يا مال العافية ثامر .. تقديم بطريقة جديدة بس سلسلة وحلوة مثل وجهك
المباراة وديّة اكثر من انها على كاس .. صحيح مباراة سوبر وافتتاحية موسم تعتبر في إنجلترا بس بالنهاية تبقى غير مهمة .. مانشستر يعاني من غيابات كبيرة بس ما يمنع انها راح تكون فرصة للاعبين الشباب بوسيبون غيبسون رافائيل كامبل لي مارتن وغيرهم .. فرصة لهم يثبتون أنفسهم
عموما امس في المؤتمر الاسبوعي للسير قال فيه ان كاريك تعافى من الفايروس وبيشارك .. غاري بيكون متواجد .. ناني ممكن يلعب بعض الدقائق .. فيه اخبار تقول ان روني ممكن يكون على الدكة .. تف تف ماشاء الله عليه .. اهم شي مشاركته الاسبوع الجاي في افتتاحية البريمر اكيد ان شاء الله
يالله مستوعبين انتم الاسبوع الجاي فيه بريمر .. وااوك اشتقت قسم
البومبي من جهة ثانية فريق بطل السنتين الاخيرات .. ريدناب عمل شغل جبار بالفريق .. جب لهم بطولة بعد غياب 50 سنة <--- تذكرت تشلسي بصراحة .. اشتغل بالميركاتو .. عنده سكواد بطل يقدر يعطيه موسم كامل وعلى عده جبهات .. البطولة هذي ما تعنى للمان شي كبير كثر ما تعني لهم .. محتاجينها اكثر من مانشستر علشان يبدون الموسم كويس .. طلعة مونتاري هذي اللي ازعجتني شوي وتعويضة بيكون صعب
المباراة بإذن الله راح تكون ممتعة .. وبالويمبلي بعد .. احلى كلام بس عسى ارضيته تكون جاهزة من زمان مالُعب فيها مباريات .. جيجزي بتكون له كلمة
ماشاء الله تبارك الله .. تقديم يفتح النفس ويجبرك تقرأ كل
حرف .. يمكن اللهجة لها دور ؟
أخيراً بنرجع لأجواء المباريات الرسميه .. ابو هالبريمير
يوقف ثلاث شهور كأنها ثلاث سنين ..
مباراة اليوم صعبة جداً ع الفريقين .. مانشستر وما يخفى على احد
حتى مع هالغيابات اللي ما اشوفها مؤثره باستثناء كريس .. ولا البقية
اساسا احتياطيين ..
بورتسموث فريق عنيد .. بالذات امام الكبار .. غير كذا انتقالاتهم
اللي قاموا بها رائعة .. واعتقد دفاعنا بيعاني شوي مع كراوتش و سرعة ديفو ..
مهم جداً نبدا هالموسم بهالبطولة .. اتمنى فيرغي يدخل بقوته في هالمباراة
ونشوف اكبر قدر من اللاعبين الكبار .. بالإضافة إلى رافائيل
ناني اعتقد موقوف من الموسم الماضي وبيرجع بعد نيوكاسل .. غيابة
ان شاء الله ما يؤثر ( إن غاب ) .. ويمكن نشوف ايفرا مكانه وسلفستر
في الظهير .. مثل درع الموسم الماضي .. واعتقد قدام اليوفي السير
طبق هالتكتيك في اواخر المتش تحسباً لهالشيء ..
...
الله يعطيك العافية ثامر .. ان شاء الله نبارك لك عقب المتش