02/08/2008, 10:09 AM
|
زعيــم متألــق | | تاريخ التسجيل: 16/07/2005
مشاركات: 1,083
| |
●●● كل شي له حل في الزعيم الا الواسطه !! ●●● بسم الله الرحمن الرحيم
.
اقرا كل الموضوع ولا لا ترد والموضوع بكتبه باللهجه العاميه بطلع اللي في خاطري
ابدأ موضوعي بهالخبر 11 لاعباً صعّدوا من الشباب يفشلون في تمثيل الفريق الهلالي الأول
طبعاً ما راح اتكلم عن جميع اللاعبين اللي في الخبر لان الاغلبيه فيهم ما اعرف مستوياتهم ولكن يهمني اسم واحد وهو محمد الجيزاني الظهير الايمن الصاعد من شباب الهلال يعني لاعب يلعب اساسي في شباب الهلال ومن مشاهدتي لمباريات الهلال اشوف ان مستواه افضل من جميع الموجودين حالياً ولعبه قريب من لعب حسن معاذ لاعب الشباب سرريع وعرضيات ويمتلك فوق هذا الميزه الدفاعيه وبالاخير يستغنى عنه؟؟؟؟؟؟
((( وكل هذا عشان اللاعب اللي من زمن الاداره السابقه وهو بالواسطه موجود؟؟؟ )))
طبعاً هالكلام اقوله من متابعتي لبعض مباريات شباب الهلال الموسم اللي فات واللي تابع يدري بمستوى هاللاعب
يعني وش راح تخسر الاداره لو اعطوه الفرصه في المعسكر الخارجي يمكن يحل ازمة هالخانه وينتهي قلق هالجماهير اللي كل مباراة حاطين يديهم على قلوبهم . . ويغنينا عن منة الانديه الثانيه من راشد الرهيب الى حسن معاذ الى كامل المر وغيرهم و غيرهم وكل نادي يتشرط بمبالغ خياليه (( طيب لو واحد سأل نفسه هاللاعبين اللي جالسين نركض وراهم من وين جو؟؟؟؟ كلهم شباب الانديه الثانيه وحنا نجي نركض وراهم بالملايين وعندنا لاعبين شباب حتى الفرصه ما اعطيناهم !! )) الواسطات تخلينا نصرف ملايييييييييييييين على الصفقات مع لاعبين جدد مع انه ما كان بيضر الاداره شي لو اخذت بعض هاللاعبين للمعسكر الخارجي وخاصه الخانات اللي تحتاج دعم في الفريق واعطوهم فرصه مثلهم مثل غيرهم يمكن يبرز فيهم لاعب ويتطور مستواه ويغنينا عن دفع ملاييييييين وتجارب
باختصار ومن رأيي الشخصي ومتابعتي لمباريات المعسكر اشوف انه الجهه اليمنى صارت شارع مفتوح ومع احترامي للعنقري ما اظن انه بمستوى الزعيم ونامي احتمال ينفع احتياط اما اساسي ابداً ما اتخيله في الاسيويه راح يأدي قدام الفرق القويه لأنه اصلاً مو خانته . . هالكلام كله مجرد رأي شخصي ويمكن فيه من يوافق كلامي وفيه من يخالفه
يعطيكم العافيه
عبودي 9 |