|
اتمنى من الاداره انها "تسحب علا مه " جمهورنا الموقر!!!!! السلام عليكم انا (واعوذ بالله من كلمت انا) ماكتب مواضيع واجد الا بعض المواضيع الصغيره او معلومات فقط.. بس اللحين صراحه مرتفع ظغطي من جمهورنا (بعضه بس مااعمم)!! وين ابدا؟؟ ببدا من سبب كتباتي للموضوع... السهلاوي قبل كم يوم (ومن فتره بعيده بعد بعض الجماهير كانت تتطالب باللاعب) المنتدى فللللل من المواضيع اللي تتطالب وتعاتب الاداره بسبب السهلاوي.. اللي يقول محتاجينه واللي يقول حرام موهبه تروح للاهلي او الاتفاق... (راي فاللاعب مب مهم لان الراي الاول والاخير للمدرب والاداره)..... بس اليوم وامس يوم طلع لنا خبر بوحده من الصحف عن تعاقد الهلال مع السهلاوي بثمانيه ملايين.. قامت المواضيع اللي زعلانه ومعصبه من الاداره "وليه تتعاقدون معه والله انك خبلان واداره حمقاء" كن الاداره ذابحتلهم واحد.. والله ماعرفنالكم تبونه ماتبونه والا وش السلافه ولاعناد!!!؟؟.. صراحه الاداره ماتنلام اذا ماعطتكم وجه ولاسمعت ارااكم.. موضوع الاعب الاجنبي.. كل يوم طالع لنا واحد يقول الاداره بتتعاقد مع الاعب الفلاني ومتاكد من مصادري الخاصه ( كانه متكي مع سعاده الرييس) ولااذا طلع خبر بالجرايد نزلت مقاطع اليوتيوب وحكمو ان الاعب فااااااااشل.. اللحين انت تعرف الاعب اصلا عشان تحكم عليه شفت كم مقطع خلاص صرت عارف كل صغيره وكبيره عن الاعب.. مواظيع تحطيم الاعبين... وين ابدا وين انتهي اخليكم انتم تتكلمون عن النقطه ذي لانها فاقعتن مرراتي..المشكله ماخلو ولا لاعب الا انتقدوه وحطو عليه وخلوه افشل لاعب مره بمجرت ترب الدبانه.. (ياليت انتقاد هادف).. صراحه هو اكيد تتطعلنا نوعيه الجماهير ذي بالنوادي الكبيره فقط!! والهلال فريق كبير ومحظوظ بجمهوره الكبييييييييييييييييييير واكيد يكون نسبه من الجماهير اللي ماعندها وعي ابدا.. بس انا اتمنى ان الاداره ماتنتبه لكلام الجمهور الا العاقل والمفيد بس اما الباقي "تسحب" عليهم.. وانا عاجبني ان الاداره متكتمه عن موضوع الاعب الاجنبي واتمنى ماتتثبت مواضيع عن قرب تعاقد الهلال مع لاعب .. مانبي نسمع اييييييييي شي الللين ماتتعاقدون مع الاعب وخلاص زي ماصار مع رالديس.. واتمنى من الجمهور الصبر وخلو الاداره تشتغل وركزو علا الايجابيات ولا تركزون كل شوي علا السلبيات بس.. لان الحمد لله السلبيات شبه معدومه بالهلال بس بعض الجمهور مايركز الا علا السلبي ..(اذا انتهى الموسم والهلال ماقدم مستوى تفاهمو وقولو اللي تبون) انتم شجعو واحظرو المباريات (لجماهير الرياض خاصه نبي حظور بالملعب مو المنتديات بس).... نبي ردودكم ومشكورين واسف علا الاطاله...... |
النادي دون جماهير ما يسوى شي والنادي للجماهير ايضاً وهم حريصون على مصلحته وصراحه مع احترمي لك من يوم شفتك ما تعرف تكتب على وانا غاسل يدي |
اهم شي يدك نظيفه يالغالي.... علا ولا على انا قاعد اكتب بالعامي مافرقت قاعد اكتب مقال بجريده ولا مالف كتاب قواعد؟؟؟؟... لاتدقق علا او على افهم الموضوع زين... انا ماتكلم عن الحرص .. اتكلم عن عدم الوعي وسرعه الحكم والتنافض اللي قاعد يصير من "بعض" الجماهير.. |
هو المفرووووووض ان احنا ما نتدخل في القرارات الادراية بس الحق ينقال ولا نسكت عن الحق اذا احنا صدق نحب الهلال فمثلا : اللاعب الاجنبي كم صار له بيجي ؟؟؟؟؟ بتنتهي فترة تسجيل اللاعبين وباقي ماشمينا ريحته حتى ... والشي الثاني المواضيع اللي كل يوم طالعه لنا الادارة تعاقدت مع هذا والاداره تعاقدت مع هذاك وكله كذب في كذب ... والله موضوعك مهم والمفروووض المراقبين ياخذون بنقاطك المهمة هذي وينتبهون للاشاعات اللي تطلع لنا مابقى الا نجيب كاكا ودانييل الفيس ظهير ايمن ... مشكور اخوي وتقبل المرور |
والله شوف الإداره لاتريد وصايا من أحد لاجمهور ولا صحافه هي من تعمل وهي من تقرر في إدارة الهلال أسماء كبيره وتعمل ليل نهار وهم حريصون كل الحرص على مصلحة الفريق وخل العالم تكتب لانك ماتقدر تصادرها حقوقها واقرب مثال لك ( الهايد بارك) تلاقي فيه الصاحي واللي موب صاحي :) تقبل مروري اخوي ورده |
بلنتي ياحكم...مشكور علا ردك الرائع... اصبر شوي علا اللاعب ان شاء جاي..واذا ماجا والهلال ماقدم مستوى الموسم ذا لنا كلام ثاني.. مصاحب احساس..مشكور علا ردك الحلو.. اكيد الاداره كبيره وانا عشان كذا متفائل بالخير.. ههههه وانت صادق بموضوع الهايد بارك.. |
z3eem uk يؤسفني إني معاك في كل كلمة والأسف الأعظم والأكبر ، إنك تتكلم عن جمهور الهلال يعطيك العافية وكفيت و وفيت ولكن أحب أعقب عليها فقرهـ فقرهـ :) * السهلاوي : لاعب لا يملك مهارات فردية تميزهـ عن غيرهـ ، قصير قامة ، ليس بالسريع كفاية " بالعربي العنبر والسعود أحسن منه بفارق الجسمانية" * اللاعب الأجنبي : حتى الآن ما فيه لاعب ذكرته الإدارة معروف ومميز لدى غالبية متابعي الدوريات الأوروبية سوى إبراهيم ايتارا *تحطيم الاعبين : أظن إنك كفيت و وفييت في هذهـ الفقرهـ ، لكن أحب أضيف فقرهـ " لتذكير من تاهة عنه هذهـ النقطة " معظم اللاعبين هم صغار سن ، أتمنى من أي مشجع هلالي قبل انتقادهم أن يأتي بمن هم أفضل منهم عند الخصوم ... في الدفاع فهد المفرج وحسن خيرات وأسامه هوساوي : *الإتحاد : حمد المنتشري ، رضا تكر *الأهلي : أسوء دفاع بلا منازع * النصر : أحمد البحري ، حمد الصقور * الشباب : صالح صديق ، الدوسري والبقية تأتي ......... سؤال : من هو أفضل من دفاعات الهلال خصوصا في قلب الدفاع " مع مراعاة فارق السن ومقارنة الأخطاء مع الخبرات " في الأظهرة : لا أعتقد أن هناك أفضل من أظهرة نادي الشباب ومنذ قديم الأزل ، يأتي بعدها الهلال في الجهه اليسرا الزوري والذياب ، في اليمين محمد نامي العبد السلام العنقري ، الأخير يعيبه الناحية الهجوميه سيئة فقط :) . في الوسط : أتحدى أن ينكر أحد أن هناك وسط أفضل من وسط الهلال وإن أحببت لاعبا ً لاعب أو كمجموعة؟ * في الهجوم " ياسر ، الصويلح ، العنبر ، السعود " : صحيح أنه هناك من هم أفضل من العنبر والسعود وأملي فيهم كبير ، لكن ليس هناك من هم أفضل من ياسر والصويلح :) * أخيرا ً : يعطيك العافية على موضوعك وأعتذر عن الإطالة " خصوصا ً إن ردي أطول من الموضوع نفسه " :$ و ليكن حبي وغيرتي هي دوافعي :) أخوك تركي |
الجمهووور سر البطولات والاعب رقم اثناعشر وأتمنى من الاداره الا تتجاهل الشعب الهلالي... تحياتي |
يعطيك العافية أخوي ع الموضوع وبالتوفيق للزعيم:smilie47: |
إقتباس:
ردك جداً جداً جداً سخيف ٠٠٠ الرجال يكتب ومحترق منك ومن أشكالك اللي مشوهين الموقع بالردود الباردة٠٠ وانا من اليوم - على - بتصير - علا- |
الجمهووور سر البطولات والاعب رقم اثناعشر وأتمنى من الاداره الا تتجاهل الشعب الهلالي... تحياتي |
إقتباس:
من ناحيت السهلاوي انا ماعندي اي فكره اذا الاعب يعرف يلعب او لا.. بس منقهر ليه الجماهير يطالبون فيه بعدين يوم طلعت الاشاعات قالو لا!!! الاجنبي؟؟ ولا لاعب عالمي غير ابراهيم يتارا؟؟ كل الاعبين اللي طلعت اسماهم اشاااااااعات... وشف الصفقه العالميه مع كريستيان السويدي..لاعب جناح ايمين طاير عالمي... تكتم كامل من الاداره وشف من جابو.. صراحه ماقصررررروووو والجاي احسن... اتفق معك من ناحيه ان لاعبين الهلال جميعا افضل من لاعيبت الانديه الاخرى بمراااااحل.. واظن انت كفيت ووفيت بالنقطه ذي..بس بعض جمهورنا الموقر مايعي النقطه ذي وياليت يشجعون لاعبينا ويحفزونهم بدال... مشكور تركي |
إقتباس:
الزعيم في النعيم يالبى قلبك بس مشكور علا مرورك وردك الحلو..... |
كلام سليم والله وعين العقل بالصراحه بعض الاعضاء تجيب السكر من مواضيعهم |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 01:28 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd