يبدوا ان الهلال يمضي قدماً بخروج مبكر من البطولة الآسيوية وكذلك الدوري فهو لم يحرك ساكن من ناحية تدعيم الفريق بلاعبين محليين أو أجانب وحتى المنتهي صلاحيتهم لم يتم تنسيقهم بل نسق الشباب الواعد.
كلنا ننتظر على أحر من الجمر المهاجم الصيحة وكل يوم يطلع علينا لاعب ولكن لا جديد سيناريو تعودنا عليه والنهاية معروفة برونو جديد أو ليلو.

دعونا ننظر للاعبين المحليين : سهلاوي والطريد و الرهيب و المر و حسن معاذ والشهيل وحماد لا تعليق.

تجديد الثنقة في حسن العتيبي والعنقري وعدم الإهتمام في الصاعدين.

تم التعاقد مع رونالد أتى مكان تفاريس الصخرة؟ يعني تيتي تيتي مثل ما رحتي جيتي.

ياناس يا عالم الموسم الفائت حققنا الدوري بمستوى لا يطمئن وكذلك كأس ولي العهد فلنكن واقعيين مستوى الهلال الموسم الماضي غير مطمئن.
أنا عارف بيطلع ناس علينا ويقول عطني بطولة وخذ المستوى لكن ما كل مرة تسلم الجره.
أنا أتكلم عن عدد الهجمات المرسومة والإستحواذ على الكروة وانتشار اللاعبين والتغطية الدفاعية فنحن مقبلين على بطولة فيها فرق من العيار الثقيل.

إذا خرج الهلال لن أكتب وأطالب على قولتهم إذا فات الفوت ما ينفع الصوت.

بأذن الله راح تشوف الزعيم
أقوى من قبل وكلها كم يوم وتشوف اللاعب الأجنبي
الثالث
والبطوله الأسيويه

هلاليه إن شاء الله

الله يكتب اللي فيه الخير

وان شاء الله تتسنع الامور بدري ’’’

اللي يشوف عنوانك يالغلا يقول الموسم انتهى والهلال ماحقق ولا بطوله ,,

ياغالي يعني تتوقع انك تهتم للهلال اكثر من كوزمين او الاداره الهلاليه ..!؟


ياعالم خلو الاداره على رآحتها واحكمو على الفريق بعد ماتشوفون مستواه

إقتباس دعونا ننظر للاعبين المحليين : سهلاوي والطريد و الرهيب و المر و حسن معاذ والشهيل وحماد لا تعليق.

ترى الهلال الموسم اللي فات حقق بطولتين بدون هاللاعبين

وبالعكس مستوى الهلال الموسم اللي فات ممتاز وكان شبه متذبذب بسبب ارتباطات الدوليين مع المنتخب بس

لكن الحمدلله كوزمين استطاع ان يصنع فريق لا يتاثر بغياب احد .. !

أخوي مجنون الزعيم راح نشوف وأذكرك إذا بدت البطولة الآسيوية والدوري وبرد عليك بكلامك.
الله يذكر أيام الثنيان وخميس وسامي والتيماوي وفيصل والدوخي والشريدة وليتانا ولطف والرشيد وسيرجو وسعيد شيبه وصلاح بصير كان الواحد يروح للملعب وهو يقول بإذن اللله البطولة هلالية وأما الحين كثر منها والعنقري والمفرج والشاطر حسن يلعبون أساسين.

لابأس يالغالي أنت تقول :

إقتباس ياناس يا عالم الموسم الفائت حققنا الدوري بمستوى لا يطمئن وكذلك كأس ولي العهد فلنكن واقعيين

هل هذا الكلام منطقي ؟؟؟؟ فريق يصعد من فارق نقطي كبير ويأخذ البطولة من فريق كبير على أرضه وبين جمهوره وتسمي ذلك مستوى غير مطمئن؟؟؟؟؟

ترى الوقت تغير والتنافس صار على أشده وحتى الهلال في السابق كان يفوز بالدوري ولم يكن فوزه في يوم بطولة ما سهلا لإنه الهلال والجميع يرون فيه بطولة بحد ذاته ولا ننسى كلام البلطان عندما قال على الهواء: "الفوز على الهلال بطولة" خلاصة الكلام أن الفريق لايزال في مرحلة الاستعداد ولم يتم الانتهاء من موضوع اللاعب الأجنبي الثالث فصبرا صبرا بارك الله فيكم

أخوي اشوفك ماسك على حسن العتيبي 00 اللي يشوفك يقول حسن ياخذ الكوره ويسجل فى مرماه هدف

اقول وش رايك نسطر لك منتخب البرازيل بدال الهلال هههههههههههه

يمكن يرتاح بالك وتروح للملعب على قولة ايام اللاعبين اللى انت عديتهم

الله يهديك بس 00 فيه مثل يقول ,, لاتقول بر الين توكي عليه
خلنا نشوف تونا مابعد بدا الدوري ولا بطولة اسيا 00 واذا طلع ذيك الساعه قلنا والله انك صادق فى كل كلمه كتبتها

تقبل مروري

إقتباس الرسالة الأصلية كتبت بواسطة %%هلالي مدريدي%% بأذن الله راح تشوف الزعيم أقوى من قبل وكلها كم يوم وتشوف اللاعب الأجنبي الثالث والبطوله الأسيويه هلاليه إن شاء الله

.............................................................................

البطوله الأسيويه

هلاليه إن شاء الله

و ياليت نتفاول بالخير

والله ياخوي مبراتنا الاخيره قدام الاتحاد سبب فوزنا ان الاتحاااد مكان في مستواه
ولاننسى ايش سواى فينا في الابطال

أشاطرك الرأي اخوي عجب عجاب.. بعد تولي عبدالرحمن بن مساعد مهام رئاسة الهلال ودخول سامي في الإشراف على الكرة .. توقعنا ضربات معلمين في الفريق

ولكن للأسف .. تجديد الثقة بلاعبين منتهين العام الماضي مثل نواف التمياط والعنقري والمفرج والعتيبي... وعدم اتاحة الفرصة للاعبين الشباب الصاعدين وأبرزهم الظهير الأيمن محمد الجيزاني ومحمد القرني وناصر وسلطان الجحفلي والعديد من الأسماء اللي سبق لها وأن مثلت منتخبات المملكة في الفئات السنية لتجد التنسيق والعروض من أندية الممتاز المنافسة للهلال

هذا غير المهاجم ... معسكر ايطاليا خلص وللحين ما لقوا مهاجم !!! سلم لي على الاتحاد والاهلي في صفقاتهم المحلية والخارجية...

ان كان للهلال تميز حتى الآن .. فهو في اختيار المكان اللي اقيم فيه المعسكر والنتائج الايجابية التي ستترتب عليه.... يكفي انه في ايطاليا أحسن بلد لإعداد وصقل اللاعبين من النواحي اللياقية


من خلال الردود ... هناك مفارقات في طموح المشجع الهلالي... ناس تبي الهلال فريق عالمي ويحكم قبضته على البطولات الأسيوية دون تفريط وناس تبي الهلال يلاحق الاتحاد والشباب لعل وعسى نعادلهم في النقاط وناخذ منهم الدوري !!

الهلال يحسب له تعاقده مع رونالد رالديس... وإبقاءه للمبدع طارق التائب .. ويحسب عليه انه للحين ما خلص امور المهاجم وكذلك عدم تدعيم خط هجومه بمهاجمين محليين من اندية أخرى

تأخر الهلال وبقي لإقفال سوق الانتقالات في السعودية أقل من الشهر !!

الصبر مفتااااااااااااااااااااااااااااااااااااااااااااااااااااااااح الفرج

اقول وشسالفتكم كا ما سوى فريق شي قمتوا تقلدونه يعني عشان النصر سجل لاعبين جدد صار افضل من عمه الزعيم

النصر مستوى لعيبته ضعيف لازم يجيب لعيبه جدد

اما الهلال ما شاء الله منتخب لحاله فقط نحتاج ضهير ايمن ومهاجم اجنبي

والاداره ماهي مقصره قاعده تدور على ضهير والمملكه كلها مافيها الا معاذ و عيا عليه الشباب لو اعاره

والرهيب مغرم بالاتفاق وجميعهم مو في مستوى الدوخي سابقا الي تبغاه الجماهير الهلاليه

أهنيك على الروح الانهزامية اللي قب الدوري