مسألة عقد الهلال مع موبايلي أو الإتصالات من وجهة نظري لا يعني أنني سأذهب مع الشركة الراعية وذلك لأن الشركة لن تعطيني مميزات خاصة على اعتبار أنني مشجع هلالي، أنا لا أؤيد فسخ العقد مع موبايلي وذلك لإحترام العقد فقط وإلا سنرى الهلال كل عام يوقع عقداً جديداً .. والإتصالات السعودية إذا فعلاً قدمت عرضاً جديداً للهلال فهو ليس حباً للهلال بقدر ما هو نكاية في شركة موبايلي .. وإذا حدث هذا فعلاً ماذا سيقولون من طبلوا لموبايلي وجعلوا منها الشركة الرائدة في عالم الاتصالات وهل سيرجعون للاتصالات السعودية؟

من وجهة نظري الخاصة تبقى الاتصالات السعودية الافضل والأقوى سواءً وقعت عقداً جديداً مع الهلال أم لم توقع ... تحياتي

موباااااااااااااااااااااااااااااااااااااااااااااااااااايلي وبس

اقول الظاهر انك شغال بشركه الاتصالات,,,,,,,,,,,,,,



تحياتي لك اخوي

أقول أبو الشباب موظف في الاتصالات

وجاي تسوق عندنا


وترا الاتصالات ماهيب شركة دلاخة الموسم قبل الي فات محاكم حنى وياها والان تحبنا تبغى تأخذ بالثأر

الله يكتب الي فيه خيييييييير
......................................

واعتبرني غلطان منك السموحة بس معشوقة قوية !!!! انا اقول الاتصالات مصاصين دماء .. وهذي ماهي فزعة لموبايلي هم وتغطيتهم اللي تحوم الكبد مع العلم انها جيدة في الرياض .. لكن الاتصالات !!!!

ياخي شوف معاملة شركة الأختلاسات مع العملاء نعال النعال قسم بالله تقل يبي يسدد الفاتورة عنك اما معاملة شركة موبايلي عسل

العسل وهذا اللي حببني فيهم وشف ردهم بالرد الآلي غير عن رد شركة الأختلاسات رد شركة موبايلي ان انهبل قعد دقيقة ويرد

عليك الموظف اما شركة الأختلاسات يقولك انتظر عشر دقايق ويرد عليك الموظف طبعاً العشر دقايق تندبل وتصير عشرين ويرد عليك

وبعظهم يقطع المكالمة بوجهكـ ، ياخي ماودي اطول على الجميع انت موضوعكـ بايخ ما اقول الا قم بس قم

موبايلي وبس...
والله انها مقااارنة فاشلة
بالنسبة للتغطية انا شريحتي موبايلي و ساكن في الشرقية ولا يوم صار لي بدون تغطية.

ي اخي تبي تقنعني ان الاتصالات افضل !!

مع كامل احترامي لك .. شركة موبايلي هي الافضل ..

شركة الاتصالات الشركة الحرامية الاولى !

شكرا صاحب المووضوع

إقتباس والله يعين موبايلي وزين يبيلهم سنين وشهور عشان نقدر نحط مقارنة فعلية بينهم وبين شبكة الإتصالات السعودية

يعني فيه فرق شاسع بالسنين
اهم شي ان لو يحول الهلال الى الاتصالات انا ما راح احول من موبايلي
يعني بختصار ما راح ارجع للاتصالات ولو ما يبقاء الا انا..
وبعدين استفتاء بسيط الخط الثابت لمين مهوب للاتصالات السعوديه ؟ الاجابه نعم
طيب انا من يوم الجمعه10.00 صباحا والنت طافي واليوم الاحد الساعه 1.30 الظهر ولساء طافي
انا ما ادري وش السبب وادق عليهم ويقولي انتظر 24 ساعه..
والحين انا كملت 48 ساعه ما احد دق على..
طبعااا انا من محافظه الزلفي وكل الزلفي طافي والا كم واحد شغال عندهم
ويقول عطل في الشبقه المقسم القديم 422
طيب شركه بهذا الحجم ما عندهم مقسمات احتياط او ما يقدرون يسوونها خلال يوم ..
طيب يبي يسون تعويض زي موبايلي اللي انقطع على قولتهم 7 ساعات
والثابت له ثلاث ايام ؟

وعليكم السلام ورحمة الله وبركاته..!!
مشكور أخوي على الموضوع..!!
ومن رأيي إنا نبقى مع موبايلي..!!
ويبدو أن موبايلي سترفع العرض وحتى إن لم ترفع العقد فيجب علينا الإبقاء عليها واحترام العقود..!!
وبالنسبة للخدمات فإحنا(كنادي)لا تهمنا الخدمات بعكس الجانب المالي وهو المهم..!!
تحياتي..!!

من هو لاشك فيه ودعونا نكون صريحين ولا نغالط انفسنا وانسوا انكم معشر بني هلال

ان الاتصالات افضل من موبايلي من حيث خدمات ومكالمات وابراج وكل شيء

الله يكتب الخير للزعيم سواء موبايلي او الاتصالات
وشكرأ على الامقارنه الرائعه