صباح الخير >>>> كاتب الموضوع صباح يوم الجمعه 14 /8

ادري العنوان مال امه داعي بس وش اسوي من القهر يانااااااااااااس

اليوم جبت دلة الشاهي المحبوك اللي على كيف كيفكم

وفتحت النت وقلت ابدخل على منتدى الزعيم ابوسع صدري بالموااضيع اللي تفتح

النفس ، صبيت اول بياله ومع اول موضوع ينط بوجهي ( عودة عبد الله الجمعان)

عقبه ( عودة أحمد الدوخي ) وما ادري ايش

يوم المزاج خرب والبياله راحت فيها >>> ماشربتها

قلت ياخوي هالعالم وين عايشه وين جالسين حنا كل واحد يمخمخ على لاعب

ويجي يسدح لنا موضوع على لاعب يمكن يكون حلمان فيه

ياخوان حنا ناس نتميز عن المنتديات الاخرى بالمصداقيه >>> حلوه الأخرى

بس الملاحظ علينا هاليومين الاشاعات والاخبار اللي مالها داعي

فكونا تكفون من المواضيع اللي ترفع الضغط والاخبار والاشاعات

خلونا بواقعنا خلونا بمعسكر فريقنا

أكيد كل واحد له وجهة نظر في لاعيبة الفريق وتخطيط الفريق

وانا واحد منهم يعني كان امنيتي اشوف ميسي في الهلال >>> والله ان تبطي

بس انا انسان واقعي احب اعيش الهلال على حاله

ادري انكم وانا واحد منكم نطالب بظهير ايمن لان الموجودين ما يبرودن القلب

لكن عاد الشكوى لله

بس أبغى اقول نقطه اخيره وخاصة للاشخاص اللي يكتبون مثل هالمواضيع

(( ترى الهلال مايوقف على لاعب معين ))

يعني أقرب مثال العام الماضي حققنا بطولتين بالعنقري والمفرج والذياب

وكل لاعب انتقدناه كان موجود السنه هذي

على العموم اسف على الاطاله >>> برد قلبي برجع اصبلي بيالة شاهي

إقتباس الرسالة الأصلية كتبت بواسطة آبـنـ آلـزعـيـمـ صباح الخير >>>> كاتب الموضوع صباح يوم الجمعه 14 /8 يعني أقرب مثال العام الماضي حققنا بطولتين بالعنقري والمفرج والذياب

هلا والله اخوي الذياب ؟؟ ظلمته والله
والله انك صادز كل يوم واحط جايك منبرش ويسرد له موضوع بس يالله معليش كل واحد يفضفص شوي
من ناحية الدوخي والله ياليت يرجع

صراحه كلامك معقول

انا كنت افكر انزل موضوع اننا نطالب بارجاع التيماوي وفيصل ابو اثنين


طالما ان الموضه كل واحد يجيب لاعب منتهي ومعتزل


والساده المشرفين سامحين لكل موضوع انه ينشر


نكتب مواضيع ونزود مشاركات اذا ان الغالبيه هذا همهم



الله يعين بس

هلا اخوي ابيدال

انا ما عندي اعتراض على وجهات النظر كيفكم

لكن ياليت نعيش الهلال على حاله وفي وقته

يعني بلاش هالتخيلات والمخمخه اللي مالها داعي

اشكر لك مرورك الكريم

هلا اخوي المصدر الرسمي

خخخخخخخخخخخخخخخخخخخخخخخخخخ

وشد دراك والله العظيم كان عنوان موضوعي قبل ما اغيره ( ابشركم بيرجع يوسف الثنيان للهلال)

شاكر لك مرورك

ههههههههههههههههههههههههه

دلة شاهي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاتعلييييييييييييييييييييييييييييق؟؟؟؟؟؟؟؟؟؟؟؟؟؟؟

أسمح لي أن أقول

يااااااااااااااااااا محيي العظام و هي رميم !!!

والله ليت الدوخي يرجع لان اللاعب عنده عطاء 4 سنوات قدام
وكلنا شفناه مباراة مان يونايتيد

الدوخي الجمعان والعويران

خلالالالالالالالالالالالالالالالالالالالالالالالالالاص

انتهو من قلوب وعقول الهلاليين والى الابد

كلام سليــــم...

مع تحفظي لبعض النقاط.

إقتباس الرسالة الأصلية كتبت بواسطة الـوفـا ديـــنــ أسمح لي أن أقول يااااااااااااااااااا محيي العظام و هي رميم !!!

حلووووووووووووووووووووووه .. الله يرج إبلسك!!

من جد الشباب فاضين بالصيفية.. ولا عندهم إلا النت .. قاعدين يمرحون ويسرحون.. ولا حد داري!!

وشمس المملكة تأثر بالرأس من ما يأثر على التفكير وبكذا يرجعون المعتزلين!!<فيلسوف الأخ.

تقبل مررررررروري .. وأتمنى الطرح الهادف والمُميز .. بعيداً عن الشوشره وعدم المصداقية..

.....××< دُمتـــم زُعمــــــــ ZAEEM14EVER ـــــــــــاء >××.....

إقتباس الرسالة الأصلية كتبت بواسطة هلالي ثلاثي الأبعاد ههههههههههههههههههههههههه دلة شاهي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لاتعلييييييييييييييييييييييييييييق؟؟؟؟؟؟؟؟؟؟؟؟؟؟؟

ليه يااخوي وين تحطون شاهيكم فيه ؟؟ بطاسه ؟

فعلا لا تعليق

دله شـآهي !!

هالمواضيع موجوده من زمـآن ومـآ ادري اللي ينزلونهـآ ينكتون والا في كامل قواهم العقلية

لكن لا تدقق واجد الاجازه طويلـة وما عندهم الا هالمنتدى

×عوافي×

أقول رح لم أبوك خله يعلمك الدله هي لشاهي والالقهوه