: حسن خيرات : تكفى والي يرحم والديك شوف لك نادي غير الهلال .. حرام تموت موهبتك!! السلام عليكم ورحمة الله وبركاته حسن خيرات .. اللاعب الذي استبشرت فيه جماهير الزعيم خاصة والسعودية عامة بقدوم نجم وصخرة دفاعية من طراز عالمي .. نتفاجأ اليوم بوضعه في قائمة الاحتياط .. واحتياط لمن؟؟؟؟؟؟ بالله لمن؟؟؟؟ والله ماني مصدق؟؟؟؟ احتياط لفهد المفرج!!!! (انا بحلم ولا بعلم) :upset::upset::upset: بالله عليكم ماتشوفون انها اجحاف بحق اللاعب حسن خيرات .. وبتهز ثقة اللاعب في نفسه لاعب مقدم مستوى اكثر بكثير من الرائع .. لدرجة والله العظيم ان مشجعين نصراويين واتحاديين يقولون نحسدكم على هذا اللاعب .. لاعب يمتلك جميع مواصفات المدافع الصلب (سرعة - وذكاء - وبنية جسمانية قوية - وتخليص الكرات العالية والارضية - وارتقاء رائع) ياعالم ياناس يازعماء والله هذا الحال ماعاد ينطاق .. الى متى نجامل ونكذب على بعض ونقول المفرج مدافع فنان!!:upset: مانفعنا بشبابه .. بينفعنا وهو شايب:upset: والله واضحة وضوح الشمس ان نادينا نادي مجاملات وواسطات .. والا ماكان فهد المفرج يلعب في النادي منذ نعومة اظافره:upset: والله نفسي اكتب كل الي بخاطري بس انا الحين H وهذا الموضوع كتبته لاني والله خايف ان حسن خيرات يضيع من بين ايدينا أبو فيصل أميرنا ورئيسنا وشاعرنا المحبوب .. انت سويت أشياء للنادي بهالفترة القصيرة والله العظيم كل جماهير الزعيم مابتنساها لك طول العمر .. تكفلت بمعسكر عالمي للفريق وجلبت لاعبين عالميين والله كل الاندية تحسدنا عليهم .. لكن الي كلنا خايفين منه .. مواهب النادي ولاعبينا الشباب تندفن مواهبم بسبب لاعبين مستهلكين!!:upset: وأقرب مثال لاعبنا المبدع وصخرة الدفاع حسن خيرات تحياتيــ : الزعيم هلالدينهو رجع:naughty: طبعا بعد قراءة الردود وجدت ان مجموعة من المطبلين واقارب الأخ القدير فهد المفرج (ماقلت اللاعب لان كلمة لاعب مايستحقها) اتفقوا على نقاط اثبتت لنا جميعا انهم يحتاجون لما هو أكبر من العلاج .. ربما يحتاجون لمعجزة حتى يعرفون ان المفرج مافي راسه كورة!!:stoned: المفرج نقطة سوداء في تاريخ الهلال شاء من شاء وأبى من أبى .. نقطة سوداء لماذا؟؟ ليس بأخلاقه وحماسته العمياء بل بمستواه السيء داخل الملعب:yes: هل بمقدور احدكم ان ياتي لي بمباراة حسمها المفرج!! هل بمقدوركم ان تاتوا لنا بمباراة حصل فيها المفرج على جائزة افضل لاعب!! هل رايتو او سمعتو محللين القنوات الرياضية يمدحون في المفرج بعد كل مباراة!! لجميع من يقول لماذا كل مدربين الهلال يخلون المفرج أساسي .. انا أقول لهم لماذا جميع مدربين المنتخب لايختارونه ولايفكرون حتى يختارونه في تشكيلة المنتخب (وهذا يثبت وجود الواسطة بنادي الهلال)!! هل بمقدور احدكم ان يذكر لي صفة واحدة من صفات المدافع المتميز موجودة في المفرج مثل: - السرعه (اهم صفات المدافع) والمفرج يشتهر بلعبه البطيء. - البنية الجسمانية القوية!! والمفرج جسمه بصراحه ضعيف وماهو جسم لاعب. - التركيز في المباراة!! - التغطية man to man واتحداكم تجيبون مباراة كان المفرج مغطي المهاجم طول المباراة!! - تخليص الكرات العرضية!! ياما وياما جلى المفرج كثير من الكرات العرضية وتسبب في اهداف. - الكنترول على الكرة!! كنترول المفرج سيء ويخاف كثير اذا وصلته الكورة. - التمريرات!! المفروض تكون تمريرات المدافع مضمونة لانه اي خطا في التمريره بتكلف النادي الكثير .. والمفرج تمريراته سيئة واحرجتنا في كثير من المبارايات. - الحماس داخل الملعب!! وانا اتفق معكم ان المفرج لاعب متحمس .. ولكنها للاسف حماسه عمياء:d .. والحماسه العمياء لاتتطلب من الشخص المهارة والذكاء والقوة ورغم امكانية حدوث اضرار بسيطة للشخص الواقع في هذا الموقف الصعب الا انه يأبى وتحصل له اضرار جسيمة كان بالامكان تفاديها!!:d بالنهاية اسمحوا لي بهالكلمة لبعض الاخوان الي ضربت عندهم الفيوز بعد هذا الموضوع!!:) لاتاخذكم العاطفة بسبب صلة القرابة الي بينكم وبين المفرج .. فكرو في النادي وساندو وشجعو الزعيم!! ولايكون تشجيعكم مقتصر فقط على قريبكم الذي ابتلي بان يكون لاعب كرة قدم!! صدقوني لو عندي قريب يلعب في الهلال ومستواه مثل المفرج .. والله لاكلمه واقول ياخي خل الفرصة لغيرك لان فيه مواهب بتندمر وتندفن وتنتهي وكلها بسببك:yes: بعدين فيه ناس ماتستحي والله العظيم .. طلعوا بعد موضوعي هذا وكتبوا موضوع اننا مانخاف الله!!!!!!!!!!:bigeek: لاحول ولاقوة الا بالله .. لهالدرجة حبهم لقريبهم خلاهم يعملون ويكتبون مثل هالاشياء!! وكلها عشان قلنا ان فيه واسطة بنادي الهلال تلعب المفرج!!:yes: الحين الي مايستحي ذا ومكلف نفسه يسوي موضوع ويتهمنا بعدم مخافة الله وانا ماسبيت ولاشتمت المفرج بمجرد اني قلت ان مافي راسه كورة ومايصلح يلعب في الهلال!! الحين صرنا مانخاف الله عشان كذا!!!:bigeek: تحياتيـ لكلـ الزعماء الي تهمهم مصلحة الزعيم ودمتم بود:smilie47: |
إقتباس:
|
حرااااااااام يلعب إحتياط وهو من نجوم المعسكر الله يعين إحنا ما لنا إلا الصبر |
مع الاسف فاذا كان تفكير الاعب سيصل لتفكيرك فانا اول المؤيدين لرحيله فمشوار الالف ميل يبدا بخطوه فلا تستعجل (الكلام ليس لك ) وانما لحسن فلا تستعجل فانت موهبة يجب ان تتحلى بالصبر والتواضع وتقدير زملائك وعدم التعالي واحذر من مقبرة الاعبين فالغرور هو بداية الهاوية لك اذا اصغيت لمثل هذه المقالات |
الحين إذا صار مباراه إحتياط خلاص إندفنت الموهبه المهم المدرب كان يجرب رونالد وسامي هوساوي للمعلوميه المفرج يلعب بالجهه اليسار خيرات يمين |
إقتباس:
قال ايش .. مدافع ايسر ومدافع ايمن؟؟ حبيبي خيرات يلعب في الخانتين كلها وهذا الي يميز ابو خيرات .. نسيت يوم كان يلعب هو وتفاريز بالدفاع نهاية الموسم الماضي!!!!!! وكان مستواه رائع |
إقتباس:
|
الى متى المفرج بيقعد على قلوبنا الى متى الى متى الى متى اااه يالصخره ياحسن خيرات يذكرني باليجا ليتانا لكن الواسطه وماتفعل وانا اخوك |
إقتباس:
مشكور على كلامك الرائع .. بس قلي من افضل خيرات او المفرج؟؟ وبعدين اش فايدة المعسكر للاعب مثل المفرج؟؟ وحسن خيرات مخليه احتياط!! وخيرات الاولى بان يكون اساسي لان هذا مستقبل الهلال لازم يلعب ويحتك مع لاعبين ولوقت طويل حتى يستفيد .. لكن المفرج شايب ومافي راسه كورة وش تنفع فيه مثل هالمعسكرات!!!!:upset: |
إقتباس:
|
|
وش فيكم يا زعماء ترا زعلكم ما يستاهل .خيرات راح يكون نجم السعوديه والهلال يوما ما |
الله يرحم والديك الا المفرج والبرقان هذولا اهل واسطه فكونا منهم وين شباب النادي هاذي فرصتهم وحسبى الله ونعم الوكيل حرق اعصاب استغفر الله |
حسبي الله ونعم الوكيل..... واسطات المفرج واصلة للمنتدى....اي عضو ينتقد فهد المفرج موضوعه ينحذف!!! |
إقتباس:
بل كان ضمن الفريق الثاني اللي سيلعب الشوط الثاني كالتائب وبندر العنزي وغيرهم |
الوقت المعتمد في المنتدى بتوقيت جرينتش +3.
الوقت الان » 08:47 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd