السلام عليكم كيف حالكم يا زعماء أتمنى أن تكونوا بخير.
أول شي كثر الكلام عن الاتصالات وموبايلي بين مؤيد للاتصالات ومعارض.
*نبدأ بمؤيدي الاتصالات يقولون العرض المالي أفضل حتى الشبكة أفضل ويستدلوا بالقصة الشهيرة لموبايلي وسعودي أوجيه مع أنه قبل فترة يقولون لا للانفصالات ونعم لموبايلي(عجيب بعض جمهور الزعيم) أنا لا أشكك في انتمائهم للزعيم ولكن دليل حبنا في الزعيم هو اختلاف وجهات نظرنا(أصابعك ما هي سوى)مؤيدي الاتصالات ممكن يرون شئ ما نراه.
*أمامؤيدوا موبايلي وأنا منهم يقولون لازم نحترم العقد اللي صار بينا وأن موبايلي سبب النقلة النوعية للاستثمار في الأندية الهلال كان يأخذ 8مليون والحين أربعين مليون والبعض يقولون يكفي أن نكون مميزين من بين الأندية في الشريك الرسمي وأن اختيار موبايلي للهلال دليل جماهيريته وهذا أكبر رد للجار عن استفتاء زغبي اللي لحد الان تجده في مواضيعهم وتواقيعهم.
*نأتي لقصة موبايلي وسعودي أوجيه أثبتت وجهت نظر مؤيدي الاتصالات جاء الدور علينا مؤيدي موبايلي نرد القصة وما فيها أني كنت معزوم يوم الخميس في استراحة في محافظة ضرماء واحد يسال يقول وين ضرماء أقولك تبعد 70 كيلو عن الرياض يعني ماهي على حدود اليمن عشان ما يكون فيه ابراج وصلت هناك بعد العشاء وكان كل شي أوكيه لما جات الساعه 12 تقريبا يتصلون جمهور الجار اللي معي يطلع علامة حمراء في وجه مثل علامة الحفريات تقول الاتصال خطأ واستمر الوضع لما قبل صلاة الفجر يعني أصحاب مكالمات آخر الليل راحوا فيها هذا وقت الذروة عندهم وأسمع أنواع السب والأخ في الله اللي هو أنا أتصالات تجيني ورسايل وحركات بس مو من اهل وقت الذروة وسئلتهم عن الوضع قالوا لي أنه من يومين وانا (شدد النون) على هالحاله كل يوم خمس ساعات المهم رجعت البيت أتصل على واحد من الشباب العصر من عندهم يعطيني مغلق لما الساعه 12 أتصل فيني حول الساعه 3 وقال توها ترجع الحين.
*شركة كبيرة مثل الاتصالات موجوده هنا قبل موبايلي بسنين نقول تقريبا عقدين او أكثر وثلاث أيام وهذه المشكلة ومدري ممكن تستمر اليوم وشركة لها هنا في المملكة أربع سنوات وحلت المشكلة في ست ساعات قوية بحق الاتصالات وألا لا وهل بيكون فيه تعويض...
*نجي لمستوى الخدمه في موبايلي والاتصالات أتصل على 902 وشف متى بيردوا وأتصل على 1100 وشف متى بيردوا ,ورح زر فرع للاتصالات وفرع لموبايلي ياخي لما أروح للاتصالات أتذكر أيام المدرسة أحس نفسي قاعد في مقصف تقعد على كرسي والموظفين قاعدين لك ورى الدرايش ,ولما تروح لموبايلي نظام 5 نجوم كل موظف على مكتب جنب الجدار وطاولات وديكورات على مستوى تحس بفرق بين المكانين.
@خـــــــــــــــــــــــــــــــــــــــــارج النـــــــــــــــــــــــــــــــــــــــــــص@
#هذه أول موضوع لي ولن يكون بأذن الله آخر موضوع.
#بعد هالموضوع بيطلع لي في الردود مشككين لأنتمائي للزعيم يعني لازم يكون عندي 1000 مشاركة عشان أكتب موضوع حساس مثل هذا وردي هو لن أقول الا الله
.الملك
.الوطن
.الزعيم
#في النهاية أتمنى أن يكون الموضوع قد أعجبكم ونال رضاكم وهالله هالله بالردوود محبكم أتعبني الزعيم.
موبايلي أم الاتصالات 
الوضع العادي
