هلا والله باحلى زعماء بالكورة الارضية

اخباركم عساكم بخير

فديتكم نكن نكن فردن فردن رجلن رجلن بنتن بنتن


طبعا كاتبها بالطريقة العروضية


ما لكم بهالسوالف



انا من سكان الرياض ...


كنت بالشرقية اتمشى واتغدى واتعشى

ومستانس ومبسوط ومرتاح

واروح واجي واطلع وانزل <<<<< اخلص علينا


وبدون سابق انذار او تحذير

جاء الخبر اللي ما ادري كم كان ماشي

تحسه طارق التايب يقود هجمة مرتدة

لقد عرض علي ان اذهب الى الجنوب شهرا كامل

طبعن انا ما عندي اي مانع لو يبوني اروح الخرطوم قلت قدام

بس اهم شي امشي بر وانا اسوق وما احد يركب قدام <<<< قلبت اسمي كمار

طبعن الجنوب من اربع سنوات ما طبيتها ولا فكرت ازورها هالسنة

بس الدنيا الله يكفيني شرها ما ادريي وش تبي <<< وش تبي هالجملة

طبعن مسكت الخط سبع المغرب وحضرت الرياض تسع الا ربع

رحت يم بيتنا اللي له بيبان واجد وفيه مكيفات والله اتكلم جد

تعشينا ونمنا وقمنا وصلينا ونمنا وصحينا الساعه تسع الصبح

فللت السيارة واخذت كم شريط حق الخط عشان اتونس

طبعن فيه ناس يحبون يعرفون وش الاشرطة

لان الفضول عندهم زايد

بس باخليهم يموتون حره ما باقلهم

مسكنا الخط بالضبط الساعه 12 <<< عايش مع سودانين انا

وصلنا الوادي العصر ع الاذان بالضبط بس كم الساعه باقي اسال اخوياي

واقلكم بعدين ....

اهم ما في السالفه كلها واللي خلتن اكتب الموضوع انا وصلنا ابها

لي الحين اسبوع وكم يوم

رحت يم خميس مشيط بس وين بالخميس ما ادري وين

الا اتفاجا .. وانصدم .. واندهش .. واستغرب .. وانذهل

ايعقل اننا بالقرن العشرين

يا ناس تحس ان البوري هم اللي صنعوه

تحس اول مرة يشوفون بوري ما ادري وش قصتهم

بس بصراحه عليهم جو خقققققققققققققققققققققققققققان

والله تحسك بابها مو بالخميس <<<

طبعن اجواء مثل هذي ما يبيلها الا ابو نايف ملك الفن

عاد تمسك خط سريع وجو زي كذا وتشطف سيارات وتسمع فرحة لقانا

طبعن خلال هذي الفترة فيه برنامج شعري بابها كان حلقته الاخيرة امس

طبعن الضيف مخاوي الليل يعني لازم احضر

وكالعاده الحضور كان عالي جدا ومعروف سبب الحضور

عاد حفل المفتاحه ما راح يتفوت بم اني موجود

بس يا شباب انا لاحظت ان كل شي عنهم كثير

مقاهي النت كثيرة .. المغاسل كثيرة .. الصيدليات كثيرة

صراف الراجحي كثير .. المستوصفات كثيرة

المطاعم كثير .. الناس كثير ..


احسهم مضغوطين ضغط


بس تبون العلم الصحيح

والله يا عليها جو ان ودك ما تطلع منها

يا ليت جوها بالرياض

والله لاسكن بالبر .. واتعشى بالجبل

بس به حاجه باسويها .. فيه شيخ اعتقد اسمه عبدالله الحواش

ابي اصلي عنده ..



بالله ممكن سوال يا اللي بالرياض والشرقيه

سمعت عندكم امطارثلوج الله يعينكم ع البرد القارس هههههههههههههههههههههههههههههههه


يقول مخاوي الليل

ان كان في حبك اجرام ارتكبته .. فانا كلي فخر باعظم جريمه

والله يا شباب الحب مشكلة تواجه الشعب السعودي

يجيك الواحد يحب ويكتب قصايد وهي ما تدري عنه ولا تدانيه بعيشة الله

والعكس صحيح طبعا

بصراحه اذا ابي اضخك اشوف واحد يحب والا وحده تحب

والله يا ني اضحك عليهم .. والله حفلات من جد ههههههههههههههههههههههههههههه


الحين ابي افهم شي اذا اتصلت ع واحد او وحده

وقلت اخبارك ان شاء الله بخير ليه تقول مرة ثانيه وش اخبارك

مسوي جبت كلمة جديدة يعني ههههههههههههههههههههههههههههههههههه

والله اللي يكلمني ويسوي هالحركة معي لاقله بخير ونعمه اخبارك انت

عمومن ما نطول عليكم

انا بغيت انسق الموضوع واسوي حركات بس يوم خلصت كتابه طفشت وتعبت

العذر والسموحه

باختم ببيت شعري لمخاوي الليل

ليلي عذاب .. عشت انا ليلي اعاني من العذاب