#1  
قديم 02/08/2008, 03:08 PM
زعيــم نشيــط
تاريخ التسجيل: 18/08/2007
مشاركات: 847
عطني رأيك ياااااا هلالي !!!

بسم الله الرحـــمـــن الرحيم


انا ما كتبت هذا الموضوع الا غيظ وقهر وفي نفس الوقت احس اني معصب <<< واحد نصاب .

موضوعي باختصار هو :
التعاااااااقدات مع اللاعبين الاجانب او المحليين


انا من ادخل على منتديات الزعيم كل يوم اقرا تعاقد مع لاعب اجنبي والا لاعب محلي وفي الاخير مانشوف شي .

انا عندي اقتراح ولو تسمع الادارة بنصيحتي ما اتوقع بتتردد في اللي بقوله .

اقتراحي هو : تنسيق لاعبين مقابل شراء لاعب محلي ..

مثلا / والله ياجماعة الخير مع انه الحلف ماله داعي اني اشوف سلطان السعود والعنبر في قمة الفشل وبكل صراحة وحتى اصلا مافيهم حماس ولا لياقة ولاشي يعني ما أدري ليش الى الحين باقين في الهلال وحتى لو كانوا بالواسطة باقين ما أتوقع انه اللي متوسط لهم مقتنع فيهم ... فلو نجيب مهاجم ممتاز وواعد بالعربي ( السهلاوي ) بدل الاثنين لعيبتنا روبينيو ( السعود ) وكريستيانوو ( العنبر ) ( امزح ) كان فيه احتياط يفتح النفس .

هذا بالنسبة للهجووووووووووم .

اما بالنسبة للوسط فانا من وجهة نظري انه مشعل الموري ماعندك احد والعنقري اللي جايبينه بـ6 مليوووون ( ههههه ) ومحمد نامي والله مع الاسف اللاعبين هذولي يبقون مع الهلال لاعبين فااااااااشلين بمعنى الكلمة .

فلو نبيع هذول اللاعبين ونجيب ظهير ولاعب وسط محلي كان الهلال ولا اروع مثل ( حسن معاذ - احمد الموسى )
ونجيب لاعب صغير برازيلي فتيت حق تسحيب في الهجوم وخلصنا . صح والا لا

بسألكم سؤال / وش سوا اللاعبين ( العنبر - الموري - السعود - نامي - العنقري ) مع الهلال الموسم اللي راح ؟

الاجابة طبعا راح تكون كالاتي :
1- تسديدة محمد نامي اللي بالصدفة وغير اتجاهها ياسر القحطاني الهدف الاول على النصر في اياب الدوري .
2- تسديدة خالد العنقري اللي طلعت فوق العارضة في اخر مباراة مع الاتحاد في جدة .
3- ضربة الراس اللي لعبها محمد العنبر في اخر الدقايق مع النصر في اياب الدوري وليتها ضربت في العارضة بعد طلعها برا والباب فاضي قدامه .

غيـــــــــــــــــــ(ولاشي)ــــــــــــــــــرها

اتمنى من الادارة الجديدة انها تغير من خطط الاندية اللي هي تصاريح ولاعبين جدد والخ ... نبغى كل شي يخلص بسرعة بدون مقدمات ولا مؤخرات عشان ماحد يضايقنا في اي شي سواء مفاوضات او تصاريح او اشاعات او غيرها .

وفي النهاية عندي اسماء اللاعبين للموسم هذا :

محمد الدعيع
رونالد رالديس
حسن خيرات
المرشدي - المفرج
عبدالله الزوري
خالد عزيز
عمر الغامدي
عبدالعزيز الخثران
طارق التايب
احمد الصويلح
ياسر القحطاني

ياجماعة الخير شوفو الاحتياط اللي عندنا كيف بيصير والله حريقة ولا اي فريق يمديه يوقفنا

فهد الشمري
المفرج - المرشدي
حسن معاذ ( اللاعب الجديد ان شاء الله )
سعد الذياب
سلطان البرقان
عبداللطيف الغنام ( اوقات لك عليه بس انه قتالي < قاستوزو )
عبدالعزيز الدوسري
احمد الفريدي
عبدالعزيز الكلثم
محمد الشلهوب
احمد الموسى
محمد السهلاوي
اللاعب الاجنبي يكون بديل الصويلح
نواف التمياط
سلمان المؤشر

واتمنى من المرااااقبين انهم مايمسحون الموضوع لانه مهم جدا لي صحيح فيه كلام على بعض اللاعبين ولكن الحق يقال مانقدر نسكت على الوضع هذا
( ونبغى الاسيوية )

واســـــف عـلـى الاطــالـــــة



مع تحيات بلــــنتي ياحكم

اخر تعديل كان بواسطة » بلنتي ياحكم في يوم » 02/08/2008 عند الساعة » 04:10 PM
اضافة رد مع اقتباس
  #2  
قديم 02/08/2008, 03:13 PM
موقوف
تاريخ التسجيل: 27/07/2008
المكان: جدة
مشاركات: 112
حسن معاذ هااااااااااااااااااااااااي مستحيل اخوي ما يفرطبة الشباب============== مشكور
اضافة رد مع اقتباس
  #3  
قديم 02/08/2008, 03:18 PM
زعيــم نشيــط
تاريخ التسجيل: 18/08/2007
مشاركات: 847
مشكور على مرورك اول شي الشي الثاني حسن معاذ من زمان وهو منعزل عن الادارة الشبابية وفي جدالات بالعربي لو يجيه عرض تمام من نادي الهلال اتوقع مابيرفضه والا كيف ....

واحمد الموسى سبق وان صرح من قبل انه يحب الهلال واظن الادارة السابقة فتحو مفاوضات معاه للاعارة في الاسيوية السابقة بس ما صار نصيب .
اضافة رد مع اقتباس
  #4  
قديم 02/08/2008, 03:23 PM
زعيــم فعــال
تاريخ التسجيل: 22/07/2008
مشاركات: 211
الهلال فيكر بس بل مضاربه وناسي الجمهور الرايع ياخي نبي جناح ايمن

نبي حسن معاذ يقلون شروء وأخر شيء نصب ههههههههههههه

الله يفرجها وينك يامحمد بن فيصل ......مشكووور على الموضوع الرائع...
اضافة رد مع اقتباس
  #5  
قديم 02/08/2008, 03:48 PM
زعيــم فعــال
تاريخ التسجيل: 26/01/2008
مشاركات: 351
محمد نامي له مستقبل ان شاء الله لكن الباقين انا معك
وفكره حلوه وموضوع حلو
تقبل مروري
اضافة رد مع اقتباس
  #6  
قديم 02/08/2008, 04:21 PM
زعيــم نشيــط
تاريخ التسجيل: 28/07/2008
مشاركات: 549
حرام عليك تحط العنبر والسعود مع العنقري

اذا في تنسيق اول ما يبدأ بالمفرج والعنقري والعتيبي

ثم نلتفت للي بعدهم , العنبر له بدايات قوية يعطى فرصة اخيرة ان قدم شي

او التنسيق راح يكون من نصيبه ,

السعود لاعب ما شارك الا في مباريات معدودة مع الفريق الاول ومع ذلك سجل في اكثر من مباراة هدف

مهم , هدف التعادل في الاتفاق وهدف الهلال على الشباب لولا الله ثم هالهدفين نحلم نحقق الدوري

يبيله شوي تركيز وبأذن الله بيكون في مستوى طموح الهلاليين , لا تنسوه الصويلح قبل كم سنة كان الجميع

يطالب بتنسيقه وشفناه الان كوزمين والادارة والجماهير مهتمة فيه وترى فيه مستقبل الهجوم الهلالي

بجانب ياسر القحطاني , الموري مشكلته في فكره فقط لو يغيره يطلع منه شي او اذا مافي امل يتغير

يروح نادي اخر ...
اضافة رد مع اقتباس
  #7  
قديم 02/08/2008, 04:50 PM
زعيــم نشيــط
تاريخ التسجيل: 18/08/2007
مشاركات: 847
مشكور على مرورك من قدك ياهلالي

انا لو تفك مخي والله ما اظن باقتنع بسلطان السعود والعنبر والله اني اضحك اذا سمعت احد يدافع عنهم كلاعبين ياخي فشل والله فشل مافيه اي نوع من الابداع ولا شي ولاشي ابد بعدين الهدف اللي على الاتفاق الحارس متقدم وصغير عمره 18 او 17 وقزم وسلطان السعود حطها في نص المرمى يعني صدفه وقوله على الشباب وانا اخوك كان منفرد يعني لو ماجابها انا بروح للنادي وبنسقه . بالنسبة للمفرج صحيح اوقات يرفع الضغط بس والله يلعب من قلب ومن داخله وحماااااااااااسي والدليل شفت كيف مع الانتر اعجبني في لعبة في الدفاع طلعها بكل هدووووء وكان وااااثق من نفسه ...

الاختلاف في الرأي لا يفسد للود قضية
اضافة رد مع اقتباس
  #8  
قديم 02/08/2008, 05:14 PM
زعيــم مميــز
تاريخ التسجيل: 20/02/2008
المكان: جــــــــــــــد هـ
مشاركات: 4,577
من جد اخوي ومن غير زعل انه موضوعك مكرر للمره ال1000 ولكن انت فصلته

عموما الله يعطيك العافيه

والله يكتب اللي فيه الخير للهلال يارب
اضافة رد مع اقتباس
  #9  
قديم 02/08/2008, 09:22 PM
زعيــم متواصــل
تاريخ التسجيل: 19/07/2008
المكان: ارض ال ســـعود حفظة الله
مشاركات: 149
الله يرحم ايام الامير المحبوب محمد بن فيصل واها واها اه اها اها ها
اضافة رد مع اقتباس
  #10  
قديم 02/08/2008, 09:36 PM
زعيــم متألــق
تاريخ التسجيل: 28/03/2005
مشاركات: 1,295
الله يسهل والله وضع الهلال يخوف
ـــــــــــــــــــــــــــــــــــــ
اضافة رد مع اقتباس
  #11  
قديم 02/08/2008, 10:32 PM
الصورة الرمزية الخاصة بـ ابـوفـيـصـل
زعيــم مميــز
تاريخ التسجيل: 14/03/2008
المكان: بـــريـــدة
مشاركات: 8,686
انت تحسب إذا صار براسك لاعب على طول تحطه احمد الموسى ماراح يفرطوبه الوحد وحسن معاذ مراح يفرطبه الشباب وانت تحسب تحط انه جلب الاعبين خراص فيه لاعبين النديه ما تفرطبه مثلن ياسر القحطاني يفرطبه الهلال مثلن طارق التائب يفرطبه الهلال مثلن الاعبين الاجيدين ما راح يفرطبهم اي نادي إلا إذا كان النادي داااااااااااااااااج
اضافة رد مع اقتباس
  #12  
قديم 02/08/2008, 10:40 PM
الصورة الرمزية الخاصة بـ _$yasser$_
موقوف
تاريخ التسجيل: 12/02/2008
المكان: ♥♥
مشاركات: 1,135
يا جماعة الخير

خلوا الادراة تشتغل والله انها ادرا مني ومنك ........


تقبل مروري

_____________
اضافة رد مع اقتباس
  #13  
قديم 02/08/2008, 10:54 PM
زعيــم مميــز
تاريخ التسجيل: 17/02/2008
المكان: في قلب الزعاآمهـ ّ }
مشاركات: 1,510
ردد ردد يا ليل ما أطولك يا ليل ما أطولك.
اضافة رد مع اقتباس
  #14  
قديم 02/08/2008, 11:46 PM
الصورة الرمزية الخاصة بـ sheva_7_22
زعيــم مميــز
تاريخ التسجيل: 20/03/2007
المكان: الدمام
مشاركات: 7,303
انسى حسن معاذ واحمد الموسى

والي يشوفنا خايفين على الهلال اكثر من الادارة
...
اضافة رد مع اقتباس
  #15  
قديم 03/08/2008, 01:24 AM
زعيــم نشيــط
تاريخ التسجيل: 26/05/2008
مشاركات: 762
تجيب حسن معاذ واحمد الموسى واللاعب الاجنبي وتحطهم احتياط..؟؟؟؟

والمفرج لا يكون اساسي..؟؟

عموما

اتمنى من الادارة الهلالية شراء عقد كامل المر واعطاء ادارة الوحدة مبلغ مثلا 9 ملايين+ المفرج الصغير والموري مثلا او
اي لاعبين

وشراء عقد السهلاوي بملغ 6 ملايين مثلا + العنقري والسعود

كذا نتخلص من بعض اللاعبين
ونستفيد بشرائنا لاعبين مميزين بخانات مهمة ومستواهم عالي
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:36 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube