بصراحه وبدون مقدمات أسمحوا لي أصنف معسكر الهلال في أوروبا إلى ثلاث أصناف من وجهة نظر المتواضعة :


1) مفيد لبعض اللاعبين الموهبين لأن المعسكر والتدريب يفيد فيهم وعندهم استعداد يطورون أنفسهم ويمكن الصبر عليهم ... أمثال : الصويلح ، الكلثم ، الذياب ، سلطان السعود ، صالح الدوسري ، أحمد المفرج ، البرقان ، خيرات ، الموري ...

2) غير مجدي لبعض اللاعبين حتى وإن كانوا صغار لأن مستوياتهم عادية ولا تؤهلهم لتمثيل الزعيم حالياً أو مستقبلاً أمثال : المؤشر ، العنقري ، نامي (العادي جداً) ، بندر العنزي (واللي اتضح عدم أقتناع المدرب في إمكانياته المحدودة ومباريات اللاعب مع فريقة السابق على art سبورت خير دليل) .

3) لاعبون لايمكن الاستفادة منهم نهائياً لهبوط مستوياتهم أو لكبر سنهم وهم عالة على المعسكر ، أمثال : التمياط ، المفرج ، العنبر ، الغنام (واللي ما شفنا منه شي من وقع مع الهلال قبل 4 سنوات) ، الخثران .



قبل أن يختلف معي البعض ... أحب أقول أني أتكلم عن نادي الهلال عن زعيم آسيا الأول يعني لازم كل لاعب يكون عنده إمكانيات تأهله لتمثيل الفريق ، أما اسطوانة (لازم نصبر على اللاعبين الصغار) فهذي أنا ضدها تماماً لأني ممكن أصبر على لاعب صغير بشرط يكون عنده إمكانيات عالية مثل (عبدالعزيز الدوسري) و (حسن خيرات) وغيرهم من اللاعبين الممتازين ، أما غير كذا فبصراحه ما عندي استعداد اصبر لاعب صغير وهو إمكانياته ضعيفه ...

لأن الاستحقاقات القادمة كبيره ومهمة مثل الدوري والآسيوية ولا نبغا نضيعها زي ما ضيعها علينا العنقري والمفرج !!!




سرهيد

اخي سرهيد

بصراحه لا أوافقك الرأي

انت عليك من النتائج اما ما يخص الحكم على اللاعبين فأناوأنت وغيرنا لا يستطيعون تقييم ذلك او فرض اسم على اخر وإلا كان ما نجيب مدرب ونريح عمرنا .

عزيزي الخثران هذا اللي مو عاجبك افضل لاعب مساك وذكي للغايه وسأل كوزمين .
اما ما يخص التمياط والغنام فالشكوى لله اذا مو معجبينك اسمحلي اخي الغالي ان اقول لك انك غير ملم بشكل اكبر في ابجديات الكوره .

راجع نفسك وانظر للردود استفد منها

تقبل نقدي بصدر رحب

كلامك سليم
الا
في اثنين
الخثران والغنام
اسمح لي
وانت تدري الخثران وش سوى العام الماضي وتدري وش كثر يعتمد عليه المدرب
ملاحضة : اتوقع ينحذف موضوعك لأن الشباب في الشبكة من تالي مايبونك تقول على الاعبي ولا حرف يبونك تمدح وبس
وخصوووووووووووووووووووووووووووووووووصا
المفرج والعنقري ذا الأثنين بالك تقربهم

أشكرك على الموضوع:

ولكن:


أختلف معك في أكثر من نقطة:
أولا:بالنسبة للخثران والتمياط والغنام لاعبين يقدمون مستويات كبيرة.

ثانيا:أما بندر العنزي فمن غير المنطقي أن ينسق الاعب ولديه إمكانيات مميزة -كما قال الكابتن خالد الشنيف- لعدم
قناعة المدرب فيه ولو عملنا بهذا النهج والأسلوب لكان النجم الموهوب محمد الشلهوب أول المنسقين!!!





ملاحظة/اختلاف الآراء لايفسد للود قضية

وبالتوفيق لزعيمنا
دمتم بود

إقتباس اخي سرهيد بصراحه لا أوافقك الرأي

على راحتك أنت حر وكلن له رايه الخاص فيه ...

إقتباس انت عليك من النتائج اما ما يخص الحكم على اللاعبين فأناوأنت وغيرنا لا يستطيعون تقييم ذلك او فرض اسم على اخر وإلا كان ما نجيب مدرب ونريح عمرنا .

أنا ما فرضت أسماء ولا شي أنا قاعد أقول رايي في بعض لاعبين فريقي المفضل إذا لقت النور أبرك الساعات ما لقت كل واحد يصلح سيارته ...

إقتباس عزيزي الخثران هذا اللي مو عاجبك افضل لاعب مساك وذكي للغايه وسأل كوزمين

أنا ما علي من كوزمين ولا غيره ... وبعدين أنا ما قلت أنه مو عاجبني ... أنا قلت أنه لاعب كبير في السن والهلال مقبل على بطولات تتطلب وجود لاعبين شباب

إقتباس اما ما يخص التمياط والغنام فالشكوى لله اذا مو معجبينك اسمحلي اخي الغالي ان اقول لك انك غير ملم بشكل اكبر في ابجديات الكوره .

والله الظاهر أنك يا أخوي تحب الوقوف على الأطلال كثير !!! ... يا أخي التمياط منتهي ولاسوي شي ياللي تدور الابجديات .... له أكثر من أربع سنين عالة على الفريق وأنا ما ألومه لأنه جاته إصابه قوية ومستحيل يرجع مثل أول ... أما بالنسبة للغنام فأنا ما أقنعني ولا راح يقنعني لأنه أنتقل بمبلغ كبير ما يستحقه ولا قدم ما يشفع له وأكبر دليل أن ما فيه مدرب لعبه أساسي !!

إقتباس راجع نفسك وانظر للردود استفد منها

أكيد طبعاً أني بفيد وبستفيد من الأخوان اللي فاهمين في الكوره ولا عندهم فلسفة !

إقتباس تقبل نقدي بصدر رحب

تقبلناه

مشكوووووووووووووووووووووووووووووووووووووووووووووووووووووووووووووووور


كلام سليم


وأوافك الرأي

موضوعك حلو ورائع

لكن

"
"
"

أحترم وجهة نظرك في الاعبين وتحليلك للمعسكر

إذا كان هؤلاء الاعبين الذين ذكرتهم ما ينفعون

إذاً ........ من الذين ينفعون

إقتباس الرسالة الأصلية كتبت بواسطة @ابو رسيل@ كلامك سليم الا في اثنين الخثران والغنام اسمح لي وانت تدري الخثران وش سوى العام الماضي وتدري وش كثر يعتمد عليه المدرب ملاحضة : اتوقع ينحذف موضوعك لأن الشباب في الشبكة من تالي مايبونك تقول على الاعبي ولا حرف يبونك تمدح وبس وخصوووووووووووووووووووووووووووووووووصا المفرج والعنقري ذا الأثنين بالك تقربهم

الخثران انا قلت لك رايي فيه اللاعب كبير في السن وبطيء ولا راح ينفع الهلال في الموسم المقبل (خذها مني)

بالنسبة للغنام .. أنا ابيك تقولي وش فاد الهلال فيه من يوم انتقل للفريق ... عشان أسحب كلامي ....

في انتظارك

إقتباس الرسالة الأصلية كتبت بواسطة -الزعيم الهلالي- أشكرك على الموضوع: ولكن: أختلف معك في أكثر من نقطة: أولا:بالنسبة للخثران والتمياط والغنام لاعبين يقدمون مستويات كبيرة. ثانيا:أما بندر العنزي فمن غير المنطقي أن ينسق الاعب ولديه إمكانيات مميزة -كما قال الكابتن خالد الشنيف- لعدم قناعة المدرب فيه ولو عملنا بهذا النهج والأسلوب لكان النجم الموهوب محمد الشلهوب أول المنسقين!!! ملاحظة/اختلاف الآراء لايفسد للود قضية وبالتوفيق لزعيمنا دمتم بود

ماراح أضيف أكثر من ما أضفت في ردودي السابقة ياليت ترجع لها

الخثران والتمياط كلها 3 مواسم ولا انت شايف احد منهم سيعتزلون

المفرج (لا تعليق تعبنا ) ولكن الظاهر انه اهم من الهلال لدى بعض المنتسبين الى الهلال

العنقري الان في محاولات من كوزمين جعله في الوسط الايمن بدلا عن الظهير (يحاول يتعامل مع البلوى اللي ابتلي فيها )

نامي انا اتفق معاك انه عادي ولكن ينفع كاحتياط لاعب حماسي وعلى الاقل مستواه العقلي جيد ممكن يتطور

اما العنبر فله بداية تشفع له قليل من الفرصة ثم يقيم ان كان الهلال يحتاجه او لا

إقتباس الرسالة الأصلية كتبت بواسطة سرهيد الخثران انا قلت لك رايي فيه اللاعب كبير في السن وبطيء ولا راح ينفع الهلال في الموسم المقبل (خذها مني) بالنسبة للغنام .. أنا ابيك تقولي وش فاد الهلال فيه من يوم انتقل للفريق ... عشان أسحب كلامي .... في انتظارك

الغنام يلعب محور دفاعي , وهذا المركز في الغالب هو صناعة , يعني ممكن انك تصنع من لاعب عادي

لا يمتلك اي مهارات محور ممتاز لانها تعتمد على الخبرة وعقلية اللاعب وليس على الموهبة

خالد عزيز امكانياته ضعيفة ولكنه ذكي وعنده اصرار وراينا كيف تمت صناعته في هذا المركز ,

نفس الكلام على عمر الغامدي , الغنام يمتلك شيء نم الامكانيات ومع المباريات راح يكون من افضل المحاور الدافعية

في المملكة ,

إقتباس 3) لاعبون لايمكن الاستفادة منهم نهائياً لهبوط مستوياتهم أو لكبر سنهم وهم عالة على المعسكر ، أمثال : التمياط ، المفرج ، العنبر ، الغنام (واللي ما شفنا منه شي من وقع مع الهلال قبل 4 سنوات) ، الخثران .

بالله عليك تتكلم جد


يعني الخثران والغنام وناواف والعنبر ماتبيهم


اجل بالله عليك لعيبه مهمين جدا في الفريق

لاأوافقك الرأي


تقبل مروري