#1  
قديم 02/08/2008, 03:37 PM
زعيــم فعــال
تاريخ التسجيل: 16/12/2006
المكان: هنا وهناك
مشاركات: 397
خلاصة الموسم الماضي

السلام عليكم ورحمة الله وبركاته

الصراحه اللي خلاني اكتب الموضوع ان الكلام كثر عن الهلال الموسم الماضي

وفيه البعض نزلوا مواضيع وتعبوا انفسهم وقالوا ان الهلال الموسم الماضي جاب بطولتين بدون مستوى او بالحظ انا هنا ابي اذكر اللي قالوا الكلام هذا باللي سواه الهلال الموسم الماضي عشان الظاهر انهم نسوا اللي صار
\
/
\
/

حنا الموسم اللي فات لعبنا الاسيوية - الخليجية - كاس فيصل - كاس ولي العهد - الدوري - كاس خادم الحرمين الشرفين .

نبي ناخذ كل وحده لحالها الاسيوية وشفتوا المستوى يوم نطلع منها كان من احلى مايكون بس الله ماكتب نفوز بالمباراة هذيك يعني كل شي سويناه فيها كور بالقائم بلنتي وضاع فاول بالقائم بس الله ماكتب ياجماعه .

الخليجية هي اللي يمكن ماكنا فيها بمستوى يليق ومع ذلك شفتوا وشلون طلعنا من البطولة بهدف مدري وش يبي ولاعبين المنتخب ماكانو موجودين الدعيع كان عنده حاله وفاة والدته الله يرحمها.

كاس فيصل حنا الفريق الوحيد اللي لعب البطولة كلها بالفريق الاولمبي عكس الفرق الثانية وشفتوا كيف لعبنا بالنهائي قدمنا احلى مستوى من لاعبين صغار وخسرنا بشرف. (ماانسى الحكم اللي ماقصر معهم)

كاس ولي العهد قدمنا فيها احلى مستوى ، المباراة الوحيدة اللي مالعبنا صح اللي هي ذهاب نصف النهائي مع الشباب اما المبارايات الباقية لعبنا وقدمنا مستوى رائع وماتنسى النهائي اننا انهينا المباراة من الشوط الاول


الحين نجي للدوري وماادراك ما الدوري ، اول شي الحمدلله اننا اخذناه عن جدارة وانا اقولها صادق عن جدارة بالدوري بالمباراة الوحدة الفريق يلعب ضد اطراف اولها الخصم والتنظيم السيء والتحكيم اللي ظلمنا في كم مباراة ...الخ ، اللي ابغى اوصله ان الفريق بالدوري خصوصا لعب ضد اكثر من طرف وحققنا الدوري الحمدلله ضد الفريق اللي كان الجدول ( مزبط ) له

الاخيرة كأس خادم الحرمين الشرفين انا راح اتكلم عن مباراة الاتحاد اللي هي تقريبا انهت كل شي وطبعا الكل عارف كيف الحكم غير مجرى المباراة وقلبها على رأسها بشهادة كل النقاد (مب بس انا) غير كذا القرار اللي طلع لنا فيه فصولي بنقل المباراة وتوقيف التايب (قايلكم الاتحاد مزبط وضعه ومع ذلك طلع بدون يشم الكاس)


*هــــــمـــــــســـــــــــه*
*ترى مب لازم نفوز بكل البطولات والله مايصير لها طعم
بس اذا انت الفريق الوحيد اللي تنافس على كل البطولات ومع كذا تطلع ببطولتين وفي بطولة يلعبها شباب ويقدمون مستوى مشرف انا اسمي هذا نجاح وبقوووة





واسف على الاطالة
اضافة رد مع اقتباس
  #2  
قديم 02/08/2008, 04:16 PM
زعيــم نشيــط
تاريخ التسجيل: 28/07/2008
المكان: نادي الهلال
مشاركات: 757
صدقت وبالتوفيق للزعيم الموسم القادم علما أن نادي الهلال واجه ضغوطات كبيرة ومن أشخاص مختلفين
اضافة رد مع اقتباس
  #3  
قديم 02/08/2008, 08:43 PM
زعيــم فعــال
تاريخ التسجيل: 03/08/2007
مشاركات: 454
واللللللللللله ياأخ عفره انك صادق بكل كلمة قلتها.....


وبعدين ازعجونا ذالاعضاء كل موضوع عن مستوى الفريق الموسم الماضي وعن تعاقدات الفريق الموسم الجاي... ياعااااالم حنا مانحتاج تعاقدات لاعبينا كلهم نجوم... اللهم مشكلتنا بالظير الايمن بس..


لاهنت اخوي على الموضوع ويعطيك العافية
اضافة رد مع اقتباس
  #4  
قديم 03/08/2008, 02:29 AM
زعيــم فعــال
تاريخ التسجيل: 16/12/2006
المكان: هنا وهناك
مشاركات: 397
مشكورين جميعا على الردود ولاهنتو
.........................................
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:00 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube