|| .. تعارف الماسنجر .. ضرورهـ .. ام هياط ..|| - نادي الهلال السعودي - شبكة الزعيم

بريماكس · #1 31/07/2008, 01:09 PM

السلام عليكم ورحمة الله وبركاته ،،

كيف حالكم يا اخواني واخواتي الاعزاء ..

كنت جالس مع واحد من الشباب .. ماشاء الله المسنجر كل ثانيه داخلين ثلاثه وطالعين اربعه

قلت ماشاء الله عليك كم اللي معك ؟

قال اكثر من الـ 900 شخص

قلت الله لايضرك شكلك ماخليت ولا ايميل الا مضيفه

يا اخواني انا ابعرف ليه الواحد يحط معه بالايميل اعداد كبيره من الاشخااص ؟

طبعاً مافيه شك هذا بالاول والاخير حريه شخصيه ويحط اللي يبي

لكن بالتاكيد له اسباب وهالشخص ماحطهم الا لغرض .. المشكله معه كل هالاشخااص ولا له علاقه قويه الا مع مجموعه بسيطه جداً جداً مقارنه بالعدد الكبير

يعني لما تساله عن شخص او ايميل معه يقول ماعررفه ؟ طيب وش تبي فيه يوم ماتعرفه ؟

استفسرت منه قلتله ياخي اللحين لو يكلمونك بعضهم بوقت واحد كيف تبي ترد عليهم ؟

قلت انا اللحين اقل منك وبعض الاوقات انحرج لما يكلمني اثنين بوقت واحد

قال ارد على ثلاثه والبقيه بسلامتهم

كثيره تحصل مثل حالة هالشخص واعتقد ان اكبر سبب ودافع للكثره عشان الناس ( يعني تراي معي كل ذولا )

بالعربي دعدعه

وانا معي وانا معي

تصوروا كنت عند ولد عمي ايميله مافيه الا عشر ايميلات اربعه مايدخلون النت الا نادر واثنين معطيهم حظر و اثنين اخوياه اللي بالجامعه وانا وولد جيرانهم

يوم فتحت ايميلي عنده مسك راسه

قلت سلاماات قال وش كثرهم ماشاء الله قلت ماشفت شئ

عني انا صراحه معي 75 ايميل

طبعا مجموعات الزعماء والمجموعه الشخصيات الهامه بمجموعه مثل جرح يشكي المهايطي

ومجموعه العائله والاقارب

وحاليا افكر بتقليص العدد للنص وافكر باضافه بعض الاعضاء اللي مدري وش اللي يخليني ما اضفتهم لحد الان صراحه

يعني اعضاء قسم بالله يتشرف اي شخص بالتعرف على امثالهم

بس بيني وبين نفسي اكثر من مره لاجيت ابضيفه قلت والله استحي ويني من اول كم لي معاه بالمجلس وتوني اضيفه ؟ ==> مانب اقصد اديبنا

اخر اضافه اضفته مستر دلخ وسحبت فيه سحبه

اجل هوساوي يادلخ

وفيه ناس للاسف من زمان معي بالمسن ولا لي علاقه معهم يمكن السلام كل منا بخل فيه على الثاني ؟

يكفي بايميلك لادخلت ولقيت التراحيب قسم بالله بعضهم ودك من حبك له وتقديره لك تدخل المسن عشانه

ولايهونون البقيه ..

مثلاً جرح يشكي ماعمري دخلت الا يبادرني بالسلام ،، والابتسامه على محياه

ياحبيلك يابومشاري والله يديم المحبه بيننا

قبل الختام / اخواني اخواتي ..
* ما الهدف من جمع الانسان لـ اكبر عدد من الاصدقاء سواءً في الماسنجر او خارجه ..؟؟

اعذروني .. ادري الموضوع خاطم خطمه وماهو منظم ومو منسق ولا شئ لكن تنزيل الموضوع جاء فجأة

وكل همي اني استسمح من اي شئ شخص اخطات بحقه بقصد او بدون قصد لان قريبا رحلتي وابشركم داخل الحدود مانب اطلع برى

( صيفنا مع اهلنا احسن )

