نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/)
-   منتدى الجمهور الهلالي (http://vb.alhilal.com/f28/)
-   -   سؤال مهم وخطير!!!هل ينفعنا السويدي؟ (http://vb.alhilal.com/t621156.html)

عبدالاله الشمري 12/08/2008 10:24 PM

سؤال مهم وخطير!!!هل ينفعنا السويدي؟
 
بسم الله الرحمن الرحيم
السلام عليكم ورحمة الله
((خير الكلام ماقل ودل))
هل ينفعنا السويدي؟
انا اعتقد واتوقع والله اعلم ان السويدي سوف يفشل مع الزعيم؛ ولكن لماذا؟



لان دولة السويد من الدول البارده جدا وهذا يعني انه سوف يذوب كالثلج في السعوديه وخاصه الرياض وسوف تتائثر لياقته بشكل كبير..........

ارجو ان تقولون رايكم في كل سراحه وتشاركوني الرأي........





شكرا لكم لاتاحتكم هذه الفرصه لنا نحن الزعماء وغيرنا في هذا المنتدى العضيم و المحترم.

موبايلي عالم الهلالي 12/08/2008 10:28 PM

هل سينفع المندسين شبكة الزعيم ؟!؟!؟
اتمنى طردهم بأسرع وقت :)

الطوفان14الازرق 12/08/2008 10:41 PM

إقتباس:

الرسالة الأصلية كتبت بواسطة موبايلي عالم الهلالي (مشاركة 9268702)
هل سينفع المندسين شبكة الزعيم ؟!؟!؟
اتمنى طردهم بأسرع وقت :)

ارقى من كذا مستوى الطرح موب شرط انه مندس ولكن هو حط موضوع للنقاش لا اكثر

al9yyad 12/08/2008 10:43 PM

هل ينفعنا وجودك اخي الكريم؟؟؟

والله تعبت نفسك على الفاضي

موضوع زي قلّته لا يهش ولا ينش ولا له اي طعم ولا رائحة

التروبيكالي 12/08/2008 10:44 PM

موضوع مرتب ومحتواه مميز
ولكن أخي المعطيات تبشر بالخير ونترك هذا الشيء الى حين العوده للرياض
وسيتأقلم لأن السعوديه يوجد بها جميع الجنسيات وعايشين :)

تجلس بجمبي شوي 12/08/2008 10:46 PM

السويدي والا الغدير



ما علينا ..

المهم انشالله يفيدنا

إلذئب 12/08/2008 10:47 PM

أولاً : الأوروبيين مو مثلنا , يتعاودون مع أي جو

ثانياً: أغلب مباريات الدوري راح تكون في الشتاء وراح أكيد تكون مباريات لنا في الآسيوية خارج السعودية لكن ممكن تكون الإمارات وأعتقد أنه في دول ثانية أبرد منا

ثالثاً: أنا اول مرة أشوف جماهير مثلكم , يعني يوم الإدارة جابت لعب إفريقي مغمور قلتوا وش نسوي فيه , ويوم جا لاعب عالمي قلتوا السؤال هل اللاعب بينجح ولا لا ؟

رابعاً : الموضوع ماله داعي

محامي الفيلسوف15 12/08/2008 10:49 PM

عفواً

جيت متأخر :d


ناس قبلك تكلموا عن هالموضوع .. وتناقشنا فيه كثير..!!


لكن مو مشكله انا احب اوضح لك ان هالمشكله ماهي خطيره مثل ماتقول :stoned:


انت تذكر لاعب الهلال الاوكراني ( اندريه كانشلسكيس ) لاعب وصل للهلال وعمره اكبر من لاعبنا السويدي ولي بكثير .. ولعب بنفس خانة اللاعب ولي... وابدع فيها واعتبره من افضل الاجانب اللي حضروا للفريق ... وهذا هو لاعب اوكراني و اوكرانيا من ابرد المناطق بـ اوربا ....وهالكلام قبل 6 سنين تقريباً

وازيدك على هالكلام .. ان الموسم اغلبه بيكون في ايام الخريف و الشتاء والربيع .. < وطول هالايام يكون الجو بالليل معتدل او برد شديد < حسن كراني :d


وشكرا..!!

ابراهيم حميد 12/08/2008 10:51 PM

ياغالي أنت لما تشوفهـ في الأراضي السعوديهـ ويبدع ،،

هذيك الساعهـ .. تكلم .. خلاص ،، الإدارهـ وقعت مع اللاعب وأنتهى الأمر؟؟

مالها داعي نعيد ونزيد في الموضوع..

أنا اتمنى ان الموضوع ماياخذ اكثر من حجمهـ ،، ياااااااااشباااااااااااااب

أوكي

عبدالاله الشمري 12/08/2008 11:07 PM

اقسم بالله العضيم لما قريت اول رد انصدمت جدا وتوترت انا الحين في قمة الاستغرب لبعض الردود المتهوره والقاسيه
هذا موضوع عادي مايستحق كل هذا الزعل
اشكر بعض الردود التي ترتقي لمستوى المنتدى وانا اسف اذا زعل احد مني اسف جدا لانكم بس لانكم هلاليين وبغض النضر عن العمر والخبره
اكرر الاسف ومشكورين على الردود واشكر الردود التي ترتقي لمستوانا

..zaeem14ever.. 12/08/2008 11:24 PM

عزيزي أشكر لك إهتمامك بالزعيم ولاعبية!s60s!

ونرحب فيك بالمنتدى وإن شاء الله مع الأيام راح تتأقلم مع أجواء الزعماء وتكسب خبرة.. وتُشَجع تشجيع على اُصولة .. أهم شيء الأخلاق .. وحب الزعيم..

شكلك مو متابع دقيق للشبكة العنكبوتية لنادي الهلال السعودي.. لأن نفس الموضوع

إنطرح أكثر من خمس مرات من قبل .. وتناقشنا فيه.. بما فيه الكفاية والموضوع مُكرر

وليس لطرحه أي فؤايد تُذكر!! مع إحترامي للموضوع .. وصاحب الموضوع..:yes:

أنا أتمنى من الزعماء الطرح المُفيد والراقي والمُميز لهذا الجمهوووووووووووور العظيم :clap:

تصدق يوم قريت العنوان قلت السويدي طلع مقلب وشربناه!:upset:! وأثر السالفه عوافي!!:nono:

أنا أتوقع السويدي ((بطريق)):d مايعيش إلى بالقطب الشمالي أو الجنوبي..:bigeek: علشان كذا

لازم نحطة بقالب ..ثلج.. مُتـحرك معه وين مايروح بالرياض!!:laugh:

السويدي ياعزيزي لاعب مُحترف .. وياكثر السويديين بالرياض.. بالنهاية التوفيق بيد الله يابعد حيي.:clap:

نحترم وجهة نظرك .. وتقبل مروري ووجهة نظرررري .. s13s ـ و ـ ـدـ ـمـ ـتـ ـمـ ـ زـ ـعـ ـمـ ـاـ ـءـs13s

ZAEEM \14\ EVER

تويجري هلالي 12/08/2008 11:29 PM

جو المملكة يعآدل تقريباًً جو فرنسا ولهذا السبب سيبدع ان شاء الله ..

عبدالاله الشمري 12/08/2008 11:54 PM

طيب على قولت المصريين( ابلني)
انا اراهنكم اذا فلح بوجود التايب والشلهوب والقناص والفريدي والتمياط
ومره ثانيه اكرر انتم ليش تزعلون كذا ومحقونيين بالمره
انتبهو هذا الدوري ما بدا لي اليوم كيف لما يبدا
وعلى فكره انا اتمنى وجدا انه يبدع ويصير افضل من كل الاعبين في الزعيم لكي يستحق المبلغ الضخم المدفوع عليه
واتمنى من بعض الاعضاء القبول بالرأي والرأي المعاكس لهم وعدم التعصب والرقي بمستوى هذا المنتدى الرسمي

الشلهوب ولا تهتم 13/08/2008 12:06 AM

طيب
أكثر مباريات الموسم في الشتاء

وفريق مانشستر أبدع كل الفريق وكانت المبارات في الشتاء

هلالي رفحاوووي 13/08/2008 12:22 AM

اول شي صراحه اخوي وليس سراحه

ثانيا ليه ماترتك عنك المواضيع السامجه اسمحلي يعني بصراحه الموضوع مادري وش الفايدة منه ليه قالولك ايس كريم هو علشان يذوب

اتمنى ان تكون بكامل قواك العقليه عندما تكتب في منتدى الزعيم


الوقت المعتمد في المنتدى بتوقيت جرينتش +3.
الوقت الان » 01:49 PM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd