|| تسجيل || في مباراة الإياب و بعد الخمسة || العالمية Vs المجلس العام || الثـأر أم التأكيد ..؟!|| - صفحة رقم 8 - نادي الهلال السعودي - شبكة الزعيم

الهلالي دائماً · #106 20/08/2008, 07:07 PM

هلا وغلا بصديقاني حقين العالمية

هلالي 11

من قوة هياطك

قررنا ان ينبرش عليك مهند في الدقيقة 3من المباراة

ونفتك منك

إقتباس


	بكتب عليها احبكم يا عيال رابطتنا بعدين تحت الكلام بكتب للذهاب لرابطة مانشستر اضغط هنا

هههههههههههههههههههههههه

بس بعد ها الكلمة بصراحة بنخلي الانبراش الدقيقة 5

وبعطيك كورة انفرادية انت والمرمى وضميرك

بس بشرط تحط رابط المجلس العام بعد

ومن ناحية الحكم ترى خلاص تم اعتماد تركي من قبل ادارة الموقع

واللي عنده اعتراض يكتبه في منتدى الملاحظات

دمتم بخير ,,,

R D H · #107 20/08/2008, 08:27 PM

السلام عليكم ..

بـدون ماأطولـ بالكلام ..

أنـا حارس مرمى يقولون أني كويس

وإن شاء الله مارح أسحب عليكم

ورح أجي بإذن الله .. والله مايعوقني بشر ..

بس عنـدي استفسار

قرأت بالرساله الخاصه أنه الـزي يكون فانيلة الهلال ..

هل هالكلام ينطبق على الحراس اللي مثلي بعد ؟

لأني أبجيب وحده من فانيلات الحراسه اللي عندي لمانشستر ..

اللي لونها أصفر

ولو كان ممنوع لبس أي شي يمت لمانشستر بصله لمحافظة على شعور بعض الناس .. علموني علشان اجيب فانيلة حراسه ساده

مافي داعي أحكي لكم عن تاريخي العريق

بس بتستنتجون تاريخي لاشفتوني

وإن شاء الله أبيض وجيهم أمام الأعداء المجلس العام

بس ياريت لعيبة المجلس العام مايعتمدون على الرأسيات

لأنها نقطة ضعفي الوحيده

قد أكون أخطأت لأني كشفت لكم سر من نقاط ضعف الفريق

لكن صدقـوني بتشووفون شيء ثـاني

يـالله فمـان الله ..

الهلالي دائماً · #108 20/08/2008, 08:53 PM

^
^
^

ما شاء الله تبارك الله ... شكلك حارس فنان اقول ما تعرف احد يجي يمسك لنا

ومن ناحية الرأسيات لا تخاف ربعنا ماهن روس ما عندهم الا تمزيع

أسير شكلي بفتح موضوع في المجلس عن المباراة

احس انا قالط عندكم

[ رحــال ] · #109 20/08/2008, 09:13 PM

^
^

تستهبل انت
تراه اطلق واحد و كابتن فريقهم بعد

ما شاء الله ,

ممكن أجي بكرة إذا فضيت ,
اهم شي نشوف الوجيه الطيبة ..

و احتمالية كبيرة ما اجي ..

R D H · #110 20/08/2008, 09:46 PM

عـدنا والعـود أحمـد

من المؤكد أن الحرب النفسيه والمعنويه قد بدأت منذ أن تم الإعلان عن هذه المباراه ..

وجيت بهالرد لكي أبث الرعب في قلوب الملجس العام خصوصا بقلـب ماجد مقبل ..

وعلى فكرة متشوق جداً لرؤية لعبه هو بالذات .. أبقارن بين لعبه .. وقلمه .!

وأكيد قلمه سيتفوق على لعبه حتى لو كان بمهارة ميسي

واتفضلوا اتفرجوا ع الصور ..

ترا الصور التقطتها في وسط غرفتي .. قبل قليل ..

هذه صوره لجزء من حائظ الإنجازات حقي

الكأس الكبير اللي بالوسط هذا حق أحد البطولات ..

.. والصغير اللي على اليمين .. هذا حق أفضل حارس بالبطوله

والأثنين ذولي أخذتهم هذه السنه ..

عـاد هذا للحين معـي بالبيت .. لأني الكابتن

وهذا حق أفضل حارس مرمى

وهذه الميدليه اللي أخذتها هالسنه لأننا فزنا ببطولة موبايلي لشرق الرياض ..

وهذه الفانيله حقت مانشستر .. اللي بلبسها بكرا إن شاء الله

أما هذه الصوره .. حكايه .. !

فكل فانيله أو بلوزه

تحكي قصه وبطوله وحكايه بعد

بالنسبه للفانيله اللي بأقصى يمينكم .. اللي مخططه كنها لبس دهان

هذه أعطـاني يآها مدرس الرياضه بالإبتدائي ..

عقب مافزنا ببطولة ( المواهب ) .. اللي كانت مقامه بنادي الهلال بصاله مغلقه ..

وفزنا يومها 6 - 1

وأنا كنت الحارس وحزت على أفضل جوول كيبر بالبطوله

ولذلك أهداني يآها مدرسي

..

أما الثنين السود هذه اخذتها من واحد اعرفه بالمتوسط ..

وحقت مانشستر الصفرا .. أنا شاريها السنه هذه .. وكانت فأل خير عليا

وانتهينا من هذه النبذه القصيره عن لاعب بفريق العالميه .. وفيه لاعبين ممتازين بكل المراكز إن شاء الله ..

لانزكي على الله أحداً

ردي ليس للتكبر أو للغرور .. بل هو تحجيم كل فريق بالحجم الذي يستحقه

وإن شاء الله نبيض وجيه العالميه ..

الخوف الأن .. بعد كل هذا ..

يجيني كوبـري

بس حبيت أسأل .. الملعب شلون أرضيته ..؟

ثيل ولا فرش لونه أخضر مثل حق المدارس ؟

والفريق الواحد 11 لاعب ولا كم ؟

ياريت احد يجيبني عن هالأسئله ..

وبإذن الله بحاول بكرا أتواجد قبل العشاء علشان أسخن ...

لأني لي شهرين ونص ماحرست من وقت أخر مباراه نهائيه لعبتها

ابي التشكيله بالله ..

سلام

الهلالي 11 · #111 20/08/2008, 10:04 PM

زملكاوي وش حارق رزك انا اللي انسق والا انت

ماجد لا تفتحو موضوع ولا شي خلك منورنا والله

وشكرا لانك منحتني دقيقتين زياده لاني من زمان نفسي اشوت شوته بالعارضه الظاهر بستغل هالدقيقتين

الله يستر منك يا تركي

مدري احس اني متفائل انك حكم وبنفس الوقت غاسل يدي

ما له داعي اشرحلك المهم عشاك بكره عندنا يا غالي

ار دي اتش يا كوييييييييييييييييييييييييس

يا شيخ لو عارف انك تعرف تحرس كان نشبت لك بالمسن 24 ساعه

يا حبيلك انا نفسيا ارتاح اذا صار عندنا حارس متمكن

وبصراحه حربك النفسيه تاثيرها يخوووووووووووووووووف

ما اخبي عليك العام لهم يومين يحاولو يضموني لهم وانا افكر بالموضوع بعد صورك ما فيه امل انا عالمي حتى النخاع

الاوضاع مطمئنه جدا باذن الله ... وشخصيا والله من الان كسبان شوفتكم

صحيح اني اذا خسرت اعصب واسوي مشاكل

بس شوفتكم تكفيني

بالنسبة لاسئلتك

الملعب اعتقد ثيل + يمكن 10 لاعبين كل فريق

التشكيله ما يحتاج يكفي انا العب

انت ما عليك بس تعال

X.ALONSO · #112 20/08/2008, 10:09 PM

^
^^
إبراهيم حياك الله والحمدلله على السلامه ..

ماشاء الله عليك , اجل نرتاح من ناحية الحراسه بوجود كاسياس العالميه

بالتوفيق لجميع لاعبي العالمية ..

وان شاء الله بحاول حضور المباراة ان امكن ...

ANA MADRIDI · #113 21/08/2008, 05:33 AM

^ ^ ^

الأسهم لـ إبراهيم

,,

,,

أثرك حارس أجل

,,

أجل لا تشيلون هم الحراسة

,,

وما دام أيضاً الدحمي

موجود

,, << مدري وين يلعب

,,
الله يعين المجلس أجل

,, وجودك بـ يأثر بـ شكل كبير جداً ,, وبـ يربكهم أيضاً

..

إلا أقول ,,
عبدالرحمن

,, تصدق عاد

,,
ودي أشوف لعبك

,, أحسك يا بـ تكون فنان ,, ولا أي كلام ,,
ما فيه وسط

..

بس بدون نكبات الله يرحم لي والديك

..

أنا بإذن الله بـ حاول أحضر خلف الكواليس

,,
بـ جانب الوجيه الطيبة

..

إبراهيم

,,

الملعب بـ صراحة " كويس مرة

" ..
سبق لي ولعبت فيه أكثر من مرة ,,
كل شيء في أوكيه ,, وإذا على المرامي << مرامي ولا ليز

لا تشيل هم

,,
كويسه ,,

ووعدنا بإذن واحد أحد ,,
الساعة 9 ..

نـ شوفكم على خير ورده ..

أسيــ الزعيم ــر · #114 21/08/2008, 06:35 AM

آن لأسير أن يمد قدميه

بعد هالحماس اللي شايفها في يوزرات أساطير فريق العالمية .. و بعد هالرد المفحم من إبراهيم خلاص اللحين ارتحت .. تصدقون اني مارقدت بسبة هالمباراة .. الخمسة في قلبي يا شباب

ماجد منورنا والله خل عنك المجلس تعال هنا نعطيك بطاقة إنذارات مجاناً .. هالبطاقة تنشحن بعشرين ريال فيها اربع انذارات .. لك انت ست بطاقات

الدحمي و شباب العالمية .. لازم نسمي فريقنا باسم معين .. وش رايكم نسميه النسور أو نابولي أو جنوى أو اي اسم من اسماء الاندية اللي في كابتن ماجد و كابت رابح و الشلة اللي كانوا يلعبون كورة بالافلام كرتون

ابراهيم

قسم بالله ردك عطاني راحة نفسية ما تتخيلها .. اللحين ارقد وانا مرتاح

أسيــ الزعيم ــر · #115 21/08/2008, 06:41 AM

شباب اللي يبي يتعرف على الاكاديمية قبل لا يروح يدخل هالموضوع

صدى الملاعب في أكاديمية برشلونه [لقاء مع محمد الدعيع] [تقرير- فيديو]

Pharma D · #116 21/08/2008, 06:48 AM

^
^^
^^^

تعال قبل لا تنام

وش بـ تلعبني ؟؟ ظهير مابي

ترى بـ اسجل Own Goal فينا مثل مباراة الذهاب <---< برا

R D H · #117 21/08/2008, 06:52 AM

إقتباس


	ار دي اتش يا كوييييييييييييييييييييييييس

قد أكون كويس نوعاً ما بالحراسه ولا نزكي على الله أحداً ..

لكني بعد كويس بشي ثاني أنت تعرفه زين ...

وترا للحين انتظر منك انك تعطيني المزيد من أفكارك

إقتباس


	يا شيخ لو عارف انك تعرف تحرس كان نشبت لك بالمسن 24 ساعه

أهااا طيب

ماتلاحظ شي ياعبدو

أنك ماشاء الله عليك .. الوحيد فينا اللي تهايط على جميع الجهات والأصعده ..

وإلى الأن ماعرفنا أنت وش مركزك ؟

أتمنى أنك تكون الورقه الخفيه اللي معتمد عليها مدربنا الأنيق .. سباليتي بلا قرعه

...

ياشباب ( شباب العالميه مب المجلس

) ..

نبي جـديه في الأداء ..

المباراه جداً حساسه ورح تحفظ ماتبقى من ماء الوجه فينا ..

فياليت مانسمح لهم أبد أنه يتفوقون علينا .. علشان وقتها رح ناكل ذب من هنا وهناكـ .. وهذا مو كويس علشاننا ..

لذلكـ نـبي نهاجم من أول دقيقه .. ونضغط عليهم ومانخلي لهم أي فرصه أنه يهاجمونا ..

ولاتسمعوا كلام ناصر يوم يقول نلعب بخطه دفاعيه ..

ترا كذا قسم بالله بيحشرونا بمنطقتنا وبينزلون تمزيع فينا لين نستسلم

وياليت أن الأخ ناصر .. ومن يرافقه بدور المحور الدفاعي .. أنهم يحاولوا قدر الإمكان يسدون الفراغات اللي أمام المدافعين .. ومايسمحون للعيبتهم أنهم يشوتون أو يناولون أو يضغطون ( مثلث )

وبالنسبه للسناتر الدفاعيه .. لازم تسوون عمق دفاعي

جد أتكلم ما امزح

<< الكلام بدا ياخذ طابع جدي وتكتيكي بحت ..

أقصد أنه على المدافعين أنهم مايتواجدوا على خط واحد .. يعني يكون واحد من المدافعين متقدم عن زميله .. وزميله مغطي ظهره ..

علشان لو جت هجمه مرتدهـ مثلاً .. ومهاجمهم تعدى مدافعنا الأولـ .. يلاقي أمامه المدافع الثاني اللي مغطي المنطقه ..

لكن مب المدافعين الاثنين يكونون على نفس الخط ويجي مهاجمهم يسحب فيهم اثنين وينكشف المرمى ..

ومثل ماذكرنا واضح من كلام وهياط واسلوب لعيبة المجلس العام .. انهم بيعتمدون على التمزيع من خارج المنطقه ..
\لذلك هنا يكمن دور المحاور الدفاعيه اللي بتنشب بحلوقهم وماتخليهم يشووتون او ياخذون راحتهم ..

طبعا الحين هم بيسمعون هالكلام وبيسون فاهمين وبيلعبون على الأطراف

لذلك يأتي مرة أخرى دور المحور الدفاعيه ( بنتعبكم معلش يامحاورنا ) لتقفيل وسد الفراغات امام المدافعين .. بالعربي نبي تحجير لهم بوسط الملعب . .

وطبعا مع المسانده من الأجنحه ..

والأهم من هذا كله ياشباب .. هو الصووووووووووووووووووت

نبي صوووووت

ترا لو قعدنا نلعب وحنا ساكتين .. بننهزم

لازم تتكلمون أثناء اللعب وكل واحد يوجه خويه ويتفاهمون بالكلام ..

مانبي اثنين من فريقنا يخشون على كورهـ واحده وتطير منهم ..

يعني لو واحد شاف كوره جايه له وناظر لزميله لقاه بياخذه .. يقدر يقوله : لي لي ..

ويلعبها هو ..

الزبده نبي تفاهم وصووت عالي .. والكابتن ان شاء الله مارح يقصر من تحميسنا وتشجيعنا ..

وحتى لو دخل فيني كوبري .. لا حد يناظرني بنص عين

بل تعالوا وعطوني كلمه عالماشي ( انت احسن حارس بالعالم وترا كاسياس دخل فيه هدف زي كذا ) .. علشان ترفعوا من معنوياتي فقط

وإن شاء الله لو كنت انا الحارس .. راح أوجه المدافعين وأنبههم لوجود مهاجم طايح غلط من منطقتنا علشان يمسكونه .. بما أني أخر لاعب بالملعب ومكشوف لي ..

ياأستاذ سامي .. وينك فيه ؟

ترا ورقة إقالتك جاهزهـ ها

فلذلك اجتهد معنا أثابك الله ..

واكشف كل اوراقك امامهم .. ترا مارح يدرون أصلا انو كلامنا هذا تكتيك عن المباراهـ

الظاهر أني انعديت من الدحمي

انتظروا شهرين وبتلاقوا العالميه كلها يهايطون على جميع الأصعده والجهات ..

قبل لا أنسى .. حددوا مين يشوت الفاول والركني الايمن والايسر والبلنتيات ومين يمسك العارضه لاجت ركنيه ومين يراقب ماجد مقبل

ومين يحجر لجرح يشكي كانه بيلعب

وآآآآعيباه .. لو بعد كل هذا ننهزمـ ..

العالميه ضد المجلس .. الثـأر أم التأكيد ..؟!

عنوان رائع صح

بإذن الله الثأر ..

بروح أحاول أنام علشان أصحى نشيط

ولاتنسى ياأسير ترسل وصف المكان لي

<< تخيل عاد لو مايرسل

سلام

أسيــ الزعيم ــر · #118 21/08/2008, 06:52 AM

^
^^

قلت اشيك على القرية و خليت هالصفحة مفتوحة .. يا اخي النتيجة قلناها من قبل 7- 1 إن شاءالله .. انت بتكون احتياط و تدخل الشوط الثاني في اخر خمس دقايق و تسجل هدفهم

اليوم تتضبط كل الامور .. لا شفتكم عرفتكم لأن هذيك المرة ماركزت باليوزرات كثير .. خاصةً انت بعرفك على طول << امحق مدرب

شباب اهم شي نهاجم كلنا و ندافع كلنا .. حتى الجمهور بيكون ماشي معنا بس من برى

ابراهيم الحارس البس اللي تبي لو تلبس فسفوري .. الا فان دير سار تكفى

جب الطقم حق الفنون التشكيلية

تصبحون على خير ورده

أسيــ الزعيم ــر · #119 21/08/2008, 06:58 AM

الوصف يا شباب للي جاي من الدائري الشرقي .. الوصف بالكتابة صعب لكن بحاول اجيبه بصورة جيدة

و بتوضيح اكبر لعيون اللي في بالي

طبعاً انت جاي من الدائري الشرقي تتعدا المخارج من 18 الى ان توصل مخرج 8 .. مخرج 8 اذا طلعت يمين يوديك لطريق الشرقية وقدام طريق المطار .. و فيه طريق بالنص يرقيك فوق ثم ينزلك على مخرج 7 ثم مخرج 6

اذا جيت مخرج 6 تطلع يمين و تمشي قدام .. الطريق يقولون اللحين صار كله سيدين .. ماعلينا .. تمشون الين الله يسهل عليكم

قبل نهاية الطريق بتشوفون على يساركم كبوس الاكاديمية .. الوصف ان شاءالله سهل و اللي ما عرف يرد و اذا قمت علمتكم و عموماً رقم جوالي عندكم

<< شكله مهوب راقد

Z I D A N E · #120 21/08/2008, 06:58 AM

إقتباس

الرسالة الأصلية كتبت بواسطة أسيــ الزعيم ــر


	^ ^^ قلت اشيك على القرية و خليت هالصفحة مفتوحة .. يا اخي النتيجة قلناها من قبل 7- 1 إن شاءالله .. انت بتكون احتياط و تدخل الشوط الثاني في اخر خمس دقايق و تسجل هدفهم اليوم تتضبط كل الامور .. لا شفتكم عرفتكم لأن هذيك المرة ماركزت باليوزرات كثير .. خاصةً انت بعرفك على طول << امحق مدرب شباب اهم شي نهاجم كلنا و ندافع كلنا .. حتى الجمهور بيكون ماشي معنا بس من برى ابراهيم الحارس البس اللي تبي لو تلبس فسفوري .. الا فان دير سار تكفى جب الطقم حق الفنون التشكيلية تصبحون على خير ورده

يا عيني عليك يا كوتش

تذكرني بحركات ذا سبيشل ون

بالتوفيق لنا