مساكم الله بالخير

بدون مقدمات بادخل في موضوعي مباشره مع اني قليل الكتابه في المنتدى واكتفي بالمشاهدة

لاحظت على بعض الشباب في المنتدى بعض الكتابات الي مالها سنـع صراحه

يعني من ناحية التشكيله ومن ناحية المفرج من ناحية العنقري من ناحية العنبر

ناس تطالب بابعاد المفرج من التشكيله وناس ثانيه تطالب بابعاد العنقري

يجي واحد الله يطول لي بعمره يقول نبي نامي ظهير

والثاني يرد عليه يقول انت ما تفهم بالكوره انت مندس المفروض العبدالسلام ظهير

وهذا يقول العنقري كويس والثاني يقول نلعب الخثران ظهير ويرد عليه خويه يقول الخثران شايب ما ينفع

همن نجي للعنبر وناس تطالب فيه وناس تسب فيه وناس تبغى التشكيله بمهاجمين وناس بمهاجم واحد

وخذ لك يا نقاشات واختلافات

والشي الوحيد الي متأكد منه انه مستحيل تلقى اثنين هنا بالمنتدى متفقين على شغلـه وحده بس !

علشان كذا انا من رايي بلاشي كوزمين وبلاشي جهاز فني

ونصير حنا كل شي

،،

يا اخوان انا على علم كل واحد منكم يتقطع قلبه على مصلحة الهلال

وكلنا نبغى اسيا ونبغى الدوري والكاس وكل بطوله كبيره او صغيره وكلنا نبغى فريق ناري ووحشي ما يرحم

وكل واحد منا له وجهة نظره بخصوص تشكيلة الفريق الانسب وانا متأكد انه الي يطالب بتشكيله معينه ما طالب فيها الا انه يرى انها هي الانسب ( باعتقاده ) والثاني يعارضه ويقوله انت ما تفهم بالكوره لانه يرى انه هالتشكيله غير مناسبه ايضا ( باعتقاده )

علشان كذا يا ليت يجي يوم ندخل المنتدى ونلقى المواضيع تقتصر على تقييم لاداء اللاعبين وانتقادات بدون تجريح
ونترك اختيار التشكيل والشغلات هذي لكوزمين

لانه الاداره ما صرفت للمدرب مبلغ وقدره ومرتب وقدره علشان حنا نجي نحط التشكيله

في النهايه هذا رايي بهالموضوع ووجهة نظري فيه

احتمال اوفق واحتمال لا اوفق بهالكلام الي اتمنى الكل يتقبله برحابة صدر

،،