|
التعليم في السعودية<< نقاش جاد السلام عليكم ورحمة الله وبركاته اكتب هذا الموضوع بعد ان طفح بي الكيل وطفح بمساكين كثر غيري ابكي ويبكي غير مليون عاطل او اكثر قدر الله علينا ودخلنا لغة عربية قلنا يلا وظايف ومستقبل صدقنا كلام مدرسينا بالثانوية الوظايف مفتوحة من هنا لعشر سنوات والاحتياج للغة العربية كبير اوهمونا سامحهم الله بذلك ظننا بانهم قد صدقوا حينما قالوا ذلك دخلنا الجامعه كما دخل غيرنا الكثير الجامعه قلنا يلا نبي نحصل لنا وظيفة شي نبي نفك اهالينا من مصاريفنا دخلت جامعة الملك سعود مصدق عمري اني بلقى وظيفه واصير مدرس في بلادي لكن نبطي عظم خلصنا الجامعه قالوا لا مايقبلونك لازم تكون تربوي درسنا تربوي سنة كاملة دفعنا لهم عشر الاف ريال وماقصروا الدكاترة معنا قطعوا فينا مسخرونا قلوا ادبهم علينا وهذا وحنا ندرس بفلوسنا هذا الي يصارخ وينافخ علينا يحسبنا بالابتدائية وهذا الي يدق فينا بكلام ماله داعي تخرجنا من التربوي قلنا يلا ابواب الوظايف مفتوحة قدمنا قلنا يلا عسى خير لكن قالوا لا مالكم وظايف ماتستاهلون توظفون خلونا ندور الدول الثانية خلونا نركض ورى قطر والامارات والكويت كلها عشان نصير مدرسين في بلاد كل سكان هالبلاد الثلاثة لو اجتمعوا ماصاروا ثلث سكان السعودية لكن بلاد تحتاج ويطلبون لكن حنا محتاجين ولانطلب نجيب المصري والسوداني والسوري والفلسطيني لان راتبه اقل نجيب كل غريب ونقول استلم وظيفة مسكين سعودي مسكين يبي يتغرب عشان يتوظف مسكين يبي يروح لديار غير دياره عشان يروح ياكل عيش عشان يعيش بكرامة عشان ياخذ بالدول ذيك على الاقل (ثمان الاف) ريال وحنا (خمس الاف)ريال مايستاهلها تعبنا وبكينا صحنا على خمس سنين ضاعت بين قلة ادب دكاترة وبين سراب كنا نركض وراه سراب كنا نتمنى يكون حقيقة مشينا بهالطريق نبي وظايف ياناس مادرسنا عشان نروح برى ديارنا مادرسنا عشان نبكي على حضنا مادرسنا عشان بكرة نتغرب ونعيش غربة مادرسنا عشان نطلع برى ديرتنا لحد يقول لي اهليه او مدارس اهليه من وين تبي تزوجك الاهليه كم راتب المدارس الاهليه كم يعطونك كم يبون يخصمون عليك بالشهر لو فرضنا يعطونك (ثلاث الاف)ريال طبعا انا من سكان الخرج كم ابي استاجر لي شقة لحد يقول رح وتعال طريق الخرج الرياض يذبحك يالواحد كم ابي القى الشقة الف الفين ريال صدقوني مايبقى من الراتب شي ياناس نبي نتزوج من وين مانبي نصير عالة على احد مانبي احد يقول ياخالد تعبنا منك مانبي احد يقول ياخالد رح شف لك اي شغلة مانبي نقول لاحد تعال زوجنا تعال طالبينك نبي نتزوج كل الناس باعمارنا تزوجوا وعندهم على ولد واثنين وحنا ماكلين وحل ماتزوجنا ولاشي لو عندنا فلوس ووظيفة خطبنا من حبينا وخلصنا وابعدنا عن الناس لكن ماعندنا بكينا وربي انمرضنا صارت فينا الامراض بسبتهم قولون غدة درقية اكتئاب ضيقة صدر قلق انطوائية بكاء مستمر بسبب وبغير سبب والله تعبنا والله بكينا والله انذبحنا ندمنا على اليوم الي دخلنا فيه تدريس لكن للكل الكويت والامارات وقطر فاتحه ابوابها باي باي تعليمنا المحترم عيشوا حالكم رواتب متسنعه صح في غلا لكن رواتبهم ترفع الراس تعبنا وحنا نقول وظفونا اليوم نقلوها للوزارة لاتوظفونا ولاتفكرون فينا اليوم نقول للوزارة جيبي الاجانب حطيهم فهم اولى برواتبنا منا اليوم نقول للوزارة اغلقي الجامعات اغلقي الكليات مانبي منكم شي اهلنا يبونا نتغرب حنا ياابناء اقوى دولة نفطية في العالم اليوم نقول للوزارة ترانا طالعين وتاركين لكم التعليم تحكموا فيه بكيفكم اليوم نقول للوزارة الف مبروك قد اهنتينا ووكلتينا تراب اليوم نقول لاهلنا ترانا نبي نتغرب عادي اصبروا ماهي مشكلة تدرون ليش يااهلنا اعلمكم ليش لان الوزارة الحبيبة ماتبي تخسر من ورانا لان حنا ياعيال السعودية ماورانا الا خساير اليوم نقول لاهلنا لاتبكون عادي نبي نتغرب نبي نطلع عنكم ومصير الكل يطلع اليوم نقول لاهلنا لاتبكون علينا مثلنا مثل الهنود والبنقاليه وش فرقنا عنهم هم يجوون وياخذون فلوس ويمشون وحنا نجي وندفع فلوس ونمشي وش اقول اكثر من كذا غير كلمة وحدة يازين دول الخليج رواتب ومدن راقية افضل منا ×××××××××× اسف اذا طلع مني شي غلط |
و الله اخوي كلا مك في الصميم وانا اخر سنه واتخرج ان شاء الله و يا خوفي اقول نفس كلامك >>>>>>> الوظائف نادره واذا حصلت الراتب ما يسوى اللى درسناه |
زعيم المستديرة مااقول غير الله يستر بس نقول ان شاء الله تلقى خير يالغالي |
ما تحس إنك عصبت عليهم مرهـ وشديت شوي :D خلكـ حنّين يا عزيزي :D أقدر معاناتكـ والله يعينكـ أنا أقول مش وضعكـ بأهليه لو تضييع وقت والله يكتب الفرج بعد 5 سنين إن شاء الله - حقيقه علميه ما يتعين المدرس إلا بعد 5 سنوات من التخرج ويعينونه في أبعد مكان عن ديرته وينقعونه 5 سنين بعدين ينقلونه لديرهـ قريبه شوي من ديرته 150-200 كم وبعد 5 سنين ينقلونه لديرته - لكن ادع ربكـ يا أخوي ولا تزعل نفسكـ ترى الدنيا ما تسوى كلها 70 سنه بالكثير كما قال صلى الله عليه وسلم ونقابل ربنا تمنيآتي لك بالتوفيق |
هلا بالغالي:) معليش وأنا أخوك، تحمل واصبر وابذل الجهد في البحث عن وظيفة مناسبة، أو تجارة طيبة مربحة.. أنا معك أن الأوضاع ليست بالسهلة، لكن بإذن الله متى ما بقيت متفائلاً ستجد الفرصة كما وجدها غيرك .. لا تيأس، اذهب إلى صندوق تنمية الموارد البشرية، أعرف كثير من الشباب حصلوا على فرصة عمل من خلالهم، وإن كانت بدخل ضعيف إلا أنهم استفادوا منها ، ومن ثم يمكنك البحث عن وظيفة أخرى بنفسية وتركيز أفضل، وهناك الكثير من الشركات التي تطرح عدداً من الوظائف المتنوعة، فحاول الاستفادة منها حتى وإن كانت دون شهادتك وطموحك.. حاول أن تبدأ وتكتسب الخبرات ومن ثم ستصبح خبراتك مطلوبة وستتاح لك فرصة اختيار وظيفة بدخل أفضل.. أعرف كثيراً من الشباب يعملون في مثل هذه الأيام وقبلها على جلب التمور من القصيم والأحساء والمدينة المنورة وغيرها ويبدءون ببيعها على الأقارب والمعارف ويطلبون منهم التسويق لهم، حتى أصبحت هواتفهم وعناوينهم مطلوبة من الكثير في مثل هذه المواسم ، وليس في ذلك عيب حتى وإن كنت طالباً جامعياً، وبعضهم موظف ويعتبرها فرصة تمنحه دخل إضافي جيد.. يا غالي، تأكد أن ما سبق ليس كلاماً إنشائياً أو مثالياً وإنما هو نقل لواقع ملموس وتجربة مشاهده، تماماً كما تلمس وألمس مشكلة البطالة لدى الشباب.. لا يعني كلامي هذا بأنك مقصر ومذنب، بل إنك تتميز عن غيرك بإحساسك وغيرتك على شبابك، وربما أن طول الانتظار خفف من عزيمتك وإصرارك، لكن تعوذ من إبليس واسترجع نشاطك مجدداً وستجد الفرصة بإذن المولى. بالتوفيق:) |
ما اقول الا حسبي الله على الي تسبب بالمهازل الي تصير هذي سوري وفلسطيني يتوظف وابناء البلد يطلعون لدول الخليج والله حرام المشكلة لو تقول مافي حاجة للمدرسين اقول معاهم حق لكن الفصل فيه 40 طالب ماعرف كيف بيفهمون ال40 طالب بفصل ولو هو تعليم عن قولة مادرسو طيب اقلعو الاجانب امنعو المدارس الاهلية من توظيف الاجانب بالتخصصات الي متوفرة عندنا عشان الخريجين يتوظفون والله احيانا احس اني اجنبي في بلدي صارت البلد (كل من ايدو ايلو ) مثل شامي . والله احيانا اشوف الوضع عندنا من سئ الى اسوء ماعتقد بيمر علينا ظروف للنهضة بجميع مجالاتها زي هالوقت ولا شفت الواقع لقيت كلش من سئ الى اسوء كلن يشتكي. ماقول الا لكل مسؤؤل سوف يأتي اليوم الي نتحاسب فيه عند الله سبحانه ولن ينفعك لافلان ولا علان اخوي ابو الوليد في مثل معناه الديرة الي فيها رزقك هي ديرتك توكل على الله وشكرا |
هلا وغلا اخوي موضوعك في محله بس فيه بعض النقاط أكيد فيها إختلاف شوي إنت تقول أنهم يوظفون الأجانب والسعوديين لا لأن الصراحة السعوديين مايستاهلون :d الكلام موب لك :d بس والله العظيم اغلب السعوديين يبون وظائف وهم ماعندهم سالفة :surprised: يبغى راتب في السهر 8 أو 10 آلاف ويتكي تحت المكتب تحت المكيف ومايبي يشتغل :nono: لكن لو تجي تشوف الأجانب يشتغلون بذمة وضمير :yes: لكن السعودي هو المحتاج ويتشرط بالراتب :stoned: طيب أشتغل وبعد كذا كل ماتثبت جدارتك في الشغل أكيد الراتب بيزيد :clapping: لكن الشباب يبغوا الراتب على الجاهز وبعدين نلوم الوزارة :nono: الكلام مو لك اخوي بس حبيت أقول عن واقع بعض شبابنا :) تقبل مروري هلالية لعيونه :smilie47: |
لو تتكلم من هنا لبكرة محد بيسوي شييي !! الله يعينك ويوووفقك وتوكل ع الله |
التعيين يكون فوري إذا كان هناك احتياج لهذا التخصص مثل الإنجليزي والرياضيات الجامعي أو مسار أو فيزياء جامعي اللي بيدخل جامعة لازم يدخل تخصصات فيها احتياج أو يشوف له مجال آخر غير التدريس أنا العام تخرج ولا تعين ودرست السنة اللي جلست فيها دبلوم تعليم متوسط ولله الحمد جاني التعيين بالإبتدائي وإن شاء الله المتوسط بالطريق |
القصير بلاي مقهور وانا اخوك من الي صار لنا وشكل بنشيب وحنا في احد الانحاء ننتظر النقل هذا اذا عينوا وانا اخوك هههههههههههههههه يسلمووو يالغالي على المرروووووووورر |
الهاوي طيب ماعندي راس مال من وين اجيب واكون لي راس مال طيب قدر الله وخسرت وصار ماصار وماجتني وظيفة وش يصير بحالي يالغالي يسلموووو يالغالي على المررووووووورر |
عبدالله اي والله يالغالي البلد الي فيها رزقك ديرتك وربي بطلع خلاص بتزوج وانا خيك تعبنا والله يمدحون الكويت والامارات وقطر وماني راجع الا ميت او متقاعد يسلمووووو يالغالي على المرروووووووووورر |
هلالية انا اكلمك اختي عن التدريس مو عن وظايف ثانية يعني التدريس غثا والكل ينغث منه انا والاجنبي كلنا نبي نشتغل تعبنا من البطالة تعبنا والله يالغالية صرنا مثل الحريم جالسين بالبيت نضيع طفشنا بالنت والله مستعد نتوظف وننكد صح والله عشان الراتب والوظيفة ترى التدريس غثا يااختي يسلمووووو يالغالية على المررووووووورر |
سويلدره اسمي قلت شي بينت معاناة واحد متخرج له سنتين وللحين ينتظر الوزارة تتكرم عليه يسلمووو على المررووووووورر |
هلالي على وقت دخلتنا اللغة العربية محتاجين فيها وبقوة لكن الحين ماعاد يبونا ابد يالغالي يسلموووو يالغالي على المرروووورر |
| الوقت المعتمد في المنتدى بتوقيت جرينتش +3.
الوقت الان » 02:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd