بسم الله الرحمن الرحيم ....
الحمد لله رب العالمين والصلاة والسلام على أشرف الأنبياء والمرسلين ... وبعد

عندي بعض النقاط اللي أحب أعلق عليها من وجهة نظري الخاصه .... وأتمنى تكون صائبه .. وفي محلها .. وأن تتقبلوها بكل رحابة صدر ... لأن فيها أشياء ماراح تعجب (( البعض ))

النقطه الأولى ....

معسكر الهلال في إيطاليا ....

حقيقة أن الإدارة تشكر على هذه الترتيبات الرائعه والجميله .. واللي أن شاء الله يكون مردودها على الفريق ككل
وأنا سعيد ( كـ غيري من الزعماء ) لما أشاهده من مباريات وديه وتدريبات قويه
لكن هناك العديد من اللاعبين المستهلكين وعديمي الفائده ..
اللي وجودهم كعدمهم ... أخذوا فرص كثيره وعديده ...
أنتم تعرفونهم ... مالفائده من وجودهم بالمعسكر ... !!
أعجبني موضوع لأحد الأخوان في المنتدى
يوم يعلق ويقول أن هالمعسكر لإعدادهم للفرق الأخرى حيث ينتهي الموضوع بإعارتهم لهم ...
مع أني أرى أن الفائده من هـ المعسكر منقوصه لعدم وجود اللاعبين الدوليين

أتمنى من جميع اللاعبين الأستفاده القصوى من هذا المعسكر فنحن قادمين على بطولة كبيره
وهي بطولة أسياء

النقطه الثانيه ....
خلو معسكر الهلال من اللاعبين الدوليين ...
عندي تساؤل بسيط ... وهو موجه لمسؤولي الإتحاد السعودي
وركزوا معي ...
(( ألحين مافيه أحد بالدنيا عنده وطنيه الا أحنا ... ))
التساؤل بطريقه أخرى ..
(( ليه دايم نغني على وتر الوطنيه إذا قلنا نبي الدوليين مع أنديتهم ... ))
كل اللاعبين العالميين اللي يتدريون مع أنديتهم وإذا جاء قبل المباراة بكم يوم راح للمعسكر ... (( ماعندهم وطنيه ))

مبدأ عجيب وغريب ... ليه مايكون اللعيبه الدوليين مع فرقهم ...
التدريبات في المتخب هي نفسها في النادي ... وقد يكون النادي أفضل ...
يبي يقولون أنسجام وماإنسجام
والله لو يصير اللي يصير ... اللاعب الكبير طول عمره كبير
واللي مايبي يطور نفسه والله لو تخليهم مع بعض الدهر كله ...

وبعدين أحنا مجربين ..
طوال السنين الماضيه .. معسكرات في معسكرات
وملل وطفش
وش اللي جبناه من بطولات للمنتخب ...
كل مشاركات كأس العالم نوعا مخجله ان لم تكن بالفعل فاشله ...
دعونا نطبق الطريقه العالميه ...
خلو اللعيبه مع فرقهم وقبل المباراة بثلاثه أيام يتم إستدعاؤهم
والفائده على الطرفين ...
وعدم ظلم النادي بحرمانه من لاعيبته اللي دفع فيهم الملايين ...


النقطه الثالثه ....
مسألة التجنيس في المنتخب ...

لاأعلم ماهو السبب الحقيقي في عدم تجنيس اللعيبه المميزين للإستفاده منهم في المنتخب
وخلونا صريحين وواضحين ...
لعيبة كثير بالمنتخب .. ذووي أصول أفريقيه ... ومجنسين
يعني أين المشكله ... !!
وأستغرب من حساسية البعض في قول هذا الكلام ...
نعم أصولهم أفريقيه ... وين المشكله ... !!
حتى الأتحاد السعودي ... عنده حساسيه من هـ الكلام ...
ومثال ذلك المنتخب الفرنسي ...
هذا ماكليلي في المنتخب الفرنسي من أصول أفريقيه ... وغيرهم الكثير والكثير

يعني بالعربي ,...
إذا الدعوى فيها تجنيس ... فـ ياليت يكون للعيبة المميزين فقط
وأكرر .. المميز فقط
ولا بلااااااااش
بتقولون ليش ... !!
رأيي في هذاالموضوع .. راح أقوله في المثال التالي ...

كلنا شفنا المنتخب المصري (( جميعهم أصولهم مصريه مصريه ))
في البطوله الأفريقيه الأخيره
أقسم بالله وأنا أناظرهم يلعبون .. أن ودي أخش وألعب معهم ...
يعلبون من قلب ..
قتاليه عجيبه .. روح وطنيه خرافيه ... إستعداد تام للمجازفه بأرواحهم
أهم شيء يفوزون ويرفعون أسم بلدهم ..
وبالفعل تحقق لهم ماأرادوا ...

قيسوا هـ الأمر على منتخبنا ... من من اللعيبه يلعب من قلب وبقتاليه
فقط أثنين أو ثلاثه ...
أتمنى أنكم فهمتم مااقصده ...

أنا ماأطالب بالتجنيس ,.... لكن إذا الدعوى كما هي حاصله الأن
اتمنى نجنس الأفضل ...

النقطه الرابعه ...
موضوع الهلال مع موبايلي والإتصالات ...

لايهمنا من يرعى الهلال ...
المهم تكون الرعايه ذات فعاليه كامله ...
مبلغ محترم يوازي جماهيرية الهلال العظيمه ...
بنود مفيده في العقد ...
إستفادة جماهيريه مما تقدم الشركه الراعيه ...
أهم شيء
تقدير مكانة الهلال وجمهوره العظيم ...

وكما قلت سابقا ,,, وكما سأقول دائما ..
مادام أبناء مساعد معنا ... فـ لاخوف على الهلال ...

أتمنى مااكون طولت عليكم .... ولكن شيء بالنفس وحبيت أشارككم ...

تحياتي لكم

ياحبيلك يااااسر ويازين كلامك وربي درر .....خاصه في التجنيس ليش عبدربه تفاريس افضل

بعدين اخوي ملاني انت ماتفهم اتوقع كلام اخوي ياسر واضح وانا وضحت بشكل اكبر افهم ياخي

اتمنى تقبل مروري واتمنى ان اللى في المنتدى مثل عقليتك .....

اخوك ابوناااااااااااااايف