بسم الله الرحمن الرحيم
والصلاة و السلام على أكرم خلق الله أجمعين محمد بن عبدالله صلوات الله و سلامه عليه

نخش بالموضوع علطول

هذا طال عمرك أطلع اليوم وقت الغداء و لا العشاء و رح لأحد المطاعم اللي عندهم طلبات السيارة .
بالمختصر رح لماكدونالدز أو هرفي أو غيرها

و شاهد بعينيك طوابير السيارات اللي عند طلبات السيارة
و أذا دخلت المطعم ما تلقى ألا زبون أو أثنين

إلى هذه الدرجة يصل الكسل عند بعض الناس انه يعجز يوقف سيارته و ينزل يطلب من المطعم

ما هو هذا اللي يقهر

اللي يقهر أن بعضهم يقعد ثلث ساعة على الأقل ينتظر بطابور السيارات بعدين يطلب واحد آيسكريم
وهو يقدر يوقف سيارته و ينزل و يأخذ اللي يبي و لا يكمل دقيقة إلا و هو مخلص اللي يبي

و فيه ناس يقعد بالشمس بسيارته
وفيه ناس يقعد أكثر من نصف ساعة بطابور السيارات

إلى هذه الدرجة صار الوقت ماله قيمة عندنا

أنا صرت أكره أطلب بسيارتي حتى لو مافيه أحد

مشهد مؤسف و مثير للسخرية في نفس الوقت

والله صادق

لا وازيدك من الشعر بيت مرة كنت انتظر عند هارديز فوق النص ساعه وقدامي جمس اشغل اهلنا ارجع ارجع

متوهق يبي يلف مب عارف من كبر الجمس المهم تدري وش طلب بالاخير

واحد ماء

والله يابغيت الحقه وافقع وجهه من القهر لكن الجوع اقوى مني ومنه

على العموم هذا شعبك وش تسوي

ايه والله وانت صادق

وكلامك هذا ينطبق على البقالات والبوفيات وكل المراكز الحيوية

شعب كسول لأبعد درجه ، شعب انتشر فيه " مرض " السمنه حتى حطم ألأرقام القياسية العالميه

وصارت تسمى الرياض بـ " مدينة السمان "

يارجال الحين الواحد صار يستحي يروح البقاله ولا الخباز مشي يطلْق رجوله شوي

تقول مسوي جريمه أو وراه شي

الله يرحمنا برحمته ورده

إقتباس D.Aziz

و الله مشكله


مشكور على الموضوع




تقبلوني

اي والله ان صادق ،،

نشووفها كثير ..

وعلى فكره الكسل وعدم المشي والحركه هي اكبر سبب للأمراض ..

والمثل يقوول :: كل حركه فيها بركه ..

مشكور على ملاحظتك ..

شكراً لكم على ردودكم

فعلاً شئ يقهر الواحد

وين عقله هذا اللي يقعد نص ساعة واقف عشان يشتري ماء
ليش .... كل هذا كسل

الحمد لله على نعمة العقل

---> من الي يجلسون ربع ساعه وياخذ مويه
عادي مافيها شي ..
وعقلي معي والحمدلله

إقتباس وين عقله هذا اللي يقعد نص ساعة واقف عشان يشتري ماء ليش .... كل هذا كسل الحمد لله على نعمة العقل

والله عندي عقل والله

والله كلامك صحيح 100%
البارح بالليل عند ماكدونالدز طوابير السيارات متعديه حدود المطعم
بكثير ومتوسط زمن الأنتظار اقل شي 25 دقيقة
وداخل المطعم مافية الا 2 أو3
وانا البق السيارة وادخل المطعم واطلب واطلع

كلامك صحيح...
هالشي دايم اشوفه...!
لكن العجز يسوي اكثر........!

صراحه كلامك حلوو .. بس الكسل الله يكفينا شرهـ


والي يقهرني زود عند الكواي .. طااط طااط .. والهندي يكوي لزبون ثاني يعني يتركه ويروح للأخ الشهم الي بالسيارة .. نفترض انه مشى بيقعد يسب هالهندي المسكين .. الي ماله ذنب .. بس انه يؤدي عمله مع زبون ثاني



والله سالفة انك تطلق رجلينك .. اؤيد وبقوه .. الواحد لو يركض شوي .. تلقاهـ يلهث من التعب ؟.. وهو شباب ..


على الاقل تحرك شوي .. مغير مكيف واسكريم

إقتباس يارجال الحين الواحد صار يستحي يروح البقاله ولا الخباز مشي يطلْق رجوله شوي

الله يرحم ايام السياكل بس



شاكرر لك هالطرح الجميل

وأنت الصــادق مثير للـ شفقة ..


--> بلد الوليد لاشسمه ترا امزح

فعلا مشاهدة غريبة والكسل يسرى في دمائنا . . . ولكن طريقـــة طلبات السيارات لعب على النظام او التنظيم الذي يصدر من البلدية بمنع خروج عمال المطعـــم من المحل . . .

قبل فترة كنت في الكويت وكنت في اقرب المدن للسعودية وهي الفحيحل ذهبنا لشارع يوجد مطاعم. . . وتقريبا المطاعم حوالى 15 الى 20 مطعم ومخصصين عمال للطلبات فقط

الشـــاهد من ذلك السمنـــــة الزائدة في شبابنا واطفالنا جراء تلك التصرفات . . .
.. .. ..


المشكلة في هذا المشهد الغالب ماتتسبب في زحمة مرور. . .

يعيطك العافيــــة على الطرح

^

انتي حصلي سياره اصلا تصفين فيها طابور قدام ماك بعدين اشفقي علي

عادي ياخوي خل الناس براحتها

انا انسان عجاز ومالي خلق انزل

وبعدين هم وشو له فاتحين شباك عشان نرقمهم يعني هع هع

اكيد عشان العجازين مثلي مثل بلد الوليد

وبعدين ياخي وراهم قاهرينك

المفروض تستانس لانهم يطلبون من السياره ومخلين المطعم لك هع هع



لا جد والله عادي وش فيكم معصبين خليكم فري ..!