08/08/2008, 04:47 AM
|
| زعيــم نشيــط | | تاريخ التسجيل: 07/04/2007
مشاركات: 662
| |
عقد الإتصالات...إصابة السويدي الجديد...تعال وريح أعصااابك
السلام عليكم ورحمة الله وبركاتة
اليوم أول موضوع لي في منتدى الكبااار...((الزعماء ))
فجأة أصبح الجمهور الهلالي متشائم ويتأمر على الإدارة..يبي ومايبي...والله حاله
موضوعي لإني شفت هلاليين متشائمين..وناس مندسين..وصحافة قذرة
وكلهم هدفهم واحد..تحطيم روح الهلال..بغض النظر عن مسمى الطرف الأول..فأنه مشارك فالإمر بشكل غير مباشر..
أنتم أنتخبتم إدارة جديدة...وليست بالجاهلة
إدارة بوادرها بوادر خير..كما تعودنا..ونهاية مشوارها ولا أحلى
هؤلاء ناس لم يأتوا إلى هنا..ولم يرشحوا أنفسهم للمنصب..
إلا إيماناً بمقدرتهم على القيادة الحكيمة للنادي..
ومحاولة نيل المزيد من البطولات معه..وتحقيق الإنجازات المحلية والأقليمية والدولية.
ياهلاليين يازعماء..أنتم كباااار
والكبار لايلتفتون لكلام الإقزااام
ياخي هذا الأزرق...
رفع رؤوسنا .. ورفع ظغط غيرنا
هذاالأزرق..هذا الموووج
من حنا أطفال...ضحكنا كثير أفرحنا كثير قاتل لإجل جمهورة كثير
وأستحق بجدارة لقب الزعامه
والله ثم والله لو يروح الدرجه الصفر أني معه..
سأحزن..لكن ماأجرح..ولا أعطي وجه للحسااااد
هذا الزعيم وأفهم يافهيم..
تبون تعرفون زبدة الكلام في عنوان موضوعي
الإتصالات الحرامية...
هذه الشركة نصااابة ومحتالة...ياخي مالعب فينا الأ فواتيرها
نصب عيني عينك..
وربي رزقنا بموبايلي..<<ترى فواتيرها أشوى
راح أقولكم حاجه...وأنتم لاحظتوها كلكم
الإتصالات أمرنا منتهي معها لإنهم حراااامية..
زين ياهلالي وموبايلي
تذكرون أعتزال سامي الجااابر
شفتوا التنظيم الفاشل...وشفتوا أعتزال ماجد كيف..
خلوكم من ذي..
شفتوا مقدم موبايلي في مهرجان
أعتزال ماجد.. يقول"ماجد هو الأسطورة الأول..ماجد الأسطورة"
وكلمة مدير الشركة
"ماجد أسطورة المملكة يستاهل هذا المهرجان"
بتقولون وش دخل الموضوع هذا فالسالفة
السالفة ومافيها..
شفتوا نفاااق موبايلي وهي الداعم الرئيسي لنادي الهلال..
تنافق لسامي وجمهور الهلال..ويوم صايحوا عليهم جمهور الفقر
قاموا يتطلبونهم..ويمدحون ماجد لين خاسوا
أدفع أكثر..نرفعك أكثر
والهلال مو محتاج دعية موبايلي...لإنها فشلت فالإعتزال
ونجحت عند غيره
وإدارة الهلال تعلم أننا بعصر المادة...واللي يدفع للنادي أكثر نتفق وياااه
لا أحد يقول كرامة...
لإن الإتصالات هم اللي جونا ودفعوا لنا...صح ولا لا
خلوا الإتصالات توقع مع النادي..
وأنتم عادي موشرط تحطون خطوط أتصالات...بلاش من ذولا مايصلحون حق الجوال
خلوكم على موبايلي..والهلال يأخذ ملايين الإتصالات
مانبي جوال الزعيم..
عندنا النت..والصحف المحايدة..لإن الإتصالات تبي تستفيد من جماهير النادي
والجمهور معطيها خااااااااااااامس..
خلوا الخبز للخباز..والملايين لدعم النادي...وأفهم يافهيم
حنا ما علينا من الأمور المالية..حنا علينا من أداء الفريق داخل المستطيل الأخضر
لاترجون أنفسكم بأشياء..ماراح يجيكم من وراها غير الحكي
خلصنا من الإتصالات..الحرامييين<< حلوووووه هههههههع
زين المحترف في صفوف الهلال Wilhelmsson قالت صحف خايسة..أن الهلال وقع مع لاعب ركبته (معطوبة) أول شيء تردون علي الصحيفة..وتقولون كيفنا مالكم دخل قولوا لها..: حنا زعماء..نشتري اللي نبيه..ياخي فلوسنا واجد قولوا لها..: حنا نحتاج أسماء فقط..ولا اللعيبة واجد.. والاندية اللي عندك يخافون من كل واحد يلبس أزرق..فكيف لو كان أسمه معروف
ردوا عليهم بأستخفاف..لإن عقولهم ناااقصة ومساكين.. نصهم ذابحهم الفقر<<تلميح والنص الثاني بومبا بومبا ماشافوا خير<<تلميح يعني (( الحقران يقطع المصران )) أكمل الفراغ التالي..؟ (( القافلة تسير............)) ولو تبي تجاوب لا تجاوبهم..لإنهم مو كفووو تعطيهم وجه...لاتنزل مستواك واللحين أنا تحققت من الموضوع
وجيت أفهم اي هلالي..قرأ جريدة منحطة..أو خبر مشكوك فيه فيه واحد منزل صور اللاعب ويلي..ومحدد أصابة الركبة
يقول هذا الخط الأسود وشو منه..خياطة فالركبة يعني عملية.. ويقولون أنه أصيب فالمونديال وسوى العملية وأنتقل لنادي الهلال لكي يحصل على فترة نقاهه.. أقول سقها يامسكين أنت وياااااه لإن الإصابة مو فالمونديال...
الإصابة قبلها بواجد..ولعب ضد أندية قوية بعد الإصابة وبدع..وكذلك المونديال بدع يعني الإصابة ما أثرت في مسيرة الإبداع..الذي عرف من هذا اللاعب هذا رابط موضوع اللي منزل الصور.. وش اللى بركبته ويلهامسون!! لاحظوا الردود اللي يقول خوفتني ومدري أيش..
واللي يقول أصيب فالمونديال هذه صورة ويلي فالتدريبات..ولاحظوا السهم..
يقولون توه مصاب..والهلال تورط فيه  وهذا ردي عليهم... وأنتم راح تعرفون كم صار لها تقريباً
هل مازال لديه عطاء..
وأن عمر 28 بيخلي أو19 أو20 أو21 أو 22
يتعبة ويلعب فيه...
شوف الصورة وجاوب
هديتي للي يحاولون يشككون في صفقات الإدارة الجديدة  المهم أنا طولت عليكم...لكن فيه كلمتين عندي ودي أقولها..
تتذكرون بداية الموضوع.. العبارة ذي.. "فجأة أصبح الجمهور الهلالي متشائم ويتأمر على الإدارة..يبي ومايبي...والله حاله" تعرفون ليش...ياجمهور الزعيم مانبيكم فالمنتدى بس..
نبيكم فالمدرجات..نبي اللاعب يشوش رأسه فن كورة ويبدع فالملعب..
خلوه يحس أن البدله والشعار اللي عليها مو زي أي شعار..
خلوه يدري أن الملايين من الهلاليين يعتمدون على 11 لاعب داخل المستطيل الأخضر..
خلوه يدري أن الجمهور يتعنى في حضور المباراة..فلا يستهتر بالكرة
حضوركم ودعمكم للفريق داخل الملعب..
يخلي اللاعب يبذل200 %100من جهده لعيون الجمهور اللي عشق البدله والشعار...
كم من رصيدك بينقص لا حضرت مباراة
20 - 30 - 40 - 50
فداء لعيون الموووووج الأزرق..
دعم لزعيم آسيا..تغيير جو المنزل..متعه مشاهدة الزعيم على الطبيعة..
حضوركم...نبي جمهوووووووور يهز المدرجات
مو إذا فاز حضرتوا وإذا أنهزم غبتوا
..الكورة دوارة..
..والتوفيق من الله..
بس تكفووووون
هزوا المدرجاااات
هزوا المدرجاااات
لإنكم زعماء
هزوا المدرجاااات
هزوا المدرجاااات
موودتي وأحترامي
مجنـــ هلالي ـــون
|
الوضع العادي
