للمطفرين فقط .... شوفوا وش صار معي بالراجحي معاناة كثير من الشباب السعودي وهي انه يبقى بالصراف 60 والا سبعين يعني فلوس تقعد ما تنسحب والا تروح محل في شبكة وتصرفها بس احيانا ودك انك تسحبها تحتاجها بنزين والا شي انا عاد كان معي خمسين ورحت صراف الراجحي عشان اودع هالخمسين لان صرافي فيه 63 ونستفيد عاد الايداع كان موقف انقهرت قلت خلني استهبل واسحب 50 تصدقون عاد والله انسحبت لي خمسين ما دري معلومة جديدة والا قديمة وهي انك تقدر تسحب 50 وشكرا |
بصراحة اول مرة ادري ان الخمسين تنسحب ,, مشكور ,,,,,,,,, |
أنا و الله أقولك مثل ما قال أخوي وليدووه أول مرة أعرف إن الخمسين تنسحب :D |
جميل جميل جدا هههههه يعطيك العافيه والله اني احيان ابي بس عشرة ريال واظطر اصرف مية ريال |
أي والله أنك صـادق ،، مره كنت بصرآف وأشوف اللي قدآمـي سحب خمسين ما صدقت .. قلت خليني أجرب وانسحبت معايا خمسين .. يا فرحة العزوبيه :d |
الي اعرفه انه صرافات سامبا الي جوا الحرم الجامعي تصرف حتى ابو 10 ريال:) .. لكن الراجحي معلومة جديدة شكرا اخوي |
اخوي اذا بطاقة صراف الجامعة [ مكافأة الجامعة] تقدر تسحب الى 10 ريال |
مؤسسة النقد ألزمت البنوك بالسماح بسحب فئ الخمسين وألغاء فئة الميتين ذلك لتلبية رغبة المواطنين http://www.x66x.com/download/2798485b00ec52d7c.jpg |
هناك صرافات معينه في الرياض تعطي عيديات ايام العيد :) :d الجد فيه صرافات مثل صراف جامعة الملك سعود تصرف عشرات .. |
هذا نظام جديد صدر قبل شهر .. أو أقل أو أكثر .. يفيد باستبدال فئة 200 ريال في صرافات البنوكـ ويحطون بدالها فئة 50 ريال .. البارح رحت صراف الراجحي وطلبت 50 ريال أنتظرت ماطلعلي شيء .. |
صراف سامبا اللي بجامعة الملك سعود يسحب 10 لو بغيت |
تسلموووووووووووووووون جميعا على مروروكم وردودكم |
مشكور على المعلومه ا[U]لجديدهـ[/U .............................. |
شوووهد الموضوع سمعت ان موسسة النقد اجبرت البنوك انها تحط الخمسين بدل الميتين والله اعلم تقبل تحياتي @ |
اللّي كنت أعرفهـ, انه بنكـ, الرياض والعربي والحمد لله إن المؤسسه ألزمت البنوكـ, بصرف خمسين ريال ’ |
الوقت المعتمد في المنتدى بتوقيت جرينتش +3.
الوقت الان » 09:53 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd