|
إنها الريِّش يا سيدي!! السلام عليكم قبل كل شي احب اشكر كل من سأل عني وفقدني بغيابي طول المدة اللي راحت ..!! واقولهم جعلكم ما تفقدون غالي .. وانا عاجز عن الشكر والتقدير لكم ..! وانتم رأس المال يا جمهوري العزيز :smilie47: ربي لا يخلينا بس ..!! << اصفقني تسان احد طق لك خبر :d لا بس جد اكره ما عندي اللي يجيك يغط يومين والا ثلاثه وهمن يجيك يقول رجعت لكم وكلي شوق وتهاني و سارة و فاطمة :d .. قصدي كلي شوق لكم .. وشكراً لكل من سأل في غيابي .. وصدقوني كنت فاقد المنتدى ومشتاق له بالحيل ومشتاق اقرأ مشاركات خواتي قبل اخواني << ليدز فيرست :d ( خشة تغمز وتقول ما تسذبوا العنقليز ) والمشكلة بعضهم الله يهديه ينكب عمره وناسي انه مسوي تسجيل خروج بيوزره الاصلي :d ..!! اجل شكراً لكل من سأل ومدري وش وهو رأس ماله 15 مشاركه وكلهن مشكور ويعطيك ربي ألف عافية :d ..!! تسان احد فقدك فهو حبر المنتدى والا غيره محد طق لك خبر ..!! الحين تشوف عند بعض البوفيهات والا المطاعم .. لوحة مكتوب عليها "نعتذر للزبائن الكرام عشاننا ما نقدر نجي نأخذ الطلبات من السيارة " ومكتوب بخط صغير تحت ازين عشان تتحركون يالسعوديين :d .. على طاري الحركة صدز والله يا حنا شعب كسول بقوه .. على قولة واحد من الشبيبه يقول مهنا اكسل مننا والله يحلل الزوله عندنا .. الحين نمر على مليون صراف وما نرتاح الا اذا كان صراف سيارة عشان ما ننزل ونروح للبقالة وندق البوري لين مايجي الهندي واخرتها مانبي الا ماء بس :d .. ونروح للمطعم ما ننزل نطلب لا بالسيارة .. وان جينا نبي نروح للمسجد لازم بالسيارة .. يقول اخاف باتسر اذا جيت بروح لغرفتي لازم اروح بالسيارة :d .. المهم برجع لسالفة طلبات السيارة .. الحين هالقرار البعض يطبقه وما نقول شي والبعض ساحب عليه وبرضوه ياليت الكل يسحب مالها داعي كل شوي نازلين :d << ماتسنه تكلم عن الكسل قبل شوي :d .. ما نقول شي دام ان فيه قرار بالشي هذا صادر من البلدية والشرطة مدري المرور مدري امن الطرق .. اللي يقهرك انك انت يالمواطن العادي تطبق هالقرار وتنفذه وتنزل وتطلب من المطعم .. بينما تشوف العسكري بسيارة الحكومة واقف بالسيارة ويدق البوري لين ما يجون لحضرته طال عمره ويأخذون طلباته ..!! ونفس الشي تشوفه من موظف البلدية اللي يجي بسيارة البلدية يعني بوقت الدوام الرسمي له ..!! طيب القرار صادر من عندكم ليش ما تطبقونه انتم وتكونون انتم اول من يطبق هالشي ؟؟؟! مهوب بس هالشي على المواطن العادي اللي مهوب ماسك دوريه ولا سيارة بلدية ..! يعني اقسم بالله شي غريب .!.! انا عارف ان القرار صحيح لان تشوف بعض المطاعم من كثر الزحمه عليه الشارع مسدود وما تقدر تمشي السيارات ..! لكن شي يقهر ان القرار يصدر من جهات وهم آخر من يطبقه (( خشة تناظر المرور واول ماطبقوا سالفة حزام الأمان )) ..!! عقبها يجي اللوم على المواطن عشانه ما ينفذ القرار ولا يمشي عليه .!.! وشلون تبيني انفذ قرار صادر منك وانتم آخر من يطبقه .!! عندنا مليون قرار وقرار طلع وآخر من يطبقه اللي مصدرين القرار ؟؟!! (( وجه يقول طبقه انت اول همن حاتسني << الحماس شين صح :d )) http://up.k000k.com/uploads/14b9551fea.jpg :d:d:d:d:d:d:d والله يا بعض الخطاطين مدري وش يبون .. فيه اخطاء ساذجه وغبيه نشوفها .. وترفع الضغط .. يعني مثل اللي فوق اجل جهاذ ؟؟ ما ادري هو يوم يكتبها يفكر في ولده اللي اسمه جهاد والا يفكر في الجهاد << اركد الله يصلحك :d .. والا يفكر في الاجهاض :d والا وش يفكر فيه يوم يكتبها كذا ؟؟!! ادري بعضكم يبي يقول عادي هذي اخطاء املائية مثل ما موضوعك مليان اخطاء املائية وراك شاب(ن) عليهم وناسي نفسك .. بأرد عليه وبأقوله انثبر الله يصلحك ولا يكثر لا اطردك من موضوعي :d .. لا بس فرق بين موضوع فيه مدري كم كلمة وبين ثلاث كلمات ؟؟!! والا بعض اللوحات الخاصة بالمحلات تشوفها من جد ما ادري وش تبي ؟؟!! ودي بس وقت كتابة اللوحة اشوف الخطاط اللي كاتبها عشان اطب في بطنه ..!! اذا لغتنا ماضبطناها اجل وش نبي نضبط ؟؟!! قبل كم يوم قريت بالجريدة ان فيه عروس حطت زفتها موسيقى سنوات الضياع (( علينا حركات :d )) ..!! طبعاً مدري اذا العروس لاعبه على نفسها على اساس انها تبي تصير لميس وحنا ما ندري :d .. لكن من هالمنبر اقولها تبطين عظم :d خخخخخخخخخخ .. وبرضوه قبل فترة قريت بالجريدة ان واحد كويتي استأجر القصر اللي يمثلون فيه مسلسل نور .. لمدة ثلاث ايام .. على اساس انه يبي يقيم عرسه هناك .. وارسل الدعوات ومعها التذاكر لتركيا وسكن بفندق خمس نجوم (( حتى بالماريه كان كاتب تحت يمنع اصطحاب الاطفال ودخول المغاتير وجوال ابو كاميرا :d )) << يازين من اخذ التذكرة وسحب عليه هو وعرسه بس :d لا الجد يعني الى هذي الدرجة الشعب تحمس ودخل جو مع المسلسلات التركية ؟؟!! ادري باتسر بشوف علك اسمه سنوات الضياع والا فشار باسم مهند ونور ..! مثل ما شفنا باب الحارة .. طفوا العالم بالشي وادهروا به ..!! والله يا حنا شعب طفافي يطف بالشي لين تندبل تسبدك منه ..!! منب اقول لا تتابعون والا لا تشوفون .. ما علي منكم كل واحد حر بنفسه ..! لكن توصل الامور للدرجة هذي ان العروس تنزف على موسيقى مسلسل ؟؟! والا اني اروح استأجر بيت مصورين فيه مسلسل ؟؟! اهل العقووول براحه .. عرس كويتي في فيلا نور ومهند زفة على أنغام "سنوات الضياع" وتقولون لي تزوج يا صدى ؟؟!! نصيحه لكل من عنده معاملات او امور ماقدر يمشيها .. بإختلاف الاسباب سواء كان السبب انها مخالفة او ان الموظف ما جازت له خشتك .. من يوم وانا صغير وانا ما اصلح شي الا بمقابل :naughty: .. تبي مني شي وش لي ان جبته لك ؟؟ تبي مني مثلاً اغششك بالاختبار ؟؟ والا احل لك الواجب .. حاسب عني بالفسحه :d .. من يوم اني صغير وانا حاط في بالي ان الدنيا اخذ وعطاء .. وعشان تأخذ لازم تعطي ..!! مستحيل انك تأخذ من دون ما تعطي شي .. واتبعت هالشي في كل حياتي :d .. حتى ان اهلي ماينادوني الا بالمادي :d .. ومن خلال تجربتي الواسعة عرفت ان اسرع طريقة لتخليص الامور وتزبيط وضعك سواء كان بحجز على الخطوط :d والا بلوحة من المرور :d والا بتوقيع من المدير :d والا بموافقه على مشروع من الوزير :d .. انك لازم تجتمع معه على طاولة طعام وحده :d :naughty: .. ادري بعضكم يبي يقول وش دخل طاولة الطعام اقوله لا تصير مستعجل واصبر وتبي تعرف السالفة .. بعض الامور ما تمشي الا بدهن السير :yes: ومثل مانسمع دايم عن مضاريف والا تحويل بحساب بنكي والا غيره من الامور المادية اللي ما وراها الا الخساير بس .. ويمكن تنكشف كل امورك وتأكلها وتضيع كل مشاريعك .. اكتشفت طريقه سهله وما فيها ذيك الصعوية بالحيل .. اقل تكلفه واسرع نتيجة و اقل خطراً .. وانا بنشرها عشان الكل يستفيد منها بعد ما خلصت وقضيت كل اموري وما عاد احتاجها :d .. فهي نصيحة لكم يا معشر الاعضاء .. استغلوا هالشي دامه ببلاش قبل لا نشفر النصايح ونتعاقد مع art :d .. كلنا نسمع عن سالفة غداء والا عشاء عمل .. واقول وش هالعمل اللي ما يجي الا بغداء والا عشاء وشلون يشتغلون هالناس .. يعني ما يعرفون يجتمعون ويتناقشون الا وهم يحركون ضروسهم :d ؟؟ لكن اكتشفت ان هذي هي اسرع طريقة لتضبيط امورك :d:naughty: .. مهوب دايم يقولون ان اسرع طريق لقلب الرجل هو بطنه ؟؟ واطعم الفم تستحي العين ؟؟ كل السالفة انك تجي وتجتمع مع اللي تبي منه الشغله وتعزمه على شي يأكله ويحرك به ضرووسه وصدقني تبي تمشي كل امورك .. بس طبعاً تختلف الاوضاع يعني لكل منصب معين مطعم .. تسان فيه معامله في موظف الصادر والا الوارد والا الارشيف .. اقرب بخاري وابشر بسعدك :d .. تسان فيه معاملة عند رئيس قسم لا ضبط الوضع عند اقرب فرع لـ غوزي :d وابشر بسعدك .. تسان فيه معامله عند مدير ادارة احرص انك تأخذه لمطعم صيني :d وابشر بسعدك .. وامش على هالمنوال وصدقني تبي تخلص كل امووورك :d .. كل ما كبر المنصب كبر المطعم قدراً وفاتورة(ن) :d .. لكن اكتشفت ان اسهل طريقة وتنفع لكل الشخصيات وكل المناصب الإدارية صدقوني من خلال تجربه :d مهما كان المنصب كبير والا صغير :yes: اضمن لكم النجاح ..! إنها الريِّش يا سيدي!! :smilie47::naughty::d واضح اني كاتب الموضوع وانا جوعان صح :d ؟؟ |
إنها الريِّش يا سيدي!! :smilie47::d http://travel.maktoob.com/photo/data...um/1_20_13.JPG وش يذكرك به :stoned: حتى يكون جميع الأحباب في الصورة فسوف أحبرهم بسالفة الريًش بصدق وشفافية ..:d القصة هي ان ثلاثة من أعضاء المنتدى الكبار والمميزين استدرجوا مشرفاً جديداَ :stoned:إلى احد المطاعم وعزموه على ريَش :smilie47: وبحكم أن ذلك المشرف حسن النية فقد أحسن الظن بهم لكنه صدم حينما علم بمطالباتهم وان وراء ذلك العشاء مصلحة تخالف مبدأه في العمل:bigeek: فما كنا منه إلا أن كرشهم :d فبدأ الضغط عليه بورقة الريًش حتى يرضخ لمطالباتهم وطلباتهم !!:naughty: ولكن بالتأكيد سيبقى صوت الحق والعدل شعارا لذلك المشرف :razz: حتى ان كلفه ذلك حياته ,,, حيا الله عميدنا وحبيبنا صدى الامس :smilie47: منور المجلس بها الموضوع الدسم >>>> انا اشهد انه دسم :d:d وبصراحة مدري من وين ابدا من فوق والا من تحت :d:d إقتباس:
اما سالفة طالبات السيارات والله معاناة :yes: من قبل ما كنت احب اطلب من السيارة :nono: اللحين كل شي من السيارة البقالة المغسلة البوفيه بس لو الله يهديهم ويخلون المندي يجي للسيارة :d امس وقفت مع واحد من العيال عند كوفي وطنب للعامل ولا جاء من العجز مشينا خليناه :upset: ورحنا لكافييه فيه طلبات سيارات لكن والله معذورين لان القصة صارت في عز القايلة :stoned: إقتباس:
على طاري الاحطأ الاملائية ترى ردي هذا ملغم بالاخطاء لان الكيبورد عندي حروفه ممسوحة :d ما فيه الا الـ ذ و ظ و د و ئ سليمة :d:dويوم دققت بالسبب طلع موقعهم الجغرافي مميز :d لانهم ماسكين الزواريا وعلى قولة المثل الزوايا خفايا >>> ياشيخ طس انت وامثالك :stoned: إقتباس:
هههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه الله يرج ابليسك يابو امس :smilie47: وعلى قولتك اهل العقول في راحة :yes: إقتباس:
تسنك تدري اني احب الريش :smilie47: ياسلام عليك ابو صدى فاهم الدنيا صح من يوم انت صغير s60s بس ودي اسألك المشرف هل ممكن يدخل في غداء وعشاء العمل >>> عنده عروض جيدة :d:d وهل هذا الامر يعتبر رشوة :surprised: :smilie47::d:naughty: يازين الريش اللي خلت عميدنا ابو صدى يطل علينا :smilie47: الغالي الحبيب صدى الامس مشكور على الموضوع الذي يعج بالرمزية المقننة :d:d ويمتلأا بالاسقاطات المفننة :clap: وعقبال المفطح :smilie47: دمت بخير وعافية ,,, |
الحين انريش بك والا كيف هههههههههههههههههههههههههههههههه :D حياك الله بعد طول الغياب .. والله يا انك ما تجي الا في اوقات صعبه :D لا احد يقول له ان عندنا مباره ثم يرابط عندنا :D إقتباس:
سالفة المطاعم :D عندنا مطعم 24 ساعة زحمة زحمة زحمة .. الخط مقفل .. عاد المطعم قبل الاشاره بـ عمارتين .. يعني حفففففرررر تطلع .. المهم جاء القرار وباقي العمال يطلعون .. وش الدبره .. وش الحل .. ويجيك واحد ويوقف وايت صرف صحي على باب المطعم .. والله يا هو خلى الوايت يومين عند الباب .. وتشوووووووف الشارع فاضي :D .. عاد يقولون ان الصورة طلعت في جريدة الوطن مدري عكاظ <======# اهم شي في جريدة درجة ثانيه :D جهاذ خخخخخخخخخخخخخخخخخخخخخخخخخخخخخخخخخخخخخخخخخخ:d اليوم ان شاء الله بطلع واصور لكم بوفيه عندنا .. مكتوب على بابها .. مكلكل وفلافل وعدس <=========# ابصم بـ العشر ان اللي كاتبها بنقالي :D إقتباس:
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ههههههههههههههههههههههه مرووووووووق على الصباح .. ما شاء الله عليك :d صدى موضوع خفيف لذيذ على الصبح <===# جوعان بعد اهو :d يالله احس اني فليتها من جد :d |
ما أجملك و ما أجمل مواضيعك. الشرطةُ في خدمةِ الشعبِ ، و خادمُ القومِ سيدهم لذلك هم لا يُطبق عليهم العرف و القانون. حتى و هو يحرر لك مخالفةً فعليك أن تنزل من سيارتك و تكلمه من وراء نافذة سيارته هو لتعطيه الرخصة و الإستمارة فإذا عرف اسم عائلتك تركك تمضي. زخم المعرفات الرديفة يزكم الأنوف ، فتجد أحدهم يرد أو يرسل أو "يتميلح" و لا يعرف أنه مكشوف للأعمى. أنا أعتقد أننا أعطينا هذا المسلسل التركي مع أخيه الثاني شهرةً أكثر مما كان تحلم به المجموعة التي تبثه. صحفنا اليومية و المنتديات لا تكل و لا تمل في نشر أي حدثٍ فيه تأثر بالمسلسل. المشكلة في نظري أننا بتحذيرنا الناس عن هذين المسلسلين نقول لهم بطريقٍ غير مباشر أن ما سواهما لا بأس به. دمتَ بخيرٍ و رضا |
هههههههههههههههههههههههه حسبي الله على بليسك والله يا أنك فله مدري باربي ياطويل العمر الخطاطين ذولا مدري وش يبون يجيك باكستاني ويبي يكتب عربي ....! دبرها أما اقتراحك فهو أطلق شيء ويقولون اسئل مجرب ولا تسئل طبيب وعلى فكرة انا جربته مع واحد عامل بنقالي يشتغل في مغسلة عشان إذا صار زحمة يخلص هدومي قبل الناس هههههههه بس عزمته ببوفية بجنب سكن عمال والله ياهو استانس على السمك الصغنون ههههههههه صدى الأمس لو أقول أحبك لا لا احسها ماتوفيك قدرك أموت فيك لا لا ما تنفع أعشقك لالا ما تنفع ايوه لقيتها أقول هنا بس يالله ههههههه حبيب قلبي والله والعشى الليلة على حسابي فيه بوفيه كويسة جداً ما تعشى احد منها إلا وترقد ثلاث أيام هههههه بس ولو الجوع شايف شغله معك ، إلا على طاري تعرف تحستي انجليزي ؟ إذا تعرف بعزمك مصالح متبادلة أنت تاكل مقابل انك تهرج معي هههههه تحياتي وقلوووووووب كثر أعضاء شبكة الزعيم |
إقتباس:
صدى .. يا هلاا بعودتك وما نبيك تقطع وإذا بتقطع ترانا بنفقدك مقدماً :stoned: http://travel.maktoob.com/photo/data...um/1_20_13.JPG شهيتونا بالريش :smilie47::stoned: ماجد مقبل لازم تغدينا في الاستشاري !! , :d أجل مشرف ببلاش !! , |
عـوداً حـمـيـداً أيـهـاا الـمـاادي :d لـك وحـشـة يااا وحـش .. (أمـوون :yes: ) .. الـمـسـلسـلااات الـتـركـيـة أثـبـتـت (الـفـرااغ الـعـاااطـفـي) .. ولااا فـيـه حـل الاا مـسـلـسـل (تـكـروونـي) .. يـسـد كـل فـرااغ عـااطـفـي .. عـنـي لـيـخـلـيـهـم يـتـرعـوون مـن زوود الـعـااطـفـة .. :d دهـن الـسـيـر .. أنـمـااطـه مـتـعـددة .. تـصـل ذروتـهـااا عـنـد تـعـبـئـة سـلـنـدراات الـريـس .. وتـرس سـيـااارة الـعـمـل (الـونـيـت) بـالـخـضـرة كـل جـمـعـة .. الـى سـقـي الـزرع بـاسـتـرااحـتـه .. والـطـبـخ والـنـفـخ .. خـصـوصـااً اذاا كـاان يـجـيـد الـمـنـدي .. وتـتـدحـرج الـى الـمـصـلـحـة الـرسـمـيـة ... يـعـنـي مـسـوي فـيـهـااا الـمـوظـف انـه رسـمـي وتـشـووفـه يـتـشـقـق حـتـى الـتـمـطط لااا ضـحـكـلـه الـريـس .. واذاا عـبـس صـاار وجـهـه كـنـه كـفـر ضـغـطـه 5 ... مـاا سـبـق كـاان فـي الـقـرن الـمـااضـي .. قـبـل سـنـة الـ2000 .. الـلـه لااا يـعـوودهـاا بـشـر .. وحـل مـحـلـهـااا (الـريـش) :d :d يـااا سـيـدي :) :) |
وعليكم السلام والرحمه،، هلا وغلا ومرحبا 600 بعديل الروح:) إقتباس:
اعذرني على سوء ظني بك:stoned: إقتباس:
قبل كم ساعة كنت في مستشفى التخصصي مع والدتي، وبحكم إن الوالده الله يحفظها كبيره بالسن فهي ما تقوى تطلع الدرج وبالتالي لا عناة لها عن اللفت (المصعد)، والله يا جماعة إني جلست أنتظر معها وقتاً ليس بالقصير عشان نقدر نركب اللفت، كل ما انفتح الباب هجموا عليه رجال وشباب وعبوه بالكامل! وأجزم بأن صحة الواحد منهم تخليه يقدر يطلع عشر أدوار بالدرج وينزل من دون أي تعب، فما بالك بدورين أو ثلاثة!!، لكنها قلة حياء!. إقتباس:
وش السالفة؟ الظاهر سوء ظني كان في محله!، لذلك لا تعذرني عليه:nono: إقتباس:
إقتباس:
تسان كيم سونغ تو متش سومطره >>> هذا إذا صار مديرك كوري وأمه أندنوسية:d الله يوسع صدرك بالرضا والعافيه، وسعت صدري في وقت أرغب فيه بإجازة من دون مرتب:stoned: إقتباس:
وإي والله إنها الريّش يا سيدي!! عميد القلوب، اشتري جوّك يا ريّس ( بالسين):d ، ما شاء الله تبارك الله عليك ، ثنيّاني 100%s60s بدأنا بمرحباً 600 وننتهي بعساك تسلم 1200s13s نسخة من الموضوع لا ستخدامها عند اللزوم:naughty: إقتباس:
سجل عندك، واحد موظف حكومه شايب:d:d ترانا نحتاجك واسأل صدى ، بس إن شاء الله تكون ما بعد تزوجت:stoned: |
^ ^ ^ ^ صـدى مـاا خـاان الـعـهـد .. بـس انـه تـمـدد بـمـقـيـااس شـبـريـن .. والـسـبـب (مـغـاااط عـااامـر) .. :d :d عـقـبـااالـك الـهـااوي بـمـغـاااط صــدى :d :yes: |
ههههههههههههههههههههههههههههههههههه الله يرجك لا والله لا تتزوج خلك عزوبي واذا تبي تدعي ع احد ادعله بالزواج والله ما يشوف خير عقبها اما جهاذ ههههههههههههههههههههههههههههههههههههههههه لا تدقق واجد يمكن مصري كاتبه وتذكر جهاد ولده وراك ع الرجال اما سالفة الطلبات يا خوي تشوفهم صافين سرى وزحمة واللي داخل فاضي يعني لو نزل كان مداه يطلب وياكل ويخلص وباقي اللي كان يطلب يطلب بس الله يهدي الشعب السعودي |
// حيا الله العمدة :d أما من ناحية إننا عجازين يالسعوديين فهذي معك حق بعض الأحيان أصير مشتهي كودو بس ما أروح له لأن ما عنده طلبات سيارة :d لكن فيه عندي أخو يغثن بهالطبع كل ما دقيت عليه أقول له جب لي كذا على طريقك يقول منب فاضي أنزل :upset: أما من ناحية الأخطاء الإملائية باللوحات فحدث ولا حرج ملينا من الفضايح اللي تطلع بالانترنت أنا ما أدري قبل ما يعلقون اللوحات يقرونها ولا لا ؟!!! :d أما المسلسلات التركية من جد الناس أشغلونا صحيح إني أتابع سنوات الضياع والحين فيه فاصل إعلاني :razz: لكن أقلقوا أبونا بكل جخر يتكلمون عن هالمسلسلات حتى إني أستغرب إذا ما شفت كاريكاتير يتكلم عنها :d أما غداء أو عشاء العمل توي أدري بحقيقته أحسبه أول يهمدون ويتناقشون عن الشغل أثره طلع دهن سير :d // |
. . مرحبا ألف بالعميد ورده حياك الله </B></STRONG> وش هالغيبه تتغلى ولا تتغلى :d طيب انا عندي مشكله انا قريت الموضوع قبل 10 ساعات تقريباً وهالحين متوهقه ما اتذكر وشو موضوعك :d</B></STRONG> أها يمكن عن الريش انا ما احبها هالأكله :)</B></STRONG> شكرا صدى مع التحيه</B></STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> </STRONG> كيف الحال :d ؟</B></STRONG> لا خلاص تذكرت :razz: أول شي تكلمت عنه كسلنا حنا يالسعوديين قسم بالله جبتها المشكله انا ماخلينا اشقائنا السودانين بحالهم :razz: مغير نطلع عليهم نكت نتطنز على كسلهم وماشفنا أنفسنا :d </B> </STRONG>لا تنهى عن خلق وتأتي بمثله ...... عارٌ عليك إذا فعلت عظيم </B></STRONG> أما جهاذ << :d .. تحفه صراحه بس والله ماينلامون يمكن من كثر الطلبات :yes: أذكر بموضوعي السابق سويت تصميم المفروض اكتب تراث ينبغي المحافظه عليه </B></STRONG> كتبت ينبغي المحاظه عليه <~ :bigeek::d</B></STRONG> </STRONG> أما الاأتراك فما أقول الا هبلو بالعالم والله :yes: ياليتها جات على كذا قبل فتره قريت بأحد المقالات شي مؤسف صراحه كان المقال يتكلم عن المسلسلات التركيه وتأثيرها علينا وعلى الأطفال قال الكاتب ان صديقه سمع طفله تقرب له تتكلم مع احد الأطفال تقول ( انا اذا كبرت ما ابي اتزوج بس بأجيب اولاد واسميهم بفلان وفلان وفلان )</B></STRONG> يعني هالشي من وين جابته ومن وين عرفته ! أعتقد ان المسلسلات هذي هي الجواب على سؤالي وعلى مليون سؤال مثله !!</B></STRONG> </STRONG> </STRONG> بالنسبه للتقرب للمسؤلين بالأكل فوالله حركه حلوه :naughty: بس اذكر انا سويت حركه بايخه مع مديرتنا :d والى الحين حاقده علي :razz: </B> </STRONG>أذكر مره شفتها بممكلة المرأه فاتحه عبايتها ولابسه برمودا وكاشه :naughty: المهم مديرتنا هذي شديده مره وتسوي نفسها ملتزمه وهي مو جنب الالتزام استغفر الله :nono: وانا من زمان حاقده عليها قلت دامي شفتها بمكان بعيد عن المدرسه خليني ابرد قلبي :d مريت من جنبها قلت عشنا وشفنا والله حتى انتي صرتي تلبسين برمودا وانحشت :naughty::d</B></STRONG> اليوم اللي بعده شافتني وانحشت ومره ثالثه استدعوني لمكتب المديره بما اني احدى دافورات الفصل :stoned::d يعني يسألوني عن المدرسات واذا لنا عليهم ملاحظات وكذا :yes: يوم شافتني ولا طقت لي خبر صفر ع الشمال وقسم انقهرت مره :( بس وقتها عرفت اني غلطت :stoned:</B></STRONG> اما اني اعزمها على ريش أو بمطعم فخم ما بقى الا هي كروسان كاكو وعصير الربيع من المدرسه ويخب :naughty::d</B></STRONG> شكرا صدى الأمس .. ماشاءالله عليك اسولبك خقاقي ودي مره اقرأ لك موضوع ولا أضحك :d هل نرى وجه آخر لـ صدى :surprised: ربما اذا اعرس وعقل :d من هذا المنبر ادعو الله ان يعرس صدى الأمس ويجيب لنا كتاكيت مطافيق مثل ابوهم :d <~ مدحه ترا :):d</B></STRONG> مع التحيه</B></STRONG> |
طيب و إذا هو مشرف في منتدى عام في شبكة رياضية و اسمه ماجد كيف نريش به ؟! الحمدلله على سلامتك . |
هلا.. إقتباس:
كذا شكلك وانت تكتب هالكلام>>>:upsetw: والظاهر انه صايرلك موقف وحقدت بعدها كنت توك قايم من النوم المغرب ورحت لمحل الشاورما وتستنى يطلعلك احد بس محد عبرك:razz: وفي نفس اللحظه مرت دوريه ومن اول بوري طلع الهندي يركض:naughty: إقتباس:
يكتب الحروف العربيه بخط حلو بس مو فاهم معناها :) إقتباس:
|
جميل ان تعود من برنامج إبتعاث لخادم الحرمين الشريفين وتجد أسامي جديدة تبدع ..:razz: يعني غبت ثلاث اسابيع ( خارج المملكة ) سياحة :naughty:.. وارجع القى هذا المعرف اللى اعجبني طريقته واسلوبة !! صدى الأمس .. إسم اتوقع له النجاح :razz: هع هع هع هع هع نعم .......... هي الرّيش 186 شكراً على هذا الموضوع الجميل 186 >> الفاتورة :d === السعوديين اصبحوا اشد ( زولتن ) أو ( إزولالن ) >> يعني اكثر كسل من الزوله انفسهم ....:yes: أما جهاذ .. اعتقد ان الخطاط ( فيه لتغه ) ويكتب على نطق لسانه ... ياحبناااله s60s سنوات الضياع حلوه زفة ... ونغمة ... بس المسلسل نفسه مدري وش يبي ... هالعالم صارت ماتفرق بين التمثيل والصدق ..! وإلا الشعب التركي ماله بالرومانسيه .... :upset: بعدين فيه إحصائيات تقول ان حجوزات الفنادق والطيران ارتفعت 80 % للسياح الأتراك اللى جايين للسعوديه ( الرياض ) بعد مسلسل طاش ماطاش .. يقولون ان كل التركيات ( هايمات ) في الممثل الرائع بشير غنيم ... والأتراك دايخين على ( لطيفة المجرن ) وفي استبيان لفتيات تركيات اعدته شركة ( حنيطش ) :bigeek:وهي شركة عالميه .. بأن التركيات يرغبن بالإقتران بالشاب السعودي لما يتمتع به من رومانسيه ووسامة ... :naughty: خذ وخل يالذيب ... اشك ان هالإحصائيات والأخبار كلها طالعه من قنوات الMBC كدعاية ...( الخاصه بمسلسلات نور وسنوات الضياع ) .. الرّيش ........ ومفعولها السحري ...:surprised: لكن السؤال اللى يطرح نفسه .. متى تبدا في طلبك مع ضيف الريش .. قبل الأكل ..او اثناء الأكل .. او بعد الأكل ؟؟ يعني قبل الطلب بحيث انه لو رفض يمديك تكنسل الطلب ...:d او وهو ياكل .. واذا رفض تسحب الصحن وتقول للعامل لف الطلب ( سفري ) وتقوم وتخليه يروح لبيتهم رجليه ؟ او بعد مايخلص اكل .. واعتقد الثالثه صعبه ( خساير على الفاضي ) :yes: عزيزي صدى الأمس ... تحية لك .. وترى خابرلك مطعم ريش بشارع الخزان .. رخيص .. الله العالم انها لحمة ( حمار ) عزك الله والسامعين .. خل هالمطعم لهالأمور خاصه اخوك الصغير ابو طلال |
| الوقت المعتمد في المنتدى بتوقيت جرينتش +3.
الوقت الان » 04:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd