عميد المجلس العام وعضو سابق بلجنة تطوير المجلس العام
تاريخ التسجيل: 26/02/2001
مشاركات: 4,222
هلا ماجد مقبل ..
إقتباس
لكنه حفظه الله أصر فسلمت له الأمر متعجباً !! وقلبي يغلي قهراً من تلك القطة التي نالت ما لم أنله, فقد ترك لي الأهل الثلاجة فارغة إلا من فتات خبز عليه آثار الحمص,
هههههههههههههههههههههههههههههههههه
وبعد ههههههههههههههههههههههههههههههههه
طيب مالقيت خبزه فيها شوية متبل (( خشة تغمز وتضحك بنفس الوقت )) ؟؟!!
إقتباس
وجعلتها تدخل المنزل وقضينا تلك الليلة سوياً نمرح ونلهو,
ماجد لعبتوا اونو والا دق اربع والا باصره ؟؟
إقتباس
3- مازلت املك في قلبي بعض من الرحمة والعطف ولله الحمد
وين هالرحمة والعطف وانت ساحب(ن) عليها ثلاثة ايام لحالها ؟؟!!
إقتباس
5- المشرف إنسان يخطي ويصيب , يحب ويكره فلا أحد يستقعد له
متى ما كان مشرف يستاهل الإشراف مهوب حي الله مشرف ..!!
الموضوع كله كووووم واطار الصورة كوووووووووووووووم ثاني هههههههههههههههه !!
قسم بالله متعوب عليه بشكل ..!!
انت ذكرت خلاصة الموضوع وانا بذكر خلاصة ردي ..
1- ما تصلح تتزوج اذا قطوة ما قدرت تحافظ على حياتها اجل وشلون بنت الناس ؟؟
2- منتب قد ان الواحد يحط عندك شي (( اجل ثلاث ايام يا ظالم )) ؟؟!!
3- انك انسان غيور حتى القطوة غرت منها .. ونشبت لها لين ما كرهتها بالبيت وانحاشت ..؟؟!!
4- انك مشرف ناوي شر اجل يحب ويكره ويخطي ومدري وش كل هذا تمهيد للي تبي تسويه !!
5- ابي سلف .!!
برايفت ماجد مقبل بالله ما خليت القطوة تشوف يوزرك وهو اخضر ؟؟ خخخخخخخخخخخخخخخخخخ
هلا بك اخوي الغالي محمد ورده
وترى الإطار هذا مصممه لي كان هنا >>امحق مصمم
واما سالفة الفطة السودا اللي هند بابكم تخليني احس انها ابن أوى
مشكور يالغالي على حضورك
ودمت بخير وعافية ,,,
--------------------------------------------
كان هنا ..
أنت ناس إني مشرف والا إيه ..
ترى عاد لا ترجع وابسط شي هو حذف الرد وابسط منه ارسال انذار
مشكور يالغالي على مشاركتك الجميلة ورده
واهم شي جمال الجوهر ههههههههههـ
ودمت بحفظ الله ورعايته ,,,
-----------------------------------------
مهند ..
هلا بك يالغالي والله يهديك شوهت صورتي عند الوالد
لا يكون قريت له مقطع الحنان اللي بيني وبين القطوة
وبعدين الوالد الله يحفظه خلاص زوجني بالفطة ..
مشكور مهند .. وسلم لي على الوالد
ودمت بخير ,,,
هلا وغلا أختي هلالية والله يعطيك العافية
على مشاعرك الجميلة اتجاه فطوتنا
ومن ناحية الباونتي فتراها نصبة
دجاج معلب ويخب عليها
شكرا لك اختي ودمت بخير ,,,
هلا بأديبنا .. على البركة الاشراف .. واحسن الله عزاك .. <<< جمعت لك التهنئة والتعزية .. اتوقع اني ثاني واحد سواها بالتاريخ بعد هذاك اللي سواها زمان ..
طبعا معروف هالحين .. لازم في كل موضوع يكلمك فيه اي شخص .. يجي طاري الاشراف .. سواء له دخل والا ما له دخل .. اسألني انا .. انا مشرف على قسم ماجد عبدالله في منتديات العالمي .. واعرف هالحركات ..
لكن انا احب اعلمك بشغلة .. انا زمان حطيت توقيع .. ان قائمة التجاهل مخصصة للون الاخضر .. وابشرك انه تم اضافتك لها بنجاح .. وابشرك بعد .. انه تمت اضافتك لقائمة " راحتي " من موبايلي .. يعني خلاص يا ماجد .. ما عاد فيه تواصل .. الا ان كان عن طريق منتدى الذكريات اياه ..
نجي للجد .. ولقطوتكم .. حرام عليك يا ماجد .. يعني هاللبشاعة والشناعة اللي في الصورة .. وتسميها قطوة بعد .. اجل هاللي في الصور وش تسميهم ..
حرام عليك يا ماجد .. هاللي ضاعت من عندكم .. تقارنها باللي فوق ..
على فكرة .. بغيت احط صورة لـ " نانسي " .. لأنه فيه ناس يسمونها قطوة .. لكن قلت .. مالها داعي القى بعدين في اسفل الرد .. " اخر تعديل للرد تم بواسطة ماجد مقبل في اليوم الساعة 8:12 .. السبب : مخالفة سياسة الشبكة .. " يعني قلت بلاش يجرب ايقونة " تحرير " علي انا اول واحد ..
عاتي .. عاتي يا ماجد .. اذا ما لقيتها قبل لا يجي الوالد .. الله يحفظه .. تقدر تصرف الموضوع وتقول له : تقدم لها قطو ابن حلال .. وما حبينا نوقف في طريق نصيبها .. والا تقول .. حصلت لها فرصة عمل ما تتفوت في وحدة من هالقرى اللي في اخر الدنيا .. والا تدري .. رح اشترلك قطوة محترمة وشكلها زين .. مثل اللي بالصور فوق .. وقل له .. سوينا عملية تجميل للقطوة .. ومع شوية سيليكون وشوية تعديلات .. طلع الشكل هذا .. وقل لها لا يدقق بالنظر فيها .. عشان لا يذوب السيليكون ..
عاد تصرف .. والا مشرف على ايش ..
اخيرا .. يعطيك العافية ماجد .. موضوع خفيف .. استانست وفرفشت شوي .. ونسيت المشاغل اللي وراي اقلقتني .. واعذرني على الرد اللي مثل وجه فيصل .. و في امان الله .. ورده ..
صح هي قطوة شوارع بس قلي بصراحة انت ما خقيت معها
أجل عيشة شيوخ هههههههههههههـ
عاد ازيدك من الشعر بيت بس لاتعلم احد
ان واحد من خوياي مسافر ومخليني وصي على اربع كلاب له في استراحتهم
والله يا هو يصرف عليهم صرف غير طبيعي بس عاد هم كلاب حراسة ..
موب قوطة شوارع ..
وبعدين انا ما مزعتها انا عطيتها كعب >>قمة البراءة
ومشكور على تكفلك بقسم الملز لاني احساي يقول انها هناك
دمت بخير وعافية ,,,
------------------------------------------------
i am here ..
هلا بك أختي ومنوره الموضوع
والله يشفيك من الحساسية ولا باس ..
ومن ناحيتي خلاص ما في امل احب بسة بعد ها البسة >>> يسمع بالاخلاص
وعلى قولتك ان شاء الله ترجع او على الاقل تدق تطمني عليها
مشكورة اختي وسلمي لي على سمووري
دمت بخير وعافية ,,,
--------------------------------------
بقايا حرف ...
هلا وغلا أستاذة بق بق
منور الموضوع بالرد الجميل والاقتباسات الطيبة
و بصراحة اللون الأخضر صار لوني المفضل لذلك ارتحت لردك
وبعدين تراك قطعتي قلبي على بساس جدتك من جد شكلهم محرومات
ومن ناحية الوالد بقوله اني مشرف يمكن يحن قلبه ويجلدني بالحالي بعيد عن عيون العذال وعيال الجيران ههههههههههههههـ
بس الصدق ما ودي تعود انجلد وتطس ازين من انها ترجع واطس
وعلى طاري القصيدة تراه بوح بس من نوح آخر ..
الا بقايا من وين تجيبين ها الفيسات احس انها تختصر كلام واجد
مشكورة اختي بقايا خذا الحضور الجميل
ودمت بخير وعافية ,,,
-----------------------------------
A.K.N 505 ...
هلا بك اخوي الغالي ...
وحياك الله منور الموضوع ورده
وعلى طاري الارنب ذكرتني ايام المتوسطة عطوني بالمدرسة هدية أرنب
نشبت فيه بالبيت الين تبرع اخوي بذبحه عاد كنت اسمع بالملوخية بالارانب وقلت لوالدة ابي ملوخية بالا رانب
قالت لي طس وسوته كبسة
اذكر اني ما قدرت اكله احس انس خاين ...
شكرا يالغالي على حضورك الجميل ... وكلماتك الطيبة ..
والله يعطيك العافية ..
--------------------------------
أبو شلاخ الهلالي ...
هلا وغلا بصديقي ابو شلاخ ورده
منور الموضوع بها الطلة الجميلة يالغالي
وماشاء الله على قطوتكم حبيتها بس يبيلكم تشدون عليها شوي لاتماشي دشير مشكلة كل يوم تولد !!
وبصراحة اشين شي يوم تولد القطوة في البيت ..
اذكر قبل عشرة 10سنوات ولدت قطوة تحت سريري
ياشيخ ذاك اليوم انقلبت غرفتي شارع التحلية
حتى عيال الحارة دخلوا يناظرون ..
الله يسلمك اخوي ابو شلاخ على الحضور والمشاركة ورده
ودمت بحفظ الله ورعايته ,,,
---------------------------------
مهند ...
هلا بك كابتنا ونجمنا الكبير مهند ...
إقتباس
مــــهــــنــــد, القيصر رهيب, ماجد مقبل, جرح يشكي, ..بقــ حرف ـايا.., $الهلالي2006$, حوار عقلاني, زعيم في حب الهلال
زين انك صدت الشباب اللي متواجدين ولا ردوا علي
يازين من صك القيصر كرت ههههههههـ
بعدين ياخي وشفيك ترى القطة كائن حي والا مادرست علوم
ومشكلتي انا اني حنون بزيادة >>> نفس مشكلة مصطفى ادريس
شكرا يالغالي حضورك وبالتوفيق لنجوم المجلس يوم الخميس .
دمت بخير وعافية ,,,
---------------------------------
&& هلااااااليه && ..
هلا وغلا اختي هلالية ومنوره الموضوع ...
وتشدي حيلك تكفى ابي قطوتنا
شكل قطوتنا سجلت في الجامعة عندكم
وبعدين ودي اسألك وش معنى بنات الانو
وداعواتك اختي لفريق المجلس العام ان شاء الله يفوزون بدسة اهداف
شكرا لك اختي الكريمة ..
والله يعطيك العافية على ها الرد السنع ..
هلااا وغلااا مااجد جبت لك وش معنى الانو قد كتبت عنه من زماان اقتبست لك الرد ان شاء الله تعرف وش معناتها
إقتباس
الرسالة الأصلية كتبت بواسطة && هلااااااليه &&
المقطع بنات يتطنزون في بعض بنات جامعة الملك سعوود وكان كل المقطع والبنت تقول إنو البابا ودانا لندن وإنوو الماما مرة غبية وإنووو وإنوووو وإنووووووووو
المهم ان عندنا بنات الياي يعني البنات التجارهم دائما مع كلامهم ينطقون كلمة إنوووو ولا هيب إنوووو عادي إنووو زي اللي تنطقها بالمقطع
وهم يتواجدون بكثره في ..............<< لاخلاص عاد انا شلتنا المحترمه صرنا نطلق على البنت الكشخه والجميله واللي تجلس على الكراسي
وماتتنازل تجلس بالارض و و و و نطلق عليها إنووووو مثلا وحده من الشله جااايه كاشخه مرة مرة نقولها وش عندتس صايره إنوووووو اليوم
او مثلا اجي انا واقول كلمتني وحده بالقاعه إنووووووو ولا انا جالسين او بمعنى اصح باسطين بالارض وتقوم وحده من الشلة وتسحب لها كرسي وتجلس عليه من بينا كلنا نقوله وش عندها الإنوووو على فكرة لاحظناا جلست الارض تجيب سوالف وفله اكثر الكراسي من كثرنا ماتكفينا وثاني شي نحس انا إنوووو ورسميين <<<يارب فهمتو وش معنى إنوووووو
وش فيك يا رجل موضوع عن قطوة الحمد لله انه ابو يعقوب مو من اعضاء المنتدى كان يبي يزعل عليك
الصراحة الموضوع مجنون ويعطيك العافية عليه
بالمناسبة اذا الاكل تبعها مو من الشركة هاذي
مستحيل ترجع لانه هذا افضل انواع اكل القطاوة وخاصة انه قطوة جاية من الشارع وشافت العز في بيتكم اكيد تبي تشوف نفسها وتدور على بيت ثاني خاصة انها اصبح عندها سيرة ذاتية رائعة في طريقة التعامل مع البشر
وغير كذا احمد ربك انها ما عاد رجعت لانه الصراحة وانت تعرفني يا ابو مقبل اعطي كاش تراء هي
شـــيـــــنــــــة
ولا فيها ملامح جمال ولا شي
عندي لك حل من اثنين
يا انك تطمر مثل ما يطمر ابو يعقوب من فوق سيقان اي لاعب امه داعية عليه انه يلعب قدامه على فيفا وقبل طبعا تمر الصراف وتدحاء البوك حتى ما عاد يقدر يطبق على بعض كانها براطم سمكة سوداء او انك تغير نوع الحيوان من قطوة الى هامستر وش حليله
صحيح انه مو مثل القطوة في الدلع بس عاد مجنون وشكله كذلك مجنون ومشيته مجنونه يعني المفروض هذا بدل ما يكون اسمة هامستر يكون ( شهار )
بغيت انسى انك ماجد ولذلك في حل ثالث بعد بس هذا الحل غير قابل للنشر هنا وهو راح ينهي المشكلة انشاء الله علشان ما تتكفخ انت وحبيب لانك انت اصلا حبيب
ماجد مقبل أهلاً وغلاً بمشرفنا الغالي وكبيرنا في هذا المنتدى, بدايةً أباركـ لكـ وللإشراف الذي ازدان بإسمكـ , أسأل الله لكـ التوفيق والسداد ,
00000
أما عن الموضوع الذي أبدعته وأتحفتنا به كعادتكـ مع كل موضوع تكتبه , فبلاشكـ للقطوة أثرها ومكانتها لدى أهل البيت , ولكني لست ممن أولائك حيث سبق أن داهمتنا قطوة شوارع ونحن على العشاء وحاسته علينا بل واضطعت بين المأكولات فما كان مني إلا ان حملتها إلا أبعد ديرة مجاورة وسط صيحات الصغار وتأوهات الكبار ,,,
الله يعينك على الاهل ياويلك منهم اذا رجعوا خخخخخخخخخخ أقول لك حل تورح تلف الشوارع إلا ماتلاقي مثل أشاكلها وأذا لاحظوا تصرفاتها غير قل لهم أثـرت عليها سفرتكم و صارت متوحشه
مع اني حاسه انها مو بعيده عن بيتكم بس تنتظر عودة الحبايب
والحقيقه ان سالفة القطه سالفه محزنه جعلتني اشعر بانك بلا مشاعر ولا احاسيس , حتى وان كنت عفوت وسامحت وندمت إلا انك ناكر العشره , ومستغل غياب الاهل , واذا غاب الاهل العب ياماجد ..
والقطه لا تخف عليها , ستعود عما قريب , فقط تنتظر عودت الاهل .. لانها لاتسمح لها بالعيش مع انسان بلا انسانسيه كما انك لاتسمح لنفسك بالعيش مع قطه بلا قطاطيه ..
ابو مقبل كل ماكتب في الاعلى لتلطيف الجو ومحاوله مني اني انسيك السالفه ,, واسال الله ان يرجعها لكم بالسلامه