|
الريال وروبينهو ..الى متى [ نقاش ] الســلام عليـكمـ و رحمـة الله و بركاته .. طال الحديث عن روبينهو وادارة الريال والكل قام يسفل في الثاني :d روبينهو مستآء من معاملة الريال وعدم اعطائه حقه ويريد ايضا كما قال ان يحقق الابطال ويفوز بالذهبية مع تشلسي على حسب تعبيره وحصل شد وجذب بين الطرفين .. ! [ نقــاش ] ~ من هو الذي على حق روبينهو ام الريال ؟ لـ / عُشاق الملكي .. هل تؤيد رحيله وتعويضه مثلا بخوارزيما وفيا ؟ اتمنى ان نبتعد عن الالفاظ الي مالها داعي ويكون نقاشنا حضاري وجدي :) |
السلام عليكم ورحمة الله وبركاته تسلم يالغلا على النقاش الرائع :) انا اقول ان الادارة على حق 100% http://www.blogfutbolero.com/wp-cont...deron00011.jpg يا عزتي له هالرجال !! كلنا نتذكر شخاميط ريال مدريد من صيف 2003 الى قدوم هالرجل !! هيليجرا - راؤول برافو - بويون - قرافسون .... الخ من شلة الانس لكن بعد قوم كالديرون وش صار ؟ الدفاع كانافارو - متزلدر - بيبي - هاينزه يعني اشترا خط دفاع كامل جديد الوسط شنايدر - فان در فارت - روبن - قاقو - ديارا برضة 5 وسط يعني وسط كامل جديد الهجوم رود فان نسلتروي اعتقد هالاسم يكفي لبث الرعب في دفاع اي خصم ------ الخلاصة ان الصحافة دايم تختلق قصص وتألفها فالكثير من اخبار الانتقالات كان فقشات ونصب , لكن فيه اشياء تصير رسمية مثل تصريحات روبينهو الاخيره على كلام الاخ iker في رابطة الريال وبكل امانة الريال اكبر من اي لاعب ولا عمره وقف على لاعب , اذا روبينهو ما اعجبه الوضع في النادي فاحسن له يطس يشوف له فريق ثاني لان بقاءه بيكون مثل التفاحه الفاسده اللي بتخرب البقية الريال خلع عباءة البرازليين بخروج باتيستا ولوكسبمروجو ورونالدو , وروبينهو الان يلحقهم وما بقى الا مارسيليو لان الجماهير والادارة متأمله فيه انه بيكون فريد من نوعه وبعيد عن قائمة ( عبيد الدولار ) لاهنت اخوي على الموضوع وشكرا لك ورده |
مشكور اخوي فيصل على النقاش ,,, إقتباس:
لأن روبينهو مرتبط بعقد معهم ينتهي بعد سنتين وعلى موجب عقده يستلم راتب قدره كذا وكذا لذلك عليه ان يحترم عقده وان لايطالب بزيادة مرتبه وهو لم يحقق شيء يساعده على اغراء ادارة الملكي بتزويد راتبه كمكافئه له ,, لذلك لو الاداره قامت بزيادة راتب روبينهو فهو كرم منها وان لم تفعل لايحق لروبينهو ان يخرج أمام الملا ويتفوه بما قاله عن صاحب الفضل في وصوله الى ماوصل اليه الأن ,,, أنا كنت من اللي زعلان من تجاهل الإداره لمطالبات روبينهو بزيادة راتبه لكن بعد تصريحه الأخير غيرت رأيي فيه فهو لايحق له المطالبه الا اذا انتهى عقده ,,, إقتباس:
لذلك اتمنى ان كالديرون يرضى يبيعه لأنه مافيه فايده من بقاء لاعب يلعب بدون روح صحيح ان الريال بيتأثر من خروج روبينهو لكن ايضا ماراح نستفيد من وجوده ولو جاء فيا أو كواريزما أو دييجو كابيل راح يكونون خيارات ممتازه وقد تتفوق على ماقدمه روبينهو خلال الثلاث سنوات الماضيه في سنه واحده ,,, قفله : موضوع روبينهو الى الان لم ينتهي والايام القادمه اكيد فيها مفاجئه |
شف اول شي كان روبينهو على حق لانهم حطوه في صفقة رونالدو وهذي قويه بحق روبينهو لان له مكانته...واللي قاله اخر شي يحق له يتكلم بس من كلامه مستحيل يخلونه الريال |
الله يعطيك العااافية فيصل ..! ** روبينيو أخطأ كثيراً في تصريحه ..! والإدارة على حق في إبعاده ..! وأتمنى قدوم كواريزما وبنزيما ..! لم يتبقى الكثير الله يكتب الخير ..! تحياتي .:. raul 4 ever |
السلام عليكم شكرا لك على هالنقاش , هذا ردي كتبته برابطة الريال امس وماعندي اي كلام ثاني غيره بهذا الخصوص , شكرا لك إقتباس:
|
ناصر .. أقدر أختلف معك !؟ حبّة حبّة نبدأ .. النادي أكبر من أي لاعب .. هذا شيء معروف ومسلّم فيه ولايقدر أحد يناقش حوله . لكن وش اللي وصّل علاقة اللاعب بـ الفريق لـ الدرجة هذي !؟ ليه بعد ماكان كل تصريح له .. أتمنى البقاء طويلاً في مدريد .. صار يبي البلوز !؟ ليش روبينهو ينفجر بـ وجه النادي ؟! لو تتابع ميركاتو الريال هـ الموسم وتقرأ تصاريح كالديرون من جهة .. وتصاريح المدرّب واللاعب من جهة ثانية ! بـ تعرف إن السبب بـ اللي صايرالحين بين النادي واللاعب هي إدارة مدريد الريال كان يفاوض كريس .. والرئيس يقول " لو جاب لنا روبينهو مبلغ 40 مليون نبي نبيعه محتاجين مبلغ كبير عشان كريس والحلّ بيع روبينهو" .. شوستر بـ نفس الوقت يطلع يقول " جيّة رونالدو ماتعني إن روبينهو يطلع " روبينهو إغراء بـ راتب 6 مليون من البلوز .. وراتبه مع مدريد " 2.1 مليون "ويطلع يصرّح يقول " أريد البقاء .. ومجيء كريس مايهمّني " ميلان منتصف الموسم الماضي أبدى إعجابه بـ راموس .. الريال حسّن عقده مرتيّن " مع العلم ما أقارن " .. يطلع ويصرّح الرئيس إن راموس ليس لـ البيع بأي مبلغ .. وإنه الكابتن المستقبلي لـ الفريق . لاحظ إن ميلان بس مُعجب . مافاوض اللاعب . وميلان " البخيل بعد :d .. واللي يعرف وين يصرف فلوسه " ولاحظ إن البلوز ( اللي يدفع ببذخ ) يفاوض روبينهو " البرازيلي " وبضعف الراتب مرتيّن .. والنادي ردّة فعله " نبي 40 مليون فيك !؟ " ويطلع روبينهو يقول " أريد البقاء ولايهمني مجيء كريستيانو " !؟ ولـ العلم هو ماهو مجبور يقول كذا ويظهر إلتزامه والإدارة مزلبّته !؟ السؤال هنا .. الإدارة تعامله كذا ليه ؟! .. تعاملها مع راموس وموضوعه كيف كان .. وبـ المقابل معاملتها لـ روبينهو كيف كانت ؟! راتب " طفسة :d " 2.1 مليون يورو .. ولاعبين مثل قوتي وسلقادو وروبين ودرينثي وسافيولا والباب أكثرمنه !؟ من الموسم الماضي كان يقول .. أتمنّى البقاء هنا والإعتزال بـ سانتوس .. أريد تحسين العقد !؟ ليه ما ترفع راتبه من الأساس وهو يستاهل !؟ .. أكرمه .. حفزّه .. سدّ فمّه .. مو تطنشّه .. وبعدين تقول ليه يزعل ويتكلـّم !؟ لو عامل عندك .. تلعن جدفه كل يوم .. ويجيه عرض بـ شركة وبـ راتب أحسن وموعود بـ معاملة أفضل .. لاتتوقع يقول لا أبجلس لـ عيونك . عرض تشلسي 6 مليون يورو + مكان أساسي + سكولاري يطلع يقول " روبينهو أهم من كاكا لديّ " !؟ إغراء من كلّ النواحي .. وهو ماطلب إلا 5 مليون راتب .. وتجي تكاسره على 3.5 مليون ؟! وياليتك مكاسره بعد ماطلب منك .. انبح صوته وهو يبي راتبه يزود !! متى كاسرته !؟ .. بعد ماقال رونالدو سـ أبقى في مانشستر وهو في قلبي !؟ ويوم كنت مأمل على كريستيانو كنت تقول مايهم بقاء روبينهو إذا جاء عرض كويس !؟ ليه يُطالب روبينهو بـ الوفاء لـ نادي ساحب عليه ومزلبّه !؟ ليه الإدارة من الأساس تلاحق كريس وعندهم روبين وروبينهو ؟! .. فـ مابالك بـ إنها تعتبره قطعة زايده بـ الفريق ؟! راموس يُجدّد عقده ويحسّن مرتيّن .. وهو يتلطّع ولايُقدّر من الفريق ؟! هو برازيلي .. ماجاء من سانتوس يلعب لك بـ بلاش .. ولاجاء يشوف لعيبة مايستحقوّن رواتبهم وهو مهضوم حقـّه !؟ انتقل لـ النادي مع راموس بـ وقت واحد .. راموس لقى التقدير بـ الفريق .. روبينهو مالقى إلا الإهمال من كالديرون !! صدقـّني لو إنك متابع ميركاتـّو الريال .. بـ تقتنع إن اللاعب معه حقّ بـ قراره وشيء طيّب إنه ماقال أبنتقل من وقت مفاوضات رونالدو . قلت قبل .. هو أخطأ بـ كلامه عن اللعيبة ( مع إن كلامه صحيح ) لكن مايصلح تجي من لاعب بـ الفريق ضدّ زملائه .. بس خطأه ذا ولاشيء جنب اللي سوّاه كالديرون فيه وإهماله له .. صحيح أمنيتي يبقى وهذا عشمي فيه .. لكن ما أقدر ألومه بشيء . المدرّب يبيه ويعتبره مهمّ جداً .. أنت ليه ماتحسّن راتبه !؟ ..ليه تخلّي له عذر وممسك ضدّك !؟ ( لو كان فعلاً يبي تشلسي ) تكسر كلمة مدرّبك !؟ وتخسر لاعب مهم !؟ .. وكريستيانو سحب عليك ؟! .. فيه أكثر من كذا غباء ؟! عموما هو قال .. المال ماهمّني .. بس تقدير الإدارة لي حسسّني إني غير مهم لـ الفريق المدرّب يؤمن فيني .. لكن الإدارة مافرقت معها .. لـ ذا قرّرت الرحيل لـ النادي اللي يقدرّني . الريال خسر روبينهو .. مو لـ مستواه وبس .. لكن الوقت اللي ضدّ الإدارة .. ميركاتوّ على نهايته. لاعبين أسعارهم تتدبّل .. ماتضمن انسجامهم .. ماراح يعطونك بـ نفس اللي يعطيك روبينهو خصوصاً بـ أوّل موسم لهم !؟ لأن الدعوى مهيب بلايستيشن .. جب لي لاعب طاقاته أكثر وسريع وانتهينا :d . خصوصاً وإن الفريق ناقص بوجود روبينهو .. فـ مابالك بعد ماقرّر يمشي !؟ فـ المستفيد هنا مين !؟ ريبيرو وكيل روبينهو .. ومن بعده روبينهو .. وبس.. النادي يقدر يعوّضه لكن ماراح يكون هـ الموسم حتى لو جاء كواريزما .. متى ينسجم !؟ ومتى ومتى .. كلام كثييير وقتها بيكون . ماراح أعيد وجهة نظري مرّة ثانية .. لو فيه محاور نقاش ثانية ابرد ( إلا ناصر أبرد عليك لين تملّ مني .. لأني خطمت عليك :d ) . ورده |
الصحافة والصحافة والصحافة هي السبب الوحيد لهذه المشكلة هي التي قالت بأن الريال يريد بيع روبينهو لتمويل صفقة رونالدو مع أن رئيس النادي والمدرب أكدوا مراراً وتكراراً بأن روبينهو ليس للبيع أو المبادلة وكررها شوستر أكثر من مرة بأنه يعتمد على روبينهو كثيراً المشكلة سببها وكيل أعمال اللاعب الذي سيستفيد من صفقة انتقاله لتشيلسي بمبلغ ضخم من المال وأيضاً الراتب الضخم الذي عرضه تشيلسي للاعب أسال لعابه إذا كانت الإدارة رفضت الراتب الذي طلبه اللاعب والمقدر بخمسة ملايين فهي مخطئة ولكنها لم ترفض وإذا حصل وانتقل اللاعب للندن فألف مبروك لتشيلسي هذا اللاعب الرائع وختاماً ماذا تعني لكم هذه الصورة؟؟؟ http://www.elpais.com/recorte/200704...rto_Carlos.jpg |
إقتباس:
على طاري الوفي روبيرتو كارلوس :smilie47::smilie47: سبق وان قرأت خبر بأن وكيل اعمال روبيرتو كارلوس هو نفسه وكيب اعمال روبينهو لكن روبيرتو كارلوس طرد روبيرو شر طرد بعد ان حاول ان يتلاعب به مثل ما تلاعب بروبينهو الان ما ادري عن صحة هالخبر لكنه قد يعني الكثير ,,, أخر شيء تعذرون فيه روبينهو هو زيادة راتبه لسبب وضحته في ردي السابق ,,, الإختلاف لا يفسد للود قضيه :smilie47: |
السلام عليكم ورحمة الله وبركاته قـنـ مـدريـ10ـدي ـاص هلا فيك اخوي واعذرني نسيت اسمك ورده اخبار زيادة راتب راموس رسمية واكيده والا من خمبقة الماركا والاس ؟ انا ما اقتنع بالاخبار الا من المواقع الرسمية للاندية او السكاي او الصحف الالمانية :) وهل فعلا كالديرون قال اببيع روبينهو علشان امّول صفقة روبينهو ؟ والا خربطة صحافة ؟ ابغى اجابة على هالتساؤلات علشان انتقل للمرحلة الثانية من النقاش :D سلام يا عسل ورده |
إقتباس:
هلا ناصــر .. ايه نعم رسمي تحسين عقد راموس مع بعد المؤتمر الصحفي للتوقيع مع روبين ... بس تصدق فشلوني مافيه تفاعل مع الموضوع :stoned::d |
^ معك عبدالرحمن طال عمرك . أخبار راموس من الرسمي ومن كلّ موقع يطري بـ بالك :d . وجُدد عقدهـ مرّتين مو مرّه وحده بعد :d .. إذا تبيهم علمّني .. بس يبي لي وقت أدبّرهم لك . كالديرون قالها .. حتـّى الكادينا سير ( أصدق مصدر لـ أخبار الريال ) ذكرت إن روبينهو مستاء من معاملة الريال . التصريح او المقابلة ماتقدر تكذب فيها الصحف .. بـ عكس التقارير والأخبار . ولو تبي مصدر عطني خبر .. بس برضو يبي لي وقت :d عشان أبحثهم لك . |
السلام عليكم معليش عبدالرحمن نسيت لا ارد على الموضوع والله يالغالي اذا الكلام سليم 100% ان الادارة جددت لراموس بمؤتمر صحفي ورفعو راتبه وساحبين على روبينهو , فهو ظلم لروبينهو اللي يشوف ويلاحظ عدم العدل في توزيع الدراهم بس يمكن فيه شي ما نشوفه عموما لو اعتبرنا ان كالديرون غلطان 100% بهالسالفة , فهي نقطة سوداء في ملفه الابيض بجلب فريق كامل لريال مدريد :) لاهنت اخوي واسفين على التأخير ورده |
الله يعطيك العااافية فيصل ..! ** روبينيو أخطأ كثيراً في تصريحه ..! والإدارة على حق في إبعاده ..! وأتمنى قدوم كواريزما وبنزيما ..! لم يتبقى الكثير الله يكتب الخير ..! تحياتي .:. |
مشكوور اخوي فيصل إلى متى يعني الى بكره هع بصراحه ربينهو اخطا في حق الريال واستحق ماحصل له لاكن يببقى خساره للريال روبينهو اذا رحل واتى بديل فذالك يكون افضل شي يعني مايكون خساره زي كوري ولا كابيل ولنون |
| الوقت المعتمد في المنتدى بتوقيت جرينتش +3.
الوقت الان » 06:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd