شي غريب وتخبطات اداريه

ومجاملات قاعده تصير منذ عام 1997 الى يومنا هذا

هل من المعقول لاعب مثل الكلثم برز نفسه في خلال سنه واثبت وجوده

تجي ادارتنا الفاضله وتعيره

طيب وينكم عن نواف وفهد المفرج وذياب والعنقري وحسن العتيبي اللي كان معار ومهدد بالانتقال الا اساسي فالتشكيله


والمشكله جمهورنا نواف متى يعود

المفرج لاعب مخلص

العنقري لاعب مدري كيف

مانبي اخلاص ولا عاد نبي تضيحه

نبي لعب وفن وبطولات

نبي لعب زي التايب وبس


نبي زي عبده عطيف فالشباب واخوه احمد

نبي زي نور فالاتحاد كيف يحرث الملعب


لا وبعد تبون الاسيويه

وراكم فرق يابانيه وكوريه واستراليه وايرانيه وتبون تفوزون

بالنكبه المفرج ولا اللي يشوت من الدايره نواف التمياط

وذياب والعنقري

فريقنا لالالالالالالالالالالالالالالالالالالالالازم يكون له هيبه

وبالاعبين كل واحد عن فريق

لو تكلمنا عن الاتحاد راح نلاقي المنتشري ونور وكريري وتشيكو والدوخي وابوشقير وتكر والباقين

كل واحد فيهم قادر على حمل فريق على اكتافه

وبالأخص نور وتشيكو







ياليت من جمهورنا يفتح ويطالع زين

ويترك عن المجاملات اللي لاتغني ولا تسمن من جوع

صراحه بقاء المفرج كااااااااااااااااااااااااارثه

لكن وش نقول

الغريب كيف كوزمين يرضى بالوضع هذا @@

ياخي المفرج احسن فاشل من الفاشلين

يعني تبيعهم يعيرونه وماعندنا احد يسد خانته.

على الاقل ينفع حتى نحصل بديل.

والعنقري بعد.

اما نواف اسمح لي مانب راد عليك.

المفرج العنقري انا معك لكن نوااف لا

بالتوفيق للازرق

ما شاء الله عليك والله داخل جامد تبي مثل لعيبت الاتحاد عندنا التايب وحده افضل من الي عديتهم .
وانتبه الاااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اااااااااااااااااااااااااااانواف
نسيت افضل لاعب باسيا 2000 ولا اذكرك ونسيت الهدف الي من بيروت الى الرياض والله يهديك.

يا أخي عند ــي مداخلــه بسيــطه الكتابة كبيرهـ المعنى".؟؟،،؟@!!!


الكلثم ماله مكان بالخطـهـ

وفيه أكثر من نادي يضمن الأساسي وهو مغمــض

مثلا راح للحزم ,.,.
موســم يبدع فيه ويرجــع ثااني:..،/،

القرار أرآآ أنــه صائب لمستقبل اللاعب عشاان مايضيـع/,

[quote=غيام.;9280164]شي غريب وتخبطات اداريه

ومجاملات قاعده تصير منذ عام 1997 الى يومنا هذا

هل من المعقول لاعب مثل الكلثم برز نفسه في خلال سنه واثبت وجوده

تجي ادارتنا الفاضله وتعيره

طيب وينكم عن نواف وفهد المفرج وذياب والعنقري وحسن العتيبي اللي كان معار ومهدد بالانتقال الا اساسي فالتشكيله

معليش اخوي فيه مسئولين بالنادي وفريق فني واداري هم ابخص بهذي الامور ونواف والمفرج النادي يحترمهم لما قدموه في السنوات الماضية والجاي انشاء الله اكثر نواف حسم للهلال كم بطولة ولكن الاصابات هي سبب اتخفاض مستواه واي واحد بينخفض مستواه بيستغني عنه النادي هذي مشكله كان محد بغى الهلال ولا احد بغى ينتقل لنادي وبعدين سعد الحارثي مستواه نازل وصابرين عليه نادي النصر ومالك الموسم الفائت نفس القصه

كيف الحال
هلالنا ومعجبنا وضعة
كوزمين المدرب وهو ادرى بشغلة
والإدارة واعيه وفاهمة وعلى قولتك عن الإتحاد ولعيبته
فلا تنسى ان الهلال فيه لعيبه شالت المنتخب ومو عجزه انها تشيل النادي
ياسر.. التايب.. الغامدي.. عزيز.. ويلي.. الشلهوب.. اسامة.. الدعيع
ويالله
ثقتنا بالبقية موجودة

الهلال محتاج شيئين

اولها التوفيق من رب العالمين

وثانيها ان الله يفكنا من معسكرات المنتخب اللي...

والله يوفق الهلال وين ما راح

ادعوك للقراءة مع الشكر وفائق الاحترااااام


العنقري،المفرج،التمياط،الكلثم،نامي،العنبر،........!!

نرد عليك حبة حبة ...

إقتباس ومجاملات قاعده تصير منذ عام 1997 الى يومنا هذا

ما شاء الله .. من 97 .. والله انت متابع من زمان للكورة ..

إقتباس هل من المعقول لاعب مثل الكلثم برز نفسه في خلال سنه واثبت وجوده

ممكن سؤال ... بالله عليك ..وش سوا الكلثم بالموسم الي راح ؟ جاوبني وذكرني ..يمكن ناسي ولا شي

إقتباس طيب وينكم عن نواف وفهد المفرج وذياب والعنقري وحسن العتيبي اللي كان معار ومهدد بالانتقال الا اساسي فالتشكيله

نواف على الاقل يكون احتياط لان لازال فيه حيل ..مع اني اتمنى انتقاله ..
المفرج على الاقل احتياطي ممتاز .. من فيه غير المرشدي يشوت بالرجل اليسار؟
الذياب .. ظهير ايسر عنده ما يقدمه .. ويكفي اوفرات متميزة..
العنقري ما في غيره عالظهير اليمين ..وش يسوون لك .. يجيبون حسن معاذ بالغصب ؟
حسن العتيبي ؟
على الاقل احتياط .. ولا تبي بر الدعيع بحرس لنا ؟

إقتباس نبي لعب زي التايب وبس نبي زي عبده عطيف فالشباب واخوه احمد نبي زي نور فالاتحاد كيف يحرث الملعب

ومن وين يجيبون لك مثل هذولي .. تبينا نشتريهم مئات الملايين؟
تبي تشتري 50 لاعب صانع لعب ؟

انت تفهم كورة ولا تستهبل؟

إقتباس لا وبعد تبون الاسيويه وراكم فرق يابانيه وكوريه واستراليه وايرانيه وتبون تفوزون

الاسيوية تجي بعد توفيق الله ..

وحنا لعبنا بالاسيوية مع ناس اقوى من الفرق الحالية ...بفريق اضعف من الحاليين ..

إقتباس لو تكلمنا عن الاتحاد راح نلاقي المنتشري ونور وكريري وتشيكو والدوخي وابوشقير وتكر والباقين

عقب هالكلم ضاق صدري وانقهرت اني رديت عليك ...

ياخوي .. ما تلاحظ اننا هزمناهم وعلى ارضهم وبين جماهيرهم ؟
وش قال قال يحملون الفريق على كتوفهم ..اقسم بالله انك تسمع بها الكلمة وودك تقولها بس ما تدري متى تنقال ..تكر والدوخي ومدري مين بعد ..

إقتباس ياليت من جمهورنا يفتح ويطالع زين ويترك عن المجاملات اللي لاتغني ولا تسمن من جوع

يا زينها من مجاملات تجيب لنا الدوري والكاس ..
والاسيوية ما يوقف بوجهنا الا شيئين ..ناقصنا التوفيق من رب العالمين .. ويفكنا ربنا من المنتخب ومعسكراته..



ناس غريبة والله

اهم شي تسويه الادارة :


تـــنــتــســــق

خالد العنقري

المفرج + العنقري + العتيبي+

كاثة بقاؤهم في النادي..........

نواف لاعب كبير ولابد له رجعة لمستواه,,,,يعني يجب الابقاء عليه في الاحتياط او الرديف حتى يثبت رجعته...........

من حقك اخوي تبدي وجه نظرك بس للاسف خانتك الكلمات في الموضوع واسلوب الطرح مع احترامي لك اللاعبين المذكورين من نادي الاتحاد اتوقع انجازهم كان المركز الثاني بالدوري وخروج من كذا مسابقه بدون اي انجاز اما بالنسبه الي لاعبينا انا اتفق معك علي هبوط مستوي الكابتن نواف بس نفرط فيه للاسف ما صابت معك يبقي اسمه نواف التمياط يعني موهوب بالفطره لكن الاصابات وبروز الكابتن طارق التائب حرم نواف من استعاده مستواه نفس الكلام على الكابتن حسن العتيبي لم ياخذ فرصته بوجود الدعيع المواسم الاخيره واللاعب بشر يتاثر من المحيط الموجود حوله وبخصوص الكابتن فهد المفرج والعنقري من وجه نظري لاعبين عادين وشي طبيعي صدور غلطه منهم مثل بقيه اللاعبين الممتازين ولو هي بالامنيات نتمنا لاعبين ميلان الايطالي بقمصان الهلال وتبقي ايضا الامنيات ان يكون الجمهور داعم للزعيم سوا بالاعبين الموجودين او غيرهم لكن اسلوب التجريح والتقليل من قيمه الاعب لن يفيد الاعب او النادي يجب علينا كمثال للجمهور الواعي والمثقف والمحب للكيان الهلالي ان ندعم النادي والاداره والاعبين مع ايصال وجه النظر بصوره صحيحه تقبل مروري وتحياتي ...

اللي انا مستغرب منه ان الرائد
الموسم اللي فات طلب المفرج اعارة
لكن النادي مارضى

رد على الأخ بايرن ميونخ

إقتباس ممكن سؤال ... بالله عليك ..وش سوا الكلثم بالموسم الي راح ؟ جاوبني وذكرني ..يمكن ناسي ولا شي

عبدالعزيز الكلثم لاعب واعد وقدم مستوى جيد في الموسم الماضي وكان من أفضل اللاعبين

في الإقتباس الثاني كأنك ترد على نفسك

إقتباس نواف على الاقل يكون احتياط لان لازال فيه حيل ..مع اني اتمنى انتقاله

من الأفضل انتقال التمياط وبقاء الكلثم
ربما يكون التمياط فيه حيل كما ذكرت لكن الكثلم لاعب شاب ومستواه أفضل بكثير من التمياط


بقاء نواف التمياط وغيره ظلم للاعبين الشباب