التعاقد مع كرستيان كان فيه من الخلل الشيء الكثير فلو تعاقدوا مع لاعب من منتخبات امريكا الجنوبيه مثل اسوازو أو لاعب من منتخبات الاكوادور او المكسيك أو البارجواي أو احد ابرز اللاعبين الافارقه .... كان ماكلف هالمبلغ واعتقد كان بالامكان يكون مفيد أكثر لأن مناخات تلك الدول مناسبه لمناخ المملكة
لاحظوا سعر رونالد قلب دفاعنا البوليفي كم كلف مع انه اساسي في منتخب بلاده ولاعب شخصياً تابعته في كوبا امريكا الماضيه كان بارزاً في منتخب بلده صحيح أنه قلب دفاع سعره يقل عن المهاجمين لكن مبلغ المهاجم الاجنبي كان بالامكان مايزيد عن 30 مليون ولشراء البطاقه مثل الغيني فيندانو إذا ماضيعت اسمه كان طاير من الفرح عندما فاوضته إدارة محمد بن فيصل بمبلغ 28 مليون ريال لشراء البطاقه لكن إدارة الهلال طنشت وتراجعت واصبحت تفاوضه لتقليل المبلغ إلى أن وقع مع فريقه

أما اللاعب السويدي كرستيان مستواه طيب لكن المبلغ خيالي وتكيفه مع الاجواء المناخيه والتقاليد غير مضمون

وبصراحه مفروض الإدارة تفاوضه بالعلن وليس بالسر لإن الانديه المحليه لاتستطيع المنافسه بهذا السعر وحتى الانديه الاوروبيه لاتريده بالسعر هذا وارجعوا لقيمة اعارته لفريق لاكرونيا الاسباني

وكذلك حتى تستفيد الإدارة من جمهور الزعيم في تقييم هذا اللاعب وتقييم سعره لأنه لاعب عالمي معروف لدى كثير من جمهور الزعيم
اخشى أن يؤثر هذا المبلغ الضخم على دعم رئيس النادي في المستقبل في حال الفشل لاسمح الله أو النجاح غير المأمول
اتمنى استفادة الإدارة الهلاليه في المستقبل من هذا التسرع غير المحمود

والله ياحبيبي ماتدري انت دفعت شي من جيبك خلاص ريح وشوف لعبه وخلنا نشوف وش اخرتها مع السويدي

انا معك وكلامك عين العقل ــــــــــــــــــــــــــــــــــــــــــــــــــــــــــ

شوف يالغالي ،، ليش نحكم على اللاعب , وانت وانا ماشفناه يلعب ،،

لما نشوفهـ ذيك الساعهـ مالعب زين ،،

رآح نتكلم .. وعلى فكرهـ جماهير الزعيم مايقصرون في النقد البناء ،،

أرجو طرح المواضيع المضمونهـ ..

بالتوفيق للزعيم

اخوي الاعب افضل من اللي ذكرتهم خلنا نشوف وش بيسوي وبعدين من جيب عبد الرحمن بن مساعد 80 % من المبلغ وش حارق رزك ..

اللاعب ماعليه كلام من حيث المستوى ولكن فيه من يفوقه مستوى من لاعبي القارة اللاتينيه واصغر سن بسعر اقل بكثير

علماً أن كرستيان عمره 28 وثمانيه اشهر ( العمر بالميلادي يعني بالهجري تقريباً 29 وسبعة اشهر )


وصراحه ماارضى الخساره على الامير عبدرالحمن بن مساعد

عموماً اتمنى التوفيق للاعب مع الفريق

سمو رئيس النادي اوضح ان 80% من قيمة الصفقة من جيبه الخاص واذا ماتوفق اللاعب فالخسران هو عبدالرحمن بن مساعد وليس النادي

يعني ماخسر خزانة النادي الا اليسير

فما نملك الا ان نتوجه بالشكر الجزيل لاميرنا الرائع على هذه الصفقة

يارجال لو فكروا بسعوديين كان جابوا 10 لاعبين بهالمبلغ

اشوف البعض يقولون ان النادي اشترى عقده وشي طبيعي هالمبلغ اقولهم انا اختلف معكم . شراء البطاقة الدولية للاعب تكون للاعبين صغار السن وليس للاعب عمره 27 عاماً . فمن سيحاول شراءة بعد مايكون عمره 29 أو 30 سنة بمبلغ اكبر من مبلغ الشراء أو أقل شي بخسارة قليلة .

يعطيك العافيه على الموضوع ,....

أعتقد أن سعر اللاعب مناسب جداً 8.7 مليون يورو أعتقد أنه سعــــر مناسب

شف تشلسي بكم أشترى ظهير ايمن ( بوسينغوا ) 21 مليون يورو واللاعب عمره 26 سنة ومستواه جيد جدا وليس نجم في الظهير الايمن .

الان اسعار اللاعبين نـــــــــــار

وعمومـــــــــا خلاص وقعنا معه وكلمت ياليت ماعمرت بيت

وادع للهلال انه يتوفق مع هاللاعب

شكراً للجميع على اثراء الموضوع

ويعلم الله ماكتبت الأ لمصلحة الهلال والأمير المحبوب


اقول بيض الله وجه الامير عبدالرحمن بن مساعد

إقتباس الرسالة الأصلية كتبت بواسطة ابراهيم حميد شوف يالغالي ،، ليش نحكم على اللاعب , وانت وانا ماشفناه يلعب ،، لما نشوفهـ ذيك الساعهـ مالعب زين ،، رآح نتكلم .. وعلى فكرهـ جماهير الزعيم مايقصرون في النقد البناء ،، أرجو طرح المواضيع المضمونهـ .. بالتوفيق للزعيم

.................................................................................................... ..................................................................................................