السلام عليكم ورحمة الله وبركاته

كيفكم ....؟

وكيف الاجازه معاكم.........؟

طبعاً أنا وأقولها في وجهيكم إني أنا ما أعرف أكتب مقدمات

الله يهدي أبوي وأخوي صدموني وبتقولون وش السالفه >>تحسبين الناس ملاقيف مثلك

تسمية بالجوالات

* السالفه الاولى :وأنا جالسه مع البابا وكان يقعد يسولف كالعاده (وهـ بس يا حبيييييله) قعدت أطالع

الاسامي بجواله ومالقيت اسمي ولا رقمي جربت أتصل ولقيت اسمي (أاام خالد)

سألته وليش حاطني هالاسم ......؟ قال والله أحسن يابنيتي قلت ليش ماتبي يعرفون اسمي اللي بفتح جوالك قعد يرقع قلت على الاقل سمني أم( سعود)وهـ يا حبي لها الاسم

* السالفه الثانيه : من لقافتي وشفت الاسم في جوال ابوي رحت شفت جوال اخوي

ولقيته مسميني أختي (ن) <<أول حرف من أسمي والله العظيم انقهرت منه واسأله

ليش يقول انو اخوياي من النوع الملاقيف ويفتحون الاسامي وماله داعي يعرفون

اسمكوهو وخشته المزيونه يقولي دلعيني بجوالك ومدلعته والله الشرهه مو عليه

على اللي يدلعه

قولي اسم امك واقولك اسم امي

* مره من المرات جايه بنت خالة امي لبيتهم وهي تصيح واخوها ضربها سألته خالتي

ليش ضربتها قال انها قالت لصاحبي اسمك واسم اختي وأنا ما أعرف أسم امه

واخواته ليش ما يعلمني الحين بيفشلني قدام أصحابي

*مره كنت راكبه مع اخوي السياره ومعي اختي الصغيره ومجلستها على رجليني

واخوي شاف صاحبه بالصدفه عند الاشاره اتصل وكلم صاحبه سأله الولد وقال مين

اللي معاك يقصد اختي الصغيره وقال اخوي امي واختي الصغيره وعصبت عليه

قلتله مكبرني 18 سنه عشان اصير امك قال ما ابي صاحبي يحط عينه عليك قلت من

زينك انت وصاحبك

الاسئله:

1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟

2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟

ياويلي من بنت عبود كتبت الموضوع واهي مسافره الله يوصلهم بالسلامه ياارب

وانشاء الله انا بانقطع عن المنتدى شهر من يوم الجمعه لأننا بنسافر

وانشاء الله الموضوع يكون حلو

الله الله بالردود

إقتباس الاسئله:

إقتباس 1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟

أنا اخواني ... اساميهم مثل ما هم ...

وابويه .... الرقم الأول : باباتي ... والرقم الثاني : الوالد ... والرقم الثالث : ابويه

إقتباس 2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟

اترك هالسؤال للأولاد ...

إقتباس ياويلي من بنت عبود كتبت الموضوع واهي مسافره الله يوصلهم بالسلامه ياارب

ان شاء الله ترد بالسلامة ...

إقتباس وانشاء الله انا بانقطع عن المنتدى شهر من يوم الجمعه لأننا بنسافر

أنا بعد ... بسافر ويوم الجمعه

اتروحين واتردين بالسلامة ...

ما سألتينا عن شو مسمين الأزواج والزوجات

لأنه انا بعد صار لي موقف ... انه ربيعتيه شلت موبايلي ... وقالت الا اشوف ريلج شو مسمتنه في موبايلج ... وشوية ويتصل ريلي ...

وطلع الرقم :
صاحب السمو يتصل بك ...
والرقم الثاني مسمتنه : وصفة الحب ( قلووووووووووووووووووب )


::

مشكورة ع الموضوع الحلوووو
ورده

إقتباس وانشاء الله الموضوع يكون حلو الله الله بالردود

الموضوع ... حلوووو
ومواقفج احلى واحلى ...

والردود : هذاني رديت اول وحده
كلللللللوووووووووووش

1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟

أنا ماحطيت إسمهم بس أرقامهم <<<ذكاء خارق


2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟

لو يطير أربع مرات و يرجع للأرض ما أقلووووووووووووووووووووووووووووووووووووووووووووووله

و مشكووورة اختى على الموضوع و إن شاء الله ترجعين بالسلامة يام خالد!!

1- اسميهم بأساميهم,,, الا اذا كان لها ولد أو بنت>>>يصير أناديها بأم...(ولدها أو بنتها الأكبر)))

2- اسم أمي مريم>>>>(عااااااااااااااااااااادي جدااااااا,, وما عندي أي مشكلة اذا تبون تنادوني يا ولد مريومة)).

,,,,,,,,الا وش اسم أمك, عشان قلتلك اسم أمي!!!!!!!!!!!!!!!!!!!

سلااام.

حلو موضوعك.


1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟
انا مسيهم بالمقلوب زي كذا مثلا "هرون" اللي هي نوره .
2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟
امي عادي بس خواتي نوووو. بس ما ازعل اذا في واحد عرف . قبل شهرين يوم كنت بثالث ثانوي واحد قال لخويه يا اخووحصه. كان بيبكي. ليه خير . بالعكس يفتخر فيها اخته ذي.

تشكرااااااااااات.


تشكرااااااااااات

أهلا ً بك
شخصيا ً لم أفكر بالمَوضْوع نِهائِيا ً
وحين قرآئتي للموضوع تسائلت عن السبب
ولكن جرت العَاده بالنسبة لي
بأن أحفظ أرقام المُقربين لي جدا ً سواء ً شقيقاتي أو أخواني
بعقلي ، بمعنى لم أحفظ أرقامهم بالجوال ..
بينما من لا أسعى للتواصل معهم بشكل متواصل
فـ أحفظ أرقامهم لأني بالتأكيد سـ َ أنسى أرقامهم بسبب عدم التواصل دائما ً
بينما أخوتي تواصلنا دائم وبالتالي أحفظ أرقامهم تلقائيا ً
وبالنسبة لـ ذكر أسمائهم أمام أصدقائي المُقربين لا أرى به ِ حرج
فـ ما المانع من ذلك ...!!
أما أمام الأصدقاء العاديين جدا ً
فـ لما أتحدث بأسمائهن أمامهم وهم مُجرد أصدقاء عاديين
بنت فهد
//
تروحين وترجعين بالسلامه .. وإجازه سعيده

والله موضووع حساس ..

بس بالنسبة لأخواتي في الجوال ..


عاتي مسميهم اساميهم .. بس بالإنجليزي ..


والوالدة ربي يحفظها .. مسميها امي ..


واشووف عادي ..


يعني لو دروا اسم اختك .


ضاع عرضك مثلاَ ..


استغفر الله ..


مع احترامي في ناس ماتدري كيف تفكر ..




بالأخير ..


تروحين وترجعين بالسلامة يارب ...




شاكر لك طرحك الحلو ..



ماننحرم من جديدك الرائع ..




كنت هناااا

إقتباس الرسالة الأصلية كتبت بواسطة بنت فهد 1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟

ابوي مسميه الغالي .. وآمي مسميها الغاليه ..( وبعض الاحيان اسميها جده عيالي < مشوار خخخخ )

اماا اخواني بآساميهم والمتزوج فيهم اسميه ابو فلآن

اماا خوات ما عندي الا اخت وحده متزوجه ولها عيال اسميها ام فلآن .

إقتباس الرسالة الأصلية كتبت بواسطة بنت فهد 2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟

لااااااااااا .. صح ان تخلف بس وش اسوي عآده عيت تروح ..!

إقتباس السلام عليكم ورحمة الله وبركاته

و عليكم السلام و الرحمه

إقتباس 1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟

أبوي مسميه ( الوالد ) و امي ( مامي )

إقتباس 2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟

أنا مو شايف اي مشاكل أو احراج ان الواحد يحكي اسم اخته أو اسم أمه وش المشكله بالموضوع ؟ يعني ايش راح يصير ؟ بس في بعض الشباب عندهم هالوضوع حساس جدا وانا مو شايف مشكله و كل على حسب تفكيره و عقليته

مشكوووره على الموضوع

موضوع جميل

لاكن للاسف فيه عادات ما تغيرت

مثل بعض الناس يستحي ان احد يعرف

اسم امه او اخته وقبل الناس تعزوا باسم

امهاتهم و خواتهم

اول شي السلام عليكم....
ثانيا ...
البنات الان مايكتبوا اسماء اخوانهم في الجولات...
ثالثا....يعني لازم اكتب اسم اختي الرباعي لاجل ابين لناس اني انسان واعي...
السبب..
ان اغلب الشباب مثلي عنده اصحاب ودايم خارجين مع بعض وكل يوم نلقى صاحب جديد لا نعرف طباعهم...
والجوال احتمال انساه عندهم..فنخاف بعضهم من قلة دينة ياخذ الارقام....

الافضل اسميه بدون اسم حفاظ عليه مو تخلف مثل مقال بعض الاشخاص...

أشكر كل اللي ردو

دلع

إقتباس الرسالة الأصلية كتبت بواسطة dal3_uae أنا اخواني ... اساميهم مثل ما هم ... وابويه .... الرقم الأول : باباتي ... والرقم الثاني : الوالد ... والرقم الثالث : ابويه اترك هالسؤال للأولاد ... ان شاء الله ترد بالسلامة ... أنا بعد ... بسافر ويوم الجمعه اتروحين واتردين بالسلامة ... ما سألتينا عن شو مسمين الأزواج والزوجات لأنه انا بعد صار لي موقف ... انه ربيعتيه شلت موبايلي ... وقالت الا اشوف ريلج شو مسمتنه في موبايلج ... وشوية ويتصل ريلي ... وطلع الرقم : صاحب السمو يتصل بك ... والرقم الثاني مسمتنه : وصفة الحب ( قلووووووووووووووووووب ) :: مشكورة ع الموضوع الحلوووو ورده الموضوع ... حلوووو ومواقفج احلى واحلى ... والردود : هذاني رديت اول وحده كلللللللوووووووووووش

هلا فيك شخبارك وش الدنيا بك

أما عن الازواج كنت بسأل بس لاني مو متزوجه فقلت ماراح اسأل لانو اغلب البنات مو متزوجات
بس ماشاء الله عليك ملقبته القاب حلوه طيب روحي شوفي جواله وش مسميك>>خراب بيوت

ع العموم تشرفت بردك يالغاليه


عز الهلال

إقتباس الرسالة الأصلية كتبت بواسطة عـز الهلال // و عليكم السلام ورحمه الله // .. و الله شوفي بـ النسبه لـ ذي الحركات .. انتهـت مـن أيـامـ الإبتدائـي اذكر كان [ فشيله ] الي ينتشر اسم امه !! مـع أن الرسول صلى الله عليه و سلم .. معروفه لنـا أسمـاء بنـاتـه و امـه .. !! ع العموووم أخوياي القريبين مني .. يعرفون كل شي عني ..!! لأنـي مـا أشوف فيهـا شي .. لكـن فيه نوعيه من الناس ما تحب تبين اشياء زي كذا ..!! .. ع العموووم تروحين وترجعين بـ السلامه إنتي ويا بنت عبدالله .. سلاميشو ...

يا هلا فيك
اما تقول حركات الابتدائي خالي رايح لثاني ابتدائي ويحكيلي عن صاحبه واقول سلمني عليه قول نجود تسلم عليك يقول تخيلي باقول بنت اختي <<حتى هالبزر في غيره

تشرفت بردك يالغالي

رجل من.......<<عجازه

إقتباس الرسالة الأصلية كتبت بواسطة رجل من عالم آخر 1- انتو وش مسمين اخواتكم بالجوال يعني اقصد حاطين اساميهم ولا ملقبينهم مثل اخوي وابوي ؟ أنا ماحطيت إسمهم بس أرقامهم <<<ذكاء خارق 2- الحين انتو عادي تقولون اسامي اخواتكم وأمكم عند اصحابكم مثل اللي في طاش ماطاش اللي يقول (أمي شفيأه وجنيت......) ؟ لو يطير أربع مرات و يرجع للأرض ما أقلووووووووووووووووووووووووووووووووووووووووووووووله و مشكووورة اختى على الموضوع و إن شاء الله ترجعين بالسلامة يام خالد!!

هلا فيك

اول شي انا انشاء الله ام سعود او فهد لا غير

اما الذكاء الخارق انا اشهد بس الى متى وانتو على هالحاله كبرو روسكم
تشرفت بردك يالغالي

إقتباس الرسالة الأصلية كتبت بواسطة AbadyGoal 1- اسميهم بأساميهم,,, الا اذا كان لها ولد أو بنت>>>يصير أناديها بأم...(ولدها أو بنتها الأكبر))) 2- اسم أمي مريم>>>>(عااااااااااااااااااااادي جدااااااا,, وما عندي أي مشكلة اذا تبون تنادوني يا ولد مريومة)). ,,,,,,,,الا وش اسم أمك, عشان قلتلك اسم أمي!!!!!!!!!!!!!!!!!!!

هلا فيك

والله شكلك مبسوط طلعت من الورطه

بس تعجبني العقليات اللي ماتهمه عرف اسم امه اولا

تشرفت بردك