مانـشـسـتـر × بـورتـسـمـوث - الـدرع الـخـيـريـة - || تـقـديـم || - نادي الهلال السعودي - شبكة الزعيم

هلالي و مانشستراوي · #1 09/08/2008, 03:33 AM

اعداد : هلالي و مانشستراوي

تصاميم : الفـآرس الهـلالي !!

تقام يوم غد الأحد كأس السوبر الإنجليزي ( الدرع الخيريه ) بلقاء بطل الدوري مانشستر يونايتد ببطل الكأس بورتسموث على ملعب ويمبلي الكبير في لندن

- بطاقة اللقـاء -

الفريقين : مانشستر يونايتد × بورتسموث
المناسبة : الدرع الخيريه
التاريخ : 10 / 8 / 2008 م ، 9 / 8 / 1429 هـ
التوقيت : الساعه الخامسه عصراً بتوقيت السعودية
القناة الناقلة : الجزيرة الرياضية + 1

ملعب اللقاء

استاد ويمبلي في لندن .. يتسع هذا الملعب لـ 90 ألف متفرج وهو أكبر الملاعب في انجلترا

حكم اللقاء

بيتر والتون .. احد ابرز الحكام الإنجليز .. حكم 24 لقاء في الدوري للموسم الماضي .. أشهر فيه 74 بطاقة صفراء .. وثلاث بطاقات حمراء

- قصة هالدرع الخيريه ومن ابطاله -

الدرع الخيريه اللي يسلمك انت وياه هي بمثابة كأس السوبر المعروف والمتداول بأكثر الدوريات ( عدى الدوري السعودي لانهم يدرون كل سنه الهلال بيواجه رديفه

) ..

البطولة عباره عن لقاء واحد يجمع بين بطل الدوري وبطل الكأس .. والانجليز بفلسفتهم سمّوه الدرع الخيريه وصار دخل المباراة كله للجمعيات الخيريه

البطولة بدأت منذ عام 1908 م وكان أول بطل لها هو مانشستر يونايتد .. وآخر بطل كان هو مانشستر يونايتد بعد

وكانت البطولة قد وقفت مرتين للحرب العالمية .. المره الأولى كان بسبب الحرب العالمية الأولى من عام 1914 م وحتى عام 1919 م .. والثاني كان بسبب الحرب العالمية الثانية من عام 1940 م وحتى عام 1947 م .

الدرع الخيريه بهالمسمى بدت من عام 1992 وكانت على الشكل التالي :

1992 .. ليدز يونايتد × ليفربول ( 4-3 )

1993 .. مانشستر × ارسنال ( 1-1 ) وفاز مانشستر بركلات الترجيح ( 5-4)

1994 .. مانشستر × بلاكبيرن ( 2-0 )

1995 .. بلاكبيرن × ايفرتون ( 3-0 )

1996 .. مانشستر × نيوكاسل ( 4-0 )

1997 .. مانشستر × تشلسي ( 1-1 ) وفاز مانشستر بركلات الترجيح ( 4-2 ) بس ماكان فيه فان در سار

1998 .. ارسنال × مانشستر ( 3-0 )

1999 .. ارسنال × مانشستر ( 2-1 )

2000 .. مانشستر × تشلسي ( 0-2 )

2001 .. مانشستر × ليفربول ( 1-2 )

2002 .. ارسنال × ليفربول ( 1-0 )

2003 .. مانشستر × ارسنال ( 1-1 ) وفاز مانشستر بركلات الترجيح ( 4-3 ) سيلفستر سجل هدف مانشستر بهالمباراة

لاتقولون ليش الحين بقولكم

2004 .. ارسنال × مانشستر ( 3-1 ) وسجل سيلفستر هدف لكن موب لمانشستر .. لأرسنال

عرفتوا ليش

2005 .. تشلسي × ارسنال ( 2-1 )

2006 .. تشلسي × ليفربول ( 1-2 )

2007 .. مانشستر × تشلسي ( 1-1 ) وفاز مانشستر بركلات الترجيح ( 3-0 )

واما ابطاله بشكل عام من انطلاقته على الشكل التالي :

مانشستر يونايتد ( 16 مره )

ارسنال ( 11 مره )

ليفربول ( 10 مرات )

ايفرتون ( 8 مرات )

توتنهام ( 4 مرات )

مانشستر سيتي & تشلسي ( 3 مرات )

ليدز يونايتد ( مرتين )

- وش قدموا الفريقين السنه الماضيه -

كلن يقول وشلون وصلوا هالفريقين للدرع ؟ ووش قدموا الموسم الماضي ؟

طيب لاتدفون انا اقولكم وشلون

اطلق فريق بالدنيا كله وبطل انجلترا وبطل اوروبا وعن قريب ان شاء الله بطل العالم

مانشستر مثل ماانتم عارفين .. الموسم الماضي كان خرافي بتحقيق اكبر بطولتين رسميتين .. الدوري الانجليزي ودوري ابطال اوروبا وسبقهم بالدرع الخيريه بنفس هالمناسبه ( وعلى فكره كلهن ضد تشلسي

)

بدى مانشستر موسمه بنفس التوقيت ده .. واجه تشلسي بالدرع الخيريه وانتهى اللقاء تعادل ايجابي واحد واحد ، سجل لمانشستر جيجز وعادل للبلوز مالودا
واحتكم الفريقين لركلات الترجيح .. اللي تفلت فيها فان در سار وتصدى للثلاث ركلات الترجيحيه لتشلسي ( بيتزارو - لامبارد - فيلبس ) ومانشستر سجل الثلاثه كلها ( فيردناند - كاريك - روني )

وبعد ذلك انطلق الدوري وكانت بداية مانشستر ضعيفه جداً والكل استبعده لكنه رجع من جديد وبعد الدوري الطويل اللي شفناه كلنا السنه الماضيه .. حقق مانشستر اللقب بعد منافسه قويه من ارسنال وتشلسي حتى آخر جوله
حقق الدوري برصيد 87 نقطه بفرق نقطتين عن الثاني تشلسي

وبدوري ابطال اوروبا مانشستر تصدر مجموعته بستة عشر نقطه وبارى ليون بدور الـ16 .. تعادل ذهاب 1-1 وفاز اياب 1-0 .. وبدور الـ8 بارى روما .. فاز ذهاب 2-0 وإياب 1-0

وبدور الـ4 .. بارى برشلونه تعادل سلبي ذهاباً وفوز بهدف سكولز إياباً .. وبالنهائي واجه تشلسي وتعادل 1-1 وفاز بركلات الترجيح 6-5

واما بالبطولتين الأخيره .. كأس الكارلينج خرج من اول دور على يد كوفنتري سيتي بهدفين نظيفين .. وبكأس الاتحاد طلع من بورتسموث 1-0 .. يعني هالمباراة لرد الدين

الله من ريحة الكفرات هالخوال

البومبي الموسم الماضي كان لهم حلو .. خاصه بتحقيقهم لبطولة بعد غياب مايقارب خمسين ( تعيش سنين

) سنه

شلة الخوال حققوا بطولة كأس الاتحاد الانجليزي .. بالدور الثالث اقصى ابسويتش سيتي بهدف نظيف .. وبالدور الرابع فاز على بليموث بهدفين مقابل هدف .. وبدور ثمن النهائي فاز على بريستون بهدف بالدقيقه تسعين وعلى بابهم بعد

وبدور ربع النهائي فاز على مانشستر ببلنتي وطرد لحارس مانشستر ( يعني غش

) .. وبدور النصف نهائي فاز على ويست بروميتش بهدف نظيف لكانو

وبالنهائي بعد تكرر السيناريو وفاز على كارديف بهدف نظيف لكانو

اما البطولات المتبقيه .. بالدوري حقق المركز الثامن برصيد 57 نقطه .. وبكأس الكارلينج خرج من الدور الرابع على يد بلاكبيرن روفرز بهدف مقابل اثنين

~ فـــاصــــل إعــــلانــــي ~

تنّكس تنّكس .. عطه .. رووووح ..

- كيف استعدادات الفريقين لهالمباراة والموسم الجديد -

مانشستر لعب عدة لقاءات وديه مع مختلف الانديه .. وكذلك قام بجولة افريقيه وشارك بكأس التحدي مع ناديي كايزرشيفس واورلاندو الجنوب افريقيين واستطاع كسب البطولة

اليونايتد واجه ابردين الاسكتلندي وفاز 2-0 .. وبعده انطلق لجنوب افريقيا واول مباراة ضد كايزرشيفس وانتهت تعادل ايجابي 1-1 .. وبعده واجه اورلاندو وفاز واحد صفر

ورجع من جديد وقال خلن أأدب كايزرشيفس وفعلاً ادبهم

فاز 4-0 وحقق كأس التحدي .. بعده انطلق لنيجيريا ولعب مباراة وديه كانت قدام بورتسموث نفسهم وفاز 2-1 ..

وبعد نيجيريا رجع لانجلترا ولعب ضد اسبانيول بمباراة اعتزال الاسطورة اولي سولسكاير

وفاز 1-0 بهدف كامبل .. وبعد اسبانيول بيومين واجه بتيربوره اللي مدربهم ولد فيرجسون

وفاز 2-0 .. وبعده واجه اليوفي على الاولد ترافورد وانتهى اللقاء تعادل سلبي

بورتسموث هو الثاني .. لعب عدة لقاءات وديه لكن ماكانت كثيره مره .. وكان له شطفه بسيطه على افريقيا وفيها واجه مانشستر بنيجيريا وانصكوا فيها

بورتسموث لعب ضد اكستر سيتي الانجليزي وتعادل معهم 1-1 .. وبعده لعب ضد سويندون تاون الانجليزي وفاز عليه 3-1 .. وبعده واجه برايتون سيتي الانجليزي وفاز 2-0

واخيراً واجه مانشستر بنيجيريا وعرف من يأدبه .. مسوي لي فيها يفوز على الانديه الضعيفه ويوم بارى مانشستر صكهم اليونايتد 2-1

- انجازات الفريقين -

الدوري الإنجليزي : 17 مرة

كأس انجلترا : 11 مرة

رابطة المحترفين الإنجليزية : مرتين

الدرع الخيرية : 16 مرة

دوري أبطال أوروبا : ثلاث مرات

كأس الكؤوس الأوروبية : مرة واحدة

كأس السوبر الأوروبي : مرة واحدة

الكأس القارية للأندية : مرة واحدة

الدوري الانجليزي : مره واحده

كأس انجلترا : مرتين

الدرع الخيريه : مره واحده

دوري الدرجه الثانيه : مره واحده

دوري الدرجه الثالثه : ثلاث مرات

~ نـكـتـــــه ع الطايــــــــر ~

محشش يسأل خويه .. يقول الهند بعيده ؟ قال : لا مااتوقع .. عندنا عامل يجي للدوام على سيكل

- تشكيلة الفريقين وغياباتهم -

أقرب تشكيلة لليونايتد ..

غيابات بالجملة للفريق .. رونالدو .. روني .. هاريجريفز .. فوستر .. بارك جي سونج .. نيفيل .. ساها .. مع ان آخر اثنين ماعمرهم جهزوا

أقرب تشكيلة للبومبي ..

شكوك بسيطه .. على مشاركة جونسون وشون ديفيس .. واحتمال اكبر بغياب لاسانا ديار

.. بالختام .. حبينا نغيّر من جو التقديم الرسمي .. وحبيت أهايط بعد عندكم شيء

..

.. كل اللي فوق عباره عن شيء بسيط مقدم عن المباراة للفريقين مع بعض الهياط والضحك الخفيف لتغيير الجو والابتعاد عن الرسميات

..

.. مساحه حـرهـ للجمـيع .. والهياط مسموح لكن بحدود .. مثل مهايطي يعني بس

..

.. واتمنى الابتعاد عن ردود الشكر واللي كله كلمتين وستين نقطه علشان اربعين حرف

..

.. وترا من الحين اقولكم .. اللي يرد شكر وكلمتين بحذفه رده وبصكه انذار واحتمال ايقاف

.. بكيفي الموضوع موضوعي واسوي فيه اللي أبي

.. وعلى دربكم حبذا لو كانت الردود بدون تواقيع

.. تسان ماعليكم كلافه يعني

.. بس توقيعي انا .. مثل ماقلت بكيفي موضوعي

.. تقبلوا تحيات اخوانكم باللجنه الإعلاميه .. وتذكروا كل مجهوداتنا لإرضائكم .. ولاتخيبون ظننا بتفاعلكم الرائع

..

ورده

R V P · #2 09/08/2008, 03:51 AM

تقديم رائع بمعنى الكلمه ،، ماشاء الله عليك

المباراة راح تكون قويه بمعنى الكلمه رغم غياب بعض النجوم من المان لكن تبقى المباراة قويه

مانشستر يونايتد بعد الإستعدادات إلي شفناها اتوقع انه مستقعد وبكل قوه لـ النهائي

رغم غياب اهم لاعبين المانيو الذين ساعدوهم في الحصول على البطولات الموسم الماضي

اتوقع ان المانيو راح يقدم مستوى رائع و قوي امام بروستموث لأنهم قدموا المستوى في المباريات الإستعداديه

بروستموث فريق عادي لكن لايستهان به و يمتلك بعض النجوم امثال ديفو وكراوتش و كرانجكار

و هذا الفريق قدم مستوى رائع الموسم الماضي في كأس انجلترا وخاصةً بعد ما اخرج المانيو على ارضه لكن غش مثل ماقال هلالي و مانشستراوي

<< خايف ينجلد

واتوقع المباراة راح تكون قويه جداً رغم غياب بعض نجوم المانيو ويصعب التوقع فيها

بالتوفيق للفريقين و اتمنى نشوف مباراة تليق بإسم الفريقين ونستمتع فيها بإذن الله

والله يعطيك الف عافيه هلالي ومانشستراوي على التقديم الأكثر من رائع و لا ننسى الشكر ايضاً لـ المصمم الفارس الهلالي !!

إقتباس


	.. كل اللي فوق عباره عن شيء بسيط

كل هذا ماشاء الله وتقول بسيط

إقتباس


	غيابات بالجملة للفريق .. رونالدو .. روني .. هاريجريفز .. فوستر .. بارك جي سونج .. نيفيل .. ساها .. مع ان آخر اثنين ماعمرهم جهزوا

ههههههههههههههههههههههههههه ،، والله انك صادق

إقتباس


	~ نـكـتـــــه ع الطايــــــــر ~

إقتباس


	محشش يسأل خويه .. يقول الهند بعيده ؟ قال : لا مااتوقع .. عندنا عامل يجي للدوام على سيكل

ههههههههههههههههههههههههههه ،، وش جايك اليوم تقديم استهبال × استهبال لكنه

إقتباس


	~ فـــاصــــل إعــــلانــــي ~

توني ادري ان المانيو عندهم رقاصين

إقتباس


	الله من ريحة الكفرات هالخوال

ههههههههههههههههههههههه ،، والله انك صادق

إقتباس


	2003 .. مانشستر × ارسنال ( 1-1 ) وفاز مانشستر بركلات الترجيح ( 4-3 ) سيلفستر سجل هدف مانشستر بهالمباراة لاتقولون ليش الحين بقولكم

إقتباس


	2004 .. ارسنال × مانشستر ( 3-1 ) وسجل سيلفستر هدف لكن موب لمانشستر .. لأرسنال عرفتوا ليش

هههههههههههههههههههههههه ،، انواع النكبه سيلفستر وهو منحينه ملحوس ونكبه

إقتباس


	1997 .. مانشستر × تشلسي ( 1-1 ) وفاز مانشستر بركلات الترجيح ( 4-2 ) بس ماكان فيه فان در سار

هههههههههههههههههههههههه ،، طيب كان فيه شمايكل

Ricky 8 · #3 09/08/2008, 03:53 AM

ما قصرت والله يالغالي

اعتقد ان المباراة اقرب مالها تحضيريه على الرغم من كونها بطولة

بالتوفيق للبومبي هع هع هع

<<< يكره المان

أسيــ الزعيم ــر · #4 09/08/2008, 04:06 AM

أيون .. الله يعطيك العافية يا ثامر على هالتقديم الجميل

مانشستر بطل الثنائية قدام تشيلسي أجل

بس للحق المان الموسم الماضي قدم مستوى ممتاز .. وش ممتاز الا رائع .. << يعني ترى شي جديد

البومبي يا البومبي .. ريدناب سوى مع هالفريق شغل رااائع جداً .. لا من ناحية مستوى و لا من ناحية تعاقدات .. ديفو و كراوتش و لاسانا ديارا و ديفيد جيمس .. هذا غير كانو و باروش اللي منتظرينه الموسم القادم اللي خابره جاي اعارة من ليون بس مدري وش صار عليه ؟

بس للآسف الفريق فرط في لاعبين مهمين اللي هم بينجامي و مونتاري .. و أحسن ما فيهم انهم فكونا من بن سحر

هاللاعب تشوف صورته بدون ما تعرف جنسيته تقول شكله لعيب .. تشوف جنسيته ودك تاطا على خشمه :@

المباراة ماراح تكون سهلة على المان .. غياب رونالدو و روني بيكون مأثر أكيد .. الا على طاري روني وش صار عليه ؟ عساه يا رب بالملاريا .. هاللاعب سبحان الله هو اللاعب الوحيد اللي ما ادانيه :@ طبعاً من غير الاسطورة بن هايم

و من هم على شاكلته

ما ادانيه مهوب على شي .. أصلاً هو و لا شي

بس من الله كذا .. غير تصريحه ضد العرب :@ و طبعاً ما هموني العرب

لكن هذا ضد العرب اجل كيف المسلمين :@

نرجع على ان المباراة مهيب سهلة .. غياب هالثنائي و قوة بورتسموث من جميع النواحي .. فريق متكامل نظراً لمركزه

أعتقد انها بتكون لبورتسموث .. و الواقع يقول انها للمان .. لكن ننتظر و نشوف و إن شاءالله تكون مباراة ممتعة مثل هالتقديم

ثامر الفاصل أنت حاط فيه صورة ؟ لأنه ما طلع لي شي .. وان كان كلام و بس ما اقول الا الله يخلف بس

هلالي و مانشستراوي · #5 09/08/2008, 04:19 AM

^^

جعلك للي منب قايل

ايه فيه صوره .. وحاول جرب يمين يسار تطلع لك

بس يمكن لأنه متحركه تتأخر شوي ..

حياكم الله

أسيــ الزعيم ــر · #6 09/08/2008, 04:34 AM

ثامر شف الغش

http://www.youtube.com/watch?v=TsINp...eature=related

يقطع شكلك على هالتنكس

نواف

الله يعطيك العافية بغيت أنسى :$

و تنكس بعد على ذي

http://www.youtube.com/watch?v=HLN_gyn5rhk

و على الطاري .. بغيت أنسى .. اليوم مباراة كرانيكار

هلالي و مانشستراوي · #7 09/08/2008, 05:18 AM

^^

ياخي وقسم كان فيه روني .. يعني كوزتشاك مايعتبر آخر مدافع

بس يالله الواحد مايصير طماع

بطولتين ازين من ولا شيء

على فكره .. البومبي احسن من غيره

ماخذ بطولة السنه الماضيه

وبعض الناس مااخذوا

ابو عابد بررررا ياتشلساوي ياحقير

بس على فكره .. ابو نادين غير :$ والمباراة بكرا موب اليوم

إقتباس


	هلالي & ارسنالي قائد الريم

حياكم ربي

أسيــ الزعيم ــر · #8 09/08/2008, 05:54 AM

^
^^

ايه عشانكم قويين ما قدرنا ناخذ بطولة

وخر بس

تصدق مبرمج نفسي على ان المباراة اليوم .. يالله الأحد أزين وش ورانا

بعدين منهو أبونادين ؟ تكفى لا تقول روني

و على فكرة فيه شكوك حول غياب كانو .. اللاعب تعافى من إصابته لكن إلى الآن الشكوك تحوم حول مشاركته .. سول كامبل رجع من الإصابة و قادر على المشاركة

و فيه شكوك حول مشاركة لاورين !

هالشكوكات

كلها من تقديم السكاي بي للمباراة

R V P · #9 09/08/2008, 06:15 AM

إقتباس


	بعدين منهو أبونادين ؟ تكفى لا تقول روني

طارق التائب

إقتباس


	حياكم ربي

الله يحييك ،، وحنى قمنا بالواجب

إقتباس


	http://www.youtube.com/watch?v=HLN_gyn5rhk

إقتباس

الصراحه مقطع حلو ،، إهانه للمانشستراوي والله العضيم اني امزح

إقتباس


	ايه عشانكم قويين ما قدرنا ناخذ بطولة وخر بس

اكيد هم قويين وانتم اقوى لكن اكيدين بعد الآرسنال

وش رايكم بـ اكيدين

*الوليد*الهلالي* · #10 09/08/2008, 06:38 AM

ما قصرت والله يالغالي

اتمنى التوفيف للفرقين

Colin Bell · #11 09/08/2008, 06:42 AM

تقديم رائع بمعنى الكلمه ،، ماشاء الله عليك

بالنسبة للمبارة البعض يعتقد انها حتكون من طرف واحد

اللي هو طبعا المانيو

بس << ركز على كلمة بس >>>

ما تدري ممكن لاعبيه البومبي يستنزلون في الملعب

اتوقع المبارة حتكون ممعتة

مشكور على هالتقديم الحلو

والى الامام

وبالتوفيق للمانيو بكرة

RAUL 4 EVER · #12 09/08/2008, 07:29 AM

الله يعطيك الف عااافية يا بطل ..!

بالتوفيق للمان ..!

أحبذ المان في إنجلترا ..!

كيف مب ذوق

المهم أن تكون المباراة رائعة ..

تحياتي .:. raul 4 ever

عشقي الزعيم(الهلال) · #13 09/08/2008, 08:46 AM

ما قصرت والله يالغالي

اتمنى التوفيق لمانشستر يونايتد

تقبل مروري،،،

the boss CR7 · #14 09/08/2008, 10:24 AM

موضوع رائع جدا وتقديم روعه وانت اروع منهم كلهم[ما اعرف احط ضحكات]
مانشستر ان شاء الله انه بيفوز واتوقع انه بيفوز على بورتسموث رغم الغيابات وازيدك من الشعر بيت ناني بيلعب هالمباراة بس لكن في بداية الدوري ماراح يلعب لانه موقف وللاسف اندرسون مو لاعب عموما الله يوفق اليونايتد والله يوفقك انت وعلى تقديمك الجميل

يا(20)سر · #15 09/08/2008, 11:01 AM

ان شاء الله يفوز مانشستر يونايتد

وكلها بطوله خيريه وان شاء الله نشوف مثل هالمباريات عندنا يالعرب

ويعطيكم العافيه ع ـلى الـتقديم