|
اقدم اعتذاري للكابتن فهد المفرج ..! السلام عليكم ورحمة الله وبركاته اخواني اعضاء شبكة الزعيم .. انا اخطأت في هاذي المنتدايات ولازم عشان اصلح خطأي اعتذر من نفس المنبر باختصار .. انا من محبي الزعيم من نعومة اظفاري لكني تهجمت على الكابتن فهد المفرج اكثر من مرهـ صحيح اني ماوصفته باوصاف خارجه او بذيئه ولله الحمد لكني قلت فيه وفي مستواه شئ انا مو مؤمن فيه لكنها جت وليدة عاطفه ومحبه للكيان الازرق وانا هنا مابرر خطأي لكني احكي ماحصل والله شاهد على كلامي فهد المفرج هاذا الانسان اللي عمل كل شئ عشان الكيان ماوجد مننا غير الجحود والنكران والاساءهـ هاذا على المستوى الفني برغم اهدافه الرائعه واستبساله وحضوره الممتاز واكبر دليل على اننا نتكلم عن فهد واحنا نضمر له الجحود والنكران مسبقا اهو اننا مانتكلم عن اخطائه وبس ، بالرغم من انه كل لاعب له اخطائه حتى ياسر وبلنتيه الشهير اللي خرجنا من اسيا العام الماضي غضينا الطرف عنه لانه ياسر [الملااااااااااااااك] :upset: المصيبه اننا ننسف اخطاء غيره عليه والدليل هدف الوحده الاماراتي في بطوله آسيا فهاذا الهدف كان الخطأ فيه على تفاااااريس لانه خرج من مكانه وترك فهد وحيدا يغطي خانتين امام فريق يملك لاعب سريع واللي اهو اسماعيل مطر وبالفعل اخترق اسماعيل من جهة تفاريس وسدد كره من خارج الصندوق سهله ضعيفه ماعمل معها محمد الدعيع اي شئ يذكر بل باركها وهاذا الخطأ الثاني ، برأنا ساحة تفاريس ومحمد الدعيع لانهما فوق النقد طبعاً وللاسف مثل ياسر :upset: وصبينا جام غضبنا على فهد اللي ماله لاناقه ولاجمل في اخطاء غيره اصلا ومااقول الا [اذا حبتك عيني ماضامك الدهر] ..!؟ ثم على الصعيد الانساني نسينا قيام فهد المفرج ممثلا من نادي الهلال مع ندوة الشباب الاسلامي بحفر ابار مياه في احد بلدان افريقيا اللي تعاني ويلات العطش والفقر وكلنا يعرف مال مثل هاذي الاعمال الخيريه من توفيق رباني ودرء للشرور وخلافه ماقول ياكابتن فهد الا انا [مــــــاجد المسعودي] اقدملك كامل وجل اعتذاري امام الكل في سبيل انه تسامحني فانا اخطأت في حقك الكثير ، وسر يافهد واعرف انه محبينك من خلفك عسى الله يوفقك s13s |
... متى يجي اليوم اللي يعتذر فيه المفرج للجماهير ويعلن اعتزاله . . ! وربي لأتقبل اعتذاره وأتكفل بمهرجان اعتزاله بعد . . يعطيك العافيه أخوي على سموحيتك . . .. |
تراكمـ ازعجتونا بـ بلنتي ياسر ..؟ ياسر ضيع البلنتي وعليه ضغط الجماهير بسب رغبه الجماهير بـ ( التعادل ) وليس التقدم بعد هدف اسماعيل مطر والمرافق الخاصه لكـ كأبتنك فهد المفرج .. واذا قلنا ياسر اخطا فـ اخطا مره وحدهـ .. تبيني اذكرك بـ بلنتي زيد المولد .؟ ولا هدف عبدالرحمن البيشي الخرافي ..؟ ولا اهداف فهد المهلل ؟ .. ياخي بالله ريحنا انت وخويك فهد المفرج .. وبالتوفيق لـ الهلال ان شاء الله ونفتك من هالاشكال ..! |
بكيفك اعتذر لكن ابو سعيد :smilie47: فعلا ملاك ضيع بلنتي وجاب اهداف اغلى منه وتذكر مباراة الاهلي في جده ومباراة الحزم في ولي العهد ومباراة الاتحاد وغيره.... ويكفيك انه لاعب متمكن وتقدر تسميه لاعب عكس المفرج الي الكوره في صوب وهو في صوب ثاني يعني لاهو معى الضان ولاهو مع المعزه:upset::upset: والمفرج ماوراه الا النكبات لو هو اعتذر لنا ماراح يكفي اعتزاله هو الي بيخفف من مصابنا احترامي لرايك |
أخـووي شيل يااسـرر من موضوعك ! يـااسر صحيح ضيع بلنتي في آسيا ! لكن حقق لنا بطولتيـن ! أما فهـد المفرج أيجابياته بتعدها على أطراف أصابعك وسلبياته حدث ولا حرج ! متى يعلنون أعتزالهم نهائياً ( مفرجوفيتش وعنقرينهو ) ! |
اقدر لك الفزعة لاخوك او ولد عمك فهد المفرج ما احد يلومك مادامه يقرب لك ولكن اسلوبكم في مقارنة ياسر او التايب او تفاريس باخوكم فهد فيه شيء من الاستهانة بالجماهير الهلالية هل تريد منا ان نعامل الدعيع ويياسر والتايب وتفاريس مثل اخوكم فهد داخل الملعب صدقني اني احب اخوك فهد ولكني لا استطيع المجاملة خلاص كفاية 13 سنة من قهر الجمهور الهلالي اتفق معك ان له حسنات ولكن ابتعاده اكبر حسنة ممكن يقدمها للهلال ان كان فعلا مخلص للكيان مشكلة فهد ليست في اخطائه انما في مستواه الفني , تدري ليه فهد تكثر اخطائه في النهائيات ليس لانه لا يخطيء في المباريات العادية , بالعكس فهد مستواه جدا متواضع ولكن اي ضغط بسيط يبان على حقيقته اما اذا الفريق المقابل مسالم ومهاجميه مو في يومهم تاتون هنا لتصورو من اخوكم انه فلتة زمانه احيي فيكم الدفاع عن اخوكم حتى في الباطل الله يزيدكم لحمة ومحبة ............... |
المهاجم عادي جدا يضيع بلنتي لكن البلاء بالدفاع .. . . . .. |
لاحول ولاقوة الا بالله مثل ماياسر سجل فترى فهد سجل ، ومثل ماياسر سجل اهداف حاسمه ففهد وقف بالمرصاد في الدفاع وطلع كور اهداف ، مو ذنبي انكم ماتطالعون غير المهاجمين وناسين لدو المدافعين انا اللي اقصده انه نكبات تفاريس عمركم ماتتكلموا عنها لكن المفرج اول ريدي ، ليه ..؟ لا وكل اخطا الهلال من قبل مايتأسس لمليون سنه تحطونها وبتحطونها على فهد ، ليــــــــــه؟ وفي النهايه فهد يخطي ويايخطي وكلنا نشجع الكيان ، ولازم اذا نقدنا انه ننقد الكل او نترك الكل اتقوا الله في انفسكم شوي وبعدين انا اللي الشرف اصير او اقرب للمفرج لكن الله يشهد اني مااصيرله ولااقربله ولاعمري واجهته |
إعتذارك للمفرج شىء يخصك لكن متي يعتذر المفرج للجمهور الهلال ؟؟؟ مانبي اعتذار يكفي يعلن إعتزاله ورح نفرح له ونبارك لأنفسنا وندعي له بالتوفيق وياسر والا تفاريس ان كان ضيعوا هدف سجلوا /وشالوا عشرين هدف تكفووووووووووووووووووووووووووووووووووووووووووووون فكونا من المفرج الله يفرج عليه |
الموضوع في اللاعب فهد المفرج منتهي يعني الجمهور تعب ومل من كثر البربرة الفاضيه فيه .. من سنين واحنا نتكلم ولا شفنا نتغير مصيبة لما تشوف الغلط وتعرف المشكله بالفريق وتستغرب تواجدها الا يومنا هذا أضف لهم الثنائي المرح العتيبي والعنقري مبارايات ودية او رسمية الخطا واحد .. من فهد او خالد او حسن قسم بالله العظيم إني اضحك اضحك من قهر بقلبي بعد دخولهم وانا اشوف اهداف اولمبياكوس من بعد ما كان فريقنا ماشي صح يالله يارب إنك تبعدهم وتسعدهم ,, |
إقتباس:
وحنا نحط على قلوبنا طين وعجين من هالمفرج |
اسفهم اعتذارك مو لهم للكبتن فهد المفرج وان شاء الله يقبله وهذولا مو هلالين نصه نصراويه لان ما فيه هلالي يسب لاعب وفا كثير للنادي نعم من يكون انهو المفرج وشكرا الف على الاعتذار |
إقتباس:
من حفره لدحديره ياشيخ ريحنا بسكاتك يعني الي مايعجبه فهد صار نصراوي:upset: |
اقووووووووووووووووووووووووووول بلا مدح زاااااااااااااايد |
للأسف أنت تدس السم بالعسل مأدري ايش اللي تقصده من وراء طرحك لهذا الموضوع اعتذر بكيفك بس لاتبرئ ساحته من الأخطاء وتلوم عمالقة ... كل هذا عشان تدعم طرحك إقتباس:
تقبل مروري |
| الوقت المعتمد في المنتدى بتوقيت جرينتش +3.
الوقت الان » 04:56 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd