمانية وهل فعلا كالديرون قال اببيع روبينهو علشان امّول صفقة روبينهو ؟ والا خربطة صحافة ؟ ابغى اجابة على هالتساؤلات علشان انتقل للمرحلة الثانية من النقاش سلام يا عسل ورده

هلا ناصــر .. ايه نعم رسمي تحسين عقد راموس مع بعد المؤتمر الصحفي للتوقيع مع روبين ...



بس تصدق فشلوني مافيه تفاعل مع الموضوع

^

معك عبدالرحمن طال عمرك .

أخبار راموس من الرسمي ومن كلّ موقع يطري بـ بالك .
وجُدد عقدهـ مرّتين مو مرّه وحده بعد ..
إذا تبيهم علمّني .. بس يبي لي وقت أدبّرهم لك .

كالديرون قالها .. حتـّى الكادينا سير ( أصدق مصدر لـ أخبار الريال ) ذكرت إن روبينهو مستاء من معاملة الريال .
التصريح او المقابلة ماتقدر تكذب فيها الصحف .. بـ عكس التقارير والأخبار .
ولو تبي مصدر عطني خبر .. بس برضو يبي لي وقت عشان أبحثهم لك .

السلام عليكم

معليش عبدالرحمن نسيت لا ارد على الموضوع

والله يالغالي اذا الكلام سليم 100% ان الادارة جددت لراموس بمؤتمر صحفي ورفعو راتبه وساحبين على روبينهو , فهو ظلم لروبينهو اللي يشوف ويلاحظ عدم العدل في توزيع الدراهم

بس يمكن فيه شي ما نشوفه

عموما لو اعتبرنا ان كالديرون غلطان 100% بهالسالفة , فهي نقطة سوداء في ملفه الابيض بجلب فريق كامل لريال مدريد

لاهنت اخوي واسفين على التأخير ورده

الله يعطيك العااافية فيصل ..!



**



روبينيو أخطأ كثيراً في تصريحه ..!



والإدارة على حق في إبعاده ..!



وأتمنى قدوم كواريزما وبنزيما ..!



لم يتبقى الكثير الله يكتب الخير ..!



تحياتي .:.

مشكوور اخوي فيصل


إلى متى يعني الى بكره هع


بصراحه ربينهو اخطا في حق الريال واستحق ماحصل له

لاكن يببقى خساره للريال

روبينهو اذا رحل

واتى بديل فذالك يكون افضل شي


يعني مايكون خساره

زي كوري ولا كابيل ولنون