#1  
قديم 13/08/2008, 04:47 PM
زعيــم فعــال
تاريخ التسجيل: 25/04/2008
المكان: الدمــــ 91 ــــام
مشاركات: 218
Smile تبي تعرف ليش الإداره اعارة هاللاعب وخلت هاللاعب....تعال اقولك ليش

السلام عليكم ورحمة الله وبركاته
في البدايه نبي نتفق على شيء
وهو ان مسألة اعارة اللاعب الي ماتحتاجه لأنديه ثانيه تلعب في الدوري الممتاز وبيضمن اللاعب فيها مكانه الأساسي هذي مسأله ممتازه وفي صالح اللاعب والنادي سواءاً مادياً او ان اللاعب بيتحسن مستواه
طيب الحين المدرب عنده ولنفرض 45 لاعب فرضاً يعني ومايقدر يشارك بالدوري الا بـ 37 لاعب على اعتبار وجود ثلاث لاعبين اجانب وهذا غير حراس المرمى الي لازم يكونون 4 حراس
طيب خلونا نكلم بالأسماء الي اغلب الجمهور الهلالي متفق على انها هي الي مفروض تعار للأنديه الثانيه او يستغني عنها الفريق
( الأسماء الي بأذكرها انا مقتنع تماماً انها المفروض ماتكون اساسيه في الفريق الهلالي قياساً بالمستوى الي قاعدين يقدمونه بس التحليل الفني والتكتيكي لوضع الفريق الحالي هو الي خلاني اقول ان الي سوته الاداره الهلاليه صح )
1- فهد المفرج :
الحين الهلال كم عنده من لاعب يلعب في نفس الخانه الي يلعب فيها المفرج ؟
مافيه الا 5 لاعبين
طيب هل من المعقول ان فريق وفي موسم طويل ودوري زي الدوري السعودي وفي فريق مثل الهلال مقبل على 5 مشاركات يعتمد فيه الفريق على 4 مدافعين فقط في الفريق
انا اشوف ان هذا امر مستحيل
لاتقولي فهد نكبه والا مستواه سيء
كلنا شفنا الموسم الي راح ويوم المرشدي اثبت نفسه صار هو الاساسي والمفرج احتياط وعشان كذا بقاء المفرج في الفريق ليكون لاعب احتياطي امر اساسي اضف الى ذلك ان اعارة المفرج ماهي في مصلحة الفريق بالنظر الى عمر المفرج
2- خالد العنقري :
نفس الكلام الي قلناه عن المفرج ينطبق على العنقري
فالهلال ماعنده الا العنقري ظهير يمين ونامي الي حولوه لظهير وهو في الأصل لاعب وسط ايمن
عشان كذا بقاء العنقري امر ضروري ليلعب اساسي او احتياط لنامي بحسب من الي يقدم مستوى احسن
3- محمد العنبر :
وبرضو نفس الكلام ينطبق على العنبر
واكبر دليل هو الموسم الي راح ووشلون الهلال توهق يوم اصيب ياسر والصويلح وماعاد فيه مهاجمين في الفريق
لاتقولون لي بدر الخراشي افضل منه واعير للأهلي
الخراشي والعنبر كلهم في الموسمين الي راحوا مستواهم واحد بس الفرق ان العنبر عمره 23 سنه ولازال فيه امل انه يحسن من مستواه ويقدم مردود افضل من الي هو قاعد يقدمه الحين بينما الخراشي من زملائي في الدراسه ودارس انا واياه سوى وانا عمري الحين 27 سنه فهو بالتالي عمر 27 سنه اذا ماكان ساقط في مرحله دراسيه قبل لاندرس انا واياه سوا في الثانوي وعشان كذا مسألة تطوير مستواه اصعب من العنبر
طيب الحين نجي لمسألة اللاعبين المعارين وليش هم بالذات أعيروا
1- سلطان البرقان :
صحيح ان البرقان ماهو ذاك الزود بس يضل لاعب بديل جيد يعني مو سيء لدرجة انه مايلعب في الهلال وتضل الخانه الي يلعب فيها مافيها بديل غيره هو والغنام فالهلال يملك ثلاث محاور دفاعيه وعشان كذا اعار البرقان واكتفى بالغنام بديل فالمسؤولين في النادي قرروا يعيرون البرقان لأنهم نسبياً مو في حاجته وعشان يطور من مستواه والأهم هو ان الفريق يقدر يقلص العدد المطلوب تقليصه من الاتحاد السعودي .
2- مشعل الموري وعبدالعزيز الكلثم :
طبعاً انا ذكرتهم سوا لأنهم يلعبون في نفس المركز
والاعبين هذولي يملكون مهاره جيده بس تحتاج للصقل وفي الوضع الحالي لفريق الهلال من ناحية خطة المدرب وعدد اللاعبين الموجودين في نفس الخانه الي يلعبون فيها هالإثنين ماراح تصقل موهبتهم لأنهم ماراح يشاركون مع الهلال في مبارايات كثير بعكس لو أعيروا الى انديه تحتاجهم وتلعب في الدوري الممتاز
فبدال مايجلسون على الدكه وتندمر موهبتهم يروحون اعاره لفريق ثاني ويعبون معه اساسيه ويطورون من مستواهم والموسم الجاي ان شاء الله يجون للهلال ويكونون من افضل اللعيبه وفيه الكثير من اللاعبين الاوربين البارزين حالياً مع فرقهم كان سبب بروزهم هو اعارتهم لفرق ثانيه في ظل عدم حاجة فريقهم لهم عشان يطورون مستواهم وبما اني روماوي راح اذكر مثال للاعب من فريق روما وهو اكويلاني الي كلكم تعرفونه والكثير من الفرق الاوربيه الحين تتمناه في فريقها فهو اعير قبل كم من موسم لفريق آخر عشانه كان مايشارك مع الفريق بسبب وجود اكثر من لاعب في نفس الخانه الي هو يلعب فيها ولما رجع للفريق شوفوا كيف صار مستواه وفيه مثالي ثاني بعد وهو الانجليزي بيكهام الي اعاره نادي المان قبل لايبرز وشوفوا وش صار بعد الاعاره
نرجع لموضوعنا وطبعاً الهلال بيستفيد ايضاً من الاعاره بتقليص العدد المطلوب .
3- عبد العزيز المفرج وعبدالعزيز العبدالسلام :
هذولي بعد نفس الشي
ولاودي اكتب بعد كلام اكثر من كذا لأني حسيت ان الموضوع طويل شوي
بس وش اسوي والله من ضيقة الصدر الي جتني يوم شفت المواضيع الي في المنتدى والي تتكلم عن الاعاره بدون ماتحلل الموضع من الناحيه الفنيه والتكتيكيه وتناظر بس الناحيه العاطفيه بس .
وسلامتكم
اضافة رد مع اقتباس
  #2  
قديم 13/08/2008, 05:03 PM
زعيــم متألــق
تاريخ التسجيل: 26/03/2006
مشاركات: 1,137
يعطيك العافية كلامك صحيح وعين العقل
وتحليلك في محله
اضافة رد مع اقتباس
  #3  
قديم 13/08/2008, 05:07 PM
زعيــم متواصــل
تاريخ التسجيل: 26/04/2007
مشاركات: 123
كلامك صحيح وفمحله ومشكووووور على التوضيح
اضافة رد مع اقتباس
  #4  
قديم 13/08/2008, 05:51 PM
زعيــم فعــال
تاريخ التسجيل: 25/04/2008
المكان: الدمــــ 91 ــــام
مشاركات: 218
مشكورين عل المرور

اللي أتشرف فيه صرآآحة
اضافة رد مع اقتباس
  #5  
قديم 13/08/2008, 11:36 PM
الصورة الرمزية الخاصة بـ فارس الناصر
زعيــم مميــز
تاريخ التسجيل: 07/08/2002
المكان: . ღ♥ღ. Madrid ღ♥ღ
مشاركات: 4,175
أتفق معاك . . . مانختلف على مبداْ الاعارة

لكن احس ان فيه تناقض بالموضوع

إقتباس
طيب هل من المعقول ان فريق وفي موسم طويل ودوري زي الدوري السعودي وفي فريق مثل الهلال مقبل على 5 مشاركات يعتمد فيه الفريق على 4 مدافعين فقط في الفريق
انا اشوف ان هذا امر مستحيل


إقتباس
فبدال مايجلسون على الدكه وتندمر موهبتهم يروحون اعاره لفريق ثاني ويعبون معه اساسيه ويطورون من مستواهم والموسم الجاي ان شاء الله يجون للهلال ويكونون من افضل اللعيبه وفيه الكثير من اللاعبين الاوربين البارزين حالياً مع فرقهم كان سبب بروزهم هو اعارتهم لفرق ثانيه في ظل عدم حاجة فريقهم لهم عشان يطورون مستواهم


في الاولى تقول مقبلين على خمس مشاركات . . . وبعدين تقول لازم نعيرهم عشان يتطور مستواهم


انا اشوف اللي اقتبستها من كلامك مبهمة شوي


تقبل مروري
اضافة رد مع اقتباس
  #6  
قديم 13/08/2008, 11:50 PM
موقوف
تاريخ التسجيل: 11/08/2007
المكان: الريــــــــــــاض
مشاركات: 1,594
كلامك عين العقل وتعبت وأنا أفهم بعض الأعضاء..أغديهم يفهمون زيادة من موضوعك
اضافة رد مع اقتباس
  #7  
قديم 14/08/2008, 12:12 AM
زعيــم متواصــل
تاريخ التسجيل: 23/02/2008
مشاركات: 53
والله إنك ماتستحي بعد
تسرق الموضوع وعيني عينك
طيب ياخي ما دام إنك حرامي لاتسرق من نفس المنتدى
روح دور لك منتدى ثاني وإسرق منه ونزل موضوعك هنا
فعلاً قلت أدب
ناس تبي تنزل مواضيع ولا تعرف كيف
أعتذر عن بعض الألفاظ لزوار الموضوع بس أخونا في الله سارق موضوعي سرق وبنفس العنوان بعد ومنزله بإسمه وهذا رابط لموضوعي وتأكدوا من تاريخ الموضوع
تبي تعرف ليش الإداره اعارة هاللاعب وخلت هاللاعب....تعال اقولك ليش
وأتمنى من الإداره تتفاهم مع هالعضو
اضافة رد مع اقتباس
  #8  
قديم 14/08/2008, 12:18 AM
زعيــم مميــز
تاريخ التسجيل: 07/05/2008
المكان: ALMjm3aH CitY
مشاركات: 4,660
افآآآآآآآآآآآآآآآآآ اثرك سآرقن المـوضووع .. عيـب عليك اخووي تقعد تسـرق في موآضيـع النآس ..
اضافة رد مع اقتباس
  #9  
قديم 14/08/2008, 12:21 AM
الصورة الرمزية الخاصة بـ فارس الناصر
زعيــم مميــز
تاريخ التسجيل: 07/08/2002
المكان: . ღ♥ღ. Madrid ღ♥ღ
مشاركات: 4,175
أتمنى من الادارة اغلاق الموضوع باسرع فرصة


غريبة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اضافة رد مع اقتباس
  #10  
قديم 14/08/2008, 12:21 AM
زعيــم متواصــل
تاريخ التسجيل: 23/02/2008
مشاركات: 53
إقتباس
الرسالة الأصلية كتبت بواسطة قناص سدير 20
افآآآآآآآآآآآآآآآآآ اثرك سآرقن المـوضووع .. عيـب عليك اخووي تقعد تسـرق في موآضيـع النآس ..

شفت وشلون
وعيني عينك بعد
تحمد ربك على النعمة بس
اضافة رد مع اقتباس
  #11  
قديم 14/08/2008, 12:26 AM
الصورة الرمزية الخاصة بـ ana_f_999
زعيــم نشيــط
تاريخ التسجيل: 28/03/2007
المكان: في قلب الزعيم
مشاركات: 540
افااااااااااااااااا بيننا سروق مواضيع في منتدى الزعيم افاااا بس

عاااد اصبر اسبوع ثم اكتب الموضوع مره ثانيه >>> ترى امزح حقوق الهلال & روما

قدم اعتذارك للعضو

اخر تعديل كان بواسطة » ana_f_999 في يوم » 14/08/2008 عند الساعة » 12:44 AM
اضافة رد مع اقتباس
  #12  
قديم 14/08/2008, 12:30 AM
موقوف
تاريخ التسجيل: 19/07/2008
مشاركات: 122
طحت من عيني الصراحه اثريك سروق الله يهديك
اضافة رد مع اقتباس
  #13  
قديم 14/08/2008, 12:31 AM
زعيــم متواصــل
تاريخ التسجيل: 23/02/2008
مشاركات: 53
ياويلك علمت إداره المنتدى عنك
وفي متابعة إجراء الإدارة
اضافة رد مع اقتباس
  #14  
قديم 14/08/2008, 01:00 AM
زعيــم نشيــط
تاريخ التسجيل: 14/04/2002
المكان: الريــاض
مشاركات: 755
هههههههههههههههههههههههههههههههههههههههههههههههههههههه
اضافة رد مع اقتباس
  #15  
قديم 14/08/2008, 01:06 AM
زعيــم متألــق
تاريخ التسجيل: 28/06/2008
مشاركات: 1,014
اخاف فيه لبس فالموضوع


لا لا لا لا لا لا لا عيب عيب عيب عيب

والله ماتوقع احد يسرق موضوع واحد



والله مهزله سرقه عاد
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:47 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube