ماذا تنتظر ادارتنا ؟؟؟ هل حان الوقت لنودع الاسيوية - نادي الهلال السعودي - شبكة الزعيم

الجرداء. · #1 02/08/2008, 03:26 AM

بسم الله الرحمن الرحيم

اخواني الزعماء السلام عليكم,,

والله شيء يضيييق الصدر بصراحه وش تنتظر الادارة هل تنتظر توقيع اللاعب محمد السهلاوي للاتحاد او الاهلي تكفون نبي السهلاوي مانبي اجانب يكونوا عاله على الفريق ياسر والصويلح والسهلاوي والعنبر فيهم الخير والبركه الامير عبدالرحمن بن مساعد انا كنت من المستبشرين بقدومك لكرسي الرئاسة على الامير بندر بن محمد واظن اني كنت مخطيء حتى الان ولاصفقه للهلال تبرد القلب والفرق الاخرى بعشرات اللاعبيين يضمون حتى الجار اصبح له كلمه بالتعاقدات وفترة التسجيل الاولى سوف تنتهي عما قريب والادراة يطالبونا بالصبر الصبر زين لكن لحدود كأننا ليس مقبليين على اهم البطولات القارية وهي دوري الاسيوي للمحترفيين اللذي غاب عن الزعيم 8 سنوات للنظر قليلا للرئيس الاهلاوي العنقري تسلم كرسي الرئاسة مع الامير عبدالرحمن وحتى الان 5 صفقات دون الاجانب ونحن شهرين على لاعب اجنبي فقط ولااستطعنا جلبه على الاقل جيبوا لنا السهلاوي قبل اغلاق الفترة الاولى لأنه ياسر سوف تكون مشاركاته كثيرة مع المنتخب ولالدينا هجوم على قولة المثل ريحت ابو زيد ولاعدمه والظهير الايمن اصبح خط رئيسي وفرعي للاندية الاخرى ولااستطعنا سدها اطلب من كل هلالي محب لناديه الدعاء من القلب لفريقنا في المرحلة المقبلة لأنه الامور ماتبشر بخير بصراحة.

تقبلوا تحياتي هذا عتب محب لحبيبه,,,

الفليحي · #2 02/08/2008, 05:26 AM

مشكوووووووووووووووووووووووووووووووووووووووووووووووووووووووووووووووووووووووووووووور

للتواصل
.
.
.
[email protected]

الزعـــ شموخ ـــيم · #3 02/08/2008, 05:39 AM

فعلا السهلاوي لاعب طال انتظارة ..............
هو والسالم لو اجتمعوا .......... يسوون الهواويل ...

الحوت الهالك · #4 02/08/2008, 05:42 AM

صدقت يجب على الادارة مراجعة حسابتها من الان لكي لايندموا اذا فات الاوان

العقد الهلالي · #5 02/08/2008, 05:46 AM

والله ماندري وش تبون كل شوي ناط واحد يبي لاعب في راسه والكل يقول بطير الاسيوية لو ماجاب الهلال فلان او علان يعني السهلاوي بيجيب لكم الاسيوية ولو فيه خير ماعافة الطير الاعب ماحد فاوضة ويقول انه يبي الهلال وان الهلال يبية هذي حركات الاعبيين اللي يبي ناديه يجدد معه او يجيه عروض يقول الهلال يبيني ....
الهلال محتاج لاعب اجنبي هجوم مع ياسر وبس مانبي لاعبيين محليين لان اي لاعب يجيبه الهلال يضم للمنتخب عناد في الهلال وبكره مانستبعد يضمون العنقري للمنتخب .....

خوي القمر · #6 02/08/2008, 05:47 AM

ياخي حط عنوان مثل البشر بعدين تعال اكتب......؟؟

ترى الاداره مو نايمه الاداره بتشتغل بس كل شي يبيله صبر

وش على بالكم انتم الووو نبي الاعب الفلاني خلاص جيبو ا المبلغ ووقعوا

حبيبي الانديه تتعامل مع الهلال غير

قوآتـ البرنس ـالخاصة · #7 02/08/2008, 05:50 AM

إقتباس

الرسالة الأصلية كتبت بواسطة عبدالعزيز 77


	ياخي حط عنوان مثل البشر بعدين تعال اكتب......؟؟ ترى الاداره مو نايمه الاداره بتشتغل بس كل شي يبيله صبر وش على بالكم انتم الووو نبي الاعب الفلاني خلاص جيبو ا المبلغ ووقعوا حبيبي الانديه تتعامل مع الهلال غير

صح وأنا أتفق معاااك في الشئ هذا

بالتوفيق للهلال في كل شي

اعشق ترابك14 · #8 02/08/2008, 06:20 AM

أقسم بالله العضيم لو اعد اللاعيبه الي طالبوا بهم بعض الجماهير يمكن تعدوا 100 لاعب

هل الاسيويه راح توقف على السهلاوي غريب أمر بعض الجماهير

انت تقول ان ادارة الاهلي تعاقدة مع خمس لاعبين بصراحه كان ودي انك ذكرة هاللاعبين

كلهم يلعبون بالدرجه الاولى واحد من الانصار واحد من الطائي والخراشي الي حنا طاشينه مانبغاه

على العموم اعلم ان الصفقات بالكيف وليس بالكم

وصدقني الهلال فقط يحتاج لمهاجم اجنبي من طراز نادر وباذن الله راح يكون الفريق جاهز

راح تقول لي نبغى ظهير ايمن

رونالدو رالديس يجيد اللعب في الظهير الايمن وانا شاهد له مباراه مع المنتخب

بأذن الله راح يتوفق مع الهلال على العموم خذ هذي التشكيله عندك وشف حنا نقدر نجيب الاسيويه ولالا

الدعيع
الزوري و المرشدي و هوساوي و رالديس

عزيز و الغامدي

الشلهوب و التايب

ياسر و المحترف الجديد

وتذكر تصريح رئيس النادي يوم قال

ان لم اجلب محترف بمستوى ياسر فما الفائده من جلبه لنادي

تفائلوا بالخير تجدوه اتمنى من الجميع التفائل