اعلن امين الشرميطي انضمامه الى هرتا برلين من النجم الساحلي على سبيل الاعاره لمده سنتين بس مو هذا القهر !!!!!

القهر ان المبلغ هو مليون ونص يورو لناديه فقط وللشرميطي راتب 750 الف سنويا يعني مليون ونص لسنتين

يعني المجموع 3 مليون يورو لسنتين للنادي واللاعب يعني تقريبا 17 مليون ريال سعودي فقط لا غير لسنتين حتى لو زودناها لعشرين عشان يوافق مافي مشكله من زين هرتا عاد ..

الله يديم الرخص عشرين مليون على لاعب مضمون نجاحه باذن الله ولا ولهامسون الاحمر ..الله يستر

لن تسامحكم جماهير الزعيم لو طلع هاللاعب مقلب

رايكم قهر ولا مو قهر ؟؟؟؟؟؟

والله مو قهر ابد وامين انا ما ارى اي مقانه بينه وبين كرستيان ويلمسون

يعني صراحه امين مو ذاك الزود والصويلح افضل بكثير لماذا الندم

كرسيان افضل بكثر جدا والله لو الاداره تعاقدت مع امين يكون غلطة كبيرة

لان الصويلح افضل منه وشكرا

هو شي يقهر بس سبق وان ذكر امين الشرميطي لا يريد الا الذهاب الى اوروبا او البقاء في تونس

إقتباس الرسالة الأصلية كتبت بواسطة مجنون نوااف لن تسامحكم جماهير الزعيم لو طلع هاللاعب مقلب رايكم قهر ولا مو قهر ؟؟؟؟؟؟

بصراحه ومن غير زعل الي موب مسامحهم قليل ادب


الحين جابو لك لاعب عالمي بخمسين مليووون معظمهاا من جيب الامير عبدالرحمن وتقول لن نسامحكم اجل لوهاا من جيبك وش بتسوي؟؟


كلام غير منطقي ابداا

إقتباس الرسالة الأصلية كتبت بواسطة هلالي مووت حتى الموت والله مو قهر ابد وامين انا ما ارى اي مقانه بينه وبين كرستيان ويلمسون يعني صراحه امين مو ذاك الزود والصويلح افضل بكثير لماذا الندم كرسيان افضل بكثر جدا والله لو الاداره تعاقدت مع امين يكون غلطة كبيرة لان الصويلح افضل منه وشكرا

فعلا مافي اي مقارنه الشرميطي صغير وولهامسون كبير

الشرميطي مؤثر ولهامسون فشل في جميع الانديه اللي لعب فيها

الشرميطي هداف ولهامسون لا

الشرميطي ممكن يتاقلم مع وضع الفريق خاصة بوجود التايب ولهامسون يمكن مايتاقلم ابد

انا ماجبت طاري الصويلح ويمكن يكون افضل من الشرميطي واحد قال ان ولهامسون افضل من الصويلح

ولهامسون شختك بختك يمكن ينجح نجاح باهر ويمكن يمسك مطار الملك خالد في فترة التسجيل الثانيه

ياخي وش علينا منه الله يوفقه.

وبعدين ياخي ماله داعي هالكلام الحين مدري وشلون تقول هالكلام الامير عبدالرحمن بن مساعد ماقصر وجاب لنا لاعب
عالمي يكفي لو بس اسم الهلال الحين بكل المواقع الاوربيه وانتي جاي تقول لن تسامحكم وش هالخرابيط.

عاد التوفيق بيد الله حتى لو جاء امين الشرميطي للهلال وش اللي يضمن لك نجاحه مانقول غير الله يوفق الهلال الموسم الجاي
وتكفون مالها داعي هالمواضيع اللي تقهر.

إقتباس الرسالة الأصلية كتبت بواسطة حلم ضايع بصراحه ومن غير زعل الي موب مسامحهم قليل ادب الحين جابو لك لاعب عالمي بخمسين مليووون معظمهاا من جيب الامير عبدالرحمن وتقول لن نسامحكم اجل لوهاا من جيبك وش بتسوي؟؟ كلام غير منطقي ابداا

ياخي انت بس تفكيرك الخمسين مليون

افرض جابو رونالدو المصاب بمية مليون بتقول بعد اني قليل ادب لو مااقتنعت يعني لانه غالي خلاص نسكت

اتفق معك كنا في حاجة امين ناهيكم انه اوفر .. هذا غير صعوبه انسجام
السويدي مقارنه بإنسجام التونسي .. وجهت نظر

إقتباس الرسالة الأصلية كتبت بواسطة الزعيم وفيلسوف15 هو شي يقهر بس سبق وان ذكر امين الشرميطي لا يريد الا الذهاب الى اوروبا او البقاء في تونس

صدقت اخوي امين لو يبي يلعب في اسيا كان راح لريان القطري الي دافع فيه ملايين

إقتباس الرسالة الأصلية كتبت بواسطة KHALED.X ياخي وش علينا منه الله يوفقه. وبعدين ياخي ماله داعي هالكلام الحين مدري وشلون تقول هالكلام الامير عبدالرحمن بن مساعد ماقصر وجاب لنا لاعب عالمي يكفي لو بس اسم الهلال الحين بكل المواقع الاوربيه وانتي جاي تقول لن تسامحكم وش هالخرابيط. عاد التوفيق بيد الله حتى لو جاء امين الشرميطي للهلال وش اللي يضمن لك نجاحه مانقول غير الله يوفق الهلال الموسم الجاي وتكفون مالها داعي هالمواضيع اللي تقهر.

ياخي ماقصروا وبيض الله وجيههم بس انت هدفك ومبسوط ان اسم الهلال طلع في المواقع العالميه وش ذا التفكير اجل ليه سويتوا قضيه يوم البلوي تصور مع فيجو

وبعدين الهلال كبير بولهامسون وبدونه ولا ماتدري عن هالشي بعد

انت وش تبي بالضبط خلاص انتهى الموضوع ووقعنا مع اللاعب وماراح نحكم عليه الا نهايه الدوري
والشرميطي وقع مع هيرتا برلين نحب راسه يعني علشان يجينا.

إقتباس الرسالة الأصلية كتبت بواسطة KHALED.X انت وش تبي بالضبط خلاص انتهى الموضوع ووقعنا مع اللاعب وماراح نحكم عليه الا نهايه الدوري والشرميطي وقع مع هيرتا برلين نحب راسه يعني علشان يجينا.

لكل انسان وجهة نظره وانت قلت رايك ونحترمه

موضوع لا يهمنا كجمهور هلالي..راح لهرتا برلين والا ما راح وش علينا منه؟؟؟؟؟؟؟

الله يساعدة

لكن هو ما يبي يحترف إلا في أوروبا

أجل لو أي نادي في العالم طلب ياسر

كان دفع البلوي الظعف

لكن ياسر ممكن يروح برا يحترف

بس مو ممكن يروح للإتحاد