ياهلا والله فيك

وياهلا بعودة الكالتشيو القريبه


والله مشتاقين للدوري الإيطالي ...


مابقى الا القليل




انا من ناحيتي
أتوقع الترتيب بنهاية الدوري


1- ميلان
2- إنتر ميلانو
3- يوفنتوس
4- روما
5- فيورنتينا ويمكن يسويها لاتسيو ..



اليوفي مشكلته مافي صانع ألعاب
والإنتر نفس الشي
الميلان عنده 3 صناع لعب وكل واحد يبغى يلعب اساسي (( رونالدينهو - كاكا - سيدورف )) ويمكن تكون مشاكل بينهم وبين المدرب وعلى المدرب انه يفرض شخصيته على اللاعبين قبل كل شي .
روما مدري وش وضعه صراحه مباراه تقول هذا بياخذ الدوري والمباراه اللي بعدها لما تشوف مستواه تقول هذا بينزل للسيريا بي
فيورنتينا أحسن مافيه انه يقاتل إلى النهاية وصعب يستسلم ..





عموماً الدوري الإيطالي هذي السنه راح يذكرنا بالدوري الإيطالي اللي قبل 6 سنوات وورا ..

إقتباس فريق قوي .. بكل المراكز عدا العمود الفقري .. (صانع اللعب والمحور)

اعذرني يـا الغالي الانتر ما عنده محــاور !!!

( فييرا - داكورت - زانيتي - كمبياسو - بيلي - مونتاري - ستانكوفيتش - تشيفو ( بإمكانه اللاعب في مركز المحور ) )

كلهم محــاور

- مجرد تصحيـــح -

يعطيك العافية ناصر موضوعك بطل ..

الصراحة مدري وش اقول ومدري وش اخلي ..

كثير من اللاعبين من الميلان وخاجه يرشحون الميلان على انه الاقرب ..

لكن وجهة نظري انه سيكتفي بالمنافسة هذا الموسم .. واتوقع ان الميلان سيكتفي بالوصيف ..

الميلان فريق شبه كامل بأسماء مرعبه .. لكن المشكلة تكمن في عدم البديل المناسب .. والاصابات المتكررة ..

اتوقع من كارليتو انه يحط فلاميني اساسي مكان امبرو .. وهذا الشي اللي خايف منه انا .. لاني اشوفه قاعد يجرب امبرو بكذا مركز ..

اتوقع ترتيب الدوري في النهاية :

انتر - ميلان - يوفي - روما - فيورنتينا ..

إقتباس وصار باتو يتحمل ثقل كبير العام الماضي لانه الصفقة الوحيده !

وش الثقل اللي تحمله باتو .. بالعكس ماكان انشي يلعبه اساسي دايم .. ولا وش اللي خلانا نكره الانبطاحي لها الدرجة

إقتباس 1-الكلب الخائن زامبروتا

ترى ابعلم انشيلوتي يزين لك حركة وصخة

إقتباس كاكا وباتو وبوريلو وفلاميني ورنالدينو تقريبا

وبيرلو وقاتوسو وبونيرا وبالوسكي وكارديشو وانتونيني وفيوديز

إقتباس وتعتمد على لاعب واحد صانع لعب يكرفه كرف لين يذن اللي هو كاكا

لاعبين وانت الصادق

العام سيدورف وهالسنة معه روني

إقتباس الانتر بطل اخر 3 مواسم ( واحد اخذوه بأثر رجعي , والثاني كل الناس بالسالب , الثالث هو اللي كسبوه باخر جولة )

وه بس اليوفي يجري في دمك يا فتى

إقتباس بدل ما يجيبون لاعب خالع يعطيك 90% يجيبون لاعبين في نفس المركز لكن مردود كل واحد منهم 60% يعني صار فيه لاعبين في كل مركز على الاقل

طيب وش رايكم هل هالفكرة سليمة ؟؟ انا اشوف انه يمكن تدمر اليوفي كذا .. يعني كنك تلعب كل الموسم بلاعبين احتياط

إقتباس بس رينجرز كانت خطته 10-0-0

خخخخخخخخخخ

تسنهم الجيران لاجابو هدف

إقتباس انا اشجع جوفنتوس يعني اكيد اكره الانتر وروما والميلان لكن بدرجات متفاوتة

طيب وهالترتيب اللي ذكرته له دخل بالتفاوت

إقتباس والله هالفريق عجزت أفهمه..تشوف له مباراة تقول من اللي يقدر يهزمه.. وتشوف المباراة الثانية تقول وش هالفريق السقيم..

كلام سليم

السلام عليكم

أول اشكرك يا ناصر على هذا الطرح الفريد وعلى القواعد اللي عقبها لأني ما اشوف انبراشات ابد .!

نظريا وعلى الورق , البطل دايم يكون المرشح الأول .! لأنه حامل اللقب , الإنتر بمدرب متواضع قدر ياخذ الكالتشيو الموسم الماضي مع اتفاق الجميع ان الإنتر ما كان يلعب بمستواه وكان فيه شيء ناقص في الفريق ومع ذلك حصد الدوري ولو كان في الجولة الأخيرة .!

تعاقدات الإنتر جيده لكن لا زالت العلة موجودة .! صناعة اللعب واللمسة الأخيرة .! والميركاتو لسى شغال ونشوف لنهاية الشهر وش يصير .!

بكل حيادية الإنتر هو المرشح الأول .! لأنه تميز بشيء واحد فقط , حتى واذا مستواه ضعيف يفوز وهذا شيء يحسب له آخر المواسم



المرشح الثاني هو اليوفي

فريق يمتلك روح المنافسة ومتعود على الكالتشيو وفي اقل مستوياته تلقاه البطل .! يعني بالعامي فريق خابز الدوري وعاجنه , لكن يمتلك نفس مشكلة الإنتر واللي هي صناعة اللعب .! نيدفيد لا تستطيع انك تعتمد عليه موسم كامل , وكامورانيزي مزاجي واي مشجع لليوفي يوافقني الرأي



المرشح الثالث هو الميلان

كنت متوقع الميلان يتعاقد مع راس حربة سوبر ستار .! ومتوقع الميلان بعد الضربة الموجعه وعدم تأهله للأبطال نشوف ميركاتو ناري .! لكن ما اشوف شيء جديد , روني لاعب فنان وكلنا نتفق على ذا الشيء لكن مستواه غير مضمون والميلان لا يحتاج للاعب مثله بوجود الفتى الذهبي كاكا , فريق راح يعاني من المجاملة كثير .! امبروزيني وجاتوزو اتوقع لعيبة تخرب اللعب , تطبق تكتيك معين فقط لا اكثر ولا اقل اللي ( هو اركض اقطع سلم غلط ) ناهيك عن الدفاع الضعيف وحراسة المرمى المنتهيه فريق راح يعاني , أحترم الكيان الكبير هذا رغم انه فريق الديربي .! وودي اشوفهم يبدعون اكثر من غيرهم


لا ارى غير ذا الثلاثه مرحشين بكل صراحة .!


روما لعب جميل , يبدعون في مباريات كثيره لكن ليس فريق حاسم .! وامكانياته ضعيفه بكل صراحة لمى نقارن بالتشكيل على الورق فريق اقل من الثلاثه المرشحين .!


فيرونتينا حصان اسود , راح يبدع وبيستقعد للفرق الكبيرة , لكن الدوري صعب عليهم ومدربهم معترف انه ما يقدر ياخذ الدوري الا بعد 9 سنين يعني مشروع فريق جبار قاعد يعمله برانديلي

مشكور ناصر مره ثانيه على الموضوع الممتع

يعطيك العافية ناصر على النقاش الحلو ..


بصراحة انت كنك تقول اللي في بالي ..

انا معك في كل نقطة ..


لكن انشاء الله اليوفي بيكون البطل بالاخير ..


لو عندي وقت كان تفلسفت شوي ..


بس انشاءالله الجايات اكثر..!!