كلامك سليم
وكثر الله من أمثالك

يعني تبي تقنعني ان المفرج لاعب زين

طيب خها مني

اقسم بالله العلي العظيم ورب الكعبه ان المفرج افشل لاعب

يا خوي ابي اعرف وشلون تناظرون
د
يعني انتو تشوفون شي انا ما اشوفه

الله لايبلانا مثلكم

[quote=الضرغام الازرق;9335519]يعني تبي تقنعني ان المفرج لاعب زين

طيب خها مني

اقسم بالله العلي العظيم ورب الكعبه ان المفرج افشل لاعب

يا خوي ابي اعرف وشلون تناظرون
د
يعني انتو تشوفون شي انا ما اشوفه

الله لايبلانا مثلكم[/quote
يا أخوي أنا أتكلم عن النقد بشكل عام وضربت مثال بالمفرج علماً بأنني أرى بأن المفرج مدافع جيد أرجو أن تعيد قراءة الموضوع بشكل جيد.s13s

لا مانع من إبداء وجهات النظر ولكن بحدود المعقول وعدم تجاوز الخطوط الحمراء

$الأتعليق$
$دمتم بود$
$؟؟؟؟؟؟؟؟$
$.....................$

شاكر مرورك أخي أبو الفزع.................

انا مع ابدا الرأي وليس مع النقد الجـارح والغير مفيد ...

جزاك الله خير وعلى عيني وراسي كلامك لكن وانا اخوك خلنا واقعيين شوي يعني حنا كجمهور بشكل عام نشوف كوره او بشكل عام الكره تشكل ربع الى نص حياة الشاب السعودي او الخليجي بشكل عام و تلاقي اغلبهم متعصبين حتى لانديه اوربيه مو وطنيه بسس ,,مستحيل ان المتابعه ما تفهم الانسان ابجديات الكوره فاللي نشوفه على سبيل المثال من المفرج من اخطاء كثيره تثبت لك انه لاعب اقل من عادي الى سيء وما اظن ان هذا الشي يحتاج لنظره فنيه وعلى سبيل المثال يجي واحدا يقولك زيدان سيء وهو في عز توهجه وابداعه انت ما راح تعيره اي اهتمام لانه مو واقعي و تحس اصلا انه فيه خلل في مخه لكن لما نتكلم عن لاعب زي المفرج نجد ان 90 الى 95 % من الجماهير تعطيه حكم انه مو من مستوى الهلال و هذا ما فيه مكابره ولا يسوى انك تكون فني او خبير رياضي على ما قال المثل الشمس لا تحجب بغربال على العموم لك جزيل التحايا على اسلوبك الراقي و انا معاك و ضدك في نفس الوقت معاك ان فيه بعض اللاعبين ما نقدر نقييمهم و مو معاك ان في بعض اللاعبين واضح انهم سيئين بدون ما نستشير احد :)

لاأنا مدرب ولا لاعب لكن اشاهد مباريات بعدد شعر راسك وأفهم كورة ورح اقول رأي في اللاعب يمثل

فريقي اللي أشجعه وموعاجبني لعبه حتي وان كان اسلوب نقدي مو بإسلوب فني ورص كلام

ترا الدعوة كورة مو سالفه إختراع او عمليه قلب

يعني من الأخر مفرج- عنقري- تمياط -عنبر- ذياب -حسن العتيبي (الله يفكنا منهم )

هذا رأيك وأعتقد انه عاطفي ولكنه بالتأكيد ليس نقد................

شاكر مرورك أخي على المداخله الرائعه والتي تراعي ادب الحوار هذا ما أعنيه من موضوعي ولكن رأيك في بعض اللاعبين مجرد رأي قد أوافقك أو أختلف معك به ولكن بالنهايه رأي المختصين هو الأهم والأقرب للصحه لأنه نقد مبني على رؤية فنية

الاخ سهل العاقل

يالغالي موضوعك جيد ومهم من حيث الفكره والمبداء
لكن للاسف ان الجميع يعتبر اي عضو ينتقد لاعب هلالي يعتبر ( مندس - ومشجع سيء او مشجع للاعب معين وليس مشجع للفريق الهلالي .. الخ ).

واستغرب اكثر من الردود الغريبه .

يعني انا مثلا ما اعتقد ان فهد المفرج لاعب ولا يستاهل حتى ان يرتدي شعار الزعيم ( انا ذكرت المفرج بالذات لانك ذكرته بموضوعك ) واذا جيت وقلت ان المفرج لاعب فاشل ومستواه اقل من عادي واي لاعب حواري ممكن يقدم مستوى افضل منه وياليت يتكرم علينا ويعتزل وساكون اول من يحضر حفل اعتزاله واقدم له هديه شكر وعرفان من جمهور الهلال لاعتزاله .

يجي واحد مطفي النور ويرد علي يقول : هذا لا يجوز سب وتجريح وغيبه وقذف اخوك المسلم .

انا اعتبر رده رد سخيف لاني لاقذفت ولا سبيت كل الي سويته اني وصفت مستواه وقيمته كلاعب مالها علاقه بالاسلام والقذف والكلام الي يقولونه , يعني لازم اكذب واقول قدم متسوى جيد والمفرج لاعب من الطراز الاول .!!!
لا و1000 لا الا لاعب فاشل من يوم الله ورطنا فيه وسجل في نادي الهلال .
واستغرب من الي يرددون علينا ان المفرج لاعب خلوق ومتدين وفدائي , شلون فدائي هو لاعب كوره ولا في الدفاع المدني .؟؟

انا مااحتاج لاعب فدائي او متدين او لاعب يتميز باخلاقه , هذي كلها مواصفات شخصيه اما صفات اللاعب ان يؤدي ما يطلب منه داخل الملعب يعني مدافع يطلب منه استخلاص الكوره من المهاجم وابعاد الهجمات الخطره ويكون سد منيع في الدفاع مومدافع يسجيل الاهداف في فريقه بجميع الاشكال , للاسف انه لعب جنبا لجنب مع تفاريس وليته استفاد وتعلم منه ..!!

وينط لك واحد يقول كل لاعب معرض للخطا .
اقوله صح كل لاعب معرض للخطا لكن مو لاعب واحد بس هو الي يتسبب بالاخطاء وكلها اخطاء قاتله وتتسبب بضربات جزاء او انه يسجل بمرمى فريقه . باختصار المدافع يجب ان يكون جدار حصين ( والمفرج جدار من طين )
لكن مالنا الا الصبر ويجي يوم ويعتزل ويفكنا الله يرحم والديه

لاعب يستحق لفب ( النكبــــه ) بكل جداره واستحقاق
لاعب يفرح الفريق الخصم بوجوده اساسي في تشكيله الهلال لانه ثغره سهله في الدفاع وطريق ممهد للمهاجمين واذا ما سجل المهاجم ما يقصر هو يكمل الناقص ومن اروع الاهداف اهدافه في مرمى الهلال

ولاعب مثل المفرج ما تحتاج نقاد او محللين فنيين للوقوف على مستواه لو تسأل فهد المفرج وتقوله وش رايك بمستواك ؟ بيقولك صراحه مستوى يفشل. وانا حتى بالوت ماالعب معه مدري كيف بقيه الاعبين متحملينه معهم

وانت ياسهل العاقل لو منت مقتنع ان المفرج فاشل ما ذكرته كمثل في موضوعك ..!!
ولا وشمعنى تركت كل الاعبين واخترت المفرج


وانا لو كنت رئيس لنادي الجبلين او الحماده او حتى رئيس فريق دوره رمضانيه لا اقبل بوجود المفرج في فريقي . عاد وش رايك بالهلال ؟؟
مو مصيبه هذي

تحياتي ..........

رأيك وأنا أحترم رأيك ولكن الموضوع ليس عن المفرج ولكني ضربت مثال لا أكثر ولا أقل علماً أنني أرى بأن المفرج لاعب جيد له بعض الأخطاء مثله مثل جميع اللاعبين وشكراً على مرورك والأختلاف بالرأي لا يفسد للود بقية.تحياتي

فعلا انت سهل وعاقل كانك تكتب ماأريده شكرا جزيلا لك اتمنى أن يقتدي بك كثير ممن يكتبون في المنتدى

شكراً لك أخي أبو الليل ..............................