ان عدنا فلنا لقاء باذن الله وان لم نعد فنكون سامحناكم من قبل

سامحونا وعلى الخير نلتقى باذن الله ورده

محبكم / ابوياسر ورده

جرح يشكي · #2 31/07/2008, 01:10 PM

هلا وغلا بـ ابوووووو ياااااااااااسر

.. الخ .. الين ضراس المحتله

اجل رد رد هههههههههههههههههههههههههههههههههههههههه

يا شيخ قسماً بالله انك كذا

<=========# ترا للحين وهو فاطس

اخيراً شفت لك موضوع

اخيراً تحققت امنيتي .. بعد هـ العمر اشوف لك موضوع .. أشهد ان لا اله الا الله محمد رسول الله <=====# دخل جو .. ع باله شايب

المهم ندخل في الموضوع

ادري انك كاتب الموضوع تبي تقول اني ناشب لك

واني قارفك حياتك

بس وش نبي نصير مثلك

اجل رد رد

والله يا برهووووم انا عندي في المسن حوالي 50 جهة اتصال .. وايميلي هذا خاص جداً

لك انت وطروووووووووق .. و وزير الاقتصاد والمياه والمفتش العام لبى يور هيرت

وفيه مجموعة من الاعضاء

اللي لو اني ما اعزهم ما اضفتهم

والباقين حوالي 20 واحد ما بين اخواني وعيال عمي واخوياي

هذي صورة ايميلي القديم .. واحد من العيال سوا فيني حررركة باااااااايخه .. شوف الرسايل وعدد المضافين

ينعن بليسه لو اعرفه جلدته

------------------------------------

إقتباس


	عني انا صراحه معي 75 ايميل طبعا مجموعات الزعماء والمجموعه الشخصيات الهامه بمجموعه مثل جرح يشكي المهايطي ومجموعه العائله والاقارب

ايييييييييييييييييييييييييييييييييه انا مهايطي اجل

دواك والله عند طارق

اجل رد رد هههههههههههههههههههههههههههههههههه

إقتباس


	وافكر باضافه بعض الاعضاء اللي مدري وش اللي يخليني ما اضفتهم لحد الان صراحه يعني اعضاء قسم بالله يتشرف اي شخص بالتعرف على امثالهم

انا عندك وتفكر تضيف بعد

<========# ماخذ مقلب من جد

انا والله افتخر بـ معرفتي بـ اغلب الاعضاء الموجودين عندي في المسن .. وفيه دراسه ننتظر نتائجها .. تقضي بـ شطب كل الموجودين عندي في المسن .. وابدالهم بجيل جديد

.. خلاص الدوري على الابواب

إقتباس


	وفيه ناس للاسف من زمان معي بالمسن ولا لي علاقه معهم يمكن السلام كل منا بخل فيه على الثاني ؟

سيم سيم

إقتباس


	* ما الهدف من جمع الانسان لـ اكبر عدد من الاصدقاء سواءً في الماسنجر او خارجه ..؟؟

لكل شخص اهداف تختلف عن غيره .. البعض هدفه يستفيد منهم .. وانا عايشت مثل هـ الاشكال .. يعني ياخذك كـ مصلحه بس

وهذا علاجه البلووووووك وان تأزم الوضع فلا مانع من الديليت

اجل رد رد هاه ههههههههههههههههههههههههههههه

وفيه اشخاص ثرثارين

همهم السوالف ولا غيرها

هذا علاجه البلوووك المؤقت

وفيه اشخاص ينحطون على الجرح يبرى

إقتباس


	شئ شخص اخطات بحقه بقصد او بدون قصد لان قريبا رحلتي وابشركم داخل الحدود مانب اطلع برى ( صيفنا مع اهلنا احسن )

افا اجل متمشكل مع كفيلك

.. روح يا شيخ ومالك الا اللي يجيبك بـ فيزهـ جديده

برهووووووووم .. الله يستر عليكم .. ويحفظكم .. وتأصلون ابها سالمين ..

ويا وليد ترا برهوووم عندك لا اوصيك عليه اكرمه <=====# وهقهم ببعض

برهوووووم للحين .. رد رد هههههههههههههههههههههههههه

في حفظ الرحمن يالغالي .. وترانا على الطريق .. مرنا

<====@ طيب اهو عندك في المسن ليش ما تقول له هناك ..

لا بس عشان تعرفون ان اهل الرياض كريمين

ضيدان يا لبى قلبك

آآآآهـ يالخزامى .. انا اشهد انها علاااااج

متى على تنطفي جمرت الصيف ... ويهب من صوب الشمال البرادي

وليد القحطاني · #3 31/07/2008, 01:12 PM

,,

هلا والله أبو ياسر

موضوعك مهم جداً

..

والله شف الماسنجر له إيجابيات وله سلبيات ..,

..

وياكثر السلبيات فيه

والله شف أنا عندي حوالي 433 شخص كما في الصورة

أكثرهم يضيفوني عشان حلقات بريزون بريك

ويا كثر الأعظاء اللي في الشبكة يتمصلحون معي عشان أجيب لهم الحلقات

وأولهم علي الفغرة

واقل لـ علي ترى الهارديسك ضاع

والباقي من أعضاء المجلس الغاليين

انا اول واحد اضفته هو كينكو اذا تعرفونه <<

وآخر واحد سوداني يشتغل في محل جنب بيتنا

أبو ياسر لاهنت يالذيب ويعطيك ربي العافية ..,

لك ورده

الحربي2004 · #4 31/07/2008, 01:16 PM

اخوي لا استطيع ان اجاوبك لان الي عندي بالماسنجر 5 فقط.....
واثنين ناوي اكنسلهم في القريب العاجل

بريماكس · #5 01/08/2008, 10:24 AM

هلا وغلا وليد

هلا بمراسلنا من قلب مدينة السحاااب ( ابها البهيه )

ماشاء الله433

بالله احس فيه ناس لهم قرن مادخل للمسن من هالـ 433

اللي زي كذا بدووون كلافه بلوووك ودلت

وبعدين تقول اللي معاك اغلبهم عشان حلقات بريزون بريك يعني من حظي مالي فيها

المسن كما ذكرت له ايجابيات وسلبيات بس اللي مستغرب منه ليه الشخص يكثر الاتصالات ويمكن الاغلب ماله علااقه معهم

والمسن لاشك يريح مره وفيه ناس كلامهم يغنيك عن كل شئ

وممكن تتعرف على اشخاص من المسن ماتلقاهم ولاتصادف معرفتهم على الطبيعه

لاهنت يالغلى وشرفني مرورك وانتم اهل كرم وجود مايحتاااج واذا جينا راح نشوفك ويشرفني ذلك

بس تحملنا ترااي دلوله بابها ويمكن ما احتاج توصيف ولا شئ

-->

الله يحييك ياوليد وماقصرت عالتشريف والله يعطيك العافيه .. لك كل التقدير والاحترام ورده
/

إقتباس

الرسالة الأصلية كتبت بواسطة الحربي2004


	اخوي لا استطيع ان اجاوبك لان الي عندي بالماسنجر 5 فقط..... واثنين ناوي اكنسلهم في القريب العاجل

هلا بالسياسي الحربي

بالله بس 5 وتبي تشيل اثنين من يبقى طيب ؟

الكثره ماهي زينه .. ويمكن واحد يغنيك عن 100

لاهنت يالغلى وشرفني مرورك والله يعطيك العافيه ورده

Hictar · #6 31/07/2008, 01:18 PM

هلا فيك بريماكس!!
سابقاً كان عندي بالماسنجر عدد كبير ، وكنت أدخل بدون إتصال
لاني لو حطيته متصل ما أدري أكلم من أو أخلي من.
والشئ هذا مسبب لي إحراج كبير.
والآن ما عندي لا إيميل وحذفت الماسنجر وريحت راسي ولله الحمد

يا حبي له يستظرف

إذا جاك شايب ومنسم ، ودك إنه يصير أبوك

بريماكس · #7 01/08/2008, 01:29 PM

إقتباس

الرسالة الأصلية كتبت بواسطة مواصل من عام 1413هـ


	هلا فيك بريماكس!! سابقاً كان عندي بالماسنجر عدد كبير ، وكنت أدخل بدون إتصال لاني لو حطيته متصل ما أدري أكلم من أو أخلي من. والشئ هذا مسبب لي إحراج كبير. والآن ما عندي لا إيميل وحذفت الماسنجر وريحت راسي ولله الحمد يا حبي له يستظرف إذا جاك شايب ومنسم ، ودك إنه يصير أبوك

هلا بك اكثر اخوي عبدالله

وش اخبارك عساك بخير

ياخي اقول فاقد قمر بالمسن

تصدق مرت فتره افتقدتك فيها قلت سلامات الظاهر

الرجال فيه شئ لايكون زعل

بالعاده اون لاين بس ماشوفه متصل من زمان !!

بعده بفتره قريت توقيعكم وعرفت السالفه وطبعاً قبله ارسلتك عالخاص على ماعتقد

طيب ياعبدالله وش المشكله لو حطيته ( مشغول ) ماراح يكلمك احد اذا الحاله مشغول

بس ماظنتي راحه بدون مسن والله الراحه فيه طبعاً على حسب اللي معك

لاعدمت طلتك يابعدي والله يعطيك العافيه ورده

إقتباس

الرسالة الأصلية كتبت بواسطة مــــهــــنــــد


	والله ياطويل العمر على حسب حاجتك أنت اللي يضيفني وهو مايهرج انجليزي مع أول تنظيف لقوائم الاتصال اشوته هههههههههه لكن بصراحة تجي أوقات تقول ياليتني كثرتهم ولا قعدت لحالي تحياتي ،،،،

هلا والله اخوي مهند

ياخي مفكر اضيفك بس دام لغتي متوسطه هونت وهذا شرط من شروط اضافتك

ان الشخص يكون يتكلم انقليزي

بالنسبه تكون فاااضي شلق بصل ماهو لازم مسن

لاعدمت طلتك يالغلى وكل الشكر لمرورك ورده

مــــهــــنــــد · #8 31/07/2008, 01:30 PM

والله ياطويل العمر على حسب حاجتك أنت

اللي يضيفني وهو مايهرج انجليزي مع أول تنظيف لقوائم الاتصال اشوته هههههههههه

لكن بصراحة تجي أوقات تقول ياليتني كثرتهم ولا قعدت لحالي

تحياتي ،،،،

القيصر رهيب · #9 31/07/2008, 01:41 PM

تو يوصلني خبر إن حقين ضراس ما يعرفون يختارون الوقت المناسب لطرح موضوع

الهلالي دائماً · #10 31/07/2008, 02:21 PM

76

هلا وغلا بالغالي ابو ياسر

والله يعطيك العافية على الموضوع الجميل ...

وبصراحة ها الموضوع خلاني اكسر حاجز الحياء وادمر شعور الخوف واخنق احاسيس الخجل

وأضيف الحبايب على الماسنجر

بس المشكلة اني ما ادخل ماسنجر الا في حدود مرتين اسبوعياً

من ناحية ما سنجري فيه معلن وفيه غير معلن

وكلهم ساحب عليهم ...

وانا اشوف ان الكثرة تغلب الشجاعة

لذلك قليل نافع خير من كثير ضار

شكرا ابو ياسر

ورده

ودمت بحفظ الله ورعايته ,,,

بريماكس · #11 01/08/2008, 01:51 PM

إقتباس

الرسالة الأصلية كتبت بواسطة ماجد مقبل


	76 هلا وغلا بالغالي ابو ياسر والله يعطيك العافية على الموضوع الجميل ... وبصراحة ها الموضوع خلاني اكسر حاجز الحياء وادمر شعور الخوف واخنق احاسيس الخجل وأضيف الحبايب على الماسنجر بس المشكلة اني ما ادخل ماسنجر الا في حدود مرتين اسبوعياً من ناحية ما سنجري فيه معلن وفيه غير معلن وكلهم ساحب عليهم ... وانا اشوف ان الكثرة تغلب الشجاعة لذلك قليل نافع خير من كثير ضار شكرا ابو ياسر ورده ودمت بحفظ الله ورعايته ,,,

هلا بك اكثر اديبنا الغالي ماجد

ياخي وش اقول وش اخلي ؟

ببالي شئ واجد بس خلني ساكت احسن

اخاف من فياض

يامرحبا والله .. ياخي من ناحية كسر الحواجز فهو كسر الحواجز بيننا

يكفي ولله الحمد اني اضفتك وخلاني اكسر الحاجز بيني وبينك

وجااري كسر الحواجز بيني وبين الاخرين

ماتتصور اني اكثر من مره ابضيفك بس احس بشئ يردني اقول كم لي معه بالمجلس

تقريباً سنتين وتوي اضيفه

وايضاً بقية الاعضاء

ياخي ماهي مسالة سوالف يومياً لازم موجود

يكفي بالاسبوع بالاسبوعين تسلم وتتطمن على الغالين والاعضاء

ويكفي تشوف ايميلاتهم معك بالمسن

بس بيني وبينك اللي يطول مايدخل البلوك ماهنا احسن منه

وبعدين ابومقبل ترى يوم تكلمن من جد مواصل احس اني مخبط بكلامي

يعني لاتشره

خل اكلمك بوقت اكون مصحصح فيه وابيك بسوالف يابعدي

سبحان الله ماكلمتك الا مره وحده واحس اني انسجمت معك وحبيتك وامون عليك مره

على فكره ابومقبل .. تصدق حبيت رقم 76

كل الشكر لك يا ادبينا الغالي ولاهنت على الطله الجميله

الله يعطيك العافيه ورده

بريماكس · #12 01/08/2008, 01:33 PM

إقتباس

الرسالة الأصلية كتبت بواسطة القيصر رهيب


	تو يوصلني خبر إن حقين ضراس ما يعرفون يختارون الوقت المناسب لطرح موضوع

هلا والله وغلا علي

ياخي مادريت اجي استشيرك بالوقت المناسب

ايه ضراس مايعرفون

بعدين ماعطيتنا رايك الله يجزاك خير .. يهمني رايك حول المسن و و و

بس الظاهر التفكير ماهب يمنا اليومين

الله يوفقك ياعلولي

لاعدمت هالطله يارهيب جامعة البترول ولا هنت .. الله يعطيك العافيه ورده

وليد القحطاني · #13 31/07/2008, 02:32 PM

أبو ياسر انا تحت امرك والله يحييك في اي وقت ..,

بس لا تقلي نطلع احد رفيدة

بريماكس · #14 01/08/2008, 02:12 PM

إقتباس

الرسالة الأصلية كتبت بواسطة وليد القحطاني


	أبو ياسر انا تحت امرك والله يحييك في اي وقت .., بس لا تقلي نطلع احد رفيدة

هلا وغلا ولووودي

--> مسوي يدلع هو ووجهه

ياحبيلك اقول

عارف والله ماتقصرون وانتم اهل جود وكرم

اذا طبيت عندكم ما راح اتردد بالاتصال عليك وقسم بالله يكفيني فخر وشرف شوفتك وجلسه معك

من ناحية طلعتنا لاحد رفيده فمن الان اقولك من شروطي نبي نروحله

تصدق ماعرفه بس انت اللحين فتحت باب مصكر ولازم اشوووفه

الله يعطيك العافيه يالغالي ورده

إقتباس

الرسالة الأصلية كتبت بواسطة MR.DL5


	هلا والله ابو هوساوي شف فيه ناس فاهمين الماسنجر غلط .. يحسب اذا اضفت ناس واجد خلاص تصير قوي انا والله صرت كل فترة اشوت كم واحد .. وصراحة ذا ازين حل لان فيه ناس مدري وش يبون بالحياة أجل واحد مضيفني يقول انا اعرفك واعرف وين ساكن .. قلت طيب وش اسوي لك ؟ بالاخير طلع يستظرف ولا يعرفني ولا شئ .. مثل ذا ودك تمسك الي معرفه على النت وعلى الماسنجر وتتوطى ببطنه هههههههههههههههههههههههههههه تصدق عاد كل ما طفشت وقفلت اخلاقي تذكرت سالفة هوساوي وضحكت تشرفت والله بمعرفتك اخوي إبراهيم .. واصلن منول وانا افكر اضيف كم واحد عندي بالمسن من المجلس .. لكن مستحي اضيفهم وش اقول ؟ ابي اتعرف ؟ تحياتي ,,