ضاعت احلامي.. والسبب .. وعد كاذب!! اولا الف الف مبروك لكل الي طلعت اسمائهم في الترشيح يارب يتوفقون في حياتهم الجديده و عقابلنا يارب :( تم الترشيح ولم اجد اسمي من ضمن المرشحين من قبل وزراتنا الموقره >> حسبي الله تخيلو .. بلكريوس رياضيات و متخرجين دفعة 27 و مازلنا ننتضر التعيين و شكلها رح تطول اكثر المصيبه ان اغلب دفعتي مازلنا نتواصل و لم يتعين منا الا عدد قليل اقل بكثير من ربع المجموعه تخيلو :upset: و المصيبه الاكبر ان عيال اختي يدرسون في ابتدائيه والي يدرسونهم واحد مصري وواحد زول سوداني مادة الرياضيات و حنا ملطوعين ننتضر حضرة الوزير يتكرم علينا و يرشحنا و الطامه الكبرى لما يطلع المليص و صرح ان كل دفة 27 مضمون تعيينهم >> اخوكم راح يبي يخطب و يبي يتزوج و ينستر الشيب بدا يطق براسه لكن الصدمه لما مالقيت اسمي من بين المرشحين و ضاعت كل احلامي الورديه ولا فيه لا زواج ولا سياره ولا اي شي غير انتضر سنه جديده بهمومها و حسرتي في قلبي انا و الاف المتخرجين امثالي و السبب وعود كاذبه و لكن من يحاسب المقصرين ؟؟ اتمنى من كل شخص حصلت له مثل هالضروف و انحرم من فرصته في التعيين ان يقوم بارسال برقيه لبو متعب نوصل له صوتنا و معاناتنا والله لو يدري بحالنا كان خدمنا لكن ما يبينون سواد الوجه يغطون على فعايلهم اكبر دليل ان العدد الي تعين فقط 6424 وهم وعدونا ب اكثر من 13000 فرصه تعليميه وين العدد المتبقي ؟؟؟ اتمنى ان تكون الرساله وصلت و اعذروني على لغتي في كتابتي لكن انا كتبتها و انا مقهور و شايف حسرة امي على وجهها خاصة لما تفركش الزواج و البنت مارح تنتضرني اهلها بيزوجونها واحد جاهز مو ملزومين ينتضروني لين ما يتكرم علي الوزير و يوظفني .. |
الله يعوضك بأحسن منها يالغالي .., تذكر من ترك شيئاً لله عوضه الله خيراً منه .., الله يوفقك وإن شاء الله يتحقق اللي في بالك والله يعيننا على وزراتنا الموقرة :( لك ورده |
الله يوفقكـ وييسر دربكـ ويحقق لكـ الي تتمناه دنـــــــيا وآخـــــرهـ الله يكتب لـكـ اللي فيه الخير |
الله يعوضك بخير منها ويعوض أخوي بعد اللي بنسبة 91 وقاعد للحين في البيت ،،،،،،،،،،،،،،،،،،،،،،،،،،،،،،،،،،،،،،،،،،،،،،،، ورده |
لعلهـــا خيرهـ يا أخوك :stoned:..,, وأن شاء الله يمديك تخطب وتتزوج لسه توك شباب :d <يقاله يرفع معنويات :d الله يوفقك أخوي وين ما رحت :smilie47: تحيآآتي لكـ ورده ـــ |
لاحول ولاقوة الاباالله الله يكون بعون كل الشباب ويسهل لهم كل عسير فيه مثل يقوله العاميه دائما الي ماله واسطه نخلتن ماسطه يليت ينظر للامر بجديه شبابنا اصبح محبط لما يحصل له والاجنبي المفروض يمنع في مجال التدريس سوى حكوي اواهلي لانه ماشاء الله فيه اكتفى بمجال التعليم موضوع مهم بارك الله فيك اخي وسهل لك امر وضيفتك انت وجميع شباب وطني الغالي |
شكرا لكم عالردود والتفاعل الله يسهل دربنا و دربكم و ما تشوفون شر مامعنا غير الهلال ينسي الهموم الا والله غير كذا كله معاناه مع الوزاره حسبي الله ونعم الوكيل |
الله يعينك ويعيننا انتم السابقون وقريبا بنلحقكم والله شي يضيق الصدر بس وش نقوووول |
بالبداية اسأل ربي انه يعوضك ياعزيزي .. والله ياانا اعرف واحد تعين السنة ذي بعد سبع سنوات عجاف:razz: حاول تقدم على مدرسة اهلية .. منها تستفيد ومنها تقضي وقتك .. اتمنى لك كل خير ياعزيزي .. والله يعينك . براايفت .. لااله الا انت سبحانك اني كنت من الظالمين .. لم يدع به احد قط الا استجيب له .. كنت هناااا:smilie47: |
الـسلام عليكم ورحمـة الله وبركاتـه .. بدايـةً الله يـوفقك وييـسر أمـرك . والله الـواحـد ينغبـن لمـا يشـوف الأجـانب مـاسكيـن التعلـيم عنـدنـا ، والسـعوديين في بيـوتهم ! والأعـظم أنهم ينـادون بـ"السعـودة" وهـم آخـر من يـفكر فيهـا ! // عمـوماً أنـا سمـعت أن المـدرسـين الأجـانب هـذي آخـر سنـة لهم في السـعودية . وان كـان صحيح هـالكلام فـهو يـبشر بالخيـر ؛ خصـوصاً أن الإخـوة المصـريين مـاسكين الريـاضيـات عنـدنـا ، ورحيـلهم راح يـفك أزمـة أكـثر من 6000 سـعودي :) \\ الله يعيـنـك ويسـهل أمـرك . الله الله بـالدعـاء والإستـغفـار . يـقول الله تعـالى علـى لسـان نبيـه نوح عليه السلام : ( فـقُلت استغفـروا ربكـم إنّـه كــان غفـّاراً - يـرسل السـماء عليكم مدراراً - ويمـددكم بأموال وبنـين ويجعـل لكم جنـّات ويجعـل كم أنهـاراً ) . // الله يوفقنـا وايـّاك :) |
اللي يشوف هم غيره يهون عليه همه الله يعين الجميع وربك يسهلها |
الله يعينك يا خوي ويوفقك .. لكن لا تيأس عليك بسهام الليل وربي ما يخيب رجاك بأذنه تعالى .. |
الله يوفقك في الدنيا والآخره وتقبلوا تحياتي |
الله يوفقك ويرزقك ذيك والوظيفه وبنت الحلال بالتوفيق |
والله العظيم قهر :upset: نص مدرسين الرياضيات و الانجليزي اجانب ... سودانين و مصريين و سورين :upset: واخواننا و عيال عمنا و عيال ديرتنا وابناء الوطن من نفس التخصص قاعدين ينتظرون الوظايف :upset: المفترض انه اي اجنبي ينهى عقده اول مايتوفر خريج سعودي من نفس التخصص |
الوقت المعتمد في المنتدى بتوقيت جرينتش +3.
الوقت الان » 03:44 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd