|
تتذكرون الحملة اللي شنها الجمهور على حسين المسعري؟؟؟ بسم الله الرحمن الرحيم فيه نوعية من اللاعبين يعوض نقص قدراته بالحماس والاجتهاد في التمارين والانضباطية في الحضور بنما تجد اللاعب المبدع والمهاري لايهتم كثيرا بالتمارين لثقته في قدراته الا ماندر. المسعري كان من تلك النوعية وكان اول واحد يفتح باب النادي واخر واحد يطلع بس مستواه كان اي كلام ونكبنا في اكثر من مناسبة. الجمهور شب على الادارة لين نسقوه واستفدنا من مكانه في لاعب افضل منه. الحين الجمهور قاعد يسوي نفس الشي مع المفرج والعنقري فهم لاعبين سيئين فنيا وممتازين اخلاقيا. كل من ينتقد هجومنا على المفرج والعنقري اطالبه بان يتخيل نفسه لحظة واحدة انه رئيس لنادي الاتحاد او الاهلي او الشباب او النصر هل سيطمع في ضم المفرج او العنقري لفريقه ؟؟؟:nono: انا اطالب بزيادة الضغط على الادارة بتنسيق اللاعبين والاستفادة من مكانهما بتصعيد مدافعين من درجة الشباب . بس اذا بدا الموسم بدون تنسيق لهم ارجوا من الجميع الوقوف مع اللاعبين ومحاولة رفع معنوياتهم لعل وعسى ... دمتم زعماء |
أقووول كيف الحال ..:d المفرج صبرنا عليه أكثر من 15 سنه و مستواهـ نفسه أما العنقري .. لا تعليق :d |
ماشاء الله عليك أخترت أكثر ناس ماتفقه كورة المسعري المفرج العنقري .... الأخلاق بتكون له مو لنا واحنى مو مزوجينة علشان نقول اخلاق ..... |
مشكلتي أبيك الله يرجك هههههههههههههههههههههههههههههههههههههههههههه أخوي الانظباطيه والاخلاق ماتهمنا ,, نبي لاعب يلعب صح بالملعب ,,!! ما أقوول الله يعينا بس ! بالتوفيق للهلال تحياتي لك احمد |
قديم انت المسعري مشت معه موسم واحد زي المفرج اول موسم كان كويس,, العنقري خانته كلهم اي كلام يعني اي واحد يلعب في هالخانه بنقول يالليل ماطولك,,,. |
اللاعب فهد المفرج لاعب كبير وانا دائما ارتاح له , لاعب منظبط وخلوق وحماسي جدا ولكن صدق فهد المفرج حينما قال ان هناك 60% لايعرفون بالكوره شي :) بيجي كم واحد من المراهقين ويقولي انت يقرب لك المفرج او تعرفه وانا من هنا اقول اقسم بالله العلي العظيم انني لا اعرف فهد المفرج من قرابة ولا اعرفه شخصيا وانما هو لاعب كما حال اللاعبين ,, فاتمنى ان يكون الطرح هادف والنقد بناء !! ارجو عدم التجريح في فهد ونحن لم بندأ الموسم فهد الموسم الماضي سجل هدف لم يستطيع ياسر تسجيل مثله مع انه مهاجم!! فهد هاجمتوه كثيرا والغريب انه يستحال ان تدخل للمنتدى يوم ولاتجد موضوع يسب فهد المفرج ,, ارجو من الجميع ان يعبر عن وجهة نظره بأدب وبدون تجريح :) |
يارجال كلامنا ما ينفع اهم شي قناعة كوزمين لو يجي ظهير زي الناس تتوقع كوزمين بيلعبه أساسي |
كلامك جزء منه صحيح ,, تفائل يااخي وان شاء الله خير يقولون تلقى الدواء في اخس الشجر ماتدري يمكن هم فال عليناخير |
إقتباس:
اللي على مستوى تفكيرك مع إحترامي لك إذا أنت طموحك تدافع عن لاعب مستواه منتهي الصلاحية وشلون تبي الآسيوية وش بتسوي الموسم الجااي تبي نلعب بـ مدافع وااحد يااخي المفروض المفرج يستحي ويعتزل إذا ساامي وهو يقدر يعطي ويفيد إعتزل وش اللي يخلي المفرج يجلس على الأقل يعطونه أحد أندية الثانية هدية كـ نوع من توطيد العلاقات وأنا والله ما كان ودي أرد على مواضيع مثل هذي لكن ردك على الموضوع استفزني |
طيب أنا اقول اعرضوا المفرج للانتقال وشوفوا العروض اللي تبي تجيه صدقوني يكفينا انه لاعب قيادي في الملعب وعلى قولتهم يتحمل المسئولية واكبر دليل على كلامي شوفوا الخراشي وش يبي يسوي مع الأهلي الجمهوووووور با ختصاااااااار عااااااااااااااااااااااااااااااااااطفي يبي الاعب اللي شكله الخارجي يعجبهم عالعموم الادااااارة والمدرب ابخص عاد اذا كان المفرج قدر يسحر كل هذولا شيء ثاني |
انا اقول نهتم بأمور نادينا احسن من ............. ورده ورده |
تشبيه غير موفق المسعري كان لاعب تكتيكي مهم ومفيد داخل وسط الملعب مثل ما كان خميس العويران ومنصور الموينع وفيصل ابو ثنين يمكن اهو اقلهم لمسات فنيه تطربنا كجماهير لكنه يأدي دوره التكتيكي بشكل افضل من غيره بالنسبه لفهد المفرج .. اعتقد انه لاعب جيد .. فقط لكن حماسه وعشقه للزعيم يخلونه سوبر ستار في كثير من الاحوال واخطاءه نشوف اعظم منها في سناتر منتخبنا الحبيب على فكره العنقري اللي مادري وش سالفته !! |
وجهة نظر كانت وجهة نظري والمسعري كان أساسي في أول المباريات مع المدرب الجديد أفكارك تتناسب معي |
ايه كانوا يسمون المسعري مندبش المدربين :d :razz: بس مثل ماقلت اخوي نوعية المفرج والعنقري مثل المسعري ... يعني لاعبين ادائهم سىء .. لكن يسحرون المدربين بروعة تعاملهم والاجتهاد بتدريباتهم ... وانت تعرف نظرة المدربين مايدخل معه الا المـُجتهد .. ويعطيه الفرصه دائماً وصحيح يوم الادارة اخيرا فكرت تستغني عن المسعري طلع نجم بديل ورائع في نفس مركزه وهو ( عزيز القوم :d ) فـ لو المفرج يعطي فرصه لـ غيره اكيد بنشوف نجوم من الشباب اللي عندهم الكثير عشان يقدمونه عكس المفرج اللي راح من السنوات الكثير ولا ســّوا شي ..!! اتمنى ان الشباب ياخذون فرصتهم وانا ارشح خيراااااات يكون اولى من المفرج |
إقتباس:
أنت العاطفي متعاطف مع المفرج لأن الحملات ضده الوااحد لا زم يفكر صح لاعب إنتهت صلاحيته نبدله ليه نخليه يعيش عندنا سنين لين يعشش الحمام فوق راسه |
| الوقت المعتمد في المنتدى بتوقيت جرينتش +3.
الوقت الان » 12:01 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd