هل .. هاذا يعقل من شبابنا ...؟
 

بسم الله الرحمن الرحيم





اللي دعاني لكتابة هالموضوع هو منظر شفته أمس في فيصليتنا الحبيبة مصيف أهل الرياض

ياما شفنا فيها من تقليعات وحركات هبال ويا ما حنشوف .. تفأجأت حبتين بالمنظر لأني

كنت أحسب حمى المسلسلات التركية طفت شوي بس شكل الفراغ عامل عمايله في شبابنا

ما لكم بالطويلة ..

كنت طالع الفيصلية أمس وأنا طالع عالدرج قال لي اخوي: لف وراك شف ذالمجنن وش مسويين

حاولت ما أبين إني أطالع ولفيت وجهي وشفت شابين سعوديين في عمر الزهور ( أمحق زهور )

واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ


http://www.vp.rghh.com/imgcache/up/7642.imgcache.jpg


طبعا ما دريتوا ليه الفخر والشموخ ؟ أنا أقولكم

كانوا المماليح طابعين صورة لميس حقت سنوات الضياع (الممثلة التركية ) على صدورهم

ورازين خششهم في كل مكان مبسوطين على لفت الإنتباهـ

http://www.vp.rghh.com/imgcache/up/7643.imgcache.jpg

والتعليقات والهمهمة والتهزيئات اللي

تجيهم من هذا وذاك وين ما راحوا ( على بالهم مسوين حركة ) لا ويقول واحد منهم تعال نروح

لصالة المطاعم ماشافونا هناك http://www.vp.rghh.com/images/smilies/xx/x22.gif الحمد لله والشكر يا مثبت العقول بس !

http://www.vp.rghh.com/imgcache/up/7644.imgcache.jpg


يعني صح لميس حلوة وكذا بس من هي لميس ووش سوت عشان تنرز صورتها بهالطريقة على

صدور رجال مشوربين وكل واحد كبر الجدار.. تصدقون ما ذكرت إلا المثل اللي يقول

( أجسام البغال وعقول العصافير ) مع احترامي للبغال !

المهم لحقهم ولد أختي الصغير وصورهم .. صح ان الشباب عليهم طلعات بس منظرهم سخييف وتافه

وأقول .. ,

لهالدرجة وصل فينا الإنحطاط الفكري ولا عاد يشغلنا غير لميس ومهند وربعهم !!!


منقول

ذا اللميس خلـت ربعنا ملاااااحيس...
^^^

هذا اللي اقوله وهالبنات طايحين في مهند (ملعون الوالدين) والله اني انقرهت من بعض هالعرب مقدسين ذا الثلاثة>> لميس-مهند-نور

الله يهديهم

صدق من قال اهل العقول في نعمه

الله يصحيه ويهدهم

حال الشباب السعودي يرثى له . . . ! !

اخوي اعجبني كلامك انت تقول انة لميس ( تكرمون ) حلوة ومنهي حتى تعلق صورتها . . . الخ

انا بقولك على شغلة واهي العلاج للاشخاص المتولعين بـ ( لميس ) واهي . .

( افتخر بوحدة شينة محترمة ولا بوحدة حبايبها ملايين ومتبرجة )

دمتم بود
دام السماء زرقا و قلووووووبنا بيض ............. أكبر فخر لا قلت أني هلالي

بالتوفيق للزعيم