الأمير عبدالرحمن بن مساعد والأمير عبدالله بن مساعد وحمود الغبيني ومندوب بنك الجزيره كانـو فـي .... ؟؟ إدخل وتعرف .. - نادي الهلال السعودي - شبكة الزعيم

عمر المذله ماعزت رجل · #1 18/08/2008, 02:29 AM

السلام عليكم ورحمة الله ..
صباح الخيرااات يازعماء .. ( خيراات والا المفرج )

ماعلينا ندخل فيه الموضوع سيده سيده .. ( وخذ يمين ) ..

بس عندي طرح صغير واتمنى ماأحد يزعل علي أو أحد ياخذ في خاطره لأن الدعوى كلها آراء ولازم كل واحد يحترم رأي الشخص الأخر .. ( صح يالجزيره ) ..

اللي حبيت أقوله وأبي استشيركم فيه طال عمركم هو أنـه :

ليش إدارة الهلال متمثله في رئيس الهلال صاحب السمو الملكي الأمير عبدالرحمن بن مساعد ومسؤول الإستثمار بالنادي وحمود الغبيني المدير التنفيذي على ماأظن في شركة موبايلي ويمرون بعد بنك الجزيره ( أو سامبا ) وياخذون المدير العام حقهم ويقولون له أركب معنا ويروحون للرئاسه العامه لرعاية الشباب ...

هنا مربط الفرس ( يعني هنا السالفه ) ..

وبعدها يروحون سيده للأمير سلطان بن فهد
ويقولون له إحنا جايين نخطب منكم طال عمرك ..

وإذا قال آمرو كل اللي عندي أبشرو به أشربوا قهوتكم ..

بعدها يقولون إحنا جايين نخطب منكم ( ملعب الصـايغ )
إيوه ياشباب ملعب الصايغ

ليش إدارة الهلال ماتشتري ملعب الصايغ من الرئاسه العامه لرعاية الشباب أو على الأقل تستأجره من الرئاسه إيجار طويل المدى يعني أبو 25 سنه ..
بعدها يسوون له الهلاليين ترميم كامل ويصير فيه كل شي إبتداء من أرضية الملعب وإنتهاء بمواقف السيارات ويصير الملعب الرئيسي لنادي الهلال
طبعا الملعب يكون باللون الأزرق والأبيض وفيه شوي رمادي عشان موبايلي مايزعلون والدعايات اللي فيه تكون للبنك سواء كان سامبا أو الجزيره أو اللي يكون حتى لو بنك الدم ..

ويكون فيه كافيه ومطعم وفرع للبنك ومواقف سيارات ومحل ملابس رياضيه خاصه بالزعيم والمنتخب والأنديه الأوروبيه ويكون فيه مستوصف صغير عشان الاحداث اللي تصير بالملعب لاقدر الله والاسعافات الأوليه

صدقوني رااااح نوفر كثير على أنفسنا وراح نحصل عى ملعب ممتاز جدا في قلب الرياض يعني ماهو بعيد على أحد ويكون الملعب بإسم الأمير سلمان بن عبدالعزيز

أتمنى يكون الطرح لامس أحاسيسكم الوجدانيه
كما أتمنى مايكون أحد زعل من أسلوبي في الطرح
كما أتمنى سمو الأمير عبدالرحمن بن مساعد يقرأ الموضوع بنفسه هو والأمير عبدالله بن مساعد ولايهون سامي الجابر ..

شكرا للجميع .. أخوكم

عمر المذلـه ماعزت رجـل

[email protected]