ياشباب أرجو التفريق بين السب والذم الأخوان الله يهديهم مسوين بعضهم محاميين ياخي ليش نكابر الأخ الكريم الأستاذ الموقر المحترم / < لاحظوا ماكتبت ((اللاعب)) فهد المفرج
راحت أيام لعبه وفنياته واللي يقول أن المفرج ماعنده واسطه بأعطيكم دليل بس ((للقديمين))
ههههه كان فيه لاعب أسمه حسن النمشان كان يلعب الرجال بس للأسف حظه الردي خلاه الله لايبلى السامعين يجيب الهدف بنفسه ومن يومها الرجال ما أعرف له طريق ؟؟ أين ذهب لا أعلم؟
أين أمسى ؟ لا أعرف ؟ أين غدى ؟ لا أدري ؟ أين تعشى ؟ لا تسألني ؟
فاللاعب المذكور رأساً ما كان عنده واسطه !!! وعشان لانظلم المفرج كان فيه لاعب لايقل عن واسطته الا وهو أيضاً ((للقديمين))
خخخخخخخ شويش الثنيان وهل يخفى القمر كان مايعرف شكل الكوره وكان مهاجم ويجيب اهداف على مرماه بس واسطته جيده واكثر اللي كانوا متحسسين منه ((النمر أبو يعقوب )) فأطلق عليه عيارته الشهيره حين قال (( وخر أنت و أسمك اللي كله نقط )) ههههههههه والله من التنسيم يا أبو يعقوب.
مالكم بالطويله ....
المهم ياشباب ويا مشرفين حنا يوم ننتقد اللاعب فهد المفرج ما انتقدناه الا بلعبه وطريقة دفاعه
وما انتقدناه بأخلاقياته اللي كلنا نعرفها زين والله يثبته على الطريق الصواب امين ويهدي الجميع امين.
نصيحه قد تفيد الاخ فهد ومن الممكن أن تعيده لمجده السابق ((لعباً)) ..
+ لا تنفعل بالمباريات وخصوصاً المباريات المهمه ويجب عليك البرود وتذكر أنك لاعب لك خبرة لا بأس بها بالملاعب لكي لا يستنقصك الخصم .
+ عدم أهدار اللياقه مع العلم أنك تملك لياقه جيده ما شاء الله .
+ أداء واجبك الدفاعي فقط لاغير وعدم الخروج بالمرتدات أحياناً وخروجك بالضربات الركنيه لابأس به.
+ عدم التأثر بالأعلام وبأي وسيله أعلاميه توصل النقد لك وسعة صدرك مع الجمهور فالنقد ليس حقداً ولكنه يفهم على حسب الهوى للأسف أو يعبر عنه مغلوطاً .
ملاحظه لأثبات بعض ما سبق ( أكثر الأخطاء التي تظهر من اللاعب تكون فقط بالمباريات المهمه والمصيريه ) الا المباراه الوديه الاخيرة وهي حاله نادره للمفرج!!
ممكن بعض الأخوة يقولون أن كلامي متناقض بس ماهمني أهم شي توصل الفكره والمضمون
دمتم بخير
الوضع العادي
