حيالله الشباب جميع ،،،
بنائاً على طلب الكثير من الأعضاء ، يريدون المزيد من المواقف الطريفة التي حصلت أثناء التغطية ، والحقيقة أحرجوني بهذا الطلب ،، وألحوا علّي ..
وهذي << للفرفشة ;) >> ولزرع جو من المرح قبل النهائي المثير يوم الأربعاء ..
وترى مو أنا اللي كاتبها كلها .. في مشاركة من أخوي عارف الهلالي ..



..&& في البداية أذكر ما حصل في غرفة الملابس عندما رأى سامي ولد صغير جاي مع أبوه ... أبن أحد الأعضاء هنا في المنتدى ;)
إلا ويناديه سامي ، ويجيه ويسلم عليه ، يسأله سامي ويقول إيش أسمك ؟ يقوله أسمه ، يسأله إيش تشجع ؟ يقول الهلال ، ويسأله منهو أحسن لاعب عندك ؟ يقول سامي الجابر ;) ، يسأله وش تبي تصير إذا كبرت ؟ قال لاعب كرة قدم.. وفي الهلال ، ويسأله سامي طيب تبي تلعب هجوم وسط دفاع ..؟ قال لا حارس ، قاله أجل روح تمســـح في الدعيع هناك ويروح الرجال على نياته .... زي أبوه ..;)



..&& في واحد يا جماعة الخير موهوب في الخوف ! .. إذا ركب السيارة .. أزعجنا .. ( هدوا السرعة .. أنتبة .. !! آآآآآ .. شوي شوي ;) ) وما تشوف إلا عيونة مع الخط ... ومتمسك زيييييييييين .. إللي يشوفه يقول أنا قاعدين نفحط وحنا ماشين طبيعي ..



..&& الحقيقة الشباب ما شاء الله عليهم مواهبهم كثيرة ، في واحد ماشاء الله عليه موهوب في إلتقاط صور للتدريب ومن كل الجهات ، ويوم جاء ورا المرمى أخذ له كم صورة .. وشوي إلا تجيه كم كورة .... ويلحقها ويرجعها وتجي الثانية .. ويحط الكاميرا ويلحقها ويرجعها ... جازت له الحركة .. بس يوم جاء الجمعان يشوت مالقيناه
والمشكلة قاعد يدور له العوام يبي يشوفه ونقوله شوفه هنااااااااااك ..
بس لا تحرجوني ما أقدر أقول هو مين ...



..&& بعد ما تعشينا عند أبو سليمان (والله ماقصر) .. قلنا ياولد خلنا نقلبها بلوت ..( والله يا في ناس تكسرت روسهم ) ..
وإللي قاهرني ورقهم كله إيكك .. أنت يابو الإيكك ;)
بس على مهلكم.. تراه مو الغانم ... ;)
إلا على طاري البلوت في واحد مسوي موهوب في البلوت .. وهو ( طقها ولحقها ) وإذا خسر أزعجك بالتبريرات ...;)



..&& في مباراة الهلال والنصر الكويتي وفي الشوط الثاني شات عبدالله الجمعان شوته أرضيه زاحفة في الزاوية البعيدة وعدّة من جانب القائم .. ( في هذه الحظات ) ... ولا أنتبهنا إلا حبي تيماوي يمد رجله وهو جالس يبي يجيبها قوول



..&& إلا صدق ... !! في واحد صّدناه ... !! أكتشفناه ... مايحب نواف التمياط !!! وحاقد عليه ... ويا أنه قطّعة تقطيع ... . بس على مين .. أستقعدناله وفي واحد من الشباب ماشاء الله عليه "محترف" في تسكيت المتعصبين ;)...
بس هو مين ؟؟ ما أقدر أقول .. بس نفسي أصيد له صورة ;) وأثبت لكم ...;)



..&& في القريه الشعبيه رحنا ناخذ كم كلمه من اللاعبين موجهه الى شبكه الزعيم ،، وصلنا عند عبدالله الشريده وقلت له نبغى كم كلمه .. قال : يااااخووى ترى أزعجتونااااا ..ونفس الكلام مع المفرج ..
أما يوسف الثنيان كان في قمه المرح ذاك اليوم .. يروح له البارق ويقوله صوره ولا كم كلمه ، الثنيان يقول ياااااخى والله اازعجتونااا ( بطريقه مضحكه )


..&& بعد المباراة الأولى وبالتحديد في فندق المريديان .. قابلنا الاعبين وسولفنا معهم .. وأخذنا بعض الصور ...
وفي واحد من الشباب ماشاء الله عليه .. حقيقة أحسده على براعته في إلتقاط اصور ;) .. علعموم أرجال أظاهر أنه ماتدرب على التصوير ( 66 ) مرة ;) .. شوفوا جاء يصور الجمعان مع أحد الإعضاء والحقيقة جاب الصورة تمام ...


ياعيني علمبة اللي ورى


..&& ونعود إلى مواهب الشباب .. صراحة مبدعين وموهوبين !! أيضاً في التشجيع !! ... وعلى طريقة ( الجمهور الإتهادي ) ... صياح .. وكل شوي ناقز ..( بسم الله عليك.. أركد ) ... حقيقة .. خلى الجمهور دقيقة عينهم على المبارة ودقيقة علينا ...



..&& تبغون الصراحة .. والله في البداية .. وبالأخص كم واحد ;) توقعنا نقابل ( شباب ) .. إلا والله لقيناهم شيبااااااااااااان ..
بس والله روحهم شبابية بشكل ما تتخيلون .. . وفي ناس توقعناهم داااااجيييين ( مصرقعين هم هنا في المنتدى ;) ) .. إلا في الحقيقة .. والله ساكتين وخجولين ولاحس ولا خبر .... ياحليلهم ;) ...
طبعاً إللي عكس كذا كثير .... لا وشيبان



هذه بعض المواقف اللي حصلت ... وأرجوا أن يكون بالكم وسيع علّي ..
الحقيقة والله مقدر على زعل ولا واحد منكم ولو دقيقة وحدة ...
وتحياتي للجميع بدون إستثناء ..

وسلامي للجميع ،،، وبالتوفيق للـهــــــلال يوم الأربعاء ،،